இருபது 20 போட்டிகளில் யாசிர் அரபாத் சாதனை

பாகிஸ்தான் கிரிக்கெட் அணியின் சகலதுறை ஆட்டக்காரரான யாசிர் அரபாத் கழகங்களுக்கிடையிலான இருபது 20 போட்டிகளில் 100 விக்கட்டுகளை வீழ்த்திய 2ஆவது வீரர் என்ற பெருமையை பெற்றுள்ளார்.
இங்கிலாந்து சசெக்ஸ் அணிக்காக தற்பொழுது விளையாடிவரும் அவர் நொட்டிங்கம்செயார் அணிக்கெதிரான போட்டியில் 4 விக்கெட்டுக்களை வீழ்த்தியதின் மூலமே அவர் அவ்விலக்கை எய்தினார்.

இவ் இலக்கை முதலில் எய்தியவர் அவுஸ்திரேலிய அணியின் டெர்க்னானிஸ் ஆவார்.

இது தொடர்பாக கருத்து தெரிவித்த அவர், தான் இதனை எட்டிய முதல் பாகிஸ்தானிய வீரர் என்ற வகையில் பெருமையடைவதாகவும் கூடிய விரைவில் பாகிஸ்தான் அணியில் இடம் பெற எதிர்பார்ப்பதாகவும் தெரிவித்துள்ளார்.

28 வயதான அரபாத் 2009 ம் ஆண்டிலிருந்து பாகிஸ்தான் அணியில் இடம் பெறவில்லை என்பதும் குறிப்பிடத்தக்கது.

எங்கட காலத்துல உது இல்லாம போச்சு இல்லாட்டா அம்பலத்தான் உதில ஒரு கரை கண்டிருப்பான் ...