வெளிச்சம் இல்லாதப்போது பச்சை நிறத்தில் ஒளிரும் முயல்கள் :)

**krishnaamma** · **krishnaamma** Tue Aug 13, 2013 9:42 pm

துருக்கி மற்றும் சீனாவை சேர்ந்த விஞ்ஞானிகள் வெளிச்சம் இல்லாத சமயத்தில் பச்சை நிறத்தில் ஒளிரும் முயல்களை உருவாக்கியுள்ளனர்.

துருக்கியில் உள்ள இஸ்தான்புல் ஹவாஸ் பல்கலைக் கழக நிபுணர்கள் மற்றும் அங்கு பணிபுரியும் உயிரியல் விஞ்ஞானிகள் முயலை கொண்டு மருத்துவ ஆராய்ச்சி ஒன்று மேற்கொண்டனர்.

இந்த ஆராய்ச்சியின்படி, மற்றொரு விலங்கிடமிருந்து ஒளிரும் மரபணுவை எடுத்து அதை தாய் முயலின் கருமுட்டைக்குள் செலுத்தினர். அது 2 குட்டிகளை ஈன்றது.

முயல் குட்டிகளை பரிசோதித்த ஆராய்ச்சியாளர்கள், அவை இரண்டும் வெளிச்சம் இல்லாத சமயத்தில் பச்சை நிறத்தில் ஒளிர்வதை கண்டனர்.

இதற்கு கருமுட்டையில் செலுத்தப்பட்ட மரபணுவே காரணம் எனக் கூறும் ஆராய்ச்சியாளர்கள், அந்த மறுபணுவை முயலின் இயற்கையான மரபணு ஏற்றுக்கொண்டதால் இந்த மாற்றம் சாத்தியமானது எனத் தெரிவித்தனர்.

நன்றி : வெப்துனியா