எப்போது கண்டெடுக்கும் இன்னொரு காந்தியை ?

**கா.ந.கல்யாணசுந்தரம்** · 28/02/2009

அகமும் புறமும்
என்னவென்று அறியாமலே
கலிங்கத்து பரணிக்கு
உரை எழுதுபவர்கள் !
நெல்லிக்கனியின்
சுவையறியாது
அதியாமானின்
வள்ளல்தன்மைக்கு
மகுடம் சூட்டுபவர்கள் !
ஆறாம் அறிவை
அடகுவைத்துவிட்டு
ஏழாம் அறிவை அலசுபவர்கள் !
இவர்களெல்லாம் ....
வெளிச்சத்துக்கு விளக்கு
ஏற்றுபவர்கள் !
வெளிச்சப்பார்வையில்
இவர்களெல்லாம்
இருளின் சொந்தக்காரர்கள் !
சமுதாயப் புத்தகத்தின்
முகவரியைக் கூட
படிக்கத் தெரியாத
சுயநலவாத
கூட்டமைப்பின்
கொள்கைச்செம்மல்கள் !
வாக்கு வங்கிகளை
கொள்ளையடித்து ....
மக்களாட்சியின் மகிமைக்கு
மலர்வளையம் வைப்பவர்கள்!
சுதந்திர தினம் ஆண்டுதோறும்
கொடியேற்றத்தில் மட்டுமே
கொண்டாடப்படுகிறது!
மதம் பிடித்த யானைகளாய்
சமுதாய சீர்கேடுகளை
கட்டவிழ்த்துவிடுவோரை
இனம்கண்டும் ...
ஆர்த்தெழாத மானுடம்
எப்போது கண்டெடுக்கும்
இன்னொரு காந்தியை ?

..........கா.ந.கல்யாணசுந்தரம்

**அருண்** · **அருண்** Thu Aug 15, 2013 1:27 pm

இன்றைய காலகட்டத்தில் மிகவும் கடினம் இன்று நாம் பணம் என்னும் மாயை பின்னால் அலைகிறோம்.
சமுதாய சீர்கேடுகள் நம் கண்முன்னே பத்தோடு பதின் ஒன்றாக வந்து செல்கிறது.

சுதந்திர தின வாழ்த்துக்கள் கவிதை மிக அருமை அய்யா.!

**Muthumohamed** · **Muthumohamed** Fri Aug 16, 2013 12:14 am

மிகவும் கஷ்டமான கேள்வி இது

அசோகன் · அசோகன் Fri Aug 16, 2013 4:12 am

அய்யா இங்கு இப்போது காந்தி இருந்தால் ஒன்று அவரை காந்தி நோட்டுக்கு அடிமையாக்கத் துடிப்பார்கள் அல்லது அரிவாளுக்கு இரையாக்கத் துடிப்பார்கள்.இப்போதைய நிலையில் நாட்டுக்குத் தேவை காந்தியும் அல்ல....சுபாஷ் சந்திர போசும் அல்ல.......நல்ல குடிமக்கள் தாம் என்பது எனது தாழ்மையான கருத்து........வாக்களிக்கும் நாளையும் மற்றொரு விடுமுறை தினமாகக் கருதி வாக்கு வங்கியை சரிவரப் பயன்ப்டுத்தாத குடிமகன்கள் இருக்கும் வரையில் மக்களாட்சி என்பது கேலிச்சித்திரமே.....இவர்களுக்கு சுதந்திர தினம் என்பது கூடுதலாக இனிப்புடன் கூடிய விடுமுறை மட்டுமே.............