அவசர சட்டம் வாபசுக்கு ஜனாதிபதியே காரணம்' : ராகுல் அல்ல!

**சிவா** · **சிவா** Sat Oct 05, 2013 10:22 am

புதுடில்லி: ''தண்டனை பெறும் மக்கள் பிரதிநிதிகளை பாதுகாக்கும் அவசர சட்டம், வாபஸ் பெறப்பட்டதற்கு, ஜனாதிபதி பிரணாப் முகர்ஜி தான் காரணமே தவிர; ராகுல் அல்ல,'' என்று பா.ஜ., மூத்த தலைவர் அத்வானி கூறியுள்ளார்.

தண்டனை பெற்ற எம்.பி., – எம்.எல்.ஏ.,க்களின் பதவிகளை பாதுகாக்கும் வகையில், மக்கள் பிரதிநிதித்துவ சட்டத்தில் திருத்தம் செய்த மத்திய அரசு, இது தொடர்பாக அவசர சட்டம் கொண்டு வந்தது. இதற்கு, காங்., துணைத் தலைவர் ராகுல் கடும் எதிர்ப்பு தெரிவித்தார். இது பெரும் பரபரப்பை ஏற்படுத்தியது.இதைத்தொடர்ந்து, அமெரிக்கா சென்று இருந்த பிரதமர் மன்மோகன் சிங், டில்லி திரும்பியதும், அவசர சட்டம் திரும்ப பெறப்பட்டது. அதே சமயம் ராகுலின் பேச்சு குறித்து,எதிர்க்கட்சிகள் கடுமையாக விமர்சனம் செய்தன. 'இவ்வளவு ஆன பின், மன்மோகன் சிங் சும்மா இருக்காமல், பதவியை ராஜினாமா செய்ய வேண்டும்' என எதிர்க்கட்சிகள் குரல் கொடுத்தன.ராகுலின் பேச்சுக்கு, காங்கிரசுக்குள் குறிப்பாக இளம் தலைவர்கள் மத்தியில் வரவேற்பு இருந்தது. அதே சமயம், மூத்த தலைவர்கள் மத்தியில் முணுமுணுப்பு இருந்தது. இதை சரிக்கட்டும் வகையில், ராகுல் தன் பேச்சுக்கு மன்னிப்பு கோரினார். 'உணர்வுகளை தான் பிரதிபலித்தேன். அதில் கடுமையான வார்த்தைகள் பயன்படுத்தியதை தவிர்த்து இருக்கலாம்' என்று குறிப்பிட்டு இருந்தார்.

இந்நிலையில், பா.ஜ., மூத்த தலைவர் அத்வானி, தன், 'டுவிட்டர்' சமூக வலைதள பக்கத்தில் எழுதியிருப்பதாவது:அவசர சட்டம் பெறப்பட்டதற்கு, முழு காரணம் ஜனாதிபதி பிரணாப் தான். ராகுல் அல்லவே அல்ல. அவசர சட்டத்திற்கு, கடந்த மாதம், 24ம் தேதி மத்திய அமைச்சரவை ஒப்புதல் அளித்த போது, எவ்வித எதிர்ப்பும் காட்டாத ராகுல், திடீரென, அவசர சட்டம் முட்டாள்தனமானது என, கூறியதற்கு காரணம் என்ன?அவசர சட்டத்திற்கு எதிராக, பா.ஜ., தலைவர்கள் அனைவரும், ஜனாதிபதியை சந்தித்து மனு கொடுத்தோம். 'இதற்கு ஒப்புதல் தரக்கூடாது' என, வலியுறுத்தினோம். இதையடுத்து, அவசர சட்டத்திற்கு எதிராக குரல் கொடுக்கும்படி ராகுலை, அறிவுறுத்தியது சோனியா தான்.இதன் மூலம், ராகுல், பிரதமரை மட்டுமல்ல, ஐ.மு., கூட்டணியையும் அவமதித்துவிட்டார். ராகுலின் செயல்பாட்டில் சோனியாவுக்கும் பங்கு உண்டு. சட்டம் திரும்ப பெறப்பட்டதற்கு, ஜனாதிபதி தான் முழு காரணம்.இவ்வாறு, அத்வானி குறிப்பிட்டுள்ளார்.

தினமலர்

**ayyasamy ram** · **ayyasamy ram** Sat Oct 05, 2013 10:36 am

நல்ல நாடகம்...
அரசியலில் திருப்பு முனையை ஏற்படுத்துமா என்று
பார்க்கலாம்...

**சிவா** · **சிவா** Sat Oct 05, 2013 10:41 am

ayyasamy ram wrote:நல்ல நாடகம்...
அரசியலில் திருப்பு முனையை ஏற்படுத்துமா என்று
பார்க்கலாம்...

நாடகமன்றி வேறேது! ஆனால் மக்களுக்கு சீரியல்களில் வரும் நிகழ்வுகளும், டாஸ்மாக்கில் ஜில்லென்று சரக்கு இல்லை என்ற கவலையைத் தவிர வேறு கவலையில்லை!

**ராஜா** · **ராஜா** Sat Oct 05, 2013 12:06 pm

சிவா wrote:
ayyasamy ram wrote:நல்ல நாடகம்...
அரசியலில் திருப்பு முனையை ஏற்படுத்துமா என்று
பார்க்கலாம்...
நாடகமன்றி வேறேது! ஆனால் மக்களுக்கு சீரியல்களில் வரும் நிகழ்வுகளும், டாஸ்மாக்கில் ஜில்லென்று சரக்கு இல்லை என்ற கவலையைத் தவிர வேறு கவலையில்லை!

அவசர சட்டம் வாபசுக்கு ஜனாதிபதியே காரணம்' : ராகுல் அல்ல! 3838410834

**சிவா** · **சிவா** Sat Oct 05, 2013 12:07 pm

ராஜா wrote:
சிவா wrote:
ayyasamy ram wrote:நல்ல நாடகம்...
அரசியலில் திருப்பு முனையை ஏற்படுத்துமா என்று
பார்க்கலாம்...
நாடகமன்றி வேறேது! ஆனால் மக்களுக்கு சீரியல்களில் வரும் நிகழ்வுகளும், டாஸ்மாக்கில் ஜில்லென்று சரக்கு இல்லை என்ற கவலையைத் தவிர வேறு கவலையில்லை!

எதற்கு அருமை?
உங்கள் பிரச்சனை குறித்து கூறியுள்ளேன் என்பதற்கா? (ஜில்லென்று சரக்கு இல்லை) அய்யோ, நான் இல்லை