ஒற்றையடி பாதை

**ayyasamy ram** · **ayyasamy ram** Sat Oct 05, 2013 8:47 pm

ஒற்றையடி பாதையென்று
மெத்தனமாய் எண்ணாதீர்
வெற்றி வழி கண்டவர்கள்
விட்டுச் சென்ற தடயம் நான்.
-
முற்றுமில்லை முதலுமில்லை
நாளொரு நீளம் நகர்ந்தேன் நான்.
தேவர்களால் விரிக்கப்படவில்லை
நடந்தவர்களால்
உருவாக்கப்பட்டேன்.
-
முட்புதர்களுடன் மோதியவர்கள்
எழுதி முடித்த இதிகாசம் நான்!
வகுத்தவர்கள்
வழி நடத்துகின்றார்
பின் தொடர்ந்தவர்கள்
நிழற் குடைகள் தந்தார்.
மருகி நின்றோர்
முடங்கிவிட்டார்.
தயக்கம் கொண்டார்
தேக்கம் கண்டார்.
-
மலர் அலங்கரிக்கும் சாலைகளுக்கு
பெரிய இலக்குகள் இருப்பதில்லை.
நிழலும் வெயிலும்
பயணத்தில் பாதிப் பாதி
இயலும் இயலும்
இன்னும் எல்லைகள் விரிக.
சில வேளைகளில்
பல வேடங்களில்
உங்களை நீங்களே
என்னால் சந்திக்க நேரிடும்!
சீராகத் தேரோடுவதில்லை
நேரான பாதைகளும்
ஊர் போவதில்லை.
தர்மமும், அநீதியும்
சத்தியமும், சங்கடமும்
சந்திக்கும் பொழுதிலெல்லாம்
நெளிந்து வளைகின்றேன்,
எனக்கும் வேறு வழியில்லை!
மூளையின் கூர்முனை
விரல்கள் விரட்டும்.
ஆயினும்
-
இதயக் காற்றின் திசையே வீசுங்கள்.
மேடு பள்ளங்கள் கண்டு துவளாதீர்
மேன்மைகள் இதோ விளிம்பில்தாம்
நேற்றைய பொழுது முள் என்றால்
இன்றைய சோலை பூத்திருக்கும்.
நெடுந்தூரப் பயணம் என்றாலும்
பழகும் பாதம் என்றாலும்

நடை போட நீ வந்தால்
உறுதுணையாய்
ஒற்றையடி பாதை
நானுண்டு!
-
=============================
- கற்பகம் இளங்கோவன்.

_________________

அசுரன் · அசுரன் Sat Oct 05, 2013 11:45 pm

உண்மைதான். ஒருமுறை நெல்லையில் நான் வழிதவறியபோது உதவிய ஒற்றையடி பாதையை மறக்க இயலாது.

யினியவன் · யினியவன் Sun Oct 06, 2013 2:13 am

நல்லாருக்கு கவிதை

(பரவால்ல ஒத்த அடி தான் - நிறைய நமக்கு விழாது)

அசுரன் · அசுரன் Sun Oct 06, 2013 2:14 am

யினியவன் wrote:நல்லாருக்கு கவிதை

(பரவால்ல ஒத்த அடி தான் - நிறைய நமக்கு விழாது)

அடடா அண்ணே உதைய பற்றி சொல்றாரு புன்னகை

யினியவன் · யினியவன் Sun Oct 06, 2013 2:15 am

நமக்கு நம்ம பிரச்சினை - சரிதானே அசுரன்? புன்னகை

அசுரன் · அசுரன் Sun Oct 06, 2013 2:41 am

யினியவன் wrote:நமக்கு நம்ம பிரச்சினை - சரிதானே அசுரன்?

Sponsored content · Sponsored content

ஒற்றையடி பாதை

ஒற்றையடி பாதை

Re: ஒற்றையடி பாதை

Re: ஒற்றையடி பாதை

Re: ஒற்றையடி பாதை

Re: ஒற்றையடி பாதை

Re: ஒற்றையடி பாதை

Re: ஒற்றையடி பாதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக