ஈகரை தமிழ் களஞ்சியம்



உறுப்பினராக இணையுங்கள்
உள்நுழைய இங்கு அழுத்தவும்
புதிய இடுகைகள்
ராஜமுத்திரை -சாண்டில்யன்
 sukumaran

நாவல் மழை-தமிழ்நேசன்-தொடர்பதிவு
 Jeevi

Cinema 04.12.17 malayalam magazine
 Meeran

வேலன்:-வீடியோ பைல்களை GIF பைல்களாக மாற்ற
 velang

உடல் காட்டும் அறிகுறிகள்!
 ayyasamy ram

'பத்மாவதி' திரைப்பட எதிர்ப்பு
 ayyasamy ram

‘சைவ’ பவனாக மாறிய ‘ராஜ் பவன்’ கவர்னர் பன்வாரிலால் புரோகித் அதிரடி
 ayyasamy ram

‘சினிமாவில் ஆண்களும் பாலியல் தொல்லையை சந்திக்கின்றனர்’ நடிகை ராதிகா ஆப்தே பரபரப்பு பேட்டி
 ayyasamy ram

TNPSC & TET & VAO - Current Affairs - 2017
 Meeran

பாலஜோதிடம் சினிக்கூத்து
 Meeran

5 நாட்களில்  65லட்சம் வியூஸ்! 60 ஆயிரம் ஷேர்ஸ் !: ஒரு குறும்படம் நிகழ்த்திய புதிய சாதனை
 ayyasamy ram

சூரியக் குடும்பத்தின் முதல் வேற்றுலக விருந்தாளி
 Dr.S.Soundarapandian

மாம்பழ சர்பத்
 Dr.S.Soundarapandian

118 நாடுகள் பங்கேற்ற போட்டியில் இந்தியாவின் மனுஷி சில்லர் உலக அழகி பட்டம் வென்றார் : 17 ஆண்டுக்கு பின் சாதனை
 ayyasamy ram

ஓர் அன்பு முத்தம் ! (ஸ்காட்லாந்து நாட்டுப்புறப் பாடல்)
 ayyasamy ram

தம்மபதம்- திரு யாழன் ஆதி
 ajaydreams

வறட்சியும், விவசாயமும்
 Dr.S.Soundarapandian

சமைக்கும்போது மட்டும் குடிக்கமாட்டார்...!!
 Dr.S.Soundarapandian

துளசி நீர் முதல் பழங்கஞ்சி வரை நோய்கள் தடுக்கும், ஆரோக்கியம் காக்கும் இயற்கை குடிநீர்கள்!
 Dr.S.Soundarapandian

மலைகளின் நகரம்
 Dr.S.Soundarapandian

வரிசையாய் எறும்புகள்
 Dr.S.Soundarapandian

ஒரே மோட்டார் பைக்கில் 58 இந்திய ராணுவ வீரர்கள் பயணித்து கின்னஸ் சாதனை
 Dr.S.Soundarapandian

சுகாதார வசதி கிடைக்காத நாடுகள் பட்டியலில் இந்தியாவுக்கு முதலிடம்
 Dr.S.Soundarapandian

டிசம்பர் 16ம் தேதி காங்கிரஸ் தலைவராகிறார் ராகுல் காந்தி
 Dr.S.Soundarapandian

மாணிக்கவாசகரரின் இயற்பெயர் வாதவூரார் ...
 Dr.S.Soundarapandian

இளைஞர்களை உறவுக்கு கட்டாயப்படுத்தும் நாடு: பாடதிட்டமும் அறிவிப்பு!
 Dr.S.Soundarapandian

3டி கண் விழி போன்று காட்சியளிக்கும் உலகின் அல்டிமேட் நூலகம்:
 ayyasamy ram

ஓம் வடிவத்தில் விநாயகப்பெருமானின் திருவுருவம்
 ayyasamy ram

சென்னை யூனிசெஃப்பின் நல்லெண்ண தூதராக நடிகை த்ரிஷா நியமனம்
 ayyasamy ram

நாணயம் விகடன் 26/11/17
 Meeran

கான்கிரீட் காட்டில் 07: பால் குடித்த புழு!
 பழ.முத்துராமலிங்கம்

`நமக்கும் மேலே ஒருவன்... அவனே உள்ளிருக்கும் இறைவன்’ - ஆவுடையார் கோயில் அதிசயங்கள்!
 பழ.முத்துராமலிங்கம்

பஆஸி., அருகே பயங்கர நிலநடுக்கம் : தீவுகளை தாக்கும் சுனாமி அலைகள்
 பழ.முத்துராமலிங்கம்

குமுதம் லைஃப் 22/11/17
 Meeran

ஆதார் தகவல்களை வெளியிட்ட 210 அரசு இணையதளங்கள்
 ayyasamy ram

ஜேர்மனியால் தமிழ்நாட்டின் ஒரு மாவட்டத்துக்கு மட்டும் கிடைக்கப்போகும் ரூ.500 கோடி
 பழ.முத்துராமலிங்கம்

இன்றைய நியூஸ் பேப்பர் 20/11/17
 Meeran

கதாபாத்திரத்திற்காக மொட்டையடித்த, பூர்ணா!
 ayyasamy ram

நடிகரானார் கவுதம் மேனன்!-
 ayyasamy ram

சுபாஷ் சந்திரபோஸ் வேடத்தில் ராணா!
 ayyasamy ram

பனாஜி-பெயர்க்காரணம்
 ayyasamy ram

சினிமா செய்திகள் - தொடர் பதிவு
 ayyasamy ram

வர்மக்கலை சூட்சும இரகசியங்கள்
 Meeran

வாழ்வியல் எது? - கவிதை
 Dr.S.Soundarapandian

பழைய இரும்புச்சத்து மாத்திரைகளுக்கு பேரீச்சம்பழம்...!!
 Dr.S.Soundarapandian

தொட்டனைத்து ஊறும் அமிழ்தம் 54: பழங்குடிகளின் பாங்கமைப்பு
 Dr.S.Soundarapandian

நமது பாரம்பரியம் அனுபவ வைத்தியம்
 Meeran

பழமொழிகள் உணர்த்தும் ஆரோக்கிய ரகசியங்கள்!
 Dr.S.Soundarapandian

அமெரிக்காவின் சியாட்டில் நகர துணை மேயராக சென்னைப் பெண் தேர்வு!
 ayyasamy ram

சினி துளிகள்!
 ayyasamy ram

`பாஸ்கர் ஒரு ராஸ்கல்' படத்தில் ஆண்ட்ரியா பாடியுள்ளார்
 ayyasamy ram

தொட்டனைத்து ஊறும் அமிழ்தம் 55: விடாது தொடரும் பரவல்
 பழ.முத்துராமலிங்கம்

ஆளுமை மேம்பாடு: உணர்ச்சிகளை வெளிப்படுத்துவது எப்படி?
 பழ.முத்துராமலிங்கம்

தமிழக, கேரள காடுகளில் அதிகம் காணப்பட்டது வம்சநாச அச்சுறுத்தலில் ‘நீலகிரி கடுவா’
 பழ.முத்துராமலிங்கம்

தொட்டனைத்து ஊறும் அமிழ்தம் 58: குறிஞ்சியில் உழவில்லா வேளாண்மை!
 பழ.முத்துராமலிங்கம்

வெளியானது 'ஒரு பக்க கதை' படத்தின் ட்ரைலர்!
 Dr.S.Soundarapandian

எந்த கட்சி ஆட்சிக்கு வருதோ, அதுதான் நம்ம கட்சி...!!
 Dr.S.Soundarapandian

கடத்தல்காரர்களிடம் இருந்து மீட்கப்பட்டு குப்பையில் போடப்பட்ட சிலைகள்
 Dr.S.Soundarapandian

பவாரியா கொள்ளையர்களைத் தெரியுமா? - 'தீரன்' உண்மை பின்னணி இதுதான்!
 பழ.முத்துராமலிங்கம்

மொசாம்பிக்கின் தேசிய கீதம் ! (மொழிபெயர்ப்பு)
 Dr.S.Soundarapandian

மின்னூல்கள் தரவிறக்கம்

























Admins Online

உலகச் செய்திகள்!

Page 23 of 26 Previous  1 ... 13 ... 22, 23, 24, 25, 26  Next

View previous topic View next topic Go down

உலகச் செய்திகள்!

Post by சிவா on Tue Nov 12, 2013 3:05 pm

First topic message reminder :

 தென் ஆப்பிரிக்காவில் பஸ் விபத்தில் 29 பேர் பலி



ஜோகன்ஸ்பர்க், தென் ஆப்பிரிக்கா நாட்டின் கிழக்கே அமைந்துள்ள மபுமாலாங்கா மாகாணத்தில் நேற்று  நள்ளிரவு பஸ்சும், லாரியும் பயங்கரமாக மோதின. அதில் 29 பேர் பரிதாபமாக செத்தனர். மேலும் பலத்த காயம் அடைந்த 18 பேர் மீட்கப்பட்டு மருத்துவமனைகளில் சேர்க்கப்பட்டனர்.இந்த விபத்துக்கான காரணம் தெரியவில்லை. பொதுவாக தென் ஆப்பிரிக்காவில் சாலை விபத்துகளில் ஆண்டுக்கு 14 ஆயிரம் பேர் இறப்பதாகவும், அதற்கு சாலை சரிவர பராமரிக்காமல் இருப்பதே காரணம் என்று கூறப்படுகிறது.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down


Re: உலகச் செய்திகள்!

Post by சிவா on Wed Apr 29, 2015 5:05 pm

நைஜீரியாவில் போகோஹரம் தீவிரவாதிகளால் கடத்தப்பட்ட 200 சிறுமிகள் மற்றும் 93 பெண்கள் மீட்பு

நைஜீரியாவில் போகோஹரம் தீவிரவாதிகளால் கடத்தப்பட்ட 200 சிறுமிகள் மற்றும் 93 பெண்கள் மீட்கப்பட்டனர்.

நைஜீரியாவில் ஒரு குறிப்பிட்ட அரசை உருவாக்க வலியுறுத்தி போகோ ஹரம் தீவிரவாதிகள் தொடர்ந்து நாசவேலைகளில் ஈடுபட்டு வருகிறார்கள். குறிப்பாக சிறுமிகளையும், பெண்களையும் அவர்கள் கடத்துவதோடு, ராணுவம் மீது தொடர்ந்து தாக்குதல் நடத்தி வருகிறார்கள். தீவிரவாதிகளை ஒடுக்கும் நடவடிக்கையில் நைஜீரிய ராணுவத்துடன் அண்டை நாடுகளான நைஜர், கேமரூன் நாடுகளின் ராணுவமும் ஈடுபட்டு வருகிறது. இதனால் அண்டை நாடான நைஜரிலும் தீவிரவாதிகள் தாக்குதலில் ஈடுபட்டு வருகிறார்கள்.

இந்தநிலையில் லேக் சாத் பகுதியில் உள்ள கரம்காவில் தீவிரவாதிகளுக்கும், நைஜர் ராணுவத்தினருக்கும் இடையே கடும் சண்டை நடந்தது. இதில் 156 தீவிரவாதிகள், 46 ராணுவ வீரர்கள், 28 அப்பாவி பொதுமக்கள் என மொத்தம் 230 பேர் பலியாகினர். 32 பேரை காணவில்லை என்று நைஜர் நாட்டு உள்துறை மந்திரி தெரிவித்துள்ளார். இதற்கிடையே நைஜீரியாவில் உள்ள சாம்பிசா வனப்பகுதியில் நைஜீரிய ராணுவம் தீவிரவாதிகளுடன் சண்டையில் ஈடுபட்டனர். அப்போது அங்கு அடைத்து வைக்கப்பட்டு இருந்த 200 சிறுமிகள் மற்றும் 93 பெண்களை மீட்டனர். மீட்கப்பட்டவர்கள் கடந்த ஆண்டு ஏப்ரல் மாதம் சிபோக் பள்ளிக்கூடத்தில் இருந்து கடத்திச்செல்லப்பட்ட சிறுமிகள் இல்லை என்று ராணுவம் தெரிவித்துள்ளது.

நைஜீரியாவின் சிபோக் நகரில் உள்ள ஒரு பள்ளிக்கூடத்தில் தேர்வு எழுதிக்கொண்டு இருந்த 200-க்கும் மேற்பட்ட மாணவிகளை கடந்த ஆண்டு ஏப்ரல் மாதம் தீவிரவாதிகள் கடத்திச்சென்றனர். இந்த கடத்தல் சம்பவம் உலக நாடுகளை அதிர்ச்சியில் ஆழ்த்தியது. உலக நாடுகள் கடும் கண்டனம் தெரிவித்தன. அவர்களை மீட்கும் நடவடிக்கையில் நைஜீரிய ராணுவத்துடன் பல்வேறு நாடுகளின் படை வீரர்களும் ஈடுபட்டு வருகிறார்கள். ஆனால் மாணவிகள் கடத்தப்பட்டு ஓராண்டு ஆன நிலையில் இதுவரை அவர்களை மீட்கும் முயற்சியில் எந்தவித முன்னேற்றமும் இல்லை. தொடர்ந்து ராணுவம் தீவிரவாதிகளுக்கு எதிராக நடவடிக்கை எடுத்து வருகிறது.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by சிவா on Fri May 01, 2015 10:46 pm

27 தீவிரவாதிகள் கொன்று குவிப்பு, தீவிரவாதிகளின் மறைவிடங்கள் தரைமட்டம், பாக். ராணுவம் அதிரடி

பாகிஸ்தானில் ராணுவத்துக்கும், தீவிரவாதிகளுக்கும் இடையே கடும் சண்டை நடந்தது. இதில் 27 தீவிரவாதிகள் கொல்லப்பட்டனர். 5 வீரர்களும் உயிரிழந்தனர்.

பாகிஸ்தானில் கைபர் ஏஜென்சி பகுதி, பழங்குடி இனத்தவர் திரளாக வசிக்கிற 8 பிரதேசங்களில் ஒன்றாகும். இங்கு பாகிஸ்தான் தலீபான், லஷ்கர் இ இஸ்லாம், தெக்ரிக் இ நபாஸ் இ ஷரியத் இ முகமதி, ஜமாத் உல் அஹ்ரார் உள்ளிட்ட இயக்கங்களை சேர்ந்த தீவிரவாதிகள் ஆதிக்கம் செலுத்தி வருகிறார்கள். இங்கு தீவிரவாதிகளை ஒடுக்குவதற்கு பாகிஸ்தான் ராணுவம் தொடர் நடவடிக்கை எடுத்து வருகிறது. அமெரிக்காவும் அவ்வப்போது ஆளில்லா விமானங்களை அனுப்பி தாக்குதல் தொடுத்து வருகிறது.

அங்கு தீவிரவாதிகளின் பிடியில் உள்ள டைரா பள்ளத்தாக்கு பகுதியில் அமைந்துள்ள கார்ஹி கமர் கேல், நாகை மலிக்தீன் கேல், ஜர்மான்சா, தாவா தோ, டாங்கு, மெஹ்ராபான் கலாய், காயிஸ்ட், தார்கோ காஸ், மைலு, தோர் தாரா, மலகாபாத் ஆகிய இடங்களில் பாதுகாப்பு படையினர் நுழைந்தனர். இந்த பகுதிகள் அனைத்தும் பாகிஸ்தான் தலீபான் தீவிரவாத இயக்கத்தின் தாரிக் அப்ரிடி குழுவின் கட்டுப்பாட்டில் கடந்த 2010-ம் ஆண்டு முதல் இருந்து வருகின்றன. இங்கு ராணுவத்தினர் நுழைந்ததை தொடர்ந்து, கடந்த 4 நாட்களாக தீவிரவாதிகளுக்கும், பாதுகாப்பு படையினருக்கும் இடையே கடும் சண்டை நடந்து வந்தது.

நேற்று இரு தரப்பினருக்கும் இடையே சண்டை வலுத்தது. தீவிரவாதிகளுக்கு எதிராக ராணுவத்தினருடன், பீரங்கி தாக்குதல், வான்வழி தாக்குதல் என பலமுனை தாக்குதல் தொடுக்கப்பட்டது. இதன் முடிவில் 27 தீவிரவாதிகள் கொல்லப்பட்டனர். தீவிரவாதிகளின் மறைவிடங்கள் தகர்க்கப்பட்டன. பாதுகாப்பு படையினரில் கேப்டன் அஜ்மல் உள்ளிட்ட 5 பேர் உயிரிழந்தனர். தொடர்ந்து சிராவில்லா, வாச்சாய் வேனி பகுதிகளில் தீவிரவாதிகளை குறி வைத்து பீரங்கி தாக்குதல் நடந்து வருவதாக தகவல்கள் கூறுகின்றன.

இந்த தாக்குதல்களால் நிலை குலைந்து போயுள்ள தீவிரவாதிகள் ஆப்கான் எல்லையில் உள்ள செர்ஹாய், ராஜ்குல் பகுதிகளில் தஞ்சம் புகுந்து வருவதாக தெரிய வந்துள்ளது. தீவிரவாதிகளின் 10 மறைவிடங்கள் தரைமட்டம் ஆக்கப்பட்டது என்றும் தெரிவிக்கப்பட்டு உள்ளது.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by சிவா on Fri May 01, 2015 10:58 pm

அமெரிக்க விண்வெளி ஆராய்ச்சி அமைப்பு நாசா, புளூட்டோ கிரகத்தை ஆராய்வதற்கு நியூ ஹாரிசான்ஸ் என்ற விண்கலத்தை அனுப்பியுள்ளது. அந்த விண்கலம் படம் எடுத்து அனுப்பி உள்ளது. அதில் புளூட்டோவின் மேற்பரப்பில் வியக்கத்தக்க அளவுக்கு வெளிச்சமும், கருப்பு திட்டுக்கள் காணப்படுவதும் தெரிய வந்துள்ளது.

* தென் கொரியாவில் ஒரு தனியார் ஆலையில் நடந்த கட்டுமானப் பணியின்போது, நைட்ரஜன் கியாஸ் கசிவு ஏற்பட்டது. இதில் 3 தொழிலாளர்கள் உயிரிழந்தனர்.

* பால்டிமோரில் போலீஸ் காவலில் கருப்பின வாலிபர் கொல்லப்பட்டது தொடர்பாக நியூயார்க்கில் நடந்த கண்டன போராட்டத்தில் 60 பேர் கைது செய்யப்பட்டனர்.

* வடகொரியாவில் அணுகுண்டுகள் தயாரிப்பதற்கு தேவையான மூலப் பொருட்களை வழங்கக்கூடிய அணு உலை ஒன்று மீண்டும் இயங்கத் தொடங்கி இருக்கிறது. இது செயற்கைக் கோள் படம் மூலம் தெரிய வந்துள்ளது.

* பிரேசில் நாட்டில் ஓய்வூதிய திட்டத்தில் கொண்டு வரவுள்ள மாற்றத்துக்கு எதிர்ப்பு தெரிவித்து, கியூரிட்டிபா நகரில் ஆசிரியர்கள் கண்டன போராட்டம் நடத்தினர். அப்போது அவர்களுக்கும், போலீசாருக்கும் இடையே மோதல் வெடித்தது. இதில் 100 பேர் காயம் அடைந்தனர்.

* இங்கிலாந்தில் 7-ந் தேதி பாராளுமன்ற தேர்தல் நடக்கிறது. அங்கு தொடர்ந்து கருத்துக்கணிப்புகள் நடத்தப்பட்டு அதன் முடிவுகள் வெளியாகி வருகின்றன. சமீபத்திய கருத்துக்கணிப்பில் ஆளும் கன்சர்வேடிவ் கட்சி, எதிர்க்கட்சியான தொழிலாளர் கட்சியை விட ஒரு சதவீத ஆதரவை அதிகமாக பெற்றிருப்பது தெரிய வந்துள்ளது.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by சிவா on Tue May 05, 2015 12:56 am


* அமெரிக்காவின் நியூயார்க் நகர போலீஸ் அதிகாரி பிரையன் மூரே (வயது 25), சுடப்பட்டார். தலையில் குண்டு பாய்ந்ததால், அவரது நிலைமை கவலைக்கிடமாக உள்ளது. அவரை சுட்ட ஆசாமி கைது செய்யப்பட்டு விசாரிக்கப்படுகிறார்.

* ஈராக்கிலும், சிரியாவிலும் ஐ.எஸ். தீவிரவாதிகளை குறிவைத்து சனிக்கிழமையுடன் முடிந்த 24 மணி நேரத்தில் அமெரிக்க கூட்டுப்படைகள் 24 வான் தாக்குதல்களை நடத்தி உள்ளன. அவற்றில் 17 தாக்குதல்கள் சிரியாவிலும், 7 தாக்குதல்கள் ஈராக்கிலும் நடத்தப்பட்டுள்ளன. சேத விவரங்கள் குறித்து தகவல் இல்லை.

* பாகிஸ்தானில் கயிர்பூர்நாதன்ஷா புறவழிச்சாலையில், திருமண கோஷ்டியினர் சென்ற பஸ், உயர் மின் அழுத்த மின்சார கேபிள் உரசி தீப்பிடித்து எரிந்தது. இதில் 7 பெண்கள், 3 குழந்தைகள் உள்பட 11 பேர் உடல்கருகி உயிரிழந்தனர். 34 பேர் படுகாயம் அடைந்தனர். மணப்பெண்ணும், மணமகனும் வேறு ஒரு வாகனத்தில் பயணம் செய்ததால் தப்பித்தனர்.

* ஈராக்கில் மொசூல் அருகே பிடித்து வைத்திருந்த 300 யாஜ்டி இன மக்களை ஐ.எஸ். தீவிரவாதிகள் சுட்டுக்கொன்று விட்டதாக பதற வைக்கும் தகவல் வெளியாகி உள்ளது.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by சிவா on Sun May 10, 2015 2:07 am

* மலேசிய எதிர்க்கட்சி தலைவர் அன்வர் இப்ராகிம், ஓரினச்சேர்க்கை குற்றச்சாட்டின் பேரில் கடந்த பிப்ரவரி முதல் சிறையில் அடைக்கப்பட்டுள்ளார். இந்த நிலையில் அங்கு நடந்த இடைத்தேர்தலில் அவரது மனைவி வான் அசிசா, ஆளுங்கட்சி வேட்பாளரான சுகெய்மி சபுதினை வீழ்த்தி வெற்றி பெற்றார்.

* பாகிஸ்தானில் சிந்து மாகாணத்தில் வசிக்கும் இந்துக்களை வழிபாடு செய்ய விடாமல் தடுப்பதாகவும், அவர்களுக்கு தொடர்ந்து தொல்லை கொடுப்பதாகவும் மற்றொரு பிரிவினர் மீது இந்துக்கள் குற்றம் சாட்டி வருகின்றனர். இதை கண்டித்து அங்குள்ள மெராப்பூரில் இந்துக்கள் கண்டன போராட்டம் நடத்தினர்.

* பிலிப்பைன்சின் வடகிழக்கு கடற்பகுதியில் மையம் கொண்டுள்ள நோல் புயல் ஓரிரு நாட்களில் கரையை கடக்கும் என எதிர்பார்க்கப்படுகிறது. மத்திய மாகாணத்தில் அமைந்துள்ள எரிமலை ஒன்றும் எந்த நேரத்திலும் வெடித்து சிதறக்கூடும் என தெரிகிறது. எனவே முன்னெச்சரிக்கை நடவடிக்கையாக, அந்தந்த பகுதிகளில் வசிக்கும் மக்களை வெளியேற்ற பிலிப்பைன்ஸ் அரசு முடிவு செய்துள்ளது.

* ஏமனில் ஹவுதி கிளர்ச்சியாளர்களுக்கு எதிராக தாக்குதல் நடத்தி வரும் சவுதி அரேபியா தலைமையிலான அரபு நாட்டுப்படைகள், கிளர்ச்சியாளர்களின் ஆதிக்கம் நிறைந்த சாதா மாகாணத்தில் நேற்று தீவிர தாக்குதல் நடத்தின. இந்த தாக்குதலில் ஒரு சுரங்க தொழிற்சாலை, தொடர்பு மையம் என பல பகுதிகள் சேதமடைந்தன. ஹவுதி படையை தோற்றுவித்தவரின் கல்லறையும் இதில் சேதமடைந்தது.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by சிவா on Sun May 10, 2015 2:14 am

2 ம் உலக போர் வெற்றி : ரஷ்யாவில் பிரமாண்ட ராணுவ அணிவகுப்பு

மாஸ்கோ : இரண்டாம் உலக போரில் வெற்றி பெற்றதன் 70 வது ஆண்டுவிழாவை கொண்டாடும் விதமாக ரஷ்ய தலைநகர் மாஸ்கோவில் பிரமாண்ட ராணுவ அணிவகுப்பு நடத்தப்பட்டது. செஞ்சதுக்கத்தில் நடந்த இந்த அணிவகுப்பில் ஆயிரக்கணக்கான வீரர்களும், புதுவகையான ராணுவ தளவாடங்களும் கலந்து கொண்டன. பல நாட்டு தலைவர்களும் இதில் கலந்து கொண்டாலும் பெரும்பாலான மேலை நாட்டு தலைவர்கள் இதனை புறக்கணித்தனர். காரணம் உக்ரைனில் ரஷ்யா ஏற்படுத்தி வரும் குழப்பம் தான். உக்ரைன் அரசுக்கு எதிராக கிளர்ச்சி செய்து வரும் கிழக்கு உக்ரைன் கிளர்ச்சியாளர்களுக்கு ரஷ்யா ஆயுத உதவி செய்து வருவதாக மேலை நாடுகள் குற்றம் சாட்டுகின்றன. அங்கு கிளர்ச்சி படையினருக்கும் உக்ரைன் ராணுவத்திற்குமிடையே 2014 ஏப்ரல் முதல் நடந்து வரும் போரில் இதுவரை 6,000 க்கும் அதிகமான மக்கள் கொல்லப்பட்டிருக்கிறார்கள்.

அதிபர் விளாதிமிர் புதின் பேசியபோது, இரண்டாம் உலக போரில் சண்டையிட்டு உயிர்நீத்த ரஷ்ய வீரர்களுக்கு புகழாரம் சூட்டினார். அதேபோல் வெற்றிக்காக பாடுபட்ட பிரிட்டன், பிரான்ஸ் மற்றும் அமெரிக்க மக்களுக்கும் தனது நன்றியை தெரிவித்துக்கொண்டார். ஆனால் இப்போது சர்வதேச ஒத்துழைப்பு அடிக்கடி மறுக்கப்படுவதாகவும் அவர் குற்றம் சாட்டினார். அதேநேரம் உக்ரைன் தலைநகர் கீவ் இல் நடந்த, மறைந்த ராணுவ வீரர்களுக்கு மலர் வளையம் வைக்கும் நிகழ்ச்சியில் பேசிய உக்ரைன் அதிபர் பெட்ரோ பெரசெங்கோ, ரஷ்யாவின் செயலை கண்டித்து பேசினார். உக்ரைனை ஒரு சர்வாதிகார நாடுபோல காண்பிக்கவே ரஷ்யா விரும்புகிறது எனவும் உக்ரைனில் குழப்பம் விளைவிப்பதே ரஷ்யாவில் ஒரே குறிக்கோள் என்பது தெள்ளத்தெளிவாக தெரியும் விஷயம் என்றார்.

வெற்றி அணிவகுப்பு ரஷ்ய நேரப்படி காலை 10.00 மணிக்கு துவங்கியது. அதில் சீன அதிபர் ஜி ஜின்பெங், இந்திய ஜனாதிபதி பிரனாப் முகர்ஜி, ஐ.நா.பொதுச்செயலாளர் பான் கி மூன், எகிப்து, தென் ஆப்பிரிக்கா, கியுபா, வெனிசுலா, மத்திய ஆசிய நாட்டு தலைவர்கள் உள்பட சுமார் 20 நாடுகளின் தலைவர்கள் கலந்து கொண்டனர். ரஷ்யா முழுவதிலும் இருந்து வந்திருந்த ராணுவ வீர்கள் ( சிலர் இரண்டாம் உலக போர் காலத்து யூனிபார்மில் ) கலந்து கொண்டனர். நூற்றுக்கணக்கான போர் விமானங்கள் செஞ்சதுக்கத்தை வட்டமிட்டு கொண்டிருந்தன. முதன் முறையாக சீன ராணுவ வீரர்களும் இந்த அணிவகுப்பில் கலந்து கொண்டனர்.

வழக்கமாக ரஷ்ய அதிபர் பக்கத்தில் ஐரோப்பியாவில் உள்ள ரஷ்ய ஆதரவு நாட்டு தலைவர்கள் தான் அமர வைக்கப்பட்டிருப்பார்கள்.இந்த முறை அது மாற்றப்பட்டு சீன அதிபர் ஜி ஜின்பெங் அமர்ந்திருந்தார். பெரும்பாலான மேலை நாட்டு தலைவர்கள் கலந்து கொள்ளாமல் அவர்களது தூதர்களையே அனுப்பி இருந்தனர்.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by சிவா on Sun May 10, 2015 3:08 am

நீர்மூழ்கி கப்பலில் இருந்து ஏவுகணை சோதனை நடத்தி வடகொரியா அதிரடி

நீர்மூழ்கி கப்பலில் இருந்து புறப்பட்டு கண்டம் விட்டு கண்டம் பாய்ந்து எதிரியின் இலக்கை தாக்கும் ஏவுகணை தாக்குதல் நடத்தி வடகொரியா அதிரடி நடவடிக்கையில் ஈடுபட்டது. இது கொரிய தீபகற்ப பகுதியில் பதற்றத்தை ஏற்படுத்தி உள்ளது.

உலக நாடுகளின் கடும் எதிர்ப்புக்கு மத்தியில் வடகொரியா கடந்த 2006, 2009, 2013 ஆண்டுகளில் தொடர்ந்து அணுகுண்டு சோதனை நடத்தியது. இதற்காக அந்த நாட்டின் மீது ஐ.நா. பொருளாதார தடை விதித்துள்ளது. இதே போன்ற தடையை மேற்கத்திய நாடுகளும் விதித்துள்ளன. வடகொரியாவிடம் தற்போது 15-க்கும் மேற்பட்ட அணுகுண்டுகள் இருக்கக்கூடும் என தகவல்கள் வெளியாகின. அடுத்த ஆண்டு இறுதிக்குள் தன்னிடம் இருக்கும் அணுகுண்டுகளின் எண்ணிக்கையை இரட்டிப்பாக்குவதற்கு அந்த நாடு திட்டமிட்டிருப்பதாகவும் தெரிய வந்துள்ளது.

வடகொரியா தொடர்ந்து பொருளாதார நெருக்கடியில் தத்தளித்துக்கொண்டிருந்தாலும், தொடர்ந்து ஏவுகணை சோதனைகளை மட்டும் விட்டு விடவில்லை. வடகொரியா, கண்டம் விட்டு கண்டம் பாயும் ஏவுகணை சோதனைகளை நடத்துவதற்கு ஐ.நா. சபை ஏற்கனவே தடை விதித்துள்ளது. அந்த தடைக்கு மத்தியிலும், வடகொரியா தொடர்ந்து இத்தகைய சோதனைகளை நடத்தி வருகிறது.

இந்த நிலையில் கடலுக்கு அடியில் நீர்மூழ்கி கப்பலில் இருந்து புறப்பட்டு, கண்டம் விட்டு கண்டம் பாய்ந்து தாக்குதல் நடத்துகிற வல்லமை படைத்த அதிநவீன ஏவுகணை சோதனையை அந்த நாடு வெற்றிகரமாக நடத்தி உள்ளது. இந்த ஏவுகணை சோதனை, அந்த நாட்டின் தலைவர் கிம் ஜாங் அன் மேற்பார்வையில் நடந்துள்ளது. இது தொடர்பான படங்களை வடகொரிய அரசு நாளிதழ் ‘தி ரோடாங் சின்மம்’ வெளியிட்டுள்ளது.

ஆனால் இந்த ஏவுகணை சோதனை எங்கு, எப்போது நடத்தப்பட்டது என்ற தகவல்கள் வெளியிடப்படவில்லை. இருப்பினும், அந்த நாட்டின் கிழக்கு பகுதியில் உள்ள கடலோர நகரான சின்போவில், ஏவும் திறன் படைத்த சாதனங்கள் பொருத்தப்பட்ட நிலையில், நீர் மூழ்கி கப்பல் நிற்பதை செயற்கைகோள் படங்கள் ஏற்கனவே காட்டின. எனவே சின்போ கடல் பகுதியில்தான் இந்த சோதனை நடத்தப்பட்டிருக்கும் என்று யூகிக்கப்படுகிறது.

வடகொரியா நிறைய அணுகுண்டுகளை வைத்திருந்தாலும், இப்போது கடலுக்கடியில் நீர் மூழ்கிக்கப்பலில் இருந்து புறப்பட்டு சென்று, கண்டம் விட்டு கண்டம் தாவி சென்று தாக்குதல் நடத்துகிற ஆற்றல் வாய்ந்த ஏவுகணை சோதனையை நடத்தி இருப்பது, அதிநவீனமானது; நீர்மூழ்கி கப்பலில் இருந்து புறப்பட்டு சென்று தாக்குதல் நடத்தும் சாதனங்களை கண்டறிவது என்பது கடினமான ஒன்று என்று வல்லுனர்கள் கூறுகின்றனர். இந்த சோதனையால் கொரிய தீபகற்ப பகுதியில் பதற்றம் ஏற்பட்டுள்ளது.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by சிவா on Wed May 13, 2015 5:09 pm

வடகொரிய ராணுவ மந்திரிக்கு மரணதண்டனை, விமான எதிர்ப்பு பீரங்கியால் சுட்டு கொல்லப்பட்டார்

அதிபரின் நிகழ்ச்சியில் தூங்கியதாக குற்றம் சாட்டப்பட்ட வடகொரிய ராணுவ மந்திரிக்கு மரணதண்டனை நிறைவேற்றப்பட்டது. விமான எதிர்ப்பு பீரங்கி மூலம் அவர் சுட்டுக் கொல்லப்பட்டார்.

வடகொரியாவில் அதிபர் கிம் ஜாங் அன் ஆட்சிக்கு எதிராக கருத்து தெரிவிக்கும் அதிகாரிகள், லஞ்ச, ஊழல் குற்றச்சாட்டுகளுக்கு உள்ளாகும் அரசு அதிகாரிகள் ஆகியோருக்கு மரணதண்டனையை நிறைவேற்றுவதை வழக்கமாக உள்ளது. அரசு நிர்வாகத்தை தூய்மையாக வைத்திருக்கும் நோக்குடன் இந்த நடவடிக்கையை எடுத்து வருவதாக வடகொரியா கூறுகிறது. கடந்த 4 ஆண்டுகால கிம் ஜாங் அன் ஆட்சி காலத்தில் 70-க்கும் மேற்பட்டோருக்கு இதுபோல் மரண தண்டனை அளிக்கப்பட்டு உள்ளது. தனது ஆட்சிக்கு எதிராக சவால் விட்ட மூத்த தலைவர்கள் 15 பேருக்கு கடந்த மாதம் மரண தண்டனையை அதிபர் கிம்ஜாங் அன் நிறைவேற்றினார்.

கிம்ஜோங் உன் அரசில் ராணுவ மந்திரியாக பதவி வகித்து வந்தவர் ஹியூன் யோங் சோல். 66 வயதான இவர் கடந்த மாத இறுதியில் அதிபர் கிம் ஜாங் அன் தலைமையில் நடந்த ஒரு கூட்டத்தில் கலந்து கொண்டார். அப்போது ராணுவ மந்திரி ஹியூன் யோங் சோல் கண் அயர்ந்து தூங்கிவிட்டதாக கூறப்படுகிறது.
இதையடுத்து கைது செய்யப்பட்ட அவர் மீது தேசத்துக்கு துரோகம் விட்டதாக வழக்கு பதிவு செய்யப்பட்டது. இதனால், அவருக்கு மரணதண்டனையை நிறைவேற்றும்படி அதிபர் உத்தரவிட்டார்.

இதைத் தொடர்ந்து அண்மையில் ராணுவ மந்திரி ஹியூன் யோங் சோலுக்கு மரண தண்டனை நிறைவேற்றப்பட்டது. வடகொரியத் தலைநகர் பியாங்க்யாங்க் நகரில் இருந்து 22 கி.மீ தொலைவில் உள்ள ராணுவ பயிற்சி மையத்தில் அவரை ஓரிடத்தில் இலக்காக நிற்கவைத்து சற்று தொலைவில் இருந்தவாறு விமான எதிர்ப்பு பீரங்கி மூலம் ராணுவ வீரர்கள் சுட்டுக் கொன்றனர். மேற்கண்ட தகவலை சியோல் நகரில் தென்கொரியா எம்.பி.க்களிடம் அந்நாட்டின் உளவுத் துறையான என்.ஐ.எஸ். தெரிவித்து இருக்கிறது.

ராணுவ மந்திரி ஹியூன் யோங் சோலுக்கு மரண தண்டனை விதிக்கப்பட்டதற்கு அதிபர் கூட்டத்தில் அவர் தூங்கியது மட்டுமே காரணமாக இருக்க முடியாது என்றும், கடந்த மாதம் மாஸ்கோ நகரில் நடந்த பாதுகாப்பு மாநாட்டில் கலந்து கொண்டபோது ராணுவ மந்திரி ஹியூன் யோங் சோல், அதிபர் கிம்ஜாங் அன்னை பகிரங்கமாக விமர்சித்து பேசியதால் தண்டிக்கப்பட்டார் எனவும் தென்கொரிய உளவுத்துறை தகவல்கள் கூறுகின்றது.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by சிவா on Wed May 13, 2015 5:12 pm

பாகிஸ்தானில் பயங்கரம், பஸ் மீது மர்மநபர்கள் கொலைவெறித் தாக்குதல் 47 பேர் உயிரிழப்பு

பாகிஸ்தானில் பயங்கரம், பஸ் மீது மோட்டார் சைக்கிளில் வந்த மர்மநபர்கள் நடத்திய கொலைவெறித் தாக்குதலில் 47 பேர் உயிரிழந்தனர் என்று செய்திகள் வெளியாகி உள்ளது.

கராச்சியில்உள்ள சாபோரா சவுக் பகுதியில் இஸ்மாய்லி பிரிவினரை ஏற்றிக் கொண்டு சென்ற பஸ்சில் ஆயுதம் தாங்கிய மர்மநபர்கள் கொலைவெறித் தாக்குதல் நடத்தினர். மோட்டார் சைக்கிளில்வந்த மர்மநபர்கள் பஸ்சுக்குள் புகுந்து அங்கியிருந்தவர்களை நோக்கி சரமாரியாக துப்பாக்கி சூடு நடத்தி உள்ளனர். இச்சம்பவத்தில் 16 பெண்கள் உள்பட 47 பேர் உயிரிழந்தனர் என்று போலீஸ் தரப்பில் தெரிவிக்கப்பட்டு உள்ளது. 3, 4 மோட்டார் சைக்கிளில் சென்ற மர்மநபர்கள் 8 பேர் பஸ்சில் சரமாரியாக துப்பாக்கி சூடு தாக்குதல் நடத்தினர் என்று கூறப்படுகிறது. பஸ்சில் இருந்தவர்களின் தலையை குறிவைத்து துப்பாக்கி சூடு நடத்தப்பட்டு உள்ளது.

காயம் அடைந்த 20 பேர் மீட்கப்பட்டு மருத்துவமனைக்கு கொண்டு செல்லப்பட்டு உள்ளனர். அங்கு அவர்களுக்கு தொடர்ந்து சிகிச்சை அளிக்கப்பட்டு வருகிறது. எனவே பலி எண்ணிக்கை உயரலாம் என்று கூறப்படுகிறது. துப்பாக்கி சூடு நடத்திய மர்மநபர்கள் உடனடியாக அங்கிருந்து தப்பித்து ஓடிவிட்டனர். போலீசார் சம்பவ இடத்தில் குவிந்து உள்ளனர். இத்தாக்குதலை அடுத்து அங்கு பெரும் பதற்றம் ஏற்பட்டு உள்ளது. தாக்குதல் நடத்தியவர்கள் ஏ.கே. 47 ரக துப்பாக்கிகள் வைத்து இருந்தனர் என்று கூறப்படுகிறது. இச்சம்பவம் தொடர்பாக விசாரணையும் தொடங்கி உள்ளது. பாதுகாப்பு அதிகரிக்கப்பட்டு உள்ளது. தப்பி ஓடியவர்களை தேடும் பணியும் நடைபெற்று வருகிறது. குறிப்பிட்ட பிரிவினர்மீது தாக்குதல் நடத்தப்பட்டு இருப்பதால் தீவிரவாத தாக்குதல்என உறுதி செய்யப்படவில்லை.

avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by சிவா on Wed May 13, 2015 5:12 pm

சவுதி அரேபியாவில் துப்பாக்கி சூட்டிற்கு இடையே சிக்கியிருக்கும் இந்தியர்கள், மீட்பதற்கு கோரிக்கை

ஏமன் எல்லையை ஒட்டிய சவுதி அரேபியாவின் நஜ்ரான் நகரில் துப்பாக்கி சூடு காரணமாக 100-க்கும் மேற்பட்ட இந்தியர்கள் சிக்கிக் கொண்டு உள்ளனர். ஏமனில் ஹவுதி கிளர்ச்சியாளர்கள் மற்றும் சவுதி அரேபியா தலைமையிலான அரபுபடைகளுக்கும் இடையே சண்டை நீடித்துவரும் நிலையில், அவர்கள் தங்களை உடனடியாக மீட்கும்படி இந்திய அரசுக்கு கோரிக்கை விடுத்துஉள்ளனர். நஜ்ரான் நகர்வாசியின் தகவலின்படி, ஏமன் எல்லையில் இருந்து ஹவுதி கிளர்ச்சியாளர்கள் நடத்திய துப்பாக்கி சூடு தாக்குதலில் இந்தியர் ஒருவர் உயிரிழந்துவிட்டார் என்று தெரிவிக்கப்பட்டு உள்ளது. எண்ணிக்கை உயரக்கூடும் என்றும் அவர் குறிப்பிட்டு உள்ளார்.

துப்பாக்கி சூட்டுக்கு இடையே சிக்கிக் கொண்டுஉள்ள இந்திய ஒருவர் பேசுகையில், எங்களை மீட்க இந்திய அரசுக்கு கோரிக்கை விடுத்து உள்ளோம். ஆனால் இதுவரையில் எந்தஒரு பதிலும் வரவில்லை என்று குறிப்பிட்டு உள்ளார். வடமேற்கு பகுதியில் அமைந்து உள்ள நஜ்ரான் நகரம் ஏமன் எல்லையையே கொண்டு உள்ளது. இப்பகுதியில் இந்தியா, பாகிஸ்தான், பிலிப்பைன்ஸ் மற்றும் வங்காளதேசத்தில் இருந்து சென்ற நூற்றுக்கணக்கானோர் பணியாற்றி வருகின்றனர். நஜ்ரானில் ராணுவ மையமும் உள்ளது. கடந்த 24 மணிநேரங்களில் ஏமன் கிளர்ச்சியாளர் நடத்திய தாக்குதலில் 6 பாகிஸ்தானியர்கள் உயிரிழந்தனர் என்று தகவல்கள் வெளியாகி உள்ளது. வங்காளதேசத்தை சேர்ந்த இருவரும் சண்டையில் உயிரிழந்தனர் என்று தெரிவிக்கப்பட்டு உள்ளது.

நஜ்ரான் நகரில் சிக்கியிருக்கும் இந்தியர்களின் பாஸ்போர்ட் அனைத்தும், அதிகாரிகளிடம் சிக்கியிருப்பதாகவும், அதன் காரணமாக அவர்களால் அங்கிருந்து வெளியே செல்ல முடியாத நிலை உள்ளது என்று தகவல்கள் வெளியாகி உள்ளது. அதிகாரிகள் அவரை தொடர்ந்து பணியாற்ற கேட்டுக் கொண்டு உள்ளனர் என்று கூறப்படுகிறது. அங்கு நிலைமை மிகவும் மோசமாகி உள்ளது. அதிகமான இந்தியர்கள் அங்குள்ள மருத்துவமனைகளில் பணியாற்றி வருகின்றனர். அவர்கள் தாங்கள் வேலை பார்க்கும் பகுதியிலே தங்க வேண்டிய நிலையில் சிக்கிஉள்ளனர். நஜ்ரான் நகரில் உள்ள அரசு மருத்துவ மனைகளில் அதிகமான இந்தியர்களே பணியாற்றி வருகின்றனர். “நாங்கள் தூதரக அதிகாரிகளுக்கு அழைப்பு விடுத்து உள்ளோம். அவர்களிடம் பேச காத்திருக்கிறோம்,” என்று அங்குள்ள இந்தியர் தெரிவித்து உள்ளார்.

எல்லையில் தொடர்ந்து தாக்குதல் நடத்தப்பட்டு வருகிறது என்று தெரிவித்துஉள்ள இந்தியர், நாங்கள் எங்களை மீட்க கோரிக்கை விடுத்து உள்ளோம். இருப்பினும் அரசு தரப்பில் எந்தஒரு நடவடிக்கையும் எடுக்கப்பட்டதாக நாங்கள் காணவில்லை என்று தெரிவித்து உள்ளார்.

ஏமன் நாட்டில் அதிபர் மன்சூர் ஹாதி ஆதரவு படையை எதிர்த்து ஈரான் ஆதரவு பெற்ற ஷியா பிரிவு ஹவுதி கிளர்ச்சியாளர்களும், முன்னாள் அதிபர் அலி அப்துல்லா சலே படையினரும் தீவிரமாக சண்டையிட்டு வந்தனர். முக்கிய நகரங்களைப் பிடித்து கிளர்ச்சியாளர்கள் கைகள் ஓங்கிய நிலையில், சவுதி அரேபியா தலைமையில் ஐக்கிய அரபு எமிரேட்ஸ், குவைத், பஹ்ரைன், கத்தார், ஜோர்டான், மொராக்கோ, எகிப்து, சூடான் ஆகிய நாடுகளின் கூட்டுப்படைகள் கடந்த மார்ச் மாதம் 26-ந் தேதி களத்தில் குதித்தது குறிப்பிடத்தக்கது.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by சிவா on Wed May 13, 2015 10:04 pm

எல்லைப்பிரச்சினையை ஒருநாள் இரவில் தீர்த்து விட முடியாது: சீனா சொல்கிறது

பிரதமர் நரேந்திர மோடி நாளை சீனாவில் சுற்றுப்பயணம் மேற்கொள்ளவுள்ள நிலையில், இரு நாடுகளுக்கும் இடையேயான எல்லைப்பிரச்சினையை ஒருநாள் இரவில் தீர்த்து விட முடியாது என்று சீனா தெரிவித்துள்ளது.

பிரதமர் நரேந்திர மோடி 3 நாள் அரசு முறை பயணமாக வியாழக்கிழமை சீனா செல்கிறார். அங்குள்ள மிகவும் பழமையான நகரமும், அதிபர் ஜின்பிங்கின் சொந்த மாகாணமான சான்சியின் தலைநகருமான சியான் நகரை அவர் சென்றடைகிறார்.அங்கு மோடியை வரவேற்கும் ஜின்பிங், அவருடன் சாதாரண முறையில் பேச்சு நடத்துகிறார். அப்போது எல்லைப்பிரச்சினையில் ஏற்பட்டுள்ள முன்னேற்றம் குறித்தும் இரு தலைவர்களும் பேசுகிறார்கள்.

இந்த நிலையில், பிரதமர் மோடியின் வருகையையொட்டி சீனாவின் வெளியுறவு செய்தி தொடர்பாளர் ஹூவா சுன்யிங் கூறியதாவது: பிரதமர் மோடியின் வருகையை நாங்கள் எதிர்நோக்கி இருக்கிறோம். எல்லை தொடர்பாக எழுந்திருக்கும் கேள்விகள் குறித்து பேச்சுவார்த்தையில் போது விவாதிக்கப்படும். இரு தரப்பும் எல்லைப்பிரச்சினையை விரைவாகவே தீர்க்க தயாராக இருக்கிறது. இதை தீர்க்க நாம் பெரும் முயற்சிகள் எடுத்து வருகிறோம். எல்லை தொடர்பாக எழுந்துள்ள கேள்விகளுக்கு விரைவான தீர்வு காணப்படவேண்டும் என்பதுதான் இரு தரப்புக்குமான விருப்பம். எனினும் எல்லைப்பிரச்சினை என்பது வரலாறுகளில் எஞ்சியுள்ள கேள்வியாக இருக்கிறது என்பது நம் அனைவருக்கும் தெரியும். இந்த விவகாரம் ஒருநாள் இரவில் தீர்க்கப்படக்கூடியது அல்ல” என்றார்.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by சிவா on Thu May 14, 2015 5:00 pm

ஆப்கான் துப்பாக்கி சூடு தாக்குதலில் 4 இந்தியர்கள் உள்பட 11 பேர் உயிரிழப்பு, தலிபான் பொறுப்பேற்பு

ஆப்கானிஸ்தான் நாட்டின் தலைநகரான காபூலில் ‘பார்க் பேலஸ்’ என்ற விருந்தினர் மாளிகை உள்ளது. அங்கு நேற்றுஇரவு, பிரபல இசைக்கலைஞர் அல்டாப் உசேன் இசை நிகழ்ச்சிக்கு ஏற்பாடு செய்யப்பட்டிருந்தது. இந்த இசை நிகழ்ச்சியில் பங்கேற்பதற்கு துருக்கி, இந்தியா, அமெரிக்கா ஆகிய நாடுகளின் விருந்தினர்களுடன், உள்நாட்டினரும் வந்திருந்ததாக தெரிகிறது.

அப்போது அங்கு ஏ.கே. 47 ரக துப்பாக்கிகளுடன் தீவிரவாதிகள் புகுந்தனர். அங்கிருந்தவர்கள் மீது அவர்கள் சரமாரியாக துப்பாக்கியால் சுட ஆரம்பித்தனர்.

தீவிரவாதிகள் நடத்திய கண்மூடித்தனமான தாக்குதலில் 4 இந்தியர்கள், ஒரு அமெரிக்கர் உள்பட 11 பேர் ரத்த வெள்ளத்தில் உயிரிழந்தனர். தீவிரவாதிகள் தாக்குதல் குறித்து தகவல் அறிந்ததும், ஆப்கானிஸ்தான் பாதுகாப்பு படையினரும், சிறப்பு படையினரும் அங்கு விரைந்தனர். அதைத் தொடர்ந்து தீவிரவாதிகளுக்கும், பாதுகாப்பு படையினருக்கும் இடையே விடிய விடிய துப்பாக்கி சண்டை நடந்தது.

7 மணி நேர சண்டைக்கு பின்னர் அதிகாலைதான் இந்த சண்டை முடிவுக்கு வந்தது. இறுதியில் தாக்குதல் நடத்திய தீவிரவாதிகள் 3 பேரும் சுட்டுக்கொல்லப்பட்டனர். இதையடுத்து பலி எண்ணிக்கை 14 ஆனது. விருந்தினர் மாளிகையில் நடைபெற்ற இசை நிகழ்ச்சிக்கு இந்திய தூதர் அமர் சின்கா வந்திருப்பார் என்ற எண்ணத்தில் அவரைக் குறிவைத்துத்தான் தீவிரவாதிகள் இந்த தாக்குதலை நடத்தி இருப்பதாக உள்ளூர் பத்திரிகை ஒன்று கூறுகிறது.

தாக்குதல் தொடர்பாக இந்திய தூதர் அமர் சின்கா, ‘டுவிட்டர்’ சமூக வலைத்தளத்தில் விடுத்துள்ள செய்தியில், ‘துரதிர்ஷ்டவசமாக காபூல் விருந்தினர் மாளிகையில் நடந்த தாக்குதலில் மற்றவர்களுடன் இந்தியர்கள் சிலரும் பலியாகி விட்டனர்’ என குறிப்பிட்டுள்ளார். தாக்குதலில் இந்தியர்கள் 4 பேர் பலியானதை ஆப்கான் அரசு வட்டாரங்கள் உறுதி செய்தன. அவர்களில் 2 பேர் ஆடிட்டர்கள் என்றும், ஒருவர் தன்னார்வ தொண்டு நிறுவனத்தை சேர்ந்தவர் என்றும் தகவல்கள் கூறுகின்றன. தீவிரவாதிகள் தாக்குதலில் அமெரிக்கர் ஒருவர் கொல்லப்பட்டதை அந்த நாட்டின் தூதரக செய்தி தொடர்பாளர் மோனிகா கன்னிங்ஸ் உறுதி செய்தார்.

இந்த தாக்குதலுக்கு தலீபான் தீவிரவாத இயக்கம் பொறுப்பேற்றுள்ளது. ‘காபூலில் அதிபர் அஷரப் கனியின் அரசுக்கு அமெரிக்காவும், அதன் நேசநாடுகளும் ஆதரவு அளித்து வருவதற்கு பழிவாங்கும் விதத்தில் இந்த தாக்குதல் நடத்தப்பட்டது. ஆப்கானிஸ்தானில் தங்கியுள்ள வெளிநாட்டு படையினர், எந்த இடத்திலும் எங்கள் தாக்குதல்களிலிருந்து பாதுகாப்பாக இருந்து விட முடியாது என்பதை உணர வேண்டும்’ என தலிபான் தரப்பில் கூறப்பட்டுள்ளது.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by சிவா on Sat May 16, 2015 3:43 am

நைஜீரியாவில் போகோ ஹாரம் தீவிரவாதிகள் தாக்குதல் 55 பேர் பலி

இரண்டு கிராமங்கள் மீது போகோ ஹாரம் தீவிரவாதிகள் நடத்திய தாக்குதலில் குறைந்தது 55 அப்பாவி போது மக்கள் கொல்லப்பட்டதாக தெரியவந்துள்ளது.

‘போகோ ஹாரம்’ என்ற தீவிரவாத அமைப்பு நைஜீரிய அரசுக்கு எதிரான வன்முறை செயல்களில் ஈடுபட்டு வருகிறது. வெடி குண்டு மற்றும் அப்பாவி மக்களை சுட்டு கொல்வது என பல்வேறு தாக்குதல்களை நடத்தி ஆயிரக்கணக்கான மக்களின் உயிர்கள் பறித்து வருகின்றனர்.

இந்த நிலையில் நைஜீரியாவின் வடகிழக்கில் உள்ள மைதுகுரி நகரின் அருகே இருக்கும் பேல் மற்றும் காயாமலா என்ற இரு கிராமங்கள் மீது தாக்குதல் நடத்தப்பட்டுள்ளது. இதில் பேல் கிராமத்தை சேர்ந்த 30 பேரும் காயாமலா கிராமத்தில் 25 பேரையும் தீவிரவாதிகள் சுட்டு கொன்றுள்ளனர் என தெரியவந்துள்ளது.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by சிவா on Sat May 16, 2015 4:33 am

இந்தோனேசிய ராணுவத்தில் பெண்கள்: கன்னித்தன்மை பரிசோதனை நடத்த எதிர்ப்பு!

இந்தோனேசிய ராணுவத்தில் சேர விரும்பும் பெண்களுக்கு கன்னித்தன்மை பரிசோதனை நடத்தப்படுவதற்கு எதிர்ப்பு கிளம்பியுள்ளது.

இது கொடூரமான, மனிதத்தன்மையற்ற, தரம் தாழ்ந்த செயல் என மனித உரிமைகள் குழு ஒன்று கருத்து தெரிவித்துள்ளது.

எனினும் நல்ல நடத்தையற்றவர்களால் ராணுவத்திற்கு இழுக்கு ஏற்படும் என்று தெரிவித்துள்ள இந்தோனேசிய ராணுவம், அதிகாரிகளை திருமணம் செய்து கொள்ளும் பெண்களுக்கும் இத்தகைய பரிசோதனை நடத்தப்படுவதாகக் கூறப்படுவதை மறுத்துள்ளது.

இந்நிலையில் அனைத்துலக மனித உரிமை சட்டத்தின்படி, இவ்வாறு பரிசோதனை நடத்துவது தவறு என்றும் இந்த நடவடிக்கையை இந்தோனேசிய ராணுவம் உடனடியாக முடிவுக்கு கொண்டு வர வேண்டும் என்றும் மனித உரிமைகள் கண்காணிப்பு மையம் என்ற குழு வலியுறுத்தியுள்ளது.

இத்தகைய நடவடிக்கையானது பாலியல் ரீதியான வன்முறை என்று குறிப்பிட்டுள்ள அந்த அமைப்பு, கன்னித்தன்மை பரிசோதனைக்காக இந்தோனேசிய ராணுவம் பின்பற்றும் முறை அறிவியல் அடிப்படையற்றது என்றும் சுட்டிக் காட்டியுள்ளது.

இத்தகைய பரிசோதனைக்கு உட்படுத்தப்பட்ட சிலரை பேட்டி கண்டுள்ள இந்த அமைப்பு, இந்த பரிசோதனை மிகவும் வலி மிகுந்ததாகவும், மன உளைச்சல் தருவதாகவும் இருந்தது என சம்பந்தப்பட்டவர்கள் கூறியதாக தெரிவித்துள்ளது.

இதற்கிடையே ஒழுக்கமற்ற பெண்கள் ராணுவத்தில் சேர்வதை தவிர்க்க இத்தகைய பரிசோதனை அவசியம் என இந்தோனேசிய ராணுவத்தின் செய்தித் தொடர்பாளர் ஃபட் பஸ்யா தெரிவித்துள்ளார்.

இதுபோன்ற முட்டாள்தனமான நடவடிக்கைகளால் தான் இந்நாடு இன்னும் முன்னேறாமல் உள்ளது என நினைக்கிறேன்!
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by Dr.சுந்தரராஜ் தயாளன் on Sat May 16, 2015 6:56 am

செய்திகளுக்கு நன்றி
avatar
Dr.சுந்தரராஜ் தயாளன்
நிர்வாகக் குழுவினர்


நிகழ்நிலை
இணையாநிலை

பதிவுகள் : 5303
மதிப்பீடுகள் : 1840

View user profile http://sundararajthayalan.com/

Back to top Go down

Re: உலகச் செய்திகள்!

Post by சிவா on Tue May 19, 2015 12:46 am

நேபாளில் அனைத்து கட்சிகளும் ஒன்றிணைந்து தேசிய அரசு அமைக்க வாய்ப்பு

கடந்த மாதம் ஏற்பட்ட பயங்கர நிலநடுக்கத்தில் நேபாளத்தில் 9 ஆயிரத்திற்கும் மேற்பட்டவர்கள் பலியாகினர். மீண்டும் அடிக்கடி அங்கு நிலநடுக்கம் ஏற்பட்டுக் கொண்டே இருக்கிறது.

இந்நிலையில், நேபாள பிரதமர் சுஷில் கொய்ராலா அங்கு ஆளுங்கட்சியை மாற்றம் செய்து எதிர்கட்சிகள் என்ற பாகுபாடின்றி அனைத்து கட்சிகளையும் ஒன்றிணைத்து ஒரே தேசிய அரசாக அமைக்க தயாராக இருப்பதாக தகவல்தொடர்பு துறை மந்திரி மைனேந்திர ரிஜால் தெரிவித்துள்ளார்.

கடந்த ஆண்டு பிப்ரவரி மாதம் ஆட்சிப் பொறுப்பேற்ற கொய்ராலா தலைமையிலான அரசு அரசியலமைப்பு சட்டத்தை வடிவமைப்பதில் இதுவரை எவ்விதமான முன்னேற்ற நடவடிக்கைகளையும் எடுக்கவில்லை. அங்குள்ள பல அரசியல் கட்சிகள் பல்வேறு பிரச்சனைகளில் பிரிந்து கிடக்கின்றன. குறிப்பாக, ஆட்சி செய்யும் முறை, தேர்தல் முறை, நீதி மற்றும் அரசியல் கட்டமைப்பு உள்ளிட்ட விவகாரங்களில் பிளவுபட்டு கிடக்கின்றன.

நிலநடுக்க பேரழிவும் பெரிய நெருக்கடியை ஏற்படுத்தியிருக்கிறது. இப்படிப்பட்ட இக்கட்டான சூழ்நிலையில், அரசின் நடவடிக்கைகளின் மேல் சந்தேகப்பட்டு எதிர்மறையான கருத்துக்களையும், விமர்சனங்களையும் முன்வைப்பதை விட அனைவரும் ஒன்றிணைந்து நிலநடுக்கத்தால் பாதிக்கப்பட்டவர்களுக்கு உதவிக்கரம் நீ்ட்டுவதே சிறந்தது என ரிஜால் தெரிவித்தார்.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by சிவா on Tue May 19, 2015 12:46 am

மாப்பிள்ளையின் விபரங்களை அறிந்து கொள்ள வேண்டும்: சவுதி இளம்பெண்கள் போர்க்கொடி

திருமணத்துக்கு பின்னர் தங்களது கணவரின் இளமைக்கால வாழ்க்கையில் நிகழ்ந்த சம்பவங்களை கேள்விப்படும் சில பெண்கள் விவாகரத்துக்கு செல்வதால் சவுதியில் தற்போது விவாகரத்து வழக்குகள் பெருகி வருகின்றன. இதை தவிர்க்கும் வகையில் திருமணத்துக்கு முன்னதாகவே தாங்கள் திருமணம் செய்துகொள்ள இருக்கும் ஆண்களைப் பற்றிய விபரங்களை அறிந்து கொள்ளும் உரிமை வேண்டும் என சவுதியில் உள்ள இளம்பெண்கள் போர்க்கொடி உயர்த்தியுள்ளனர்.

இதற்கு சவுதி அரசு அனுமதி அளித்து விட்டால் அரபு நாடுகளில் பெண்களுக்கு இவ்வகை உரிமையை அளித்த முதல் நாடாக சவுதி அரேபியா விளங்கும் என எதிர்பார்க்கப்படுகின்றது. இந்நிலையில், இந்த கோரிக்கைக்கு ஆதரவாக ஒரு தரப்பினரும், எதிராக மற்றொரு தரப்பினரும் விவாதித்து வருகின்றனர்.

பெண்களுக்கான திருமணத்தை நிச்சயிக்கும் குடும்ப தலைவரான தந்தை, மணமகன் வசதியானவராக இருக்கிறாரா? மத ஒழுக்கம் சார்ந்த விவகாரங்களில் எப்படி உள்ளார்? என்பதை மட்டுமே அளவுக்கோலாக வைத்து மாப்பிள்ளை தேடுவதால் அவரது கடந்தகால வாழ்க்கையை பின்னாளில் அறியவரும் பெண்கள் விவாகரத்தை நோக்கி செல்ல வேண்டியுள்ளது. இப்படி, 70 சதவீதம் திருமணங்கள் தோல்வியில் முடிகின்றன.

இதை தவிர்க்கும் வகையில் சவுதி பெண்களுக்கு வருங்கால கணவர்களைப் பற்றிய தகவல்களை அறியும் உரிமை வழங்கப்பட வேண்டும் என கருத்து கூறும் குடும்பநல பெண் வழக்கறிஞரான நஜ்வா சலா, அதே வேளையில், திருமணத்துக்கு முன்னர் சற்று முரண்பாடான முறையில் வாழ்ந்துள்ளார் என்பதை வைத்து, ஒரு ஆணை முற்றிலுமாக நிராகரித்துவிட முடியாது. முன்னர் செய்த தவறுகளுக்கு மனம் வருந்தி, திருந்தி, திருமணத்துக்கு பின்னர் ஒழுக்கசீலர்களாக வாழும் ஆண்களும் உண்டு என்பதை நாம் மறுத்துவிட முடியாது எனவும் இவர் குறிப்பிடுகிறார்.

சவுதி அரசின் சட்ட ஆலோசகரான மருத்துவர் அஹமது அல்-முஆபி, இந்த கோரிக்கையை அரசு நிராகரிக்க வேண்டும் என்று கருத்து தெரிவித்துள்ளார்.

அனைத்து ரகசியங்களுக்கும் போர்வையாக நானே இருக்கிறேன் என்று இறைவன் கூறியுள்ளான். இந்த கோரிக்கை அந்த காரணத்தை அர்த்தமற்றதாக்கி விடும். திருமணம் என்பது ஒரு ஆணின் அனைத்து ரகசியங்களையும் வெளிப்படுத்தும் நிர்ப்பந்த நிகழ்ச்சி அல்ல. இப்படி அனைத்து விஷயங்களையும் மணமகளுடன் பகிர்ந்து கொண்டால் கணவர்கள் மீது மனைவியரின் பிடி இறுகிவிடும்.

ஒரு ஆணின் ரகசியம் அவனுக்கு மட்டுமே சொந்தமானது. அதை வெளிப்படுத்த வேண்டும் என யாரையும் வற்புறுத்த கூடாது. குறைகளோ, பிரச்சனைகளோ இல்லாத ஒரு ஆண்மகனை இந்த உலகில் பார்ப்பது மிகவும் மிகவும் கடினம் என்று அவர் கூறுகிறார்.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by SajeevJino on Tue May 19, 2015 9:37 am

@சிவா wrote:இந்தோனேசிய ராணுவத்தில் பெண்கள்: கன்னித்தன்மை பரிசோதனை நடத்த எதிர்ப்பு!
மேற்கோள் செய்த பதிவு: 1136885

உலகில் பல நாடுகளிலும் நடப்பது தானே..!! சில நாடுகளில் ஆண்களுக்கும் கூட
avatar
SajeevJino
சிறப்புப் பதிவாளர்


நிகழ்நிலை
இணையாநிலை

பதிவுகள் : 1148
மதிப்பீடுகள் : 313

View user profile http://sajeevpearlj.blogspot.com

Back to top Go down

Re: உலகச் செய்திகள்!

Post by சிவா on Tue May 19, 2015 11:08 pm

@SajeevJino wrote:
@சிவா wrote:இந்தோனேசிய ராணுவத்தில் பெண்கள்: கன்னித்தன்மை பரிசோதனை நடத்த எதிர்ப்பு!
மேற்கோள் செய்த பதிவு: 1136885

உலகில் பல நாடுகளிலும் நடப்பது தானே..!! சில நாடுகளில் ஆண்களுக்கும் கூட

நம் நாட்டில் இல்லைதானே! அதுவரை மகிழ்ச்சி!
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by சிவா on Tue May 19, 2015 11:14 pm

55 ஆண்டுகளில் முதல்முறையாக பணவாட்டத்தை சந்தித்த பிரிட்டன்

பணவீக்கம் மைனஸ் நிலைக்கு வருவதே பணவாட்டம் ஆகும். இப்படி ஒரு நிலை ஒரு நாட்டில் நிலவினால், அங்கு உணவு, எரிபொருள், மின்சக்தி, எண்ணெய் பொருட்கள், மூலதனப் பொருட்கள் என எல்லாவற்றின் விலைகளும் குறைந்திருக்கும். வருடாந்திர பணவீக்கத்தின் விகிதம் '0' சதவீதத்தை விட குறைவதால் பணவாட்டம் நிகழ்கிறது. ஆனால், பணவாட்டம் நாணயத்தின் உண்மையான மதிப்பை அதிகரிக்கும்.

நடப்பு ஆண்டில் ஏப்ரல் மாதம் வரையில் அங்கு கன்ஸ்யூமர் பிரைஸ் இண்டக்ஸ் 0.1 சதவீதம் சரிந்துள்ளது. இதுவே கடந்த மார்ச் மாதம் 0 சதவீதமாக இருந்தது. கடந்த 1960-க்கு பிறகு முதல்முறையாக கன்ஸ்யூமர் பிரைஸ் இண்டக்ஸ் நெகட்டிவ்வாக வந்துள்ளது. குறிப்பாக, விமானம் மற்றும் கடல் வழிப் போக்குவரத்தில் கட்டணங்கள் குறைந்துள்ளன. தொடர்ந்து பணவாட்டத்தின் விகிதம் பிரிட்டனில் அதிகரிக்கும் ஆபத்து உள்ளதாகவும் அந்நாட்டு மத்திய வங்கி தெரிவித்துள்ளது. அவ்வாறு பணவாட்டம் அதிகரிப்பது ஒரு நாட்டின் பொருளாதாரத்தில் எதிர்மறையான பின்விளைவுகளை ஏற்படுத்தும் என்பது குறிப்பிடத்தக்கது.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by சிவா on Tue May 19, 2015 11:39 pm

கணவரை பழிவாங்க சாலை விதிகளை மீறிய சவுதி புதுமை பெண்

கணவரின் 2வது திருமணத்துக்கு பழிவாங்க, சவுதி அரேபிய பெண் ஒருவர் சாலை விதிகளை மீறி கணவருக்கு ரூ.5 லட்சம் அபராதம் விதிக்க வகை செய்துள்ளார்.

சவுதி அரேபியாவைச் சேர்ந்த தொழிலதிபர் ஒருவர் அண்மையில் 2வது திருமணம் செய்தார். இதனால் அவரது முதல் மனைவி கடும் அதிருப்தி அடைந்தார். ஆனால் அவரால் நேரிடையாக எதிர்ப்பை தெரிவிக்க முடியவில்லை.

திருமண நாள் அன்று கணவரின் காரை, தனது சகோதரரின் உதவி யுடன் வெளியே ஒட்டிச் சென்றார். அந்த கார் நகரின் அனைத்து சந்திப்புகளிலும் சிவப்பு விளக்கு சிக்னலை மீறி சென்றது.

சவுதி அரேபியாவின் முக்கிய சாலை சந்திப்புகளில் கண்காணிப்பு கேமராக்கள் பொருத்தப்பட்டுள் ளன. அதன்மூலம் சிவப்பு சிக்னலை மீறும் வாகனங்களைக் கண்டறிந்து ரூ.8000 முதல் ரூ.15000 வரை அபராதம் விதிக்கப்பட்டு வருகிறது.

கணவரை பழிவாங்க நினைத்த சவுதி பெண்ணும் அவரது சகோதரரும் அந்த நாள் முழுவதும் சிவப்பு சிக்னலை தாண்டி காரை ஓட்டி கொண்டே இருந்தனர். அந்த வகையில் ரூ.5 லட்சம் வரை அபராதம் விதிக்கப்பட்டுள்ளது.

ஒரு சந்திப்பில் சிவப்பு சிக்னலை மீறி கார் முன்னும் பின்னும் நகரும் வீடியோ சமூக வலைத்தளங்களில் வெளியாகியுள்ளது. அதற்கு உலகம் முழுவதும் பெரும் வரவேற்பு கிடைத்துள்ளது.
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by ayyasamy ram on Wed May 20, 2015 7:14 am

avatar
ayyasamy ram
நிர்வாகக் குழுவினர்


நிகழ்நிலை
இணையாநிலை

பதிவுகள் : 32467
மதிப்பீடுகள் : 10757

View user profile

Back to top Go down

Re: உலகச் செய்திகள்!

Post by சிவா on Sun May 24, 2015 9:46 pm

இளம்பெண்ணை நடுரோட்டில் அடித்து உதைத்து உடலில் தீவைத்து எரித்த மர்ம கும்பல்

மத்திய அமெரிக்காவில் உள்ள மெக்சிகோ அருகில் குவாடெமலா என்ற பகுதியில் 16 வயதுடைய இளம்பெண்ணை மர்ம கும்பல் ஒன்று நடுரோட்டில் அடித்து உதைத்து தீ வைத்து எரித்து விட்டு தப்பி ஓடிவிட்டனர். மக்கள் நடமாடும் இந்த பகுதியில் மர்ம கும்பல் பெண்ணை தீவைத்து எரித்து விட்டு சென்றது பெரும் பரபரப்பையும் அதிர்ச்சியையும் ஏற்படுத்தி உள்ளது. அந்த பெண்ணை தீயில் எரித்து கொன்ற வீடியோ காட்சிகள் தற்போது வெளியாகியுள்ளது.

இந்த வீடியோ காட்சியில் அந்த பெண் வெளியே இழுத்து வரப்பட்டு முகம் முழுவதும் ரத்தகாயங்களுடன் காணப்படுகிறது. ஒருவர் தலைமுடியை இழுத்து அந்த பெண்ணை அடிக்கிறார். மற்றொருவர் அந்த பெண் மீது உடல் முழுவதும் பெட்ரோல் ஊற்றுகிறார். தீ வைத்து எரிப்பதை ஒருவர் படம்பிடிக்கிறார் வலியால் அலறி துடித்த பெண் தீயில் கருகி பரிதாபமாக பலியாகிறார். இந்த வீடியோவை பார்த்து சமூக ஆர்வலர்களும், மனித உரிமை ஆர்வலர்களும் கடும் கண்டனத்தை தெரிவித்துள்ளனர்.

மத்திய அமெரிக்காவின் மெக்சிகோ அருகில் ரியோ பிரவா என்ற நகரில் 16 வயதுடைய அந்த இளம்பெண் வசித்து வருகிறார்.இவர் அதே பகுதியில் வசித்து வரும் டாக்சிடிரைவரை (வயது 61) கொன்றதாக கூறப்படுகிறது.

இந்த காட்சியை கண்டு பொதுமக்களும் மனித உரிமை ஆர்வலர்களும் இந்த சம்பவத்திற்கு காரணமான அனைவரையும் கைது செய்ய வேண்டி தொடர்ந்து வலியுறுத்தி வருகின்றனர்.

இது குறித்து போலீசார் விசாரணை நடத்தி வருகின்றனர். எரித்துகொல்லபட்ட பெண் யார் என்று இதுவரை கண்டறியப்படவில்லை என்று போலீஸ் தரப்பில் கூறப்படுகிறது. தப்பி ஓடிய குற்றவாளிகளை போலீசார் தீவிரமாக தேடிவருவதாக தெரிவித்தனர்.

காணொளி ஈகரை முகநூல் பக்கத்தில் உள்ளது!
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: உலகச் செய்திகள்!

Post by Dr.சுந்தரராஜ் தயாளன் on Mon May 25, 2015 9:58 pm

நமது இந்தியாவை ஒன்றுமில்லாமல் ஆக்கிவிட்டதே இந்த குவாடெமலா என்ன கொடுமை சார் இது
avatar
Dr.சுந்தரராஜ் தயாளன்
நிர்வாகக் குழுவினர்


நிகழ்நிலை
இணையாநிலை

பதிவுகள் : 5303
மதிப்பீடுகள் : 1840

View user profile http://sundararajthayalan.com/

Back to top Go down

Re: உலகச் செய்திகள்!

Post by சிவா on Sat May 30, 2015 1:50 am

அமெரிக்காவில் அலாஸ்கா கடற்பகுதியில் சக்திவாய்ந்த நில நடுக்கம்

அமெரிக்காவின் அலாஸ்கா மாகாணத்தின் தென்மேற்கு கடற்கரையோரத்தின் உகாசிக் பகுதியில் நேற்று சக்தி வாய்ந்த நில நடுக்கம் ஏற்பட்டது. இது ரிக்டர் ஸ்கேல் அளவில் 7 புள்ளியாக பதிவானது.

கடற்கரையோரத்தில் இருந்து 104 கி.மீட்டர் தொலைவில் கடலுக்கு அடியில் 61.7 கி.மீ. ஆழத்தில் இந்த நில நடுக்கம் ஏற்பட்டது. இதனால், கடலில் சுனாமி உருவாக வாய்ப்பில்லை என்று அமெரிக்க நில அமைப்பியல் ஆய்வு மையம் தெரிவித்தது. தவிர, நில நடுக்கத்தால் எந்த சேதமும் ஏற்பட்டதாக இதுவரை தகவல் இல்லை.

நில நடுக்கம் ஏற்பட்ட பகுதியில் இருந்து 400 கி.மீ. தொலைவில் குறைந்த அளவில் மக்கள் வசிக்கும் ஆன்கரேஜ் என்ற நகரம் மட்டுமே இருப்பதால் பெரிய பாதிப்பு இருக்க வாய்ப்பில்லை என்றும் அமெரிக்க நில அமைப்பியல் ஆய்வு மையம் தெரிவித்தது
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Page 23 of 26 Previous  1 ... 13 ... 22, 23, 24, 25, 26  Next

View previous topic View next topic Back to top


Permissions in this forum:
You cannot reply to topics in this forum