ந.க.துறைவன் புதுக் கவிதைகள்

ந.க.துறைவன் · ந.க.துறைவன் Wed Mar 19, 2014 8:40 am

First topic message reminder :

பெரும் தயக்கம்{புதுக் கவிதை}
*
ஊரிலிருந்து வந்தவர்
யாரென்று எனக்குத் தெரியவில்லை.
நீங்க யாரென்று கேட்டதற்கு
உறவினர் ஒருவரின்
பெயரைச் சொல்லி
அவர்களுக்குச் சொந்த மென்று
விவரமாய்ச் சொன்னார்.
என்ன விஷயமாக வந்தீர்கள்
என்று கேட்டேன். தேடி வந்தச்
செய்தியைச் சொன்னார்.
*
ஊர்காரர் என்றாலும்
அறிமுகமில்லாதவர்க்கு
எப்படி உதவி செய்வ தென்று
பெரும் தயக்கம்.
சரி பார்க்கலாம் என்றேன்.
”கொஞ்சம் பார்த்து செய்யுங்க” என்று
கெஞ்சிக் கேட்டு விடைப் பெற்றார்.
மறு முனையிலிருந்து
போன் வந்தது.
“நம்ம ஊரிலிருந்து பையன்
ஒருத்தன் வருவா, வந்தா?
ஏதாச்சும் சொல்லி
சமாளியப்போ” என்றார்
அனுப்பி வைத்த உறவுக்காரர்.

ந.க.துறைவன் · ந.க.துறைவன் Sat Apr 19, 2014 8:28 am

*
கூழாங்கற்கள் { புதுக்கவிதைகள் }
*
நேசிப்பவர்கள்
எப்பொழுதேனும்
எப்பிரச்சினையாலோ
பிரிந்து விடுகிறார்கள்
எந்தத் தயக்கமு மின்றி
பிரிந்தவர்கள்
எப்பொழுதேனும்
சந்திக்க நேர்கையில்
பேசிக்
கொள்பவர்களும் உண்டு.
பேசாமல்
முகத்தைத் திருப்பிக்
கொள்வாரும் உண்டு.
நேசிப்பது உறவு
பிரிவது துறவு.

2
நேசிப்பவர்கள்
இருவருமே
நேர்மையாகவே
நேசிக்கிறார்கள்
நேசிப்பவர்களுக்குள் தான்
எப்படியோ?
அந்த நேசிப்பில்
முரண் வந்து
முன் நிற்கிறது
முரண்களில்
முகிழ்வது தான்
காதலோ?.
3.
குழந்தைகளின்
நேசிப்பில்
எந்தக் கல்மிஷமும்
இருப்பதில்லை.
கூளமாய் மண்டிக்
கடக்கிறது
மனிதர்களின்
நேசிப்பில்
ஆயிரமாயிரம்
கல்மிஷங்கள்…!!
*

**ஜாஹீதாபானு** · **ஜாஹீதாபானு** Sat Apr 19, 2014 3:42 pm

நேசிப்பு அருமை

ந.க.துறைவன் · ந.க.துறைவன் Sat Apr 19, 2014 7:42 pm

பாராட்டுக்கு நன்றி பானு மேடம்...

ந.க.துறைவன் · ந.க.துறைவன் Sat Apr 19, 2014 7:42 pm

பாராட்டுக்கு நன்றி பானு மேடம்...

ந.க.துறைவன் · ந.க.துறைவன் Sat Apr 19, 2014 7:42 pm

பாராட்டுக்கு நன்றி பானு மேடம்...

ந.க.துறைவன் · ந.க.துறைவன் Wed Apr 23, 2014 9:15 am

கூழாங்கற்கள்
*
1.
அருகில் எவரும் இல்லை
கண்கள் மூடியிருந்தார்
கண்கள்
திறந்துப் பார்த்தார்
அருகில் எவரும் இல்லை.!!.
*
2
கண்டிப்பாக இன்று
வருவதாகத்தான்
சொன்னார்.
கண்டிப்பாக
வருவாறென்று தான்
காத்திருக்கிறேன்.
கண்டிப்பாக
வருகிறேனென்று
சொன்னவர்
வரவேயில்லை
கண்டிப்பாக…!!.
3.
நண்பரைத் தேடி
அவர் வீட்டற்குச் சென்றேன்.
கேட்டிலிருந்த நாய்
அன்னியரென்று
என்னைப் பார்த்து
பலமாய் குரைத்தது.
நாய் குரைத்தலின்
குரல் கேட்டு
வெளியில் வந்த
நண்பர் சொன்னார்.
“ டேய், போடா
நம்ம சாருடா ” என்றார்.
சட்டென்று குரைப்பதை
நிறுத்தியது நாய்..!!
***
.

ந.க.துறைவன் · ந.க.துறைவன் Tue Apr 29, 2014 8:44 am

பயந்திருக்குமோ மரம்…? { புதுக்கவிதை }.
*
மரத்தை
வெட்டிக் கொண்டிருந்தார்கள்
அருகிலிருந்த மரம்
எந்த அசைவுமின்றி
மௌனமாகக் கொஞ்ச நேரம்
பார்த்துக் கொண்டிருந்தது.
என்றேனு மொரு நாள்
நமக்கும்
இந்த கதி தானோ? என்று
சிந்தித்திருக்குமோ?
என்னவோ அப்பொழுது
மரத்தை
வெட்டியவர்கள்
அதனருகில் வந்து
நின்றனர்.
மரம் பயந்திருக்கும் ?
*

ந.க.துறைவன் · ந.க.துறைவன் Fri May 02, 2014 8:26 am

*
பிரிவு { புதுக்கவிதை }
*
ஒரு தொட்டியில்
இரு செடிகள்
பூத்துக் குலுங்கி
இணைந்திருந்தது.
யார் கண்பட்டதோ?
ஒரு நாள் பார்த்த போது
தனித்தனி தொட்டிகளில்
பிரித்துத் தள்ளி
வைக்கப்பட்டிருந்தது.
சில நாட்களில்,
அதற்கென்ன
வருத்தமோ துவண்டு
வாடி வதங்கிப்
பட்டுப் போய்விட்டது
அந்தப்
அழகானப் பூச்செடிகள்
***.

Sponsored content · Sponsored content

ந.க.துறைவன் புதுக் கவிதைகள்

ந.க.துறைவன் புதுக் கவிதைகள்

Re: ந.க.துறைவன் புதுக் கவிதைகள்

Re: ந.க.துறைவன் புதுக் கவிதைகள்

Re: ந.க.துறைவன் புதுக் கவிதைகள்

Re: ந.க.துறைவன் புதுக் கவிதைகள்

Re: ந.க.துறைவன் புதுக் கவிதைகள்

Re: ந.க.துறைவன் புதுக் கவிதைகள்

Re: ந.க.துறைவன் புதுக் கவிதைகள்

Re: ந.க.துறைவன் புதுக் கவிதைகள்

Re: ந.க.துறைவன் புதுக் கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக