ஈகரை தமிழ் களஞ்சியம்



உறுப்பினராக இணையுங்கள்
உள்நுழைய இங்கு அழுத்தவும்
புதிய இடுகைகள்
கஷ்டம் கஷ்டமய்யா இவர்களுடன்
 T.N.Balasubramanian

கனி...!
 ந.க.துறைவன்

அனைவரின் மனதையும் நெகிழவைத்த அந்த கிரிக்கெட் மேட்ச்!
 T.N.Balasubramanian

மாணவர்களின் நலன் கருதி, ஆசிரியர்களுக்கு சங்கம் தொடங்க தடை ஏன் விதிக்கக்கூடாது?
 சிவனாசான்

புதுவையில் இருந்து சென்னைக்கு ஆகஸ்டு மாதம் முதல் கப்பல் மூலம் சரக்கு போக்குவரத்து தொடங்கும்
 சிவனாசான்

சுய அறிமுகம்--கேசவன்
 பாலாஜி

ஒரு பக்க கதைகள் - தொடர் பதிவு
 பாலாஜி

ருத்ரவீணை  பாகம்  3 & 4 pdf  கிடைக்குமா ?
 karthikeyan M

  தனியாக வளர்ந்த மரம் – கவிதை
 ayyasamy ram

தலைவர் ரொம்ப ரொம்ப அஹிம்சா வாதி...
 ayyasamy ram

மருத்துவம் படிக்க விண்ணப்ப வினியோகம் கடைசி நாள் ஜூலை 8-ந்தேதி
 ayyasamy ram

'செட்-டாப் பாக்ஸ்' ஒரு மாதம் அவகாசம்
 ayyasamy ram

மனிதர்கள் வாழ 10 புதிய கிரகங்களில் சூழல்: நாசா
 ayyasamy ram

6 முஸ்லீம் நாடுகளுக்கு தடை விவகாரம்: டிரம்ப் உத்தரவுக்கு கோர்ட் அனுமதி
 ayyasamy ram

வானிலை மையம் எச்சரிக்கை:பருவமழை டில்லியை தாக்கும்
 ayyasamy ram

சீனாவில் 13 ஆண்டுகளாக தயாரித்த அதிவேக புல்லட் ரயில் சேவை துவக்கம்
 ayyasamy ram

எல்லையில் சீன ராணுவம் அத்துமீறல் இந்திய ராணுவ வீரர்களின் பதுங்கு குழிகளை அழித்தது
 ayyasamy ram

அடுத்த ஆண்டு முதல் நிதி ஆண்டின் தொடக்கம் ஜனவரிக்கு மாறுகிறது
 ayyasamy ram

பகலிலும் மோட்டார் சைக்கிள்களில் விளக்கு எரிவது ஏன்?
 ayyasamy ram

ரேஷன் கார்டு கதைகள்…!
 பாலாஜி

பிறந்த நாள் கொண்டாடும் சிவாவை வாழ்த்துவோம்.
 பாலாஜி

பெண்கள் உலக கோப்பை கிரிக்கெட்: வெற்றியுடன் தொடங்கியது இந்தியா
 பாலாஜி

காலண்டர் பொன்மொழிகள்
 சிவனாசான்

ஷீரடி பாபா – ஆன்மிக சிந்தனை
 சிவனாசான்

அமாவாசையை பற்றிய சில தெய்வீக விளக்கங்க
 சிவனாசான்

தினமும் வெந்நீர் குடிப்பதால் இவ்வளவு நன்மைகளா?
 சிவனாசான்

ஜாமீன் அல்லது பரோல் வழங்க கோரி மே.வங்க ஆளுநருக்கு நீதிபதி கர்ணன் மனு
 சிவனாசான்

தஞ்சையின் பழைய புகைப்படங்கள்
 sugumaran

திடுக்கிட வைக்கும் `டெக்னாலஜி’ பயங்கரம்
 ayyasamy ram

மாப்பிள்ளை வந்தான் மாப்பிள்ளை வந்தான் மாட்டு வண்டியிலே
 ayyasamy ram

தமிழ்நாட்டில் கூகுள்?
 T.N.Balasubramanian

நாவல்கள்தலைப்பு
 raja_krmgroups

விகடன் சிறுகதைகள் 2011 மற்றும் 2012
 raja_krmgroups

தலைவர் சின்னப்பசங்க கூட கோலி விளையாடறாரே?
 ayyasamy ram

என்ன..! இது கவர்ச்சிப் பிரியாணியா?
 ayyasamy ram

நடிகை அம்பிகாவின் மகன் சினிமாவில் நடிக்கிறார்
 ayyasamy ram

கற்பூர வள்ளி’னு பெயர் வெச்சுட்டார்...!!
 ayyasamy ram

தூக்கத்திலும் தனியா புலம்பறாரா..?!
 ayyasamy ram

செல்லம்….சப்பாத்தி சூப்பரா செஞ்சிருக்கடி! –
 ayyasamy ram

ஆன்மீக அமுதம் - தொடர் பதிவு
 ayyasamy ram

ஃபெமினா மிஸ் இந்தியாவாக எம்பிபிஎஸ் மாணவி தேர்வு!
 ayyasamy ram

கொச்சி மெட்ரோவில் ஒரே வாரத்தில் எட்டு திருநங்கைகள் பணி ராஜினாமா!
 ayyasamy ram

ரன் குவிப்பில் இந்திய கிரிக்கெட் அணி புதிய உலக சாதனை
 ayyasamy ram

புத்தக பிரியர்களே என்னையும் பாருங்களேன்
 karthikeyan M

ரமலான் நல் வாழ்த்துக்கள்!
 அ.இராஜ்திலக்

உங்களுக்கு தேவையான தமிழ் வார இதழ்கள்
 senbills

ஆண்களின் வாழ்க்கை தேடல்..
 ayyasamy ram

படமும் செய்தியும்!
 ayyasamy ram

அமெரிக்காவில் பாடமாகும் ஜி.எஸ்.டி.,பிரதமர் மோடி பேச்சு
 ayyasamy ram

இனிய ரம்ஜான் வாழ்த்துகள்.
 ayyasamy ram

லாக்கர்களில் கொள்ளை போனால் வங்கிகள் பொறுப்பாகாது: ரிசர்வ் வங்கி
 ayyasamy ram

அரசியல் கார்ட்டூன்
 ayyasamy ram

நாவல் மழை-தமிழ்நேசன்-தொடர்பதிவு
 ஹரி சேதுபதி

ஜோதிடம் என்பது அறிவியலா?- 14: கடக, மகர மற்றும் பூமத்திய ரேகை மூலம்
 T.N.Balasubramanian

பஜ்ஜிக்கு உப்பு பத்தலை...!
 ayyasamy ram

சாய் பல்லவி தங்கை பூஜா நடித்திருக்கும் காரா குறும்படம்
 ayyasamy ram

கபட வேடதாரிகளை எனக்கு பிடிக்காது” நடிகை திரிஷா சொல்கிறார்
 ayyasamy ram

திரைத் துளிகள் - தொடர் பதிவு
 ayyasamy ram

இணையத்தில் இரசித்த,சிந்திக்க வைத்த காணொளிகள்.
 T.N.Balasubramanian

ஞானக் களஞ்சியம் ஔவையின் குறள்
 sugumaran

மின்னூல்கள் தரவிறக்கம்

























Admins Online

உலகக் கோப்பை கால்பந்து போட்டி 2014

Page 3 of 6 Previous  1, 2, 3, 4, 5, 6  Next

View previous topic View next topic Go down

உலகக் கோப்பை கால்பந்து போட்டி 2014

Post by சிவா on Wed Jun 04, 2014 12:09 pm

First topic message reminder :

உலகமே ஆவலுடன் எதிர்நோக்கும் உலக கோப்பை கால்பந்து திருவிழா பிரேசில் நாட்டில் வருகிற 12–ந் தேதி தொடங்குகிறது. 4 ஆண்டுகளுக்கு ஒரு முறை நடைபெறும் இந்த கோலாகல கால்பந்து செய்திகள் மற்றும் கண்ணோட்டங்களை இங்கு பார்க்கலாம்
உலகம் முழுக்க 100 கோடி 'வெறி பிடித்த ரசிகர்கள்’ கொண்டாடவிருக்கும் விளையாட்டுத் திருவிழாவுக்குத் தயாராகிறது பிரேசில். 32 அணிகள் மோதும் உலகக் கோப்பை கால்பந்து போட்டித் தொடர் ஜூன் 12-ம் தேதி  தொடங்குகிறது. உலகின் ஒரு மாத 'வைரல் டிரெண்டிங்’ ஆகவிருக்கும் போட்டியைப் பற்றி சில சுவாரஸ்யங்கள் இங்கே...

பிரேசிலில் இரண்டாவது முறையாக நடைபெறவிருக்கும் இந்தப் போட்டி, 20-வது கால்பந்து உலகக் கோப்பை போட்டி. 96 ஆயிரம் கோடி ரூபாய்க்கு மேல் செலவாகும் என்று மதிப்பிட்டிருக்கிறார்கள். பிரேசிலில் சட்டம்-ஒழுங்கு சிக்கல்கள் அதிகம் என்பதால், பாதுகாப்புக்காக மட்டும் 54 ஆயிரம் கோடி ரூபாய் ஒதுக்கப்பட்டுள்ளது. 50 ரசிகர்களுக்கு ஒரு போலீஸ் என்ற வகையில் பாதுகாப்பு வசதிகள்!

 போட்டியில் விளையாடும் ஒவ்வொரு நாட்டின் கோரிக்கைக்கு ஏற்ப பல வசதிகள் செய்து தரப்பட்டுள்ளன. போர்ச்சுகல் நாடு, தனது நட்சத்திர வீரரான கிறிஸ்டியானோ ரொனால்டோவுடன் '24ஜ்7’ துப்பாக்கி ஏந்திய பாதுகாவலர்கள் நால்வர் இருக்க வேண்டும் என்று வற்புறுத்தியிருக்கிறது. வீரர்கள் தங்கும் அறைகளில் சத்தம் இல்லாத ஏ.சி. சாதனம் வேண்டும், குறைந்தபட்சம் தங்கள் நாட்டில் ஒளிபரப்பாகும் முக்கியமான ஆறு சேனல்கள் டி.வி-யில் தெரிய வேண்டும், ஒவ்வொரு குளியல் அறையிலும் ஜக்கூஸி வேண்டும்... என ஏகப்பட்ட 'வேண்டும்... டும்’கள்!

 எப்போதுமே உலகக் கோப்பையை உலகின் பிரபல முக்கியஸ்தர் ஒருவர்தான் பந்தை உதைத்து தொடக்கிவைப்பார். ஆனால், இந்த முறை பந்தை எட்டி உதைத்து உலகக் கோப்பையைத் தொடக்கிவைக்கப்போவது ஒரு மாற்றுத்திறனாளி. இடுப்புக்குக் கீழே உணர்ச்சிகள் எதுவும் இல்லாத பக்கவாத நோயால் பாதிக்கப்பட்டிருக்கும் சிறுவன் ஒருவன்தான் உதைக்கக் காத்திருக்கிறான். சக்கர நாற்காலியில் இருந்து எழுந்து பந்தை உதைக்கும்போது, அதை அவன் உணர வேண்டும் என்பதற்காக அவன் உடலில் நவீன சென்சார்களைப் பொருத்தியிருக்கிறார்கள்.

 போட்டிகளைக் காண, சுமார் 36 லட்சம் வெளிநாட்டு ரசிகர்கள் வருவார்கள் என எதிர்பார்க்கப்படுகிறது. இவர்கள் அனைவரும் தங்கும் அளவுக்கு ஹோட்டல்கள் இன்னும் தயாராகவில்லை. இதனால் பல இடங்களில் வீடுகள் மற்றும் அப்பார்ட்மென்ட்கள் தற்காலிக ஹோட்டல்களாக மாறியிருக்கின்றன. 

 2010-ல் தென் ஆப்பிரிக்க உலகக் கோப்பையில் 'வாக்கா வாக்கா’ எனப் பாடி இளைஞர்களைப் பரவசப்படுத்திய பிரபல பாப் பாடகி ஷகீரா, இந்த உலகக் கோப்பைக்கு 'லா லா லா’ என்ற புதிய ஆல்பம் மூலம் உற்சாகம் விதைத்திருக்கிறார். இவர் ஸ்பெயின் நாட்டு கால்பந்து வீரர் ஜெரார்டு பிக்-ன் மனைவியும்கூட. பிரபல கால்பந்து வீரர்கள் லயோனல் மெஸ்ஸி, நெய்மர் எல்லாரும் இந்த ஆல்பத்தில் நடித்திருக்கிறார்கள்.

 போட்டியின் அதிகாரபூர்வ சின்னம் பிரேசில் நாட்டில் மட்டுமே காணப்படும் ’brazilian three banded armadilo' எனும் ஒருவகை எறும்புத்தின்னி. எதிரிகளால் ஆபத்து வரும்போது, இது தனது தலையை வளைத்து உடலை அதன் மடிப்புகள் இருக்கும் இடத்தில் அழகாக மடக்கி, ஒரு பந்து போல சுருண்டுகொள்ளும். பந்து போல் காணப்படும் இதை, உண்ண வரும் எந்த விலங்கும், அதை கல் என நினைத்து விட்டுவிட்டுப் போய்விடும். ஆபத்து விலகியதும் 'பந்து’ வடிவத்தை விலக்கி எழுந்து நடக்கும். சுருண்டிருக்கும்போது கிட்டத்தட்ட கால்பந்து போலவே இதன் வடிவம் இருக்கும். இவை அழிந்துவருவது பற்றிய விழிப்பு உணர்வையும் ஏற்படுத்த இந்த எறும்புத்தின்னியைச் சின்னமாகத் தேர்ந்தெடுத்திருக்கிறார்கள்.

உலக கோப்பை கால்பந்து போட்டியில் ஆடும் 32 நாடுகள்

உலக கோப்பை கால்பந்து போட்டியில் 32 நாடுகள் விளையாடுகின்றன. கண்டம் வாரியாக உலக கோப்பையில் ஆடும் நாடுகள்:

ஐரோப்பா (13):

ஸ்பெயின், இத்தாலி, ஜெர்மனி, பிரான்ஸ், இங்கிலாந்து, போர்ச்சுக்கல், நெதர்லாந்து, சுவிட்சர்லாந்து, பெல்ஜியம், குரோஷியா, கிரீஸ், ரஷிய, போஸ்னியா ஹெர்சகோவா.

தென்அமெரிக்கா (6):

பிரேசில், அர்ஜென்டினா, உருகுவே, சிலி, கொலம்பியா, ஈக்வடார்.

வடக்கு, மத்திய அமெரிக்கா (4).

கோஸ்டாரிகா, ஹோண்டுரஸ், மெக்சிகோ, அமெரிக்கா.

ஆப்பிரிக்கா (5):

அல்ஜீரியா, கேமரூன், கானா, நைஜீரியா, ஐவேரி கோஸ்ட்.

ஆசியா (4):

ஆஸ்திரேலியா, ஐப்பான், ஈரான், தென்கொரியா


Last edited by சிவா on Fri Jun 06, 2014 5:21 am; edited 4 times in total
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down


Re: உலகக் கோப்பை கால்பந்து போட்டி 2014

Post by சிவா on Fri Jun 13, 2014 12:23 am

உலகில் அதிக மக்களை கவர்ந்த விளையாட்டு கால்பந்து தான். வலிமையான கால்கள், உறுதியான மனம் இருந்தால் யார் வேண்டுமானாலும் கால்பந்து விளையாடலாம். மூன்றாம் நூற்றாண்டில் சீனாவில் பிறந்த கால்பந்து, இங்கிலாந்து மண்ணில் வளர்ச்சி கண்டது. கடந்த 1904, மே 22ல் பாரிசில் சர்வதேச கால்பந்து கூட்டமைப்பு(பிபா) உதயமானது. "பிபா' சார்பில் 1930ல் முதலாவது உலக கோப்பை தொடர் உருகுவேயில் நடந்தது.

பிரேசில் மண்ணில்: தற்போது "பிபா' உறுப்பினர்களாக 209 நாடுகள் உள்ளன. இதிலிருந்து 32 நாடுகள் உலக கோப்பை தொடரில் பங்கேற்கின்றன. இம்முறை 20வது உலக கோப்பை தொடர் பிரேசிலில் ஜூன் 12ம் தேதி துவங்குகிறது. வரும் ஜூலை 13ம் தேதி நிறைவு பெறுகிறது.

நாயகன் நெய்மர்: கோப்பை வெல்ல வாய்ப்புள்ள அணிகளில் பிரேசில் முன்னிலை வகிக்கிறது. 64 ஆண்டுகளுக்கு பின் சொந்த மண்ணில் களமிறங்குவது கூடுதல் பலம். பயிற்சியாளர் லுாயிஸ் பிலிப் ஸ்காலரியின் அனுபவம் நிச்சயம் கைகொடுக்கும். இளம் முன்கள வீரர் நெய்மர், 22, மீது அதிக எதிர்பார்ப்பு காணப்படுகிறது. மின்னல் வேகத்தில் ஓடுதல், பந்தை துடிப்பாக கடத்திச் சென்று கோல் அடிப்பதில் வல்லவரான இவரை, பிரேசில் ஜாம்பவான் பீலேவுடன் ஒப்பிடுகின்றனர். 2013ல் நடந்த கான்படரேஷன் கோப்பை பைனலில் ஸ்பெயினுக்கு எதிராக கோல் அடித்த இவர், சாம்பியன் பட்டம் பெற்று தந்தார். 'நம்பர்-10' ஜெர்சி அணிந்து களமிறங்கும் இவர், பிரேசில் அணி ஆறாவது முறையாக உலக கோப்பை வெல்ல கைகொடுப்பார் என நம்பலாம். இவருக்கு கேப்டன் தியாகோ சில்வா, ஆஸ்கர், ரமிரஸ், டேவிட் லுாயிஸ் போன்றோர் கைகொடுக்கலாம்.

மெஸ்சி 'மேஜிக்': அடுத்து, அர்ஜென்டினாவுக்கு வாய்ப்பு அதிகம். மாரடோனா போல, களத்தில் பம்பரமாக சுழன்று ஆடும் திறன்படைத்த முன்கள வீரர் லியோனல் மெஸ்சி, 26, மீது எதிர்பார்ப்பு அதிகம். லா லிகா தொடரில் இளம் வயதில் 200 கோல் அடித்து சாதனை படைத்தார். தொடர்ந்து நான்கு முறை 'பிபா' சிறந்த வீரர் விருது பெற்ற இவரது மந்திர ஆட்டம் தொடரலாம். செர்ஜி அகியுரோ, ஹிகுவேன், ரிக்கார்டோ ஆல்வராஸ் அசத்தலாம். ஐரோப்பிய அணிகளில் முன்னாள் சாம்பியன்களான இத்தாலி, பிரான்ஸ், இங்கிலாந்து, ஸ்பெயின், உருகுவே அணிகள் கோப்பை வெல்ல கடுமையாக போராடும். பிரான்ஸ் அணிக்கு காயம் காரணமாக பிராங்க் ரிபரி நீக்கப்பட்டது பின்னடைவு. இருப்பினும் கேப்டன் ஹயுகோ லியோரிஸ், பாட்ரிஸ் எவ்ரா, கரிம் பென்சிமா போன்றோர் முக்கிய பங்கு வகிக்கலாம்.

இங்கிலாந்துக்கு ரூனே, ஸ்டீவன் ஜெரார்டு, பிராங் லாம்பார்ட், கிளன் ஜான்சன் போன்றோர் அசத்தினால், கோப்பை கனவு நனவாகலாம். ஜெர்மனிக்கு கேப்டன் பிலிப் லாம், குளோஸ், ஸ்கீவன்ஸ்டீகர், ஓசில், தாமஸ் முல்லர் நம்பிக்கை அளிக்கின்றனர்.

சிக்கலில் கிறிஸ்டியானோ: போர்ச்சுகல் அணியை பொறுத்தவரை முன்கள் வீரரான கிறிஸ்டியானோ ரெனால்டோ தான் மிகப் பெரும் பலம். உலகின் 'காஸ்ட்லியான' வீரரான இவர், அனைத்துவித போட்டிகளிலும் சேர்த்து 400 கோல்கள் என்ற மைல்கல்லை இந்த ஆண்டு எட்டினார். 'பிரீ-கிக்', 'பெனால்டி கிக்' அடிப்பதில் வல்லவர். காயத்தால்(இடது தொடை, முழங்கால் தசையில்) அவதிப்படுவது சற்று பின்னடைவு. இவர், விரைவில் குணமடைந்துவிடுவார் என்ற நம்பிக்கையுடன் ரசிகர்கள் உள்ளனர். இம்முறை 'குரூப் ஆப் டெத்' எனப்படும் ஆபத்தான 'ஜி' பிரிவில் இடம் பெற்றுள்ளது. இதில் ஜெர்மனி, கானா, அமெரிக்க அணிகள் இடம் பெற்றுள்ளதால், போர்ச்சுகல் கவனமாக விளையாட வேண்டும். 'சூப்பர்' ஸ்பெயின்: 'நடப்பு உலக சாம்பியன்' அந்தஸ்துடன் களமிறங்கும் ஸ்பெயின் அணிக்கு இனியஸ்டா, ஜெரார்டு பிக், டேவிட் வில்லா, பெர்ணான்டோ டோரஸ், டியாகோ கோஸ்டா, கேப்டனும் கோல்கீப்பருமான இகர் கேசிலாஸ் பலம் சேர்க்கின்றனர்.

ஆசியா சார்பில் ஈரான், ஜப்பான், கொரியா ஆறுதல் அளிக்கலாம். ஆப்ரிக்கா தரப்பில் காமரூன் அதிர்ச்சி தரலாம்.

உலகின் முன்னணி அணிகள் மோதுவதால், சாம்பியன் பட்டம் வெல்லும் அணியை கணிப்பது மிகவும் கடினம். அதிகம் பிரபலம் இல்லாத அணிகள் கூட சாதிக்கலாம். ஒட்டுமொத்தமாக பார்த்தால் யார் கோப்பை வெல்கிறார் என்பதைவிட, மிகச் சிறந்த கால்பந்து ஆட்டத்தை ரசிகர்கள் கண்டு மகிழலாம். சின்னம் 'புலெக்கோ'

உலகக் கோப்பை கால்பந்து தொடருக்கு என, பொதுவாக ஒரு சின்னம் இருக்கும். கடந்த 1966 முதல், போட்டியை நடத்தும் நாடு, சொந்தமாக சின்னத்தை தேர்வு செய்து கொள்ள அனுமதிக்கப்பட்டது.

இம்முறை பிரேசிலில் நடக்கும் 20வது உலகக் கோப்பை கால்பந்து தொடரின், அதிகாரப்பூர்வ சின்னமாக கார்ட்டூன் வடிவ, கிழக்கு பிரேசிலில் காணப்படும், 14 வயதான எறும்பு திண்ணி தேர்வு செய்யப்பட்டது.

இதற்கு 'புலெக்கோ', 'அமிஜுபி', 'ஜுஜெகோ' என, மூன்று பெயர்கள் முடிவு செய்யப்பட்டு, கடைசியில் 17 லட்சம் பேர் ஓட்டளித்த 'புலெக்கோ' தேர்வானது.

பியுட்போல் (கால்பந்து), எகோலோகியா ('எக்காலஜி') என்ற போர்த்துகீசிய வார்த்தைகள் இணைந்து,'புலெக்கோ' உருவானது. முதுகுப்பகுதியில் காணப்படும் நீல நிறம், வானத்தையும், பிரேசிலை சுற்றியுள்ள சுத்தமான நீரையும் குறிக்கும்.



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Fri Jun 13, 2014 12:24 am

கோப்பை வரலாறு

கடந்த 1930 முதல் உலக கோப்பை தொடரில் கோப்பை வெல்லும் அணிக்கு 'ஜூல்ஸ் ரிம்மட்' கோப்பை வழங்கப்பட்டு வந்தது. 1970ல் பிரேசில் அணி மூன்றாவது முறையாக கோப்பை வென்றதால், 'ஜூல்ஸ் ரிம்மட்' டிராபி சொந்தமானது.

இதனால், 1974ல் நடந்த 10வது உலக கோப்பை தொடரில், புதிய கோப்பை வடிமைக்கப்பட்டது. மொத்தம் 7 நாடுகளில் இருந்து 53 'டிசைன்கள்' அனுப்பப்பட்டன. கடைசியில், இத்தாலிய ஓவிய கலைஞர் சில்வியோ கஜானிகாவின் 'டிசைன்' தேர்வானது.

18 காரட் தங்கத்தினால் ஆன இந்தக் கோப்பை 36.8 செ.மீ., உயரம், 6.175 கி.கி., எடை கொண்டது. அடிப்பகுதி இரண்டு அடுக்குகளை கொண்டது.1974 ல் இருந்து கோப்பை வென்ற அணிகளின் பெயர் இதில் பொறிக்கப்பட்டு இருக்கும்.

2042 வரை கோப்பை (17 தொடர்கள்) வெல்லும் அணிகளின் பெயர்கள் பொறிக்க, இதில் இடம் உள்ளது. இதன் பின் புதிய கோப்பை தயாரிக்கப்படும். சாம்பியன் அணிகளுக்கு, சொந்தமாக வைத்துக்கொள்ள, இந்த கோப்பையின் மாதிரி தான் இப்போது தரப்படுகிறது.



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Fri Jun 13, 2014 12:24 am



'பிரஜுகா' பந்து

பிரேசில் உலகக் கோப்பை தொடரில் பயன்படுத்தும் பந்தின் பெயர் 'தி பிரஜுகா' என்றழைக்கப்படுகிறது. இந்த பெயரை 10 லட்சத்துக்கும் அதிகமாக பிரேசில் மக்கள், ஓட்டெடுப்பு மூலம் தேர்வு செய்தனர்.

'போசாநோவா', 'கார்னவெலஸ்கா' என்ற பெயர்கள் இருந்த போதும், 78.8 சதவீத ஓட்டுக்களை பெற்றது 'பிரஜுகா' தான். பிரேசில் மக்களின் வாழ்க்கை முறையை வெளிப்படுத்தும் வகையில் இந்த பந்து அமைந்துள்ளது.

நீலம், ஆரஞ்சு, பச்சை நிறங்களால் ஆன வளையங்களும், ஆங்காங்கே நட்சத்திரங்கள் மின்னுவது போலவும் வரையப்பட்டு இருக்கும்.இந்த நட்சத்திரங்கள் 'கால்பந்தின் மெக்கா' என, பிரேசிலை குறிக்கும். இந்த பந்தின் எடை 437 கிராம். சுற்றளவு 69 செ.மீ., இருக்கும்.



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Fri Jun 13, 2014 12:24 am



பரிசு எவ்வளவு

உலக கோப்பை கால்பந்து தொடரில் பங்கேற்கும் 32 அணிகளுக்கு தரப்படும் மொத்த பரிசுத் தொகை ரூ. 2,119 கோடி. இது, 2010ஐ விட 37 சதவீதம் அதிகம்.தொடரில், சாம்பியன் பட்டம் வென்று, கோப்பை கைப்பற்றும் அணிக்கு மட்டும் ரூ. 207 கோடி கிடைக்கும். இது கடந்த 2010 ஐ விட, ரூ. 30 கோடி அதிகம்.

பைனலில் தோற்கும் அணிக்கு ரூ. 148 கோடி கிடைக்கும். மூன்று, நான்காவது இடம் பெறும் அணிகளுக்கு தலா ரூ. 130 கோடி, ரூ. 118 கோடி தரப்படும். இது தவிர, பிற அணிகளுக்கு கிடைக்கும் பரிசுத் தொகை விவரம்:

* காலிறுதியில் தோற்கும் அணிகளுக்கு தலா ரூ. 83 கோடி கிடைக்கும்.

* 'ரவுண்டு-16' சுற்றுடன் திரும்பும் அணிகள் ஒவ்வொன்றும் ரூ. 53.25 கோடி பெறும். * முதல் சுற்றுடன் திரும்பினால் ரூ. 47.34 கோடி கிடைக்கும்.

* தவிர, உலக கோப்பை தொடருக்கு தகுதி பெற்ற 32 அணிகளுக்கும், தலா ரூ. 8.9 கோடி தரப்படும்.



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Fri Jun 13, 2014 12:24 am

பிரேசில் போகலாமா...

தென் அமெரிக்க நாடுகளில் மிகப்பெரியது பிரேசில். பூகோள அமைப்பு, மக்கள் தொகையில்(20 கோடி) உலகின் 5வது பெரிய நாடு. கடந்த 150 ஆண்டுகளாக உலக காபி உற்பத்தியில் முதலிடம் வகிக்கிறது. 7,491 கி.மீ., துாரத்துக்கு கடற்கரை கொண்ட பிரேசிலில், 120 ஆண்டுகளுக்கு முன், கால்பந்து அறிமுகம் ஆனது. மக்களை ஈர்க்கக்கூடிய பொழுது போக்கு எதுவும் இல்லாததால், கால்பந்து பிரபலமானது. குடிசைகள் நிறைந்த சேரிப்பகுதிகளில், கடற்கரையில், மோசமான தரையிலும் கூட, பந்துகளை சுழற்றிக் கொண்டு தான் இருப்பர். 1950க்குப் பின் 64 ஆண்டுகள் கழித்து, மீண்டும் இங்கு உலக கோப்பை தொடர் நடக்கிறது.

சுற்றுலா உலகின் சொர்க்கம் பிரேசில் என்றாலும், போதை மருந்து கடத்தல், திருட்டு, வன்முறை இங்கு அதிகம். கடந்த 1979 முதல் 2003 வரை 5 லட்சத்துக்கும் மேற்பட்டோர் வன்முறைக்கு பலியாகியுள்ளனர்.

தவிர, இங்கு பாலியல் தொழிலுக்கு சட்டப்படி அனுமதி உண்டு. உலக கோப்பை தொடரை காண வருபவர்களை கவர, 5 லட்சம் சிறுமிகள் உட்பட, சுமார் 10 லட்சம் பாலியல் தொழிலாளர்கள் தயாராக உள்ளனர் என்பது வேதனையான விஷயம்.

இத்துடன், ஒவ்வொரு ஆண்டும் நடக்கும் 'பிரேசில் திருவிழா' மிகவும் பிரபலம். இதில் அரைகுறை ஆடையுடன் இடம் பெறும் 'சம்பா' நடனம் தான், பிரேசிலின் முகமாக உள்ளது. உலக கோப்பை போட்டிக்காக மக்கணின் வரிப்பணம் தண்ணீராக செலவிடப்படுவதை கண்டித்து, கடந்த ஆறு ஆண்டுகளாக போராட்டம் நடக்கிறது. இதனால் ஏற்படும் குழப்பங்கள், கலவரங்களால் போட்டி நாட்களில் சிக்கல் வரலாம்.



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Fri Jun 13, 2014 12:25 am

பைனலுக்கு முன்னேறுவது எப்படி

பிரேசிலில் நடக்கும் உலக கோப்பை தொடரில் மொத்தம் 32 அணிகள் பங்கேற்கின்றன. இந்த அணிகள் தலா 4 வீதம், 8 பிரிவுகளாக பிரிக்கப்பட்டு, போட்டிகள் முதலில் லீக் முறையில் நடக்கும்.

* ஒவ்வொரு அணியும் லீக் சுற்றில் மற்ற அணிகளுடன் தலா ஒரு முறை மோதும்.

* 48 லீக் போட்டிகள் முடிந்த பின், ஒவ்வொரு பிரிவிலும் முதல் இரு இடங்களைப் பெறும் அணிகள் அடுத்த சுற்றுக்கு அதாவது 'ரவுண்டு-16' என்ற 'நாக்-அவுட்' சுற்றுக்கு முன்னேறும். * இதில் வெல்லும் அணிகள் காலிறுதிக்கு முன்னேறும்.

* பின் ஜூலை 8, 9ல் அரையிறுதி போட்டிகள் நடக்கும். இதில் தோற்கும் அணிகள் 3வது இடத்துக்கான போட்டியில் (ஜூலை 12) மோதும்.

* 20 வது உலக கோப்பை தொடரின் பைனல், ஜூலை 13ல் ரியோ டி ஜெனிரோவில் நடக்கும். இளமையும், முதுமையும்

பிரேசில் உலக கோப்பை தொடரில் பங்கேற்கும் மிக இளம் வயது வீரர் என்ற பெயரை தட்டிச் செல்கிறார் காமரூன் வீரர் பேப்ரிஸ் ஆலிங்கா. கடந்த மே 12ல் தான் இவருக்கு 18 வயதானது. * கொலம்பியாவின் 'ரிசர்வ்' கோல்கீப்பர் பர்த் மாண்டிராகன் தான் இத்தொடரில் பங்கேற்கும் வீரர்களில் அதிக வயது (43) உடையவர். இதே அணியின் தற்காப்பு வீரர் மரியோ ஏப்ஸ் (38) இரண்டாவது இடத்தில் உள்ளார்.



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Fri Jun 13, 2014 3:57 am






சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Fri Jun 13, 2014 5:17 pm

சேம் சைடு கோல் அடித்த பிரேசில் வீரர்

உலகமே மிகவும் ஆவலுடன் எதிர்பார்த்த உலகக்கோப்பை கால்பந்து போட்டியின் ஆரம்பவிழா நேற்று பிரேசில் நாட்டில் தொடங்கியது. 32 நாடுகள் பங்கேற்கும் உலகக் கோப்பை கால்பந்து போட்டியின் முதல் போட்டியில் நேற்று போட்டியை நடத்தும் நாடான பிரேசில் 3-1 என்ற கோல்கணக்கில் மிக அபாரமாக வெற்றியை பெற்றது.

20-வது உலக கோப்பை கால்பந்து போட்டியின் முதல் கோலே சேம்சைடு கோலாகும். குரோஷியாவுக்கு எதிரான தொடக்க ஆட்டத்தில் பிரேசில் அணி வீரர் மார்சிலோ சேம்சைடு கோல் அ டித்தார். 11-வது நிமிடத்தில் குரோஷியாவின் இவிகா ஒலிக் அடித்த பந்தை தடுக்க முயன்ற போது பந்து அவரது காலின் ஓரத்தில் பட்டு கோல் எல்லைக்கு நுழைந்தது. இதை எதிர்பாராத அவர் மிகுந்த அதிர்ச்சி அடைந்தார்.

நல்ல வேளையாக பிரேசில் அணி வெற்றி பெற்று விட்டதால் மார்சிலோ தப்பினார். உலக கோப்பை கால்பந்தில் அடிக்கப்பட்ட 37-வது சேம்சைடு கோல் இதுவாகும்.

1994-ம் ஆண்டு உலக கோப்பை போட்டியில் அமெரிக்காவுக்கு எதிரான ஆட்டத்தில் கொலம்பியா வீரர் எஸ்கோபர் சேக்சைடு கோல் அடித்தார். இந்த சேம்சைடு கோலால் கொலம்பியா தோற்றது. இதனால் ஆத்திரம் அடைந்த அந்நாட்டு ரசிகர்கள் அவரை சுட்டுக் கொன்றனர் என்பது குறிப்பிடத்தக்கது.



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Fri Jun 13, 2014 5:21 pm

வெற்றியுடன் துவங்கியது பிரேசில் : குரோஷியா தோல்வி

சாவ் பாலோ: உலக கோப்பை கால்பந்து தொடரின் முதல் லீக் போட்டியில் நட்சத்திர நாயகன் நெய்மர் கைகொடுக்க, பிரேசில் அணி, குரோஷியாவை 3-1 என வீழ்த்தியது.

சர்வதேச கால்பந்து கூட்டமைப்பு ('பிபா') சார்பில் 4 ஆண்டுக்கு ஒரு முறை நடத்தப்படும் உலக கோப்பை கால்பந்து தொடர், நேற்று பிரேசிலில் கோலாகலமாக துவங்குகியது. மொத்தம் 32 அணிகள் பங்கேற்கும், இத்தொடரின் போட்டிகளில் மொத்தம் 12 நகரங்களில் நடக்கிறது. சாவ் பாலோவில் நேற்று நடந்த முதல் லீக் போட்டியில் 'ஏ' பிரிவில் இடம் பெற்றுள்ள 5 முறை உலக சாம்பியன் பிரேசில் அணி, குரோஷியாவை எதிர்கொண்டது.

சொதப்பல் துவக்கம்:

பரபரப்பாக துவங்கிய முதல் பாதியின் 11வது நிமிடத்தில் பிரேசில்வீரர் மார்செலோ, 'சேம் சைடு ' கோல் அடித்து ரசிகர்களுக்கு அதிர்ச்சி அளி்த்தார். இதனால் குரோஷியா அணி 1-0 என ஆரம்பத்திலேயே சுலமாக முன்னிலை பெற்றது. அசராமல் தொடர்ந்து போராடிய பிரேசில் அணிக்கு நட்சத்திர வீரர் நெய்மர் (29வது நிமிடம்) முதல் கோல் அடித்து ஆறுதல் அளித்தார். மும்முரமான ஆட்டத்தை வெளிப்படுத்திய இரு அணி வீரர்களும் தொடர்ந்து கோல் அடிக்க முயன்றனர். ஆனால் எதுவும் பலன் அளிக்கவில்லை. இதையடுத்து முதல் பாதியின் முடிவில், போட்டி 1-1 என சமநிலை வகித்தது.

நெய்மர் அபாரம்:

பின் விறுவிறுப்பாக துவங்கிய இரண்டாவது பாதியில் ஆதிக்கம் செலுத்திய பிரேசில் அணிக்கு நட்சத்திர வீரர் நெய்மர் (71) ஒரு கோல் அடித்தார். இதற்கு குரோஷியா அணி வீரர்களால் பதிலடி கொடுக்க முடியவில்லை. தொடர்ந்து அசத்திய பிரேசில் அணிக்கு ஆஸ்கர் (90+1) மேலும் ஒரு கோல் அடித்து அணியின் வெற்றியை உறுதி செய்தார். ஆட்டநேர முடிவில், பிரேசில் அணி 3-1 என்ற கோல் கணக்கில் குரோஷியாவை வீழ்த்தியது.

தொடரும் வரலாறு:

இதுவரை நடந்த உலக கோப்பை தொடர்களில், போட்டியை நடத்தும் நாடு, துவக்க போட்டிகளில் தோற்றதே கிடையாது. ஐந்து முறை சாம்பியன் பட்டம் வென்ற பிரேசிலும் நேற்று இதை இச்சாதனையை தக்கவைத்துக்கொண்டது. தவிர, குரோஷியா அணிக்கு எதிராக 2 வது வெற்றி பெற்ற பிரேசில் அணி தனது ஆதிக்கத்தை தொடர்ந்தது.



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Fri Jun 13, 2014 5:31 pm


எல்லைக்கோட்டை கடந்து பந்து கோலுக்குள் நுழைந்ததா? உலக கோப்பையில் முதல் முறையாக கோல் லைன் தொழில்நுட்பம் அறிமுகம்

உலக கோப்பை கால்பந்து போட்டியில் முதல் முறையாக கோல் லைன் டெக்னாலஜி என்ற நவீன தொழில்நுட்பத்தை உலக கால்பந்து கூட்டமைப்பு (பிபா) அறிமுகப்படுத்தியுள்ளது. இந்த தொழில்நுட்பத்தில் கோல் போஸ்ட்டில் பக்கவாட்டு வலைகளில் உயர் தொழில்நுட்ப அதிவேக கேமராக்கள் பொருத்தப்பட்டிருக்கும். கோல்போஸ்ட்டில் 7 இடங்களில் 14 கேமராக்கள் பொருத்தப்பட்டிருக்கும். கால்பந்து வீரர் உதைத்ததாலோ, தலையால் முட்டியதாலோ கோலை நோக்கி வரும் பந்து கோல் லைனைக் கடந்து கோல் போஸ்ட்டுக்குள் செல்கிறதா என்பதை கேமராக்களில் பதிவாகும் காட்சிகள் மூலம் கண்காணிக்க முடியும். பந்து கோல் லைனைக் கடந்து கோல் போஸ்ட்டுக்குள் நுழைந்து விட்டால் கள நடுவர், 2 லைன்ஸ்மேன்கள் மற்றும் களத்துக்கு வெளியில் உள்ள நான்காவது நடுவர் ஆகியோரின் கையில் கட்டப்பட்டிருக்கும் கடிகாரத்தில் கோல் என்ற அறிவிப்பு வரும்.

இதையடுத்து, களநடுவர் கோல் அடிக்கப்பட்டதற்கான அதிகாரபூர்வ அறிவிப்பை வெளியிடுவார். சில ஆண்டுகளுக்கு முன்பு வரை கால்பந்து போட்டிகளில் இந்த தொழில்நுட்பத்தை பயன்படுத்த கடும் எதிர்ப்பு இருந்து வந்தது. பிபா தலைவர் செப் பிளாட்டரும் 4 ஆண்டுகளுக்கு முன்பு எதிர்ப்பு தெரிவித்திருந்தார். மனிதர்கள் விளையாடும் போட்டியில் நடுவர்களுக்கு உதவி செய்ய தொழில்நுட்பத்தை புகுத்துவதற்கு எதிர்ப்பு தெரிவித்த அவர், 2010 உலக கோப்பைக்கு பின்னர் தனது நிலையை மாற்றிக் கொண்டார். தென்னாப்ரிக்காவில் 2010ல் நடந்த உலக கோப்பை போட்டியின் போது ஜெர்மனிக்கு எதிரான போட்டியில் இங்கிலாந்தின் பிராங்க் லாம்பார்டு அடித்த பந்து கோல் லைனைக் கடந்திருந்த போதிலும், கள நடுவர் பந்து கோல் எல்லையை கடக்கவில்லை என கருதி கோல் இல்லை என அறிவித்தார். பின்னர் தொலைக்காட்சி கேமராக்களில் பார்த்த போது பந்து கோல் எல்லையைக் கடந்து கோலுக்குள் சென்றிருந்தது தெரிய வந்தது.

இதையடுத்து இன்று துவங்கும் பிரேசில் உலக கோப்பையில் கோல் லைன் டெக்னாலஜியை பயன்படுத்த முடிவு செய்யப்பட்டது. ஜெர்மனியைச் சேர்ந்த கோல் கன்ட்ரோல் டெக்னாலஜி நிறுவனம் இதற்கான ஒப்பந்தத்தை பெற்றுள்ளது. போட்டி நடக்கும் 12 ஸ்டேடியங்களிலும் கோல் போர்ட்டுகளைச் சுற்றி கேமராக்களை பதிக்கும் பணியில் இந்த நிறுவனத்தின் பணியாளர்கள் ஈடுபடுத்தப்பட்டுள்ளனர். காற்று, மழை மற்றும் கேமராக்களை வீரர்கள், கோல் கீப்பர்கள் மறைப்பது உள்பட பல்வேறு நிலைகளில் 2400 முறை இந்த தொழில்நுட்பத்தை வல்லுனர்கள் சோதனை செய்து பார்த்துள்ளனர். இந்த தொழில்நுட்பம் மூலம் தவறு இல்லாத போட்டியாக பிரேசில் உலக கோப்பை அமையும் என்று கோல் கன்ட்ரோல் நிறுவனத்தின் தலைமை நிர்வாகி டிரிக் புரோய்ச்ஹாசென் தெரிவித்துள்ளார்.



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Sat Jun 14, 2014 2:46 am

நெதர்லாந்து 5 : 1 ஸ்பெயின்

நடப்பு சாம்பியன் என்ற கர்வத்தில் களமிறங்கிய ஸ்பெயின் அணியை சிதறடித்துவிட்டது நெதர்லாந்து. 5:1. இந்த ஒரு கோலும் நடுவரின் தவறான முடிவால் வழங்கப்பட்ட பெனால்டி கிக் என்பது குறிப்பிடத்தக்கது!



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Sat Jun 14, 2014 2:49 am

மெக்சிகோ 1 : 0 கேமரூன்

மெக்சிகோ அணி, கேமரூன் அணியை 1-0 என்ற கோல் கணக்கில் வென்றது.



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Sat Jun 14, 2014 3:06 am


உலகக் கோப்பையில் மூன்று முறை கோப்பை வெல்லும் அணிக்கு நிரந்தரமாகவே கோப்பை வழங்கப்படுவது வழக்கம்.

இதன்படி 1970-ம் ஆண்டில் மூன்றாவது முறையாகக் கோப்பை வென்ற பிரேசில் அணிக்கு ‘ஜூல்ஸ் ரிமேட் கோப்பை’வழங்கப்பட்டது. 1974-ல் உலகக் கோப்பைக்காக இத்தாலியக் கலைஞர் சில்வியோ கஸ்ஸானிகா வடிவமைத்ததுதான் இப்போதைய கோப்பை.

முழுவதும் தங்கத்தால் செய்யப்பட்ட இக்கோப்பை 36.5 செ.மீ. உயரமும் ஐந்து கிலோ எடையும் கொண்டது. 2038 வரை நடைபெறும் உலகக் கோப்பையில் வெற்றிபெறும் அணிகளின் பெயர்களைக் கோப்பையில் பொறிக்க முடியும்.

இக் கோப்பை சர்வதேசக் கால்பந்துக் குழுமத்திடமே (ஃபிஃபா) இருக்கும்.

வெற்றிபெறும் அணிக்கு தங்க முலாம் பூசப்பட்ட பிரதிதான் வழங்கப்படுகிறது.



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Sat Jun 14, 2014 5:09 pm

உலகக் கிண்ணம் முடிவுகள் (B பிரிவு ) – சிலி 3 – ஆஸ்திரேலியா 1


ஜூன் 14 – மலேசிய நேரப்படி இன்று அதிகாலை 6.00 மணியளவில் தொடங்கிய ஆஸ்திரேலியாவுக்கும் சிலிக்கும் இடையிலான ‘பி’ பிரிவு காற்பந்து ஆட்டத்தில் சிலி 3-1 என்ற கோல் வித்தியாசத்தில் வெற்றி பெற்றது.


படங்கள் : EPA



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Sat Jun 14, 2014 6:26 pm

உலக சாம்பியன் ஸ்பெயின் வரலாறு காணாத தோல்வி

பிரேசிலில் நடைபெறும் உலகக் கோப்பை கால்பந்து போட்டியில் உலக சாம்பியன் ஸ்பெயின், நெதர்லாந்து அணியிடம் வரலாறு காணாத தோல்வி தழுவியது.

நெதர்லாந்து ஸ்பெயினை 5-1 என்ற கோல் கணக்கில் சுக்கு நூறாக்கியது. உலகக் கோப்பைக் காலபந்துப் போட்டிக்கு உலக சாம்பியன் என்ற தகுதியுடன் வந்த எந்த அணியும் 5 கோல்கள் வாங்கிய தோல்வியைச் சந்தித்ததில்லை.

மேலும் கடந்த 50 ஆண்டுகால ஸ்பெயின் கால் பந்து வரலாற்றில் இது போன்ற ஒரு தோல்வியை ஸ்பெயின் சந்தித்ததில்லை. 1963ஆம் ஆண்டு ஸ்காட்லாந்து அணியிடம் 6-2 என்ற கோல் கணக்கில் தோல்வி தழுவிய பிறகு இப்போது உலகக்கோப்பையில் இத்தகைய கோல் வித்தியாசத்தில் தோல்வி தழுவியுள்ளது என்பது குறிப்பிடத்தக்கது.

1950ஆம் ஆண்டு பிரேசிலிடம் 6-1 என்று தோல்வி தழுவியிருந்தது ஸ்பெயின்.

நெதர்லாந்து ஸ்ட்ரைக்கர்களான ராபின் வான் பெர்சி, மற்றும் அர்ஜென் ரூபென் ஆகியோர் தலா 2 கோல்களை அடிக்க, இடைவேளைக்குப் பிறகு ஸ்பெயினுக்கு என்ன நடந்தது என்றே தெரியவில்லை என்றே கூறவேண்டும்.

இன்னும் சொல்லப்போனால் 44வது நிமிடத்தில் வான் பெர்சி அசாத்தியமான முறையில் தலையில் முட்டி அடித்த கோல் ஆட்டத்தை 1-1 என்று சமன் செய்தது. அந்தக் கணத்திலிருந்து ஸ்பெயினுக்கு தலை சுற்றல் தொடங்கியது. டேவிட் பிளைண்ட் மிக மிகத் துல்லியமாக இடது பக்கத்திலிருந்து ஒரு பாஸ் செய்ய அதனை சற்றும் எதிர்பாராதவிதமாக அசாத்தியமான முறையில் எம்பி தலையால் முட்டி கோலுக்குள் அடித்தார் வான் பெர்சி.

கிட்டத்தட்ட நெதர்லாந்து பகுதியிலிருந்து 40 அடி பாஸ் செய்யப்பட்டது. அதனை எடுத்துச் சென்று அடித்தபோது பந்து மேலெழும்பியது கோல் லைனுக்கு நேராக இருந்த வான் பெர்ஸி எம்பி தலையால் முட்டி கோலாக மாற்றினார். ஸ்பானிய கோல் கீப்பர் காஸ்டிலாஸ் வெறுமனே வேடிக்கை மட்டுமே பார்க்க முடிந்தது.

கோலை அடித்து முடித்து புல்தரையில் வயிறு கீழே இருக்க அவர் சறுக்கியபடியே சென்று பிறகு கோலைக் கொண்டாடினார். இந்த கோல் இந்த உலகக் கோப்பைப் போட்டிகளின் சிறந்த கோல்களில் ஒன்றாகவே இருக்கும் என்றால் அது மிகையாகாது.

அர்ஜென் ரூபனின் ஆட்டம் அற்புதத்தின் உச்சத்தைத் தொட்டது. அவரது வேகத்தினால் 2 கோல்களை அவர் அடித்தார். 7 சர்வதேச போட்டிகளில் 7 கோல்களை அடித்துள்ளார் ரூபென். இதைத் தவிர அறிமுக வீரர் ஸ்டெபான் டீ விரிஜ் ஒரு கோல் அடித்து ஸ்பானிய புண்ணில் வேலைப்பாய்ச்சினார்.

துவக்கத்தில் ஸ்பானிய ஆதிக்கமே இருந்தது. அருமையான, வேகமான ஷாட் பாஸ்கள் மூலம் அடிக்கடி நெதர்லாந்து எல்லைக்குள் சென்றனர். அப்படிப்பட்ட ஒரு மூவில்தான் 27வது நிமிடத்தில் ஸ்பானிய வீரர் கோஸ்டா பந்தை எடுத்துக் கொண்டு நெதர்லாந்து கோல் எல்லைக்குள் செல்ல அங்கு நெதர்லாந்து வீரர் ஒன்றும் செய்ய முடியாமல் ஃபவுல் செய்தார். இதனால் பெனால்டி கிக் கொடுக்கப்பட்டது.

அதனை ஸ்பானிய வீரர் சாபி அலான்சோ கோலாக மாற்றினார். ஸ்பெயின் உண்மையில் முதலில் முன்னிலை பெற்றது.

பிறகு 44வது நிமிடத்தில் நெதர்லாந்தின் வான் பெர்சி அடித்த அதிர்ச்சி கோலால் ஆட்டம் சமன் ஆனது. இடைவேளையின் போது 1-1 என்று இருந்தது.

நெதர்லாந்தின் அர்ஜென் ரூபென், வான் பெர்சி, ஸ்னெய்டர் ஆகிய மூவர் கூட்டணியே நேற்றைய ஸ்பானிய தோல்விக்கு பெரும் காரணமாகும். ஆனால் டேல் பிளைண்ட் என்ற வீரரின் அபாரமான லாங் பாஸ்களே நெதர்லாந்தின் முதல் இரண்டு அபார கோல்களுக்கு வித்திட்டது.

ஆனால் ஸ்பெயினின் டேவிட் சில்வா அபாரமான ஒரு மூவில் 2வது கோலுக்காக அடித்த ஷாட்டை நெதர்லாந்து கோல் கீப்பர் சிலிஸ்சென் கையால் தட்டிவிட்டார். இல்லையெனில் ஸ்பெயின் 2-0 என்று முன்னிலை வகித்திருக்கும். ஆனால் நடக்கவில்லை.

இடைவேளைக்குப் பிறகு நெதர்லாந்து கட்டுப்பாட்டை தங்கள் கால்களுக்குள் கொண்டு வந்தது. மீண்டும் பிளைண்ட் ஒரு பந்தை அருமையாக பாஸ் செய்ய அதனை ரூபென் ஸ்பெயின் வீரர்கள் ஜெரால்ட் பிக் மற்றும் செர்ஜியோ ரேமோஸ் ஆகியோரின் இடையூறுகளைக் களைந்து வேகமாக எடுத்துச் சென்று 2வது கோலை அடித்தார்.

அதன் பிறகும் நெதர்லாந்து நெருக்கடி அதிகரித்தது. அப்படிப்பட்ட மூவ் ஒன்றில்தான் 64வது நிமிடத்தில் டீ விரிஜ் கோலுக்கு அருகில் நின்று கொண்டு வந்த பாஸ் ஒன்றை தலையால் கோலுக்குள் செலுத்தி 3வது கோலைப் பெற்றுத் தந்தார்.

4வது கோல் உண்மையில் ஸ்பெயினின் பரிதாப நிலையைக் காட்டியது. ஸ்பெயின் வீரர் கோல் கீப்பர் கேஸிலாஸ் நோக்கி ஒரு பந்தை அடிக்க அதனை தடுக்கும்போது கட்டுப்பாடு இல்லாமல் பந்து கேஸிலாஸின் காலில் பட்டு சிறிது தூரம் சென்றது. அதனைக் கண்ட நெதர்லாந்தின் பெர்சி வேகமாக வந்து பந்தைப் பிடுங்கிச் சென்று கோலை அடித்தார். அதாவது ஸ்பானிய கோல் அருகே கோல் கீப்பரைத் தவிர ஒருவரும் இல்லை.

பிறகு ரூபென் 5வது கோலை 80வது நிமிடத்தில் அடித்தார். இப்போதும் கூட ஸ்பானிய தடுப்பாட்ட வீரர்களை டான்ஸ் ஆட வைத்தார் ருபென். அதன் பிறகும் கூட ஸ்பெயின் தனது 2வது கோலை அடிக்கும் என்ற நம்பிக்கை ஏற்படவில்லை. மாறாக நெதரலாந்து 6வது கோலை அடிக்கும் என்ற நிலையே இருந்தது. அதுபோலவே ரூபெனுக்கு ஹேட்ரிக் வாய்ப்பும் வந்தது. ஆனால் பந்து கோல் போஸ்ட் மேலே பட்டு எகிறியது.

ஸ்பெயினுக்கு ஒரு ஆறுதல் 2வது கோல் விழுந்தது. ஆனால் அது ஆஃப் சைடு என்று நடுவர் அதையும் மறுத்தார். டாரஸ், ஃபேபர்காஸ் போன்ற அனுபவ வீரர்களை ஏன் இடைவேளைக்குப் பிறகு ஸ்பெயின் களமிறக்கியது என்பதும் ஒரு புரியாத புதிராகவே உள்ளது.

இவ்வாறு ஸ்பானிய ரசிகர்களுக்கு அதிர்ச்சி தரும் இரவாக இது அமைந்தது. ஆனால் இந்தத் தோல்வியினால் ஸ்பெயின் அடுத்த சுற்றுக்கு முன்னேறும் வாய்ப்பு குறைந்து விடவில்லை. ஆனால் அந்த அணி இந்த அதிர்ச்சியிலிருந்து மீள சிறிது காலம் பிடிக்கும் என்றே தோன்றுகிறது.



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Sat Jun 14, 2014 9:39 pm

கொலம்பியா - கிரீஸ் ஆட்டம் துவங்கிய 5-வது நிமிடத்தில் கொலம்பியா முதல் கோலை செலுத்தியுள்ளது!
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by பாலாஜி on Sat Jun 14, 2014 9:53 pm

ஆமாம் தல ...சிறப்பான கோல்


http://varththagam.lifeme.net/

வாழ்க்கை என்பது நீ சாகும் வரை அல்ல...
மற்றவர்கள் மனதில் நீ வாழும் வரை...


avatar
பாலாஜி
தலைமை நடத்துனர்


நிகழ்நிலை
இணையாநிலை

பதிவுகள் : 19753
மதிப்பீடுகள் : 3922

View user profile http://varththagam.lifeme.net/

Back to top Go down

Re: உலகக் கோப்பை கால்பந்து போட்டி 2014

Post by சிவா on Sat Jun 14, 2014 10:18 pm

ஆட்டத்தின் முதல் பகுதி 1:0 என முடிவடைந்துள்ளது!



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Sat Jun 14, 2014 10:48 pm

58-வது நிமிடத்தில் கொலம்பியா மேலும் ஒரு கோலை செலுத்தி தனது வெற்றியை உறுதி செய்துள்ளது!



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Sat Jun 14, 2014 11:23 pm

கொலம்பியா 3 : 0 கிரீஸ்



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Sun Jun 15, 2014 11:53 pm

கோஸ்டாரிகாவிடம் உருகுவே அதிர்ச்சித் தோல்வி

உலகக் கோப்பை கால்பந்து போட்டியில் முதல் அதிர்ச்சித் தோல்வி ஏற்பட்டுள்ளது. பலமான உருகுவே அணியை கோஸ்டாரிகா அணி 3- 1 என்ற கோல் கணக்கில் அதிர்ச்சியளிக்கும் விதத்தில் வீழ்த்தியது.

உருகுவே அணியின் மிக முக்கிய ஸ்ட்ரைக்கர் லூயிஸ் சுவாரேஸ் விளையாடததால் இந்த உலகக் கோப்பை கால்பந்து தொடரின் மிகப்பெரிய அதிர்ச்சித் தோல்வி நிகழ்ந்தது.

உருகுவேயே முதலில் 1 கோல் அடித்து முன்னிலை வகித்தது. ஆனால் இடைவேளைக்குப் பிற்கு 10 நிமிடங்களில் ஆட்டம் அப்படியே தலைகீழாக மாறியது.

உருகுவே அணிக்கு எடின்சன் கவானி முதல் கோலை அடித்தார். ஆனால் கோஸ்டாரிகா திடீர் விஸ்வரூபம் கண்டு 3 நிமிடங்களில் 2 கோல்களை அடிக்க உருகுவே அதிர்ச்சியடைந்தது. ஜோயேல் கேம்பெல் மற்றும் ஆஸ்கர் டுவார்ட் ஆகியோர் இந்த அதிர்ச்சி கோல்களை அடித்தனர்.

பிறகு 3வது கோலை பதிலி வீரர் மார்கோஸ் யுரீனா அடித்தார். மேலும் இந்த உலகக் கோப்பையின் முதல் சிகப்பு அட்டைக் காண்பிக்கப்பட்ட அதிர்ச்சியும் இந்த ஆட்டத்தில் நடந்தது.

உருகுவே வீரர் மாக்ஸி பெரெய்ராவுக்கு சிகப்பு அட்டக் காண்பிக்கபப்ட்டு வெளியேற்றப்பட்டார். நல்ல வேளையாக அது கடைசி நிமிடங்களில் நிகழ்ந்ததால் உருகுவே ஓரளவுக்குப் பிழைத்தது.

ஆட்டத்தில் மோதல் போக்கும் இருந்தது 22வது நிமிடத்தில் உருகுவே கேப்டன் டீகோ லுகானோவை கோஸ்டாரிகா வீரர் ஜூனியர் டயஸ் பிடித்துக் கீழே தள்ள பெனால்டி கிக் உருகுவே சார்பாக வழங்கப்பட 24வது நிமிடத்தில் அதனை எடின்சன் கவானி கோல் அடித்தார். உருகுவே 1-0 என்று முன்னிலை வகித்தது.

54வது நிமிடத்திலிருந்து கோஸ்டாரிகா ஆதிக்கம் தொடங்கியது. முதலில் கிறிஸ்டியன் காம்போவா பந்தை அருமையாக கடைந்து கொண்டு வந்து பாஸ் ஷாட் அடிக்க அதனை கேம்பெல் கோலாக மாற்றினார். ஆட்டம் 1௧ என்று சமன் ஆனது.

3 நிமிடங்கள் கழித்து மற்றொரு தாக்குதல் மூவில் டுவார்ட்டே அருமையாக தலையால் முட்டி 2வது கோலை அடித்து கோஸ்டாரிகாவுக்கு முன்னிலை கொடுத்தார். பிறகு உருகுவே ஆட்டம் சொதப்பலாக மாற 84வது நிமிடத்தில் பதிலி வீரர் மார்கோ யுரீனா 3வது கோலை அடிக்க உருகுவே அதிர்ச்சித் தோல்வி தழுவியது.



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Sun Jun 15, 2014 11:54 pm

இங்கிலாந்தை 2-1 என்ற கோல் கணக்கில் வீழ்த்தியது இத்தாலி

உலகக் கோப்பை கால்பந்து பிரிவு-டி போட்டியில் இத்தாலி அணி இங்கிலாந்தை 2௧ என்ற கோல் கணக்கில் வீழ்த்தி முதல் வெற்றியைப் பதிவு செய்தது.

இத்தாலி வீரர்கள் கிளாடியோ மர்சீசியோ மற்றும் மரியோ பாலோடெல்லி ஆகியோர் கோல்களை அடிக்க இங்கிலாந்து தரப்பில் டேனியல் ஸ்டர்ரிட்ஜ் ஒரு கோலை அடித்தார்.

ஆட்டத்தின் 35வது நிமிடத்தில் இத்தாலி வீரர் கிளாடியோ மர்சீசி ஒரு வேகமான ஷாட்டை அடிக்க தாழ்வாக அந்த முதல் கோல் விழுந்தது. ஆனால் அடுத்த 2 நிமிடங்களில் இங்கிலாந்தின் ரகீம் ஸ்டெர்லிங் மற்றும் வெய்ன் ரூனி ஒரு அருமையான மூவைச் செய்து இத்தாலிய கோல் எல்லைக்குள் பந்தை கொண்டு வந்து ரூனி அருமையான ஒரு பாசைச் செய்ய அதனை டேனியல் ஸ்டர்ரிட்ஜ் கோலாக மாற்றினார்.

பிறகு இடைவேளைக்குப் பிறகு 5 நிமிடங்கள் கழித்து இத்தாலி வீரர் அன்டோனியோ கான்ட்ரீவா அடித்த ஒரு லகுவான பாஸை பாலோடெல்லி தலையால் முட்டி கோலாக மாற்றினார்.

இந்தத் தோல்வியை அடுத்து உருகுவே அணியை வெற்றி பெற்றேயாக வேண்டிய நிலையில் இங்கிலாந்து ஜூன் 19ஆம் தேதி களமிறங்க நேரிடும். உருகுவேயை கோஸ்டா ரிக்கா 3௧ என்ற கோல் கணக்கில் அதிர்ச்சித் தோல்வியுறச் செய்ததால், அடுத்த போட்டியில் இரு அணிகளில் ஒன்று வெற்றிபெற்றேயாகவேண்டும், டிரா ஆனால் கூட அடுத்த சுற்றுக்கு முன்னேற இதே பிரிவில் மற்ற அணிகளின் ஆட்டத்தைப் பொறுத்தே இந்த அணிகளின் விதி நிர்ணயிக்கப்படும்.

இந்த ஆட்டத்தில் மொத்தம் 9 கார்னர்கள் இங்கிலாந்துக்கு கிடைத்தது. அதனை கோல்களாக மாற்ற முடியவில்லை. ஆனால் இத்தாலி இங்கிலாந்தின் 7 கோல் முயற்சிகளைத் தடுத்தது. இத்தாலியும் அதிக கோல்களை அடித்திருக்கும் ஆனால் 7 முறை ஆஃப் சைடு என்று அந்த அணி அத்துமீறியது. இங்கிலாந்து தரப்பில் அத்துமீறல் இல்லை.

மொத்தம் 18 ஷார்ட்களை இங்கிலாந்து அடித்தது. இலக்கை நோக்கி 8 ஷாட்களை அடித்தது. ஆனால் இத்தாலியின் தடுப்பு அரண் இங்கிலாந்தை எழும்ப விடாமல் செய்தது.

இத்தாலி அணி இங்கிலாந்தின் பலவீனத்தை பயன்படுத்தும் விதமாக வலது புறத்தில் நெருக்கடி கொடுத்தது. இதனால் இடைவேளைக்கு முன்பே இங்கிலாந்து வீரர்கள் களைப்படைந்து விட்டனர். ஒரு கோல் அடித்தாலும் இத்தாலி வலது புறமாக தாக்குதல் தொடுப்பதை வெய்ன் ரூனியால் கூட ஒன்றும் செய்ய முடியாமல் இருந்தது. இத்தாலி அடித்த 2வது கோல் கூட வலது புறத் தாக்க்குதலால் விளைந்ததே.

ஆட்டத்தின் 63வது நிமிடத்தில் ரூனி ஒரு முயற்சி செய்தார் அதுவும் கை கூடவில்லை. காய நேரத்தை ஈடுகட்டும் கடைசி நிமிட ஆட்டத்தில் இத்தாலி வீரர் ஆண்ட்ரியே பிர்லோ அடித்த 30 யார்ட் ஃப்ரீ கிக் கோலாக மாறியிருக்கும் ஆனால் அது கோல் போஸ்டில் பட்டுச் சென்றது.

இங்கிலாந்தை தொடர்ந்து வலது புறத்திலிருந்து சிக்கலுக்கு உள்ளாக்கிய இத்தாலி வீரர் ஆண்டனியோ காண்ட்ரிவா ஆட்ட நாயகனாக தேர்வு செய்யப்பட்டார்.



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Mon Jun 16, 2014 12:05 am

கடைசி நிமிடத்தில் இரண்டாவது கோலை அடித்து 2-1 என்ற கோல் கணக்கில் ஈகுவேடாரை வீழ்த்தியது சுவிட்சர்லாந்து.






சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Mon Jun 16, 2014 2:12 am

உலகக்கோப்பை கால்பந்து போட்டி : ஜப்பான் தோல்வி

உலகக் கோப்பை கால்பந்தாட்டத்தில் ஐவரி கோஸ்ட் அணியிடம் ஜப்பான் அணி வீழ்ந்தது. பிரேசிலில் நடைபெற்ற சி பிரிவு ஆட்டத்தில் 2-1 என்ற கோல் கணக்கில் ஐவரி கோஸ்ட்டிடம் ஜப்பான் அணி வீழ்ந்தது.

ஜப்பானின் கெசுகே ஆட்டத்தின் 16வது நிமிடத்தில் கோல் அடித்து தனது அணியை முன்னிலைப்படுத்தினார். பிற்பாதியில் ஐவரி கோஸ்ட் அணியின் தாக்குதல் ஆட்டத்தை மாளிக்க முடியாமல் ஜப்பான் வீரர்கள் திணறினர். 64 மற்றும் 66வது நிமிடங்களில் அடுத்தடுத்து கோல் அடித்து ஐவரி கோஸ்ட் அணி முன்னிலை பெற்றது.

ரசிகர்களின் பேராதரவு இருந்தும் ஜப்பான் வீரர்கள் போராட்டம் தோல்வியில் முடிந்தது குறிப்பிடத்தக்கது. இந்த வெற்றி மூலம் ஐவரி கோஸ்ட் 3 புள்ளிகளுடன் சி பிரிவில் முன்னிலை பெற்றது.



சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Re: உலகக் கோப்பை கால்பந்து போட்டி 2014

Post by சிவா on Mon Jun 16, 2014 2:56 am

3-0 என்ற கோல் கணக்கில் பிரான்ஸ் அபார வெற்றி








சித்த மருத்துவம் | சத்குரு ராகவேந்திர ஸ்வாமிகள்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10451

View user profile http://www.sivastar.net

Back to top Go down

Page 3 of 6 Previous  1, 2, 3, 4, 5, 6  Next

View previous topic View next topic Back to top


Permissions in this forum:
You cannot reply to topics in this forum