கல் அறையிலிருந்து கல்லறைக்கு!!

**மாணிக்கம் நடேசன்** · 14/12/2009

** கல் அறையிலிருந்து கல்லறைக்கு!! **

காலையில் ஒருநாள்
சீரியல் நடிகையின் சிரிப்பு பேச்சில்
விற்கப்பட்டது ஒரு வீடு!!

கவர்ச்சி நடிகை பரிந்துரைத்த
கம்பி தானாம்!!
அதனால் என்னவோ இரவில்
சரிந்து விழுந்தது!!

இடிந்து விழுந்தபின் சட்டப்படி
மண் பரிசோதனை செய்கிறார்கள்
மனித சதைகள் அதிகம் உள்ளதாம்!!

காசு வாங்கியவன் கம்பி எண்ணுகிறானாம்!!
காசு கொடுத்தவனை கம்பிக்குள் எண்ணுகிறார்களாம்!!

சடலக்குவியல்கள்
அரைசதம் அடித்தாக அறிவிப்பு!!
நாளைக்குள் சதமடிக்கலாம் பதபதைப்பு!!

மூக்கை மூடி பார்வை இட்டவர்கள்
கண்ணை திறந்து
கையை கட்டி இருந்திருந்தால்
தப்பித்திருக்கும் பதினோறு மாடிகள்!!

மண்னை தோண்டி எடுக்கிறவர்கள் மனம் தளரவில்லை
யாராவது உயிரோடு இருக்கிறீர்களா என்று
குரல் கொடுக்கிறார்கள்!!

மண்ணின் தரத்தை ஆராய்ச்சி செய்தார்களாம்!!
அடுக்குமாடிக்கு அனுமதி வாங்கினார்களாம்!!
இதற்க்காக செலவழித்த செலவையும் சேர்த்து
ப்ளாட்டின் விலையில் சேர்த்தார்களாம்!!

பதினோறாம் மாடியில் சென்னை தெரியும்
என்ற ஆசை வார்த்தையில்
வீடு வாங்கினாராம்!
இடிந்து விழுந்ததில்
சென்னைக்கே தெரிந்தது அவர்
பதினோறாம் மாடியை வாங்கியவர் என்று!!

இன்னமும் சொல்கிறார்கள்
சென்னைக்கு மிக அருகில்
கல் அறைகளா? இல்லை கல்லறைகளா?

ச.ஸ்ரீராம்
படம்: ச.இரா.ஸ்ரீதர்

**M.M.SENTHIL** · **M.M.SENTHIL** Fri Jul 04, 2014 2:30 pm

கவிதை மிக அருமை. ஆனால் சம்பவம் மிகக் கொடுமை.

யினியவன் · யினியவன் Fri Jul 04, 2014 2:35 pm

கல் மனம் படைத்த கபட வியாபாரிகள்
கையூட்டு பணம் மட்டுமே அறிந்த அதிகாரிகள்

**Manik** · **Manik** Fri Jul 04, 2014 2:39 pm

படிக்கிறப்பயே மனசு வலிக்கிறதே அண்ணா............

கவிதை அருமைனு சொல்ல முடியாது............ வார்த்தைகள் செத்துப்போகட்டும் மனித உயிர்களையாவது வாழவைப்போம் இனி.......................