சட்டங்கள் அனைத்தும் தமிழில் மொழிபெயர்க்கப்பட வேண்டும்: நீதிபதி தேவதாஸ்

சட்டங்கள் அனைத்தும் தமிழில் மொழிபெயர்க்கப்பட வேண்டும் என உயர்நீதிமன்ற நீதிபதி பி. தேவதாஸ் விருப்பம் தெரிவித்துள்ளார்.

14 ஆவது ஹென்றி டியூனட் நினைவு மாதிரி நீதிமன்றப் போட்டியில், இந்திய தென் மண்டல இறுதிச் சுற்றுப் போட்டி சென்னைப் பல்கலைக்கழகத்தில் ஞாயிற்றுக்கிழமை (ஜூலை 20) நடைபெற்றது.

சென்னைப் பல்கலைக்கழகச் சட்டத் துறை, புதுதில்லி சர்வதேச செஞ்சிலுவை கமிட்டி (ஐசிஆர்சி), புதுதில்லி சர்வதேச சட்டத்துக்கான இந்திய சமூகம் (ஐஎஸ்ஐஎல்) ஆகியவை இணைந்து நடத்தும் மண்டல போட்டியில் தமிழகம், கேரளம், கர்நாடகம், புதுவை, ஒடிஸா உள்ளிட்ட மாநிலங்களில் உள்ள சட்டக் கல்லூரிகளைச் சேர்ந்த 11 குழுக்கள் பங்கேற்றன.

இவற்றில் சென்னைப் பல்கலைக்கழகத்தில் ஞாயிற்றுக்கிழமை நடைபெற்ற இறுதிச் சுற்றுக்கு பெங்களூர் தேசிய சட்டப் பள்ளி மாணவர் குழுவும், ஹைதராபாத் தேசிய சட்டப் பள்ளியும் தகுதிபெற்றன.

சென்னை உயர் நீதிமன்ற நீதிபதி பி. தேவதாஸ், தமிழ்நாடு டாக்டர் அம்பேத்கர் சட்டப் பல்கலைக்கழக துணைவேந்தர் வணங்காமுடி, ஓய்வுபெற்ற சட்டப் பேராசிரியர் சாலமன் ஆகியோர் அடங்கிய மூவர் அமர்வு முன்பு, இந்த இரு குழுவினரும் வாதாடினர். இதில் பெங்களூர் தேசிய சட்டப் பள்ளி மாணவர் குழு வெற்றி பெற்றது. இந்தக் குழு தில்லியில் ஆகஸ்ட் 16, 17 தேதிகளில் நடைபெறும் தேசிய அளவிலான மாதிரி நீதிமன்றப் போட்டியில் பங்கேற்கும்.

இந்த தேசிய அளவிலான போட்டியில் தகுதி பெறும் குழுக்கள், ஈரான் நாட்டின் டெஹரான் நகரில் நடைபெறவுள்ள சர்வதேச அளவிலான மாதிரி நீதிமன்றப் போட்டியில் பங்கேற்பர்.

போட்டி நிறைவுபெற்ற பின்னர் பரிசளிப்பு விழாவில் நீதிபதி தேவதாஸ் பேசியது: தமிழகத்தில் கீழமை நீதிமன்றங்களில் தமிழில் மட்டுமே தீர்ப்பு வழங்க வேண்டும் என்று அண்மையில் பிறப்பிக்கப்பட்ட உத்தரவு வரவேற்கத்தக்கது.

இருப்பினும், எல்லா சட்டங்களும் தமிழ் மொழியில் இல்லாதது, சிக்கலாக இருப்பதாக தொடர்ந்து சிலர் கூறி வருகின்றனர்.

இந்தச் சிக்கலைப் போக்கும் வகையில் எல்லா சட்டங்களும், சட்டப் புத்தகங்களும் தமிழில் மொழிபெயர்க்கப்பட வேண்டும். இந்தப் பணியை சட்ட வல்லுநர்களும், சட்டப் பேராசிரியர்களும்தான் மேற்கொள்ளவேண்டும். அவ்வாறு மொழிபெயர்க்கப்பட்டால், பாமரரும் சட்டத்தை எளிதில் புரிந்துகொள்ள முடியும்.

துணைவேந்தர் வணங்காமுடி பேசியது: சில ஆண்டுகளுக்கு முன்பு வரை நாட்டின் பொருளாதாரத்தை மேம்படுத்துவதில் வேளாண்மைத் துறையே முன்னிலை பெற்றிருந்தது. 2 ஆவது இடத்தில் தொழில் துறை, மூன்றாவது இடத்தில் சேவைத் துறை இருந்தன. ஆனால், இப்போது சேவைத் துறை முதலிடத்துக்கு வந்துள்ளது. அதிலும் சட்டத் துறையே முன்னிலை பெற்றிருக்கிறது. எனவே, சட்டம் படிப்பவர்களுக்கு சிறந்த எதிர்காலம் உள்ளது என்றார்.

சட்டம் படிப்பவர்களுக்கு சிறந்த எதிர்காலம் உள்ளது

இப்பொழுது எங்கு பார்த்தாலும் சட்டம் படித்தவர்களும், எஞ்சினியரிங் படித்தவர்களும் தான் உள்ளனர் வேலையில்லாதவர்களாக!

சிவா wrote:

சட்டம் படிப்பவர்களுக்கு சிறந்த எதிர்காலம் உள்ளது

இப்பொழுது எங்கு பார்த்தாலும் சட்டம் படித்தவர்களும், எஞ்சினியரிங் படித்தவர்களும் தான் உள்ளனர் வேலையில்லாதவர்களாக!

மேற்கோள் செய்த பதிவு: 1075090உண்மை தான் நீங்கள் சொல்வது ..........