தன்நம்பிக்கை

jesifer · jesifer Sun Aug 17, 2014 4:12 pm

முடியாது என்று நீ சொல்வதை எல்லாம், யாரோ ஒருவன் எங்கோ செய்து கொண்டிருக்கிறான்.

முடியும் என்று நம்பித் துவங்கு. செய்யச் செய்ய மனது, உறுதிப்படும், தளர்வு தள்ளிப் போகும், வேகம் கூடும், வெற்றி தெரியும்.

நம் முன்னோர்கள் மரம் நட்டனர் நாம் அனுபவிக்கிறோம், நாம் அதை செய்ய வேண்டாமா? நம் தலைமுறையினர் அனுபவிக்க?

எல்லாவற்றையும் முயன்று பார்த்தாகிவிட்டது என்ற முடிவுக்கு வந்து விட்டீர்களா?பொறுங்கள்… இன்னும் சில வழிகள் இருக்கின்றன தேடுங்கள்.

ஒவ்வொரு வெற்றிக்குப் பின்னாலும், ஓராயிரம் தோல்விகள், இழப்புகள், அவமானங்கள்,ஏமாற்றங்கள் இருக்கத்தான் செய்யும்.

சாதித்தே தீர வேண்டும் என்று சபதம் போடு! குறைகளும், தடைகளும் கூட கொடுக்கும் ஒத்துழைப்பு.

மாற்ற முடியாததை மாற்ற நினைக்காதே,மாற்ற முடிந்ததை மாற்றாமல் விடாதே! மாற்றக்கூடியது எது, மாற்ற முடியாதது எது என்பதில் விவேகம் காட்டு.

வேலையை ஒத்தி போடுபவன் வெற்றியை ஒத்திப் போடுகிறான்; விதைப்பதை ஒத்தி போடுபவன், விளைச்சலை ஒத்திப் போடுகிறான்.

ஆரம்பித்தால் அரை வெற்றி, தொடர்ந்தால் முக்கால் வெற்றி, முடித்தால் முழு வெற்றி.

லட்சியம், விடாமுயற்சி, திட்டம், உழைப்பு இவையே வெற்றி மாளிகையின் நான்கு தூண்கள்.

நீ சும்மா இருக்கலாம்; ஆனால் காலமும், நேரமும் சும்மா இருப்பதில்லை.உன் ஆயுளில் ஒரு நாளை குறைத்துவிட்டுத் தான் செல்கிறது.

நீ நின்றாலும், நேரம் நிற்பதில்லை; நீ காத்திருந்தாலும்,உனக்காக காலம் காத்திருப்பதில்லை.

நேற்றைய இழப்புகளை ஈடு செய்யத்தான் இன்று பிறந்திருக்கிறது. இன்றுமா உறக்கம்? இன்னுமா சோம்பல்?