ஈகரை தமிழ் களஞ்சியம்



உறுப்பினராக இணையுங்கள்
உள்நுழைய இங்கு அழுத்தவும்
புதிய இடுகைகள்
புதிய தலைமுறை கல்வி
 Meeran

30 வயதை தாண்டிய பிறகும் திரிஷாவுக்கு படங்கள் குவிகின்றன
 ayyasamy ram

30 வயதை தாண்டிய பிறகும் அனுஷ்காவுக்குபடங்கள் குவிகின்றன
 ayyasamy ram

30 வயதை தாண்டிய பிறகும் நயன்தாரா...
 ayyasamy ram

குரு உட்சத்துல இருக்காரு
 ayyasamy ram

தாய்மொழியுடன் பிற மொழிகளையும் கற்றுக்கொள்ளுங்கள் பட்டமளிப்பு விழாவில் வெங்கையா நாயுடு பேச்சு
 ayyasamy ram

கேரள பள்ளிகளை நவீன மயமாக்க திட்டம்
 ayyasamy ram

‛தேசியவாத சக்திகளிடமிருந்து நாட்டை காப்பாற்றுங்கள்': சர்ச்சையை கிளப்பிய சர்ச்
 ayyasamy ram

நாட்டு நடப்பு - கார்ட்டூன் (தொடர் பதிவு)
 ayyasamy ram

பார்லி.,யை விரைவில் கூட்டுங்கள்: ஜனாதிபதிக்கு காங்., கடிதம்
 ayyasamy ram

ஓபிஎஸ் அணிக்கு இரட்டை இலை
 ayyasamy ram

நள்ளிரவில் சென்னை கல்லூரியில் பயங்கர கலவரம்!
 ayyasamy ram

எம்ஜிஆர் 100
 aeroboy2000

இது வாட்ஸ் அப் கலக்கல் - தொடர் பதிவு
 ayyasamy ram

தபால் மூலம் ஆங்கிலம் கத்துக்கறாளா..?!
 ayyasamy ram

என் ATM ஊர்ல இல்ல...!!
 ayyasamy ram

நம்ம ஜிம்மியை வாக்கிங் கூட்டிட்டு போங்க...!!
 ayyasamy ram

‘பத்மாவதி’ திரைப்படத்துக்கு இங்கிலாந்து தணிக்கைக்குழு ஒப்புதல்; வெளியிடப்போவதில்லை - தயாரிப்பு நிறுவனம்
 ayyasamy ram

எலக்சன் பூத்தை ஏன் பள்ளிக்கூடத்துல வைக்கிறாங்க...?!
 ayyasamy ram

நடிகரோட கட்சியில சேர ஏன் ஆர்வம் காட்டலை...?!
 ayyasamy ram

ரிப்போர்ட்டர் 24/11/17
 Meeran

செம்பியர் திலகம் பாகம் 1
 Meeran

நளினி ஜமீலா
 Meeran

வலிப்போக்கனின் சமூக சிதறல்கள்
 Meeran

செகுவரா - மோட்டார் சைக்கிள் டைரி
 ajaydreams

தம்ம பதம் (தெரிந்தெடுக்கப்பட்ட உரைகள்)
 ajaydreams

தம்மபதம் - ப.ராமஸ்வாமி
 ajaydreams

சர்க்கரை நோயாளிகளை பாதிக்கும் நரம்பு மண்டலம்
 பழ.முத்துராமலிங்கம்

வியப்பூட்டும் இந்தியா: இதய வடிவ ஏரி
 பழ.முத்துராமலிங்கம்

இதை சரி செய்ய முடியுமா?
 பழ.முத்துராமலிங்கம்

கேரளாவை முந்தியது தமிழகம் - எதில் தெரியுமா ?
 பழ.முத்துராமலிங்கம்

வைரத்தை தானமாக அள்ளி கொடுத்த, இந்த பெண் யார் ..?
 பழ.முத்துராமலிங்கம்

உலகின் 64 இடங்களில் கேட்ட மர்மமான சத்தம்: காரணம் என்ன?
 பழ.முத்துராமலிங்கம்

அமெரிக்காவில் பச்சை நிறத்திற்கு மாறிய வானம்.!
 பழ.முத்துராமலிங்கம்

Malayalam magazine
 Meeran

கண்மணி 22.11.17
 Meeran

ஏலியன்களைத் தொடர்புகொள்ள விண்வெளிக்கு செய்தி அனுப்பியுள்ள விஞ்ஞானிகள்!
 பழ.முத்துராமலிங்கம்

5 நாட்களில்  65லட்சம் வியூஸ்! 60 ஆயிரம் ஷேர்ஸ் !: ஒரு குறும்படம் நிகழ்த்திய புதிய சாதனை
 Dr.S.Soundarapandian

இன்றைய ஹைக்கூ - தமிழும் தாத்தாவும்
 Dr.S.Soundarapandian

குற்றப் பரம்பரை
 Dr.S.Soundarapandian

வறட்சியும், விவசாயமும்
 Dr.S.Soundarapandian

பிச்சையெடுத்துச் சேமித்த பணத்தில் 21/2 லட்சம் ரூபாயை கோயிலுக்குக் காணிக்கையாக அளித்த 80 வயதுப் பாட்டி!
 பழ.முத்துராமலிங்கம்

நியூயோர்க் நகரம் நீரில் மூழ்கும்: எச்சரிக்கும் நாசா
 Dr.S.Soundarapandian

போட்டோவையும் பதிவு செய்யமுடியவில்லை
 பழ.முத்துராமலிங்கம்

உங்களுக்குத் தெரியுமா? பத்து மிளகு இருந்தால் பகைவன் வீட்டிலும் உண்ணலாம்...
 பழ.முத்துராமலிங்கம்

தமிழ் நூல்கள் இலகுவாகத் தரவிறக்கம் செய்க....
 sridevimuthukumar

ஜுனியர் விகடன் 26.11.17
 Meeran

குமதம் 22.11.17
 Meeran

நீயா நாணா- கோபிநாத் புத்தகம்
 Riyas Ahamed

ஆராயப்படாமல் காத்துக்கிடக்கும் சித்தர்களின் அறிவியல் ! --1
 ரா.ரமேஷ்குமார்

டெங்கு நோயாளிக்கு ரூ.16 லட்சம் பில் : டெல்லி போர்டிஸ் மருத்துவமனையில் கட்டண கொள்ளை
 பழ.முத்துராமலிங்கம்

மின்னணு பணப்பரிமாற்றத்தை ஊக்குவிக்க காசோலை நடைமுறையை ஒழிக்க மத்திய அரசு திட்டம்
 பழ.முத்துராமலிங்கம்

ஓர் அன்பு முத்தம் ! (ஸ்காட்லாந்து நாட்டுப்புறப் பாடல்)
 Dr.S.Soundarapandian

உடல் காட்டும் அறிகுறிகள்!
 Dr.S.Soundarapandian

அடுத்த 5 ஆண்டுகளில் ரயில்வே முழுவதும் எலக்ட்ரிக் இன்ஜின்கள்: பியூஷ் கோயல் உறுதி
 பழ.முத்துராமலிங்கம்

டெஸ்ட் தரவரிசை: கோலி 5-வது இடத்துக்கு முன்னேற்றம்; ஜடேஜாவுக்கு பின்னடைவு
 பழ.முத்துராமலிங்கம்

118 நாடுகள் பங்கேற்ற போட்டியில் இந்தியாவின் மனுஷி சில்லர் உலக அழகி பட்டம் வென்றார் : 17 ஆண்டுக்கு பின் சாதனை
 பழ.முத்துராமலிங்கம்

‘சைவ’ பவனாக மாறிய ‘ராஜ் பவன்’ கவர்னர் பன்வாரிலால் புரோகித் அதிரடி
 பழ.முத்துராமலிங்கம்

'பத்மாவதி' திரைப்பட எதிர்ப்பு
 பழ.முத்துராமலிங்கம்

நக்கீரன் 22.11.17
 Meeran

மின்னூல்கள் தரவிறக்கம்

























Admins Online

விநாயகர் சதுர்த்தி ஸ்பெஷல்-சக்தி விகடன்

Page 1 of 2 1, 2  Next

View previous topic View next topic Go down

விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Tue Aug 26, 2014 8:53 pm

கடன் தீர்க்கும் ஸ்ரீதோரண கணபதி!

கணபதி வழிபாடு கைமேல் பலன்’ என்பது அவ்வையின் வாக்கு. ஆமாம்! ஒரே ஒரு கணம், கணபதியை மனதால் தியானித்து முறையிட்டால் போதும்; நமது கவலைகள் யாவும் சடுதியில் விலகும். வேண்டியது வேண்டியபடி நிறைவேறும்.

நாம் அவரைத் தேடிப் போக வேண்டியது இல்லை. அவரே, நம்மை நாடி வந்து அருளும் பொருட்டு, நாம் இருக்கும்- புழங்கும் இடங்களுக்கு அருகிலேயே... தெருக்கோடியிலும், மரத்தின் அடியிலும், நதிகளின் கரைகளிலுமாகக் கோயில் கொண்டிருக்கிறார்.

அவரது அருட்கருணையை விளக்கும் ஞானநூல்கள் சில, 'இன்னின்ன இடங்களில் அருளும் பிள்ளையாரை வழிபட இன்னின்ன பலன்கள் கிடைக்கும்’ என்றும் விவரிக்கின்றன:

அரச மரத்தடி விநாயகரை வணங்கினால், குழந்தைப் பேறு வாய்க்கும். வன்னி மரத்தடியில் அருளும் விநாயகரை வழிபட கிரக தோஷங்கள் நீங்கும். ஆலமரத்தடி விநாயகரைத் தரிசித் தால் தீய சக்திகள் விலகியோடும். வேப்ப மரத்தடி விநாயகரை வழி படுவதால் நாள்பட்ட நோய்கள் அகன்று நிம்மதி கிடைக்கும். ஆலயங்களின் கோஷ்டத்தில் அமர்ந்திருக்கும் விநாயக ரூபத்தை வழிபட்டால், சகல தெய்வங்களின் திருவருளும் ஒருங்கே கிடைக் கும் என்கின்றன புராணங்கள். இந்த வரிசையில், ஸ்ரீதோரண விநாயகரை வணங்கி வழிபட்டால், 'ருணம்’ எனும் கடன் தீரும்!

யார் இந்த தோரணர்? இவர் எங்கு அமர்ந்து அருள்பாலிப்பார்?!

சக்தி தேவியர் தனியாகக் கோயில் கொண்டிருக்கும் திருத் தலங்களில், தோரண வாயிலைப் பார்த்தபடி, அம்பிகைக்கு வலப் புறமாக சந்நிதி கொண்டிருப்பார். ஜடா மகுடமும், கழுத்தில் ருத்ராட்ச மாலையும், மேலிரு கரங்களில் அங்குச- பாசமும், கீழ் இரு கரங்களில் தந்தமும் மோதகமும் ஏந்தியவாறு அருள்வார், ஸ்ரீதோரண கணபதி. ஸ்ரீதோரண கணபதி, தமது கையில் இருக்கும் தந்தத்தைப் பயன்படுத்தி, நமது வாழ்வில் உள்ள ருணம் எனும் கடன்களை தீர்த்து அருள்கிறார் என்று சிவாகம துதிகள் கூறுகின்றன.

சக்தி மேகல்வாசம் சகல கல்யாண மூர்த்திம்
அங்குச பாச ஹஸ்தம் கிரீட மகுட தாத்ரீம்
அஷ்ட லக்ஷ்மீ சகிதம் தோரண கோபுர நேத்ரம்
ருணமோசன கணேசம் நௌமி ஸதா ப்ரசன்னம்!

மூல ஆலயத்திலிருந்து பார்க்கும்போது, இவர் அமர்ந்திருக்கும் இடம் பிரம்ம ஸ்தானமாக அமைவதால், கடனைத் தீர்ப்பதில் இவர் கறாராக இருக்கிறார். தாமரை பீடத்தில் அமர்ந்தவராக, அதிர்ஷ்டம் மற்றும் லட்சுமிகடாட்சத்தைக் கொடுக்கிறார்!

தோரண கணபதியை வழிபடும்முறை:

மனிதர்களாகப் பிறந்தவர்கள் தேவ கடன், பித்ரு கடன், மானுட கடன் ஆகிய மூன்று கடன்களை நிச்சயம் சந்தித்தாக வேண்டும். இவற்றில் மானுட கடனைத் தீர்க்க, ஸ்ரீதோரண கணபதி வழிபாடு கை கொடுக்கும்.

செவ்வாய்க்கிழமைகளில் ஸ்ரீதோரண கணபதியைத் தரிசிப்பது விசேஷம். சனி மற்றும் ஞாயிற்றுக் கிழமைகளிலும் தோரண கணபதியை வழிபடலாம். இந்த மூன்று கிழமைகளில் ஒன்றைத் தேர்ந்தெடுத்து, தொடர்ந்து ஆறு வாரங்கள்... குறிப்பிட்ட கிழமைகளில் ஸ்ரீதோரண விநாயகரைத் தரிசித்து, அவருக்கு மூன்று நெய் தீபங்கள் ஏற்றிவைத்து வழிபட வேண்டும். அத்துடன் கணபதியின் மேகலை - பத்மபீடம் முன்பு அமர்ந்து, தோரணரின் மூல மந்திரத்தை 12 முறை ஜபித்து, தோப்புக்கரணம் செய்து நமஸ்கரிக்க வேண்டும். மா, கொய்யா, மாதுளை, திராட்சை, ஆரஞ்சு என்று ஐவகைப் பழங்களைப் படைத்து, அர்ச்சனை செய்து வணங்குவது விசேஷம். இதனால் விரைவில் நமது கடன்கள் யாவும் தீர்ந்து, நிம்மதி பிறக்கும்.

ஸ்ரீதோரண கணபதி மந்திரம்:

'ஓம் ஸ்ரீம் ஹ்ரீம் க்லாம் கலௌம் கம் தோரண கணபதயே
சர்வகார்ய கர்த்தாய ஸகல சித்திகராய ஸர்வஜன வசீகரணாய
ருணாமோசன வல்லபாய ஹ்ரீம் கம் கணபதயே ஸ்வாஹா.

மேலும், ஆறு ஞாயிற்றுக்கிழமைகள் தோரண கணபதி சந்நிதிக்குச் சென்று, அவருடைய சந்நிதிக்குப் பின்புறம் மூன்று நெய் தீபங்கள் ஏற்றிவைத்து, ஐவகை பழங்கள் படைத்து, பிள்ளையார் துதிப் பாடல்களைப் பாடி, அர்ச்சனை செய்து வழிபட்டு வருவதால், வராக் கடன்களும் விரைவில் வசூலாகும்.

கர்நாடக மாநிலம், சிக்மகளூர் மாவட்டத்தில் உள்ள சிருங்கேரி ஸ்ரீசாரதா பீடத்தில் ஸ்ரீசாரதாம்பாள் சந்நிதியில் காப்பு கணபதியாக அருள்கிறார் ஸ்ரீதோரண கணபதி. தமிழ்நாட்டில் பிள்ளையார்பட்டி, மயிலாடுதுறை, வடதேசத்தில் வாரணாசி ஆகிய தலங்களில் தோரண கணபதி வழிபாடு உண்டு.

சென்னையில் குன்றத்தூர் முருகன் கோயில் (மலைக்கு) அருகில், திருநீர் மலை சாலையில் அமைந்துள்ளது ஸ்ரீசக்தி கார்த்தியாயினி ஆலயம். இங்கே கோபுரத்தின் அருகிலுள்ள தோரண வாயிலில் காப்பு தெய்வமாக அருள்கிறார் ஸ்ரீதோரணகணபதி.

இங்கே அம்பிகையைத் தரிசிக்க வரும் பக்தர்கள் ஸ்ரீதோரண கணபதியையும் வழிபட்டு வரம்பெற்றுச் செல்கிறார்கள்.

இந்தக் கோயிலில் மாதம்தோறும் வளர்பிறை சதுர்த்தியில் மாலை 6 மணிக்கு, கடன் நிவாரண ஹோமம் மற்றும் விசேஷ பிரார்த்தனை வழிபாடுகள் நடைபெறுகின்றன. சங்கடஹர சதுர்த்தி திருநாட்களில், அன்று மாலை 6 மணியளவில்...வலம்புரிச் சங்கு மூலம் கணபதி பெருமானுக்கு பாலபிஷேகம் நடக்கும். அத்துடன் விசேஷ மூலமந்திர திரிசதி நாம வழிபாடும் நடைபெறுகிறது. சாதாரண நாட்களிலும் இங்கு வரும் பக்தர்கள் விநாயகர் திருமுன் அமர்ந்து 'பிரசன்ன ஸ்துதி’யை பாராயணம் செய்து வழிபட்டுச் செல்கிறார்கள்.
ப்ரசன்ன ஸ்துதி

ஆலயங்களுக்குச் சென்று வழிபட இயலாத நிலையில், வீட்டிலேயே ஸ்ரீதோரண கணபதியை மனதால் தியானித்து, அகஸ்தியர் நாடி நூலில், ப்ரசன்ன காண்டம் பகுதியில் உள்ள 'ஸ்ரீதோரண கணபதி ப்ரசன்ன ஸ்துதி’யை தினமும் மூன்றுமுறை படித்துவர, கடன் பிரச்னைகள் யாவும் நீங்கும். வாழ்வில் வறுமைகள் அகன்று வளம் பெருகும்.

சக்தியின் மைந்தனாய்ச் சித்திகள் சேர்த்திடும்
முக்தியின் பொருள் சொன்ன மூத்தக் கரிமுகவாய்
காரணணே புகழ்ப்பொருளே கடன்தீர் வீரனே!
தோரண கணபதியே! தோன்றிடுக என் முன்னே (தோரண)

திருமகள் அருளிருந்தும் திரவியங்கள் சேராமல்
திருவிருந்தும் வாழ்வுதனில் ஒளி இன்றி நிற்கின்றோம்
கடன்பட்டுக் கலங்கும் நெஞ்சைக் கனிவுடன் காத்திடவே
உடன் வந்தே உபாயங்கள் காட்டிடுவாய் கரிமுகவாய்!

பொருள் பெற்ற நேசர்களும் தனம் பெற்ற மாந்தர்களும்
கருணைச் சொல்தவிர்த்துக் கடுஞ்சொல் உதிர்க்கையிலே
கரியோனே கஜமுகனே கண்திறந்து தீர்வளிப்பாய்
விரயம் ஏதுமின்றி வீழ்பொருளைக் கொணர்ந்திடுக

மாதுளை மாங்கனியும் கொவ்வை என ஐங்கனியும்
காதினிலே சேதி சொல்லி செவ்வாய் மதிசதுர்த்தியிலும்
சேரும் இரவி காலத்திலும் மலர்தூவிப் படைத்திட்டோம்
தோரணணே! செவ்வேளின் மூத்தவனே! செவி சாய்ப்பாய்!

பூரணியின் மைந்தனாகப் புவனமதில் தோன்றியவா
தோரண வாயில் அமர்ந்து துவள்வோரைக் காப்பவரே
சக்தியின் மேகலையில் புத்தி தரும் புகழ்மகவே!
எத்திக்கும் கடன்பட்டோர் எதிர்வந்து நிற்கையிலே!

சந்திரன் ஒளிகரைத்துச் சரித்திரம் படைத்தது போல்
இந்திரன் வில்லொடித்து மதிதந்து விதி சொன்னவரே!
குன்றத்தூர் சக்திபீடமதில் கடன்தீர்க் கணநாதனாய்க்
கன்றுமுன் பசுபோலக் கனிமுகம் காட்டி நிற்பாய்!!
தோரண கணபதியே தோன்றிடுக என்முன்னே!!!



நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Tue Aug 26, 2014 8:55 pm

மோதக பிரசாதம்...

பிள்ளையார் மோதகப் பிரியர் ஆயிற்றே! சரி, மோதகம் உணர்த்தும் தத்துவம் என்ன? இந்த உலகமே மோதகம்தான். உலகில் உள்ள ஒவ்வொரு படைப்பும் பூர்ணத்தைப் போன்று இனிமையானதுதான். நாமும் இனியவர்களாக, இனிய செயல்களையே செய்பவர்களாகத் திகழ்ந்தால், இறைவன் நம்மை உள்ளங்கையில் வைத்துத் தாங்குவான் என்பதை சொல்லாமல் சொல்வதே மோதகம்.

அதுசரி! முதன்முதலின் பிள்ளையாருக்கு மோதகம் படைத்து வழிபட்டது யார் தெரியுமா? வசிஷ்ட மகரிஷி யின் மனைவி அருந்ததி!

இனி மோதகம் செய்வது குறித்து சில டிப்ஸ்...

மோதகத்துக்குப் பூரணம் செய்யும்போது, பெரும்பாலும் கடலைப் பருப்பும் வெல்லப் பாகும் பயன்படுத்துவார்கள். தேங்காய்ப்பூ கலந்த பூர்ணம் எனில், மேல் மாவில் நெய்யைத் தொட்டுக்கொண்டு செய்யலாம். எள் கலந்து செய்யும்போது நல்லெண்ணெய் தொட்டுக் கொள்ளலாம். உளுத்தம் பருப்பு கொண்டு செய்யும்போது தேங்காய் எண்ணெய் தொட்டுக்கொண்டு சொப்பு செய்வது எளிதாக இருக்கும்.

சதுர்த்திக்கு உளுந்துவடையும் படைக்கப் போகிறீர்களா... எனில், உளுத்தம் பருப்புடன் சிறிது வெள்ளைக் காராமணியை சேர்த்து ஊறவைத்து செய்தால், வடை மொரமொரப்பாக வரும்.




நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Tue Aug 26, 2014 8:56 pm

உச்சிப் பிள்ளையாரும்... ஆழத்து விநாயகரும்!
கணபதியே சரணம்!

நாம் வாழ்வது பூவுலகம். இதற்கு மேலே விண்ணுலகும், கீழே பாதாள லோகமும் இருப்பதாக புராணங்கள் கூறும். இந்த மூன்றையும் மும்மண்டலங்கள் என்றும், மூவுலகங்கள் என்றும் சிறப்பிக்கிறோம். இந்த மூன்றுக்கும் முழுமுதற் தெய்வமாகத் திகழ்பவர் கணபதி. ஞானநூல்களெல்லாம் அவரை உச்சிப் பிள்ளையார், மகா கணபதி, பாதாள கணபதி என்ற மூன்று நிலைகளில் வைத்து போற்றுகின்றன.

ஆலயங்களில் மகா கணபதியாக வழிபடும் பிள்ளையாரை, மலை முகட்டிலும் உச்சியிலும் வைத்து உச்சிப்பிள்ளையாராகவும், பள்ளத்தில் சந்நிதி அமைத்து பாதாள விநாயகர் என்றும் அன்பர்கள் வழிபடுகின்றனர்.

* தமிழகத்தின் மையப் பகுதியில் உள்ள திருச்சியில் மலையின் உச்சியில் ஸ்ரீஉச்சிப்பிள்ளையாராக அவர் கோயில் கொண்டுள்ளார்.

* கும்பகோணத்திலும் ஒரு உச்சிப்பிள்ளையார் உண்டு. அந்த ஊரில் கட்டுமலை அமைப்பு ஒன்றை உண்டாக்கி அதன் மீது விநாயகர் ஆலயத்தை அமைத்துள்ளனர். இவரும் உச்சிப்பிள்ளையார் எனப் போற்றப்படுகிறார்.

* சிதம்பரம் திருத்தலத்தில் உள்ள திருமுறை காட்டிய விநாயகரும் உயரமான இடத்தில் உள்ள உச்சிப்பிள்ளையார் ஆவார்.

* திருநல்லூர் என்னும் தலத்தில் கட்டுமலை மீது, மலைப் பிள்ளையார் எனும் பெயரில் அவர் அருள்பாலிக்கிறார்.

* சில தலங்களில், மண்ணின் கீழே பாதாளத்தில் வீற்றிருப்பவராகவும் விநாயகரைத் தரிசிக்கலாம். இந்த நிலையில், பூமி மட்டத்திலிருந்து பல படிகள் இறங்கிப் போய் அவரைத் தரிசிக்க வேண்டும். இவரை ஆழத்துப் பிள்ளையார், பாதாள பிள்ளையார் என்ற பெயர்களில் பக்தர்கள் வழிபடுகிறார்கள்.

காளஹஸ்தி சிவாலயத்திலும், விருத்தாசலம் திருக்கோயிலிலும் ஆழத்துப் பிள்ளையார் சந்நிதிகள் உள்ளன. விருத்தாசலத்தில் அமைந்திருக்கும் ஸ்ரீஆழத்துப் பிள்ளையார் ஆலயம் பெரியதாகவும் புராதனச் சிறப்பு மிக்கதாகவும் விளங்குகிறது.

- பூசை. அருண வசந்தன்



நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Tue Aug 26, 2014 8:57 pm

பிள்ளை வரம் தருவார் ராஜேந்திர பிள்ளையார்!
கணபதியே சரணம்!

ராஜேந்திரசோழன், சிவனாருக்கும் அவரின் மைந்தன் முருகப்பெருமானுக்கும் கோயில் கட்டும் பணியில் ஈடுபட்டார். அப்போது அந்தப் பணியில் அடிக்கடி இடையூறுகள் ஏற்பட்ட வண்ணம் இருந்தன. விநாயகப் பெருமானை துதிக்காமல், கோயில் வேலையில் இறங்கியது தவறு என வருந்திய மன்னன், வராக நதிக்கரையில் விநாயகருக்கு கோயில் கட்டி வழிபட்டான் என்கிறது ஸ்தல வரலாறு. இவருக்கு ராஜேந்திர விநாயகர் என்றே திருநாமம் அமைந்தது என்கின்றனர் பக்தர்கள். தேனி மாவட்டம் பெரியகுளத்தில் உள்ளது இந்த ஆலயம்.

அதுமட்டுமா? ராஜேந்திர சோழனுக்கு அத்தனை பேரும் புகழும் இருந்தும் குழந்தை பாக்கியம் மட்டும் இல்லாமல் இருந்தது. ஒருமுறை, 'நீ பிரதிஷ்டை செய்த விநாயகரை வழிபடு. பிள்ளை வரம் நிச்சயம்’ என அசரீரி கேட்க, மறுநாள், அதன்படியே வேண்டினார் மன்னர். பிள்ளை பாக்கியமும் கிடைக்கப் பெற்றார். எனவே இந்தப் பிள்ளையாருக்கு, குழந்தை வரம் தரும் விநாயகர் எனும் திருநாமமும் அமைந்ததாகச் சொல்வர்.

மாதந்தோறும் சதுர்த்தியில், இவருக்கு அருகம்புல் மாலை சார்த்தி, கொழுக்கட்டை அல்லது கரும்பு அல்லது பழங்கள் சமர்ப்பித்து வழிபட்டால், திருமணத் தடைகள் அகலும். பிள்ளைச் செல்வம் கிடைக்கும். இந்த வழியே பயணிப்பவர்கள், பிள்ளையாருக்கு சிதறுகாய் உடைத்து வேண்டிச் சென்றால், வழித்துணைக்கு பிள்ளையார் வருவார் என்பது ஐதீகம்!

கிழக்குப் பார்த்தபடி அருள்கிறார் ஸ்ரீராஜேந்திர விநாயகர். நாக கன்னியர், நவக்கிரகங்கள் சந்நிதியும் இங்கு உண்டு. சனி கிரகத்தின் பாதிப்புக்கு ஆளானோர், சங்கடஹர சதுர்த்தி நாளிலும் விநாயக சதுர்த்தி வைபவத்தின் போதும் இங்கு வந்து வேண்டிக் கொண்டால், சங்கடங்கள் யாவும் அகலும். சந்தோஷம் பிறக்கும் எனப் பூரிப்புடன் சொல்கிறார்கள் பக்தர்கள்!




நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Tue Aug 26, 2014 8:59 pm

சர்க்கரை விநாயகர்! அகோர விநாயகர்! ஹேரம்ப விநாயகர்!

சர்க்கரை விநாயகர்!


ஆழித் தேரோடும் திருவாரூரின் கீழவீதியில் ராஜ அலங்காரத்துடன் காட்சி தரும் இந்தப் பிள்ளையாருக்கு மிகப் பொருத்தமான பெயர்தான். இவரை வேண்டிக் கொண்டால், சகல கஷ்டங்கள் நீங்கி வாழ்க்கை சர்க்கரையாய் இனிக்கும் என்கிறார்கள் பக்தர்கள். மனுநீதிச் சோழன் இந்தப் பிள்ளையாரை வழிபட்ட பிறகே, தனது நகர்வலத்தைத் துவங்குவாராம். பிற்காலச் சோழர்களில் ராஜ ராஜ பெருவுடையாரும் இவரை வழிபட்டதாக கல்வெட்டுத் தகவல்கள் சொல்கின்றன. இப்படி ராஜாக்கள் வழிபட்ட- மிகப் பழைமையான இந்த பிள்ளையாருக்கு, ராஜ அலங்காரமும் பொருத்தம்தான். மாணவர்கள் கல்வியில் சிறக்க ஏலக்காய் மாலை சார்த்தியும், திருமணத் தடை அகல 108 தேங்காய் உடைத்தும், நெய் தீபம் ஏற்றியும், குழந்தை பாக்கியத்துக்கு தொட்டில் கட்டியும் இந்த ஆனைமுகத்தானை வழிபடுகிறார்கள் பக்தர்கள்!

- த.க.தமிழ்மதன்

அகோர விநாயகர்

திருநெல்வேலியில் ஸ்ரீநெல்லையப்பர் கோயிலுக்கு வடமேற்கில் கோயில் கொண்டிருக்கிறாள் பிட்டாபுரத்தம்மன். இவளின் திருக்கோயிலில் சந்நிதி கொண்டிருக்கிறார் இந்த அகோர விநாயகர். நான்கு கரங்களும் துதிக்கையும் இல்லாமல் காட்சி தருவதால், இப்படியொரு திருப்பெயர் வந்தது என்கிறார்கள். அந்நிய படையெடுப்பின்போது பின்னப்படுத்தப்பட்டதாம் இந்த விநாயகர் விக்கிரகம். பின்னம் அடைந்த விக்கிரகத்தை வழிபாட்டில் வைத்திருக்கக் கூடாது என்பதால், இவரை வழிபட்டு வந்த குடும்பத்தினர் விக்கிரகத்தை திருக்குளத்தில் சேர்ப்பித்தார்களாம். ஆனால் அவர்கள் கனவில் தோன்றிய விநாயகர் மீண்டும் தன்னை அப்படியே பிரதிஷ்டை செய்து வழிபடும்படி வலியுறுத்த, அந்தக் குடும்பத்தினரும் அப்படியே செய்தார்களாம். அத்துடன் நான்கு திருக்கரங்கள் மற்றும் துதிக்கையுடன் பூரணத் திருவுருவில் வெண்கலக் கவசமும் செய்து அணிவித்துள்ளார்கள். நினைத்தது நிறைவேறவும், பிணிகள் நீங்கவும் இந்தப் பிள்ளையாரை வழிபட்டுச் செல்லும் பக்தர்கள், இவர் சந்நிதியில் தரப்படும் விபூதிப் பிரசாதத்தை பிணி தீர்க்கும் அருமருந்தாகவே கருதுகிறார்கள்!

- ஆ.நல்லசிவன் படம்: தி. ஹரிஹரன்

ஹேரம்ப விநாயகர்!

விநாயகரின் திருவடிவங்களில் ஸ்ரீஹேரம்ப கணபதி வடிவமும் ஒன்று. 'ஹேரம்ப’ என்றால் சிங்கம் என்றும், எளியவர்க்கு அருள்பவர் என்றும் பொருள் கொள்ளலாம். பிரார்த்தனைகள் விரைவில் பலிதமாக சிம்மத்தின் மீது அமர்ந்த கணபதியை வழிபடவேண்டும் என்கின்றன ஞானநூல்கள். இதை மெய்ப்பிக்கும் வகையில் திகழ்கிறார் இந்த விநாயகர்.

நான்கு திசைகளுக்கு ஒன்றாக நான்கு முகங்களும்; மேல் நோக்கிய ஒருமுகமுமாக ஐந்து திருமுகங்களுடன் திகழ்வதால் பஞ்சமுக விநாயகர் என்றும் இவரை வழிபடுகிறார்கள். கிழக்கு முகம்- சூரிய அம்சம்; உடல் நலனுக்கும் விவசாய வளர்ச்சிக்கு வித்திடும். மேற்கு முகம்- விஷ்ணு அம்சம்; உயிர்களை காக்கும். வடக்கு முகம்- அம்பாளின் அம்சம்; ஜெயம் தரும். தெற்கு முகம்- பிரம்மனின் அம்சம்; திருமணம், குழந்தைப்பேறு மற்றும் வாக்குவன்மை அளிக்கும். மேல் நோக்கிய திருமுகம்- சிவ அம்சம்; சகல மேன்மைகளையும் தரும் என்கிறார்கள்.

இந்தப் பிள்ளையார் விக்கிரகத்துக்குக் கீழே காஞ்சி மகா பெரியவா அருளிய ஸ்ரீசக்ரம் ஸ்தாபிக்கப்பட்டுள்ளது, கூடுதல் விசேஷம் ஆகும். நாமக்கல்லில் இருந்து கரூர் செல்லும் வழியில், நாமக்கல்லில் இருந்து சுமார் 21 கி.மீ. தொலைவில் பரமத்திவேலூர் எனும் ஊரில் கோயில் கொண்டிருக்கிறார் இந்தப் பிள்ளையார்.



நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Tue Aug 26, 2014 9:01 pm

''தும்பிக்'கை’யான் தந்த நம்பிக்'கை’!''


இதோ விநாயகர் சதுர்த்தி நெருங்கிவிட்டது. அதையொட்டி ஒய்யாரமாக ஊர்வலம் வர, அழகுப் பிள்ளையார் சிலைகளும் ஊருக்கு ஊர் விதவிதமாய் தயாராகிவருகின்றன. எனினும், மானாமதுரை பிள்ளையார் சிலைகளுக்கு மவுசு அதிகம். காரணம், அந்தப் பகுதியில் கிடைக்கும் களி மண்ணின் தன்மை அப்படி என்கிறார்கள். இங்கு தயாராகும் பிள்ளையார் சிலைகள் இந்தியா முழுவதும் அனுப்பி வைக்கப்படுகின்றன.

மானாமதுரை பிள்ளையாரைப் போலவே, மானாமதுரையில் பிள்ளையார் சிலைகளைச் செய்வதையே தன் இறைப்பணியாகக் கொண்டிருக்கும் பாண்டிராஜனும் பிரசித்தி பெற்றுத் திகழ்கிறார்.

யார் இந்தப் பாண்டிராஜன்? அவர் அப்படி என்னதான் செய்கிறார்?

மானாமதுரையில் தலைமுறை தலைமுறையாக களிமண்ணால் சிலைகள் செய்து வரும் குடும்பத்தில் வந்தவர்தான் பாண்டிராஜன். அதனால் சிலைகள் செய்யும் திறமை அவருக்கு இயல்பிலேயே இருப்பதில் ஆச்சர்யம் இல்லைதான்.

ஆனால், பாண்டிராஜ் ஒரு மாற்றுத் திறனாளி! ஆம்... பிறவியிலேயே ஒரு கை மட்டும்தான் அவருக்கு! 'பிறகெப்படி கலைநுணுக்கத்துடன் அவரால் பிள்ளையார் சிலைகளைச் செய்யமுடிகிறது?’ என்று கேட்டால், ''எல்லாம் தும்பிக்கையான் தந்த நம்பிக்கைதான் காரணம்!'' என்று கூறிப் புன்னகைக்கிறார். இதோ... தமது 12 வயதில் துவங்கிய இந்தப் பணி குறித்து, அவரே விவரிக்கிறார்.

''எங்க குடும்பத்துல நான்தான் கடைசி பையன். எங்க அப்பா தட்சிணா மூர்த்தியும் என்னோட அண்ணன்களும் இதே தொழிலைத்தான் செஞ்சுக்கிட்டு வர்றாங்க. ஆனா, ஆரம்பத்துல என்னாலதான் சிலை செய்ய முடியலை. அவங்க சிலை செய்யறதை பார்த்துக்கிட்டே இருப்பேன். மற்ற நேரங்கள்ல மண் எடுக்கறது, காயவைக்கறதுன்னு சின்னச் சின்ன வேலைகளைச் செய்வேன். அப்புறம், கொஞ்சம் கொஞ்சமா நானும் சிலை செய்ய முயற்சி பண்ணினேன். சிலை செய்யறதைப் பார்க்கறதுக்கு சுலபமா தெரிஞ்சாலும், அதைச் செய்யும்போதுதான் அதுல இருக்கிற கஷ்டங்கள் எனக்குத் தெரிய வந்துச்சு. அதுலயும் ஒரு கையால சிலை செய்யறதுக்கு ரொம்பவே சிரமப்பட்டேன்.

ஒருகட்டத்துல, திகைச்சு நின்னுட்டேன். வாழ்க்கையை நெனச்சு ரொம்ப பயந்தேன். அப்ப, எங்க வீட்ல எல்லாரும் எனக்கு ஆதரவாவும் உதவியாவும் இருந்தாங்க. என்னை உற்சாகப்படுத்தினாங்க. நான் செய்யப்போறது விநாயகர் சிலைங்கறதால அவரை வணங்கிட்டு, அவர் மேல பாரத்தைப் போட்டுட்டு விநாயகர் சிலைகளைச் செய்ய ஆரம்பிச்சேன். இதோ... 12 வருஷம் ஓடிப்போயிடிச்சு. எல்லாத்துக்கும் காரணம் பிள்ளையாரோட திருவருள்தான்!

இடது கை இல்லையேன்னு என்னிக்கும் வருத்தப்பட்டது இல்லை. ஆனா, சில நேரம் களி மண்ணை எடுத்துப் பிள்ளையார் செய்யும்போது எரிச்சல் ஏற்படும். காரணமே தெரியாது. அப்பெல்லாம் 'நாம் செய்யும் சிலையைப் பல பேர் பூஜை அறையில் வச்சு வணங்குவாங்களே! நல்லபடியா செய்து தரணுமே’ன்னு நெனைச்சுப்பேன் எரிச்சல், கஷ்டம் எல்லாம் மறைஞ்சுடும். ஆரம்பத்துல, பிள்ளையாரைப் பத்தி எனக்குப் பெரிசா ஒண்ணும் தெரியாது. ஆனா, பிள்ளையார் சிலையைச் செய்ய ஆரம்பிச்ச பிறகு, விநாயகரைப் பத்திப் பல விஷயங்களைத் தெரிஞ்சுக்கிட்டேன்'' என்கிற பாண்டிராஜன் அந்த விஷயங்களை நம்மோடும் பகிர்ந்துகொண்டார்.

''விநாயகர் சதுர்த்திக்குக் களிமண்ணால் ஆன விநாயகர் சிலைகளை வழிபடறதுதான் விசேஷம்! விநாயகர் பஞ்சபூதத்துக்கும் அதிபதிங்கறதால அவருடைய சிலையைக் களிமண்ணால செஞ்சு வணங்கி வழிபட்டுட்டு, குளத்துல, கிணத்துல, கடல்லன்னு நீர்நிலைகள்ல கரைச்சிடறதுதான் முறை.

மானாமதுரையில செய்யற விநாயகர் சிலைங்களுக்கு தனி விசேஷம் இருக்கு. காரணம், மானாமதுரையில் மண் வளம் நல்லா இருக்கறதோடு, இரும்புச் சத்தும் இருக்கிறதால மண்ணுக்குப் பிடிப்புத் தன்மை அதிகமா இருக்கும். அதனால சிலை செய்யறதுக்கும் சுலபமா இருக்கும். இங்க செய்யற சிலைங்க எல்லாம் 'பிளாஸ்டர் ஆஃப் பாரிஸ்’ போன்ற கெமிக்கல் எதுவும் கலக்காம இயற்கையான முறையில்தான் செய்யறோம்'' என்றவர் தொடர்ந்து, தன்னுடைய சிலை தயாரிப்புப் பணி பற்றியும் விளக்கினார்.

''ஒரு நல்ல நாளில், விநாயகருக்கு பூஜைகள் செய்த பின்னர்தான், சிலைகள் செய்ய ஆரம்பிப்பேன். ஆறு அடி உள்ள சிலையைச் செய்ய, குறைஞ்சது 15 நாள் ஆகும். முதல்ல சுத்தமான களி மண்ணை எடுத்துட்டு வருவோம்.அதை சிலை செய்யறதுக்கு வசதியா பல நிலைகள்ல பக்குவப்படுத்துவோம். அப்பத்தான் அந்த மண், சிலை செய்யறத்துக்கு ஏதுவா இருக்கும். விநாயகர் சதுர்த்திக்கு 50 நாளுக்கு முன்னாடியே சிலை செய்ய ஆரம்பிச்சுடுவோம். சிலை செய்யறதுல பல நுணுக்கமான விஷயங்கள் உண்டு. அதை யெல்லாம் சரியா, கவனமா பார்த்துச் செய்யணும்னா ரெண்டு கைகளும் நல்லா இருந்தாத்தான் முடியும். அப்பெல்லாம் ஒரு கையையும், மற்றொரு முட்டியையும் வைத்துதான் செய்வேன். மத்தவங்க ஒரு நாள்ல முடிக்கிற வேலையை முடிக்க எனக்கு ரெண்டு நாள் ஆகும். அதனால காலைல நாலு மணிக்கே சிலை செய்ய வந்துடுவேன். வந்ததில் இருந்து சிலை தவிர வேற நெனைப்பே இருக்காது. முழுசா முடிச்சுட்டுத்தான் கிளம்பணும்கற நெனைப்பிலேயே இருப்பேன். எப்படியும் வீடு திரும்ப இரவு 10 மணி ஆயிடும். ஆனா, எப்பவும் சோர்ந்து போனதில்லை. சிலையைச் செஞ்சதும் காய வச்சு, மட்டிவெள்ளை சுண்ணாம்பு அடிப்போம். அப்புறமாத்தான் ஓலைச்சாயம் கொண்டு வண்ணம் பூசுவோம்'' என்று தனது அனுபவங்களை நம்மிடம் பகிர்ந்துகொண்ட பாண்டிராஜன் இதுவரை பல ஆயிரம் சிலைகளைச் செய்திருக்கிறாராம். எனினும், ஒரு டன் எடையில் 9 அடி உயரத்துக்கு ஒரு பிள்ளையார் சிலையை தனியொரு ஆளாகச் செய்திருப்பதை இங்கே குறிப்பிட்டே ஆகவேண்டும். பல்வேறு தோற்றங்களில் விநாயகர் சிலைகள் இருந்தாலும், பெரும்பாலும் பாண்டிராஜன் செய்வது அமர்ந்த நிலையில் இருக்கும் விநாயகர் சிலைகளைத்தான்.

விநாயகர் சிலைகள் மட்டுமின்றி, கார்த்திகை தீபத்துக்கான அகல் விளக்குகள், மண் சிலைகள், கோயில்களுக்குக் குதிரை சிலைகள் எனத் தன் பணிகளையே ஆன்மிகம் சார்ந்ததாக அமைத்துக் கொண்டிருக்கும் பாண்டிராஜனின் மனமெல்லாம் அந்த விநாயகப் பெருமானே வியாபித்து இருக்கிறார்.

மாற்றுத்திறனாளியாக இருந்தாலும், சிலை செய்கிறபோது தன்னையே மறந்து இறைவனுக்குத் தொண்டு செய்கிறோம் என்கிற ஒரே நினைப்போடு ஆத்மார்த்தமாகச் செய்யும் பாண்டிராஜனின் இறைப்பணி பாராட்டுதலுக்கு உரியது என்பதில் சந்தேகம் என்ன?!




நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Tue Aug 26, 2014 9:02 pm

தங்கத் தேரில் பவனி வரும் ஈச்சனாரி விநாயகர்
கணபதியே சரணம்!

மதுரையில் இருந்து ஸ்ரீவிநாயகரின் திருவுருவச் சிலையை எடுத்து வரும் வழியில், ஓரிடத்தில் அச்சு முறிந்து அங்கேயே நின்றது மாட்டுவண்டி. அப்போது, ''நான் இங்கேயே இருக்கிறேன்'' என அசரீரி கேட்க... விநாயகருக்கு அங்கே அற்புதமான கோயில் அமைந்தது என்கிறது ஸ்தல வரலாறு.

ஈச்சங்காடாக இருந்த இடத்தில் அமைந்த அந்த விநாயகர், ஈச்சங்காட்டு விநாயகர் என அழைக்கப்பட்டார். அதுவே பின்னாளில் ஈச்சனாரி விநாயகர் என அமைந்ததாகச் சொல்வர்.

கோவையில் இருந்து பொள்ளச்சி செல்லும் வழியில் அமைந்து உள்ளது இந்தத் திருத்தலம். நினைத்ததை ஈடேற்றித் தரும் ஈச்சனாரி விநாயகர் சந்நிதியில், புதிதாக வாகனம் வாங்கியவர்கள், சாவியை திருவடியில் வைத்து வணங்கி எடுத்துச் செல்கின்றனர். அதேபோல், அந்தச் சாலை வழியே செல்பவர்களுக்கு வழித்துணையாகவும் வருகிறார் விநாயகர் என்கிறார்கள் பக்தர்கள்!

இங்கு, 27 நட்சத்திரங்களுக்குமான நட்சத்திர பூஜை வெகு பிரசித்தம். அவரவர் நட்சத்திர நாளில் இங்கு வந்து வணங்கினால், வளமும் நலமும் பெற்று வாழலாம் என்பர்.

தமிழகத்திலேயே முதல் முறையாக ஸ்ரீவிநாயகப் பெருமானுக்கு என்று தனியே தங்கத்தேர் இங்கு செய்யப்பட்டு, இரவு 7 மணிக்கு தங்கத்தேரில் உலா வரும் வைபவம் நடைபெறுகிறது.

விநாயக சதுர்த்தி நாளில், ஈச்சனாரி பிள்ளையாரைத் தரிசிக்க, கோவை, ஈரோடு, பொள்ளாச்சி என பல ஊர்களில் இருந்தும் பல்லாயிரக்கணக்கான வாசகர்கள் வந்து தரிசித்து செல்கின்றனர். அன்றைய நாளில், சர்வ அலங்காரத்தில் ஜொலிக்கும் விநாயகப் பெருமானைக் காணக் கண் கோடி வேண்டும் எனப் பூரிப்புடன் சொல்கிறார்கள் பக்தர்கள்!



நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Tue Aug 26, 2014 9:03 pm

வெற்றி தருவார் விஜய கணபதி!
கணபதியே சரணம்!


சென்னை நங்கநல்லூருக்கு அருகில் உள்ள உள்ளகரத்தில் அமைந்து உள்ளது ஸ்ரீவிஜய கணபதி ஆலயம். காஞ்சி மகா பெரியவாளின் அறிவுரைப்படி, சிறு குடிசையில் இருந்த கிழக்குப் பார்த்த விநாயகர், கடந்த சில வருடங்களுக்கு முன்பு தெற்குப் பார்த்த ஸ்ரீவிஜய கணபதியாக அருள்பாலிக்கத் துவங்கினார் என்கிறார்கள், பக்தர்கள்.

94-ம் வருடம் சாந்தானந்த சுவாமிகள் சொன்னதற்கு இணங்க, அன்று முதல் இன்றளவும் தினமும் கணபதி ஹோமம் செய்யப்படுகிறது, இங்கே! ஸ்ரீமுருகப்பெருமான், ஸ்ரீதுர்கை, ஸ்ரீஐயப்ப ஸ்வாமி, திருமால், ஸ்ரீஅனுமன் என அனைத்து தெய்வங்களின் பெயர்களுக்கு முன்னதாக 'விஜய’ எனும் திருநாமம் சூட்டியுள்ளனர்.

ஸ்ரீகணபதிக்கு சதுர்த்தி, ஸ்ரீகந்தக் கடவுளுக்கு கிருத்திகை, ஸ்ரீஐயப்ப ஸ்வாமிக்கு உத்திரம், ஸ்ரீவிஜயராகவ ஸ்வாமிக்கு புனர்வசு, ஸ்ரீதுர்காதேவிக்கு பௌர்ணமி, ஸ்ரீஅனுமனுக்கு மூலம் ஆகிய நட்சத்திர நாளில், சிறப்பு அபிஷேக ஆராதனைகள் நடைபெறுகின்றன.

ஸ்ரீராம நவமி முடிந்த முதல் ஞாயிற்றுக் கிழமையில் ஸ்ரீராதா கல்யாணமும் சஷ்டி முடிந்த முதல் ஞாயிறு, ஸ்ரீவள்ளி கல்யாணமும் சிறப்புற கொண்டாடப்பட்டு வருகிறது என்கிறார் கோயில் மேலாளர் சுப்ரமணியன்.

பெருமாள் சந்நிதி கொண்டிருக்கிற இந்த ஆலயத்தில், வருடந்தோறும் வைகுண்ட ஏகாதசி விழா விமரிசையாகக் கொண்டாடப்படுகிறது.

ஸ்ரீவிஜய கணபதி எனும் திருநாமம் கொண்டு அருள்பாலிக்கும் ஸ்ரீவிநாயகப் பெருமானை, ஸ்ரீவிசா கணபதி என்றே அழைக்கின்றனர், பக்தர்கள். கோயில் அமைந்து உள்ள தெருவில் உள்ள ஒவ்வொரு வீட்டிலும் யாரேனும் ஒருவர், வெளிநாட்டில் வேலை செய்பவராக இருப்பார். வெளிநாட்டில் வேலை கிடைக்கும் யோகத்தை வழங்கக் கூடியவர் என்பதால் பிள்ளையாருக்கு, விசா கணபதி எனும் பெயர் அமைந்ததாகச் சொல்வர்.

மாதத்தின் 4-ம் ஞாயிற்றுக்கிழமையில் ஏகாதச ருத்ர ஜபம் நடைபெறுகிறது. அதேபோல். ஸ்ரீகுமார கணபதி பூஜையும் கொண்டாடப்படுகிறது.

திருமுருக கிருபானந்த வாரியார் சுவாமிகள், ரத்தினகிரி ஸ்ரீ பால முருகனடிமை, மகாதேவ மலை மகானந்த சித்தர், கி.வா.ஜ ஆகியோர், ஸ்ரீவிஜய கணபதியின் பேரருளைச் சிலாகித்துள்ளனர்.

விஜய கணபதியை கண்ணாரத் தரிசியுங்கள். எங்கும் வெற்றி, எதிலும் வெற்றி என நிம்மதியாக வாழ்வீர்கள்!



நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Tue Aug 26, 2014 9:04 pm

ஆசியாவின் பிரமாண்ட விநாயகர்!
கணபதியே சரணம்!


கோவை, புலியகுளம் பகுதியில் அமைந்து உள்ளது ஸ்ரீமுந்தி விநாயகர் ஆலயம். இங்கே, அருள்பாலிக்கும் விநாயகப் பெருமான், ஆசியாவிலேயே மிகப்பெரிய விக்கிரகத் திருமேனியர் எனப் போற்றுகின்றனர், பக்தர்கள்.

இந்த ஆலயம், அந்தப் பகுதி மக்களால், கடந்த 98-ம் வருடம், ஜகத்குரு ஸ்ரீஜயேந்திர சரஸ்வதி சங்கராச்சார்ய ஸ்வாமிகளின் தலைமையில் பிரதிஷ்டை செய்யப்பட்டு, கும்பாபிஷேகம் செய்யப்பட்டது.

எதுவாக இருப்பினும், என்ன இன்னல் வந்திடினும் முன்னின்று வந்து அனுக்கிரகம் செய்து வைப்பாராம் இவர். எனவே, இவருக்கு ஸ்ரீமுந்தி விநாயகர் எனும் திருநாமம் அமைந்ததாகச் சொல்வர். அனைத்துக் கடவுளருக்கும் முதன்மையானவர் என்பதாலும் இந்தத் திருநாமம் இவருக்கு!

'முந்தி விநாயகர் சுமார் 19 அடி 10 அங்குல உயரமும் 11 அடி 10 அங்குல அகலமும், 8 அடி கனமும் கொண்டவராக, சுமார் 190 டன் எடை கொண்டவராகத் திகழ்கிறார். இன்னொரு சிறப்பு... இந்தச் சிலை ஒரே கல்லில் செதுக்கப்பட்டு உள்ளது. விநாயகரின் நெற்றி மட்டுமே இரண்டடி அகலம். துதிக்கை வலம் சுழிந்து காட்சி தருகிறார் பிள்ளையார். நான்கு திருக்கரங்கள். வலது முன் கரத்தில் தந்தமும் பின் கரத்தில் அங்குசமும்; இடது முன்கரத்தில் பலாப்பழமும் பின் கரத்தில் பாசக் கயிறும் கொண்டு காட்சி தருகிறார். தவிர, துதிக்கையில் மகாலட்சுமியின் அம்சமான அமிர்த கலசத்தைத் தாங்கியபடி, தாமரை பீடத்தில் அமர்ந்து அருள்பாலிக்கிறார் ஸ்ரீவிநாயகக் கடவுள். அவரின் கிரீடத்திலும் தாமரை மேல்நோக்கி விரிந்திருப்பது போன்ற வேலைப்பாடு மிக அழகு!

வாசுகிப் பாம்பை, தன் வயிற்றில் கட்டிக் கொண்டிருப்பதால், நாக தோஷத்தை நீக்கி அருள்கிறார் ஸ்ரீகணபதி பெருமான். நாக தோஷம் உள்ளவர்கள், இங்கு வந்து ஸ்ரீவிநாயகரை வணங்கினால், தோஷம் நீங்கி, வளமுடன் வாழ்வார்கள் என்பது நம்பிக்கை'' என்கிறார் கோயிலின் கார்த்திகேய குருக்கள்.

'பிடியதன் உருவுமை கொளமிகு கரியது’ என்ற வாக்குக்கு இணங்க, அம்பாள் பார்வதியும் பரமேஸ்வரனும் யானை உருக்கொண்டு ஸ்ரீவிநாயகப் பெருமானாகத் தோன்றியது போல் காட்சி அளிக்கிறார் கணபதி. அதாவது, அவரின் வலது பகுதி, ஆண்களைப் போலவும் இடது பக்கம் பெண்களின் வடிவிலும் அமைந்து உள்ளது.

'சித்திரை முதல் நாள், சுமார் 3 டன் எடை கொண்ட பலவகை பழங்களால், விநாயகருக்கு அலங்கார பூஜை நடைபெறுகிறது. அந்த மாதம் முழுவதும் சிறப்பு அலங்காரம் செய்வதும் பக்தர்களுக்கு பழங்கள் விநியோகிப்பதும் சிறப்புற நடைபெறும். அதேபோல் விநாயக சதுர்த்தி நாளில், அதிகாலையிலேயே விநாயகருக்கு சிறப்பு அபிஷேகங்கள் செய்யப்படுவதுடன், மூன்று டன் எடை கொண்ட பல மலர்களால் ஆன மாலையை அணிவிக்கப் பட்டு, ராஜ அலங்காரத்தில் காட்சி தருவார்.'' எனத் தெரிவிக்கிறார் குருக்கள்.

விழா நாட்களில் ஆயிரக்கணக்கான பக்தர்கள், பிள்ளையாரைத் தரிசித்துச் செல்வார்கள். நவராத்திரி விழாவும் இங்கு சிறப்புறக் கொண்டாடப்படுகிறது.

ஸ்ரீமுந்தி விநாயகரை வணங்கினால், அஷ்ட ஐஸ்வர்யங்களும் பெருகும். பதினாறு வகை பேறுகளும் பெற்று, பெருவாழ்வு வாழலாம் என்கின்றனர் பக்தர்கள்!



நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Tue Aug 26, 2014 9:10 pm


விநாயகர் தரிசனம்!
கோவை- புளியகுளத்தில் அருளும் ஸ்ரீமுந்தி விநாயகர், ஆசியாவிலேயே உயரமான பிள்ளையாராம். இவருடைய உயரம் சுமார் 19 அடி- 10 அங்குலம் (இதில் 3 அடி பீடமும் அடங்கும்); அகலம்- சுமார் 11 அடி. எடை சுமார் 190 டன். வலம்புரி விநாயகரான இவரைத் தரிசித்தால் திருமணத் தடைகள் நீங்குமாம்.

வேதாரண்யத்துக்கு மேற்கே சுமார் 8 கி.மீ. தொலைவில் உள்ள கிராமம் குரவப்புலம். இங்கே, லிங்க வடிவ ஆலயத்துக்குள் அருள்பாலிக்கும் ஸ்ரீசித்திஅரசு விநாயகர், நாம் சித்தத்தில் நினைப்பதையெல்லாம் நிறைவேற்றித் தரும் வள்ளலாம். இவரை பக்தர்களே பூஜிக்கலாம் என்பது சிறப்பு!

நாகப்பட்டினம்- ஸ்ரீகாக்கா பிள்ளையார் கோயில் (காக்கும் பிள்ளையார் என்பதே மருவி, காக்கா பிள்ளையார் என்றானதாம்!) சூரியன் வழிபட்டு புத்திரப் பேறு பெற்ற தலம் என்பதால், ஒவ்வொரு ஆண்டும் மார்ச் 26-ஆம் தேதி, இங்கே ஸ்ரீவிநாயகருக்கு சூரிய பூஜை நடைபெறுகிறது.


மயிலாடுதுறை- திருவாரூர் இடையே பூந்தோட்டம் என்ற ஊருக்கு அருகில் உள்ளது திலதர்ப்பணபுரி. இங்குள்ள ஸ்ரீஆதிவிநாயகர் தும்பிக்கை இல்லாமல் காட்சி தருகிறார்!

ராமேஸ்வரம் கோயிலின் நுழைவாயிலில் தரிசனம் தரும் இரட்டைப் பிள்ளையாரை வழிபட்ட பிறகே கோயிலுக்குள் செல்லவேண்டும் என்பது மரபு.

மருதமலையில் ஆலமரம் முதலான ஐந்து விருட்சங்கள் பின்னிப் பிணைந்திருக்கும் இடத்தருகில் அருள்கிறார் ஸ்ரீபஞ்சவிருட்ச கணபதி. பஞ்ச விருட்சத்தின் அடியில், முனிவர்கள் அருவமாக தவம் செய்வதாக ஐதீகம்!

தாமரை மலரில் அமர்ந்த நிலையில்... வழக்கத்துக்கு மாறாக கையில் கரும்புடன் காட்சி தருகிறார் திருப்பரங்குன்றம் ஸ்ரீகற்பக விநாயகர்.

கன்னியாகுமரி மாவட்டம், கேரளபுரம் மகாதேவர் கோயி லில் அருளும் விநாயகர் ஆவணி முதல் தை மாதம் வரை வெள்ளை நிறத்துடனும், மாசி முதல் ஆடி வரை கறுப்பு நிற மேனியராகவும் காட்சி தருவார். நிறம் மாறுவதால் இவரை, ஸ்ரீபச்சோந்தி விநாயகர் என்ற பெயரில் வழிபடுகின்றனர்.

வெளிநாடுகளில் விநாயகர்...

ஜப்பானில் வயது முதிர்ந்த ஆணும் பெண்ணும் தழுவிக் கொண்டிருப்பது போன்ற உருவில் உள்ள இரட்டை விநாயகர் சிலையை வணங்குகின்றனர். இந்த அபூர்வ சிலையை வழிபட்டால் நீண்ட காலம் வாழலாம் என்பது அவர்களின் நம்பிக்கை.

கிரேக்க நாட்டுச் சாலைகளில் உள்ள கிலோமீட்டர் காட்டும் கற்கள், பிள்ளையார் வடிவிலேயே அமைக்கப்பட்டுள்ளன. வழிகாட்டியாக இருந்து தங்களை விபத்தின்றிக் காப்பார் விநாயகர் என நம்புகிறார்கள் கிரேக்கர்கள்!

சென்னை- மீஞ்சூருக்கு அருகில் உள்ளது செட்டிப் பாளையம். இங்குள்ள விநாயகர் கோயிலில், வலப்புறம் சாய்ந்த நிலையில் அருளும் பிள்ளையாரை தரிசிக்கலாம். இவரை, 'ஸ்ரீவலஞ்சை விநாயகர்' என்கின்றனர்.

ஸ்ரீநவநீத கிருஷ்ணரைப் போன்று அழகிய குழந்தை வடிவில் உள்ள விநாயகரை, வேலூர் கோட்டையில் சிற்பக் கலை நிறைந்த கல்யாண மண்டபத்தில் தரிசிக்கலாம்.

விருத்தாசலம் ஸ்ரீவிருத்தகிரீஸ்வரர் கோயிலில், சுமார் 18 அடி ஆழத்தில் சந்நிதி கொண்டிருக்கிறார் ஸ்ரீஆழத்துப் பிள்ளையார்.

அரியலூர்- ஜெயங்கொண்டத்தில் இருந்து சுமார் 10 கி.மீ. தூரத்தில் உள்ள ஸ்ரீவைரவனீஸ்வரர் ஆலயத்தில், அர்ஜுனனுக்கு பாசுபத அஸ்திரப்பயிற்சி தந்த வில்லேந்திய விநாயகரை தரிசிக்கலாம்.

ஐங்கரனான விநாயகர் மூன்றுகரத்தோனாக எழுந்தருளும் தலம் பிள்ளையார்பட்டி. இங்கே, விநாயகருக்கு வெள்ளை ஆடை மட்டுமே அணிவிக்கின்றனர். சகஸ்ரநாம அர்ச்சனைக்காக, தினமும் 108 மோதகம் படைப்பதும் இந்தக் கோயிலின் தனிச்சிறப்பு.

பாக்கு பிரசாதம்!

கர்நாடக மாநிலம்- ஹுப்ளியில் இருந்து சுமார் 8 கி.மீ தூரத்தில் உள்ள ஊர் சப்பி. இங்கு, விநாயக சதுர்த்தி அன்று ஐந்து அந்தணக் குடும்பத்தைச் சேர்ந்த வர்கள், செந்தூரத்தால் விநாயகர் செய்து பூஜிப்பார்களாம்.

வழிபாடுகள் முடிந்ததும், பிரசாதமாக பாக்கு தரப்படுமாம். பாக்கு பிரசாதம் கிடைத்த பக்தர்களின் வேண்டுதல்கள், அடுத்த மூன்று வருடத்துக்குள் நிறைவேறிவிடும் என்பது நம்பிக்கை.

விநாயகரின் தேவியர்!

சித்தி, புத்தி மற்றும் வல்லபை ஆகியோரை விநாயகரின் தேவியராகக் குறிப்பிடுகிறது விநாயக புராணம். இவர்கள் மட்டுமல்ல... மோதை, பிர போதை, கமலை, சுந்தரி, மனோரமை, மல்கலை, கேசினி, காந்தை, சாருகாசை, சுமந்தினை, நந்தினி, காமதை ஆகியோரும் விநாயகரின் தேவிகளாகத் திகழ்வதாக ஞானநூல்கள் தெரிவிக்கின்றன.

விநாயகரும் வழிபாடும்

ஐம்பொன் விக்கிரகங்களாக மட்டுமல்ல, மண்ணில் பிடித்து வைத்து வழிபட்டாலும் பரிபூரண பலன் தருவார் விநாயகர்.

மண்ணால் செய்த விநாயகரை வழிபட, நற்பதவி கிட்டும்.

புற்றுமண் விநாயகரை வழிபட, லாபம் பெருகும்.

வெல்ல விநாயகர்- நன்மைகள் அதிகரிக்கச் செய்வார்.

உப்பு விநாயகர்- எதிரிகளை வெல்லும் வல்லமை தருவார்.

வெள்ளெருக்கு விநாயகர்- செல்வம் பெருக அருள்வார்.

கல் விநாயகரை வழிபட்டால், சகல நலன்களும் கிட்டும்.

மாவினால் செய்த விநாயகரை வழிபட, அனைத்துக் காரியங்களிலும் வெற்றி பெறலாம்.

தத்துவ கணபதி!

கணபதி என்ற சொல்லுக்குத் தேவகணங்களின் தலைவன் என்று பொருள். 'க' என்பது ஞானநெறியில் ஆன்மா எழுவதையும், 'ண' என்பது மோட்சம் பெறுவதையும், 'பதி' என்பது ஞான நெறியில் திளைத்துப் பரம்பொருளை அடைதலையும் குறிக்கும். மேலும் 'மனோவாக்கினை கடந்த தலைவன்' என்றும் பொருள்கொள்ளலாம்!

பிள்ளையாரை அர்ச்சிக்க 21 இலைகள்!

விநாயக சதுர்த்தி அன்று 21 பத்ரங்களால் (இலை) பிள்ளையாரை அர்ச்சித்து வழிபடுதல் விசேஷம். அவை முல்லை, கரிசலாங்கண்ணி, வில்வம், ஊமத்தை, இலந்தை, வெள் ளருகம்புல், துளசி, வன்னி, நாயுருவி, கண்டங்கத்திரி, சுருளி, எருக்கு, மருதை, விஷ்ணு கிராந்தி, மாதுளை, தேவதாரூ, மருவு, அரசு, ஜாதிமல்லிகை, தாழை, அகத்திக் கீரை.

திருவையாறு கோயிலில் அருள்கிறார் ஸ்ரீஓலமிட்ட விநாயகர். நள்ளிரவில் ஓலமிட்டு, ஆற்றில் வெள்ளப்பெருக்கு ஏற் பட்டிருப்பதை ஊர்மக்களுக்கு உணர்த்திக் காப்பாற்றியதால் இவருக்கு இந்தத் திருநாமம்!

திருவையாறு தலத்தில் லிங்கத்தின் ஆவுடைப் பகுதியின் மீது அமர்ந்தருளும் ஆவுடைப்பிள்ளையாரை தரிசிக்கலாம்.

தஞ்சை- திருவையாறு சாலையில் திருக்கண்டியூருக்கு அருகில் உள்ளது திருவேதிக்குடி. இங்குள்ள ஸ்ரீவேத விநாயகர், வேதங்களை காதுகொடுத்துக் கேட்கும் பாவனையில் சற்றே செவி சாய்த்து அமர்ந்திருக் கிறார். இறைவன் அருளும் வேதங்களை இவர் செவி சாய்த்துக் கேட்பதாக ஐதீகம். எனவே இவரை, செவிசாய்த்த விநாயகர் என்றும் அழைக்கின்றனர்.

மதுரை ஸ்ரீமீனாட்சியம்மன் ஆலயத்தில் உள்ள ஸ்ரீமுக்குருணி விநாயகரின் விக்கிரகத் திருமேனி, திருமலை நாயக்கரால் வண்டியூர் தெப்பக்குளம் வெட்டும்போது கண்டெடுக்கப்பட்டது.

தஞ்சாவூர் மாவட்டம்- மருத்துவக்குடியில் அமைந் துள்ளது ஸ்ரீஅபிராமியம்மை சமேத ஸ்ரீஐராவதீஸ்வரர் ஆலயம். இங்கே அருள்பாலிக்கும் விருச்சிக விநாயகரின் திருமேனி முழுவதும் விருச்சிகத்தின் (தேள்) செதில் போன்ற அமைப்புள்ளதாக வடிவமைக்கப்பட்டுள்ளது!

கும்பகோணத்திலிருந்து 6 கி.மீ தொலைவில் உள்ளது திருவலஞ்சுழி. இங்கு எழுந்தருளியுள்ள விநாயகருக்கு வெள்ளைப் பிள்ளையார் என்று பெயர். இவரின் விக்கிரகத் திருமேனி கடல் நுரையால் செய்யப்பட்டது என்பது ஐதீகம். எனவே, இவருக்கு அபிஷேகம் கிடையாது.

திருவாரூர் கோயிலில் அருளும் ஸ்ரீஐங்கலக் காசு விநாயகர் விக்கிரகத்தை, சோழ மன்னர் ஒருவர் ஐந்து கலம் பொற்காசுகளைக் கொண்டு செய்ததாக ஐதீகம்.

விநாயகப்பெருமான் அம்மை-அப்பனை வலம் வந்து ஞானப்பழம் பெற்ற ஊர் திருவலம் என்பர். வேலூரில் இருந்து சுமார் 28 கி.மீ. தூரத்தில் உள்ள இந்த ஊரில் அருள்பாலிக்கும் ஸ்ரீவலம்வந்த விநாயகரை தரிசிக்க, வல்வினைகள் யாவும் நீங்கும் என்கிறார்கள் பக்தர்கள்.

ஆந்திர மாநிலம்- ஸ்ரீசைலம் அருள்மிகு மல்லிகார்ஜுனர் கோயிலுக்குச் சென்றுவிட்டு திரும்பும்போது, சுமார் 2 கி.மீ. தொலைவில் உள்ள ஒரு பிள்ளையார் கோயிலுக்குச் சென்று தங்களின் வருகையை பக்தர்கள் பதிவு செய்ய வேண்டுமாம். பக்தர்கள் ஸ்ரீசைலத்துக்கு சென்றுவந்ததற்கு இந்தப் பிள்ளையாரே சாட்சி என்பதால், இவரை 'ஸ்ரீசாட்சி கணபதி' என்கின்றனர்




நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Tue Aug 26, 2014 9:11 pm

வியாசர் சென்ன விநாயகர் திருநாமங்கள்


மகாஸ்காந்த புராணத்தின் தொடக்கத்தில் கணபதியின் பதினாறு நாமங்களை வியாசர் பட்டியலிட்டுக் கூறியுள்ளார். அந்தத் திருநாமங்களை, கல்வி பயிலத் தொடங்கும்போதும், திருமணத்திலும், புதுமனை புகும்போதும், வெளியில் புறப்படும்போதும், போர்க்களத்திலும், துன்பங்கள் ஏற்படும்போதும் கூறினால், எப்போதும் மங்கலமே உண்டாகும் என்று குறிப்பிட்டுள்ளார் வியாசர். வினை தீர்க்கும் அந்தத் திருநாமங்கள்

ஸூமுகன் - மங்களமான முகமுள்ளவன்
ஏகதந்தன் - ஒற்றைத் தந்தம் உடையவன்
கபில வர்ணன் - பழுப்பு நிறம் உடையவன்
கஜகர்ணன் - யானைக்காது உடையவன்
லம்போதரன் - பெரிய வயிறு உடையவன்
விகடன் - மகிழ்ச்சி அருள்பவன்
விக்னராஜன் - தடைகளுக்கு அரசன்
விநாயகன் - தன்னிகரில்லாத் தலைவன்
தூமகேது - தீப்போல் சுடர்பவன்
கணாத்யக்ஷன் - பூதகணங்களின் முதல்வன்
பாலசந்திரன் - நெற்றியில் இளம்பிறை சூடியவன்
கஜானன் - யானைமுகத்தோன்
வக்ரதுண்டன் - வளைந்த துதிக்கை உடையவன்
சூர்ப்பகர்ணன் - முறம் போல் காதுகள் உடையவன்
ஹேரம்பன் - அடியார்களுக்கு அருள்பவன்
ஸ்கந்தபூர்வஜன் - கந்தவேளின் அண்ணன்



நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by krishnaamma on Tue Aug 26, 2014 9:11 pm

@தமிழ்நேசன்1981 wrote:ஆசியாவின் பிரமாண்ட விநாயகர்!
கணபதியே சரணம்!


கோவை, புலியகுளம் பகுதியில் அமைந்து உள்ளது ஸ்ரீமுந்தி விநாயகர் ஆலயம். இங்கே, அருள்பாலிக்கும் விநாயகப் பெருமான், ஆசியாவிலேயே மிகப்பெரிய விக்கிரகத் திருமேனியர் எனப் போற்றுகின்றனர், பக்தர்கள்.

இந்த ஆலயம், அந்தப் பகுதி மக்களால், கடந்த 98-ம் வருடம், ஜகத்குரு ஸ்ரீஜயேந்திர சரஸ்வதி சங்கராச்சார்ய ஸ்வாமிகளின் தலைமையில் பிரதிஷ்டை செய்யப்பட்டு, கும்பாபிஷேகம் செய்யப்பட்டது.

எதுவாக இருப்பினும், என்ன இன்னல் வந்திடினும் முன்னின்று வந்து அனுக்கிரகம் செய்து வைப்பாராம் இவர். எனவே, இவருக்கு ஸ்ரீமுந்தி விநாயகர் எனும் திருநாமம் அமைந்ததாகச் சொல்வர். அனைத்துக் கடவுளருக்கும் முதன்மையானவர் என்பதாலும் இந்தத் திருநாமம் இவருக்கு!

'முந்தி விநாயகர் சுமார் 19 அடி 10 அங்குல உயரமும் 11 அடி 10 அங்குல அகலமும், 8 அடி கனமும் கொண்டவராக, சுமார் 190 டன் எடை கொண்டவராகத் திகழ்கிறார். இன்னொரு சிறப்பு... இந்தச் சிலை ஒரே கல்லில் செதுக்கப்பட்டு உள்ளது. விநாயகரின் நெற்றி மட்டுமே இரண்டடி அகலம். துதிக்கை வலம் சுழிந்து காட்சி தருகிறார் பிள்ளையார். நான்கு திருக்கரங்கள். வலது முன் கரத்தில் தந்தமும் பின் கரத்தில் அங்குசமும்; இடது முன்கரத்தில் பலாப்பழமும் பின் கரத்தில் பாசக் கயிறும் கொண்டு காட்சி தருகிறார். தவிர, துதிக்கையில் மகாலட்சுமியின் அம்சமான அமிர்த கலசத்தைத் தாங்கியபடி, தாமரை பீடத்தில் அமர்ந்து அருள்பாலிக்கிறார் ஸ்ரீவிநாயகக் கடவுள். அவரின் கிரீடத்திலும் தாமரை மேல்நோக்கி விரிந்திருப்பது போன்ற வேலைப்பாடு மிக அழகு!

வாசுகிப் பாம்பை, தன் வயிற்றில் கட்டிக் கொண்டிருப்பதால், நாக தோஷத்தை நீக்கி அருள்கிறார் ஸ்ரீகணபதி பெருமான். நாக தோஷம் உள்ளவர்கள், இங்கு வந்து ஸ்ரீவிநாயகரை வணங்கினால், தோஷம் நீங்கி, வளமுடன் வாழ்வார்கள் என்பது நம்பிக்கை'' என்கிறார் கோயிலின் கார்த்திகேய குருக்கள்.

'பிடியதன் உருவுமை கொளமிகு கரியது’ என்ற வாக்குக்கு இணங்க, அம்பாள் பார்வதியும் பரமேஸ்வரனும் யானை உருக்கொண்டு ஸ்ரீவிநாயகப் பெருமானாகத் தோன்றியது போல் காட்சி அளிக்கிறார் கணபதி. அதாவது, அவரின் வலது பகுதி, ஆண்களைப் போலவும் இடது பக்கம் பெண்களின் வடிவிலும் அமைந்து உள்ளது.

'சித்திரை முதல் நாள், சுமார் 3 டன் எடை கொண்ட பலவகை பழங்களால், விநாயகருக்கு அலங்கார பூஜை நடைபெறுகிறது. அந்த மாதம் முழுவதும் சிறப்பு அலங்காரம் செய்வதும் பக்தர்களுக்கு பழங்கள் விநியோகிப்பதும் சிறப்புற நடைபெறும். அதேபோல் விநாயக சதுர்த்தி நாளில், அதிகாலையிலேயே விநாயகருக்கு சிறப்பு அபிஷேகங்கள் செய்யப்படுவதுடன், மூன்று டன் எடை கொண்ட பல மலர்களால் ஆன மாலையை அணிவிக்கப் பட்டு, ராஜ அலங்காரத்தில் காட்சி தருவார்.'' எனத் தெரிவிக்கிறார் குருக்கள்.

விழா நாட்களில் ஆயிரக்கணக்கான பக்தர்கள், பிள்ளையாரைத் தரிசித்துச் செல்வார்கள். நவராத்திரி விழாவும் இங்கு சிறப்புறக் கொண்டாடப்படுகிறது.

ஸ்ரீமுந்தி விநாயகரை வணங்கினால், அஷ்ட ஐஸ்வர்யங்களும் பெருகும். பதினாறு வகை பேறுகளும் பெற்று, பெருவாழ்வு வாழலாம் என்கின்றனர் பக்தர்கள்!
மேற்கோள் செய்த பதிவு: 1082731

ரொம்ப அருமையாக தொகுத்திருக்கிங்க நேசன் புன்னகை நான் இந்த பிள்ளையாரை சேவித்திருக்கேன் புன்னகை ரொம்ப அழகாய் ரொம்ப பெரிய மூர்த்தி புன்னகை


என்னுடைய சமையல் குறிப்புகளடங்கிய அண்ட்ராய்ட் அப்ளிகேஷன்!
http://eegarai.org/apps/Kitchen4All.apk


http://krishnaammas.blogspot.in/

http://krishnaamma.eegarai.com/

Dont work hard, work smart புன்னகை


Krishna Please Chant ஹரே கிருஷ்ணா ஹரே கிருஷ்ணா, கிருஷ்ணா கிருஷ்ணா ஹரே ஹரே ! ஹரே ராமா ஹரே ராமா, ராமா ராமா ஹரே ஹரே !! !!
avatar
krishnaamma
நிர்வாகக் குழுவினர்


நிகழ்நிலை
இணையாநிலை

பதிவுகள் : 54419
மதிப்பீடுகள் : 11458

View user profile

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Tue Aug 26, 2014 9:12 pm

விநாயகர் அகவல்



சீதக் களபச் செந்தாமரைப்பூம்
பாதச் சிலம்பு பலஇசை பாடப்

பொன்னரை ஞாணும் பூந்துகி லாடையும்
வன்ன மருங்கில் வளர்ந்தழ கெறிப்பப்

பேழை வயிறும் பெரும்பாரக் கோடும்
வேழ முகமும் விளங்குசிந் தூரமும்

அஞ்சுகரமும் அங்குச பாசமும்
நெஞ்சிற் குடிகொண்ட நீலமேனியும்

நான்ற வாயும் நாலிரு புயமும்
மூன்று கண்ணும் மும்மதச் சுவடும்

இரண்டு செவியும் இலங்குபொன் முடியும்
திரண்டமுப் புரிநூல் திகழொளி மார்பும்

சொற்பதங் கடந்த துரியமெய்ஞ் ஞான
அற்புதம் ஈன்ற கற்பகக் களிறே

முப்பழம் நுகரும் மூஷிக வாகன
இப்பொழு தென்னை யாட்கொள வேண்டித்

தாயாய் எனக்குத் தானெழுந் தருளி
மாயாப் பிறவி மயக்க மறுத்தே

திருந்திய முதல் ஐந்தெழுத்துந் தெளிவாய்ப்
பொருந்தவே வந்தென் உளந்தனிற் புகுந்து

குருவடி வாகிக் குவலயந் தன்னில்
திருவடி வைத்துத் திறம்இதுபொருள் என

வாடா வகைதான் மகிழ்ந்தெனக் கருளிக்
கோடா யுதத்தாற் கொடுவினை களைந்தே

உவட்டா உபதேசம் புகட்டி என் செவியில்
தெவிட்டாத ஞானத் தெளிவையுங் காட்டி

ஐம்புலன் தன்னை அடக்கு முபாயம்
இன்புறு கருணையின் இனிதெனக் கருளிக்

கருவிக ளடுங்குங் கருத்தினை யறிவித்து
இருவினை தன்னை அறுத்திருள் கடிந்து

தலமொரு நான்கும் தந்தெனக் கருளி
மலமொரு மூன்றின் மயக்கம் அறுத்தே

ஒன்பது வாயில் ஒருமந் திரத்தால்
ஐம்புலக் கதவை அடைப்பதுங் காட்டி

ஆறா தாரத்து அங்குச நிலையும்
பேறா நிறுத்திப் பேச்சுரை யறுத்தே

இடைபிங் கலையின் எழுத்தறி வித்துக்
கடையிற் சுழுமுனைக் கபாலமும் காட்டி

மூன்று மண்டலத்தின் முட்டிய தூணின்
நான்றெழு பாம்பின் நாவில் உணர்த்திக்

குண்டலி யதனிற் கூடிய அசபை
விண்டெழு மந்திரம் வெளிப்பட உரைத்து

மூலா தாரத்தின் மூண்டெழு கனலைக்
காலால் எழுப்புங் கருத்தறி வித்தே

அமுத நிலையும் ஆதித்தன் இயக்கமும்
குமுத சகாயன் குணத்தையுங் கூறி

இடைச்சக் கரத்தின் ஈரெட்டு நிலையும்
உடற்சக் கரத்தின் உறுப்பையுங் காட்டிச்

சண்முக தூலமுஞ் சதுர்முக சூட்சமும்
எண்முகமாக இனிதெனக் கருளிப்

புரியட்ட காயம் புலப்பட எனக்குத்
தெரியெட்டு நிலையும் தெரிசனப்படுத்திக்

கருத்தினிற் கபால வாயில் காட்டி
இருத்தி முத்தி இனிதெனக் கருளி

என்னை அறிவித்து எனக்கருள் செய்து
முன்னை வினையின் முதலைக் களைந்தே

வாக்கும் மனமும் இல்லா மனோலயம்
தேக்கியே என்றன் சிந்தை தெளிவித்து

இருள் வெளியிரண்டிற் கொன்றிட மென்ன
அருள் தரும் ஆனந்தத் தழுத்தி என் செவியில்

எல்லை இல்லா ஆனந் தமளித்து
அல்லல் களைந்தே அருள்வழி காட்டிச்

சத்தத்தி னுள்ளே சதாசிவம் காட்டிச்
சித்தத்தி னுள்ளே சிவலிங்கங் காட்டி

அணுவிற் கணுவாய் அப்பாலுக் கப்பாலாய்க்
கணுமுற்றி நின்ற கரும்புள்ளே காட்டி

வேடமும் நீறும் விளங்க நிறுத்திக்
கூடுமெய்த் தொண்டர் குழாத்துடன் கூட்டி

அஞ்சக் கரத்தின் அரும் பொருள் தன்னை
நெஞ்சக் கரத்தின் நிலையறி வித்துத்

தத்துவ நிலையைத் தந்தெனை ஆண்ட
வித்தக விநாயக விரைகழல் சரணே.





நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by krishnaamma on Tue Aug 26, 2014 9:16 pm

@தமிழ்நேசன்1981 wrote:வியாசர் சென்ன விநாயகர் திருநாமங்கள்


மகாஸ்காந்த புராணத்தின் தொடக்கத்தில் கணபதியின் பதினாறு நாமங்களை வியாசர் பட்டியலிட்டுக் கூறியுள்ளார். அந்தத் திருநாமங்களை, கல்வி பயிலத் தொடங்கும்போதும், திருமணத்திலும், புதுமனை புகும்போதும், வெளியில் புறப்படும்போதும், போர்க்களத்திலும், துன்பங்கள் ஏற்படும்போதும் கூறினால், எப்போதும் மங்கலமே உண்டாகும் என்று குறிப்பிட்டுள்ளார் வியாசர். வினை தீர்க்கும் அந்தத் திருநாமங்கள்

ஸூமுகன் - மங்களமான முகமுள்ளவன்
ஏகதந்தன் - ஒற்றைத் தந்தம் உடையவன்
கபில வர்ணன் - பழுப்பு நிறம் உடையவன்
கஜகர்ணன் - யானைக்காது உடையவன்
லம்போதரன் - பெரிய வயிறு உடையவன்
விகடன் - மகிழ்ச்சி அருள்பவன்
விக்னராஜன் - தடைகளுக்கு அரசன்
விநாயகன் - தன்னிகரில்லாத் தலைவன்
தூமகேது - தீப்போல் சுடர்பவன்
கணாத்யக்ஷன் - பூதகணங்களின் முதல்வன்
பாலசந்திரன் - நெற்றியில் இளம்பிறை சூடியவன்
கஜானன் - யானைமுகத்தோன்
வக்ரதுண்டன் - வளைந்த துதிக்கை உடையவன்
சூர்ப்பகர்ணன் - முறம் போல் காதுகள் உடையவன்
ஹேரம்பன் - அடியார்களுக்கு அருள்பவன்
ஸ்கந்தபூர்வஜன் - கந்தவேளின் அண்ணன்
மேற்கோள் செய்த பதிவு: 1082735

ஆமாம் இதை "ஷோடச (16) நாமங்கள்" என்று சொல்லுவார்கள் புன்னகை


என்னுடைய சமையல் குறிப்புகளடங்கிய அண்ட்ராய்ட் அப்ளிகேஷன்!
http://eegarai.org/apps/Kitchen4All.apk


http://krishnaammas.blogspot.in/

http://krishnaamma.eegarai.com/

Dont work hard, work smart புன்னகை


Krishna Please Chant ஹரே கிருஷ்ணா ஹரே கிருஷ்ணா, கிருஷ்ணா கிருஷ்ணா ஹரே ஹரே ! ஹரே ராமா ஹரே ராமா, ராமா ராமா ஹரே ஹரே !! !!
avatar
krishnaamma
நிர்வாகக் குழுவினர்


நிகழ்நிலை
இணையாநிலை

பதிவுகள் : 54419
மதிப்பீடுகள் : 11458

View user profile

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by krishnaamma on Tue Aug 26, 2014 9:18 pm

@தமிழ்நேசன்1981 wrote:விநாயகர் அகவல்



சீதக் களபச் செந்தாமரைப்பூம்
பாதச் சிலம்பு பலஇசை பாடப்

பொன்னரை ஞாணும் பூந்துகி லாடையும்
வன்ன மருங்கில் வளர்ந்தழ கெறிப்பப்

பேழை வயிறும் பெரும்பாரக் கோடும்
வேழ முகமும் விளங்குசிந் தூரமும்

அஞ்சுகரமும் அங்குச பாசமும்
நெஞ்சிற் குடிகொண்ட நீலமேனியும்

நான்ற வாயும் நாலிரு புயமும்
மூன்று கண்ணும் மும்மதச் சுவடும்

இரண்டு செவியும் இலங்குபொன் முடியும்
திரண்டமுப் புரிநூல் திகழொளி மார்பும்

சொற்பதங் கடந்த துரியமெய்ஞ் ஞான
அற்புதம் ஈன்ற கற்பகக் களிறே

முப்பழம் நுகரும் மூஷிக வாகன
இப்பொழு தென்னை யாட்கொள வேண்டித்

தாயாய் எனக்குத் தானெழுந் தருளி
மாயாப் பிறவி மயக்க மறுத்தே

திருந்திய முதல் ஐந்தெழுத்துந் தெளிவாய்ப்
பொருந்தவே வந்தென் உளந்தனிற் புகுந்து

குருவடி வாகிக் குவலயந் தன்னில்
திருவடி வைத்துத் திறம்இதுபொருள் என

வாடா வகைதான் மகிழ்ந்தெனக் கருளிக்
கோடா யுதத்தாற் கொடுவினை களைந்தே

உவட்டா உபதேசம் புகட்டி என் செவியில்
தெவிட்டாத ஞானத் தெளிவையுங் காட்டி

ஐம்புலன் தன்னை அடக்கு முபாயம்
இன்புறு கருணையின் இனிதெனக் கருளிக்

கருவிக ளடுங்குங் கருத்தினை யறிவித்து
இருவினை தன்னை அறுத்திருள் கடிந்து

தலமொரு நான்கும் தந்தெனக் கருளி
மலமொரு மூன்றின் மயக்கம் அறுத்தே

ஒன்பது வாயில் ஒருமந் திரத்தால்
ஐம்புலக் கதவை அடைப்பதுங் காட்டி

ஆறா தாரத்து அங்குச நிலையும்
பேறா நிறுத்திப் பேச்சுரை யறுத்தே

இடைபிங் கலையின் எழுத்தறி வித்துக்
கடையிற் சுழுமுனைக் கபாலமும் காட்டி

மூன்று மண்டலத்தின் முட்டிய தூணின்
நான்றெழு பாம்பின் நாவில் உணர்த்திக்

குண்டலி யதனிற் கூடிய அசபை
விண்டெழு மந்திரம் வெளிப்பட உரைத்து

மூலா தாரத்தின் மூண்டெழு கனலைக்
காலால் எழுப்புங் கருத்தறி வித்தே

அமுத நிலையும் ஆதித்தன் இயக்கமும்
குமுத சகாயன் குணத்தையுங் கூறி

இடைச்சக் கரத்தின் ஈரெட்டு நிலையும்
உடற்சக் கரத்தின் உறுப்பையுங் காட்டிச்

சண்முக தூலமுஞ் சதுர்முக சூட்சமும்
எண்முகமாக இனிதெனக் கருளிப்

புரியட்ட காயம் புலப்பட எனக்குத்
தெரியெட்டு நிலையும் தெரிசனப்படுத்திக்

கருத்தினிற் கபால வாயில் காட்டி
இருத்தி முத்தி இனிதெனக் கருளி

என்னை அறிவித்து எனக்கருள் செய்து
முன்னை வினையின் முதலைக் களைந்தே

வாக்கும் மனமும் இல்லா மனோலயம்
தேக்கியே என்றன் சிந்தை தெளிவித்து

இருள் வெளியிரண்டிற் கொன்றிட மென்ன
அருள் தரும் ஆனந்தத் தழுத்தி என் செவியில்

எல்லை இல்லா ஆனந் தமளித்து
அல்லல் களைந்தே அருள்வழி காட்டிச்

சத்தத்தி னுள்ளே சதாசிவம் காட்டிச்
சித்தத்தி னுள்ளே சிவலிங்கங் காட்டி

அணுவிற் கணுவாய் அப்பாலுக் கப்பாலாய்க்
கணுமுற்றி நின்ற கரும்புள்ளே காட்டி

வேடமும் நீறும் விளங்க நிறுத்திக்
கூடுமெய்த் தொண்டர் குழாத்துடன் கூட்டி

அஞ்சக் கரத்தின் அரும் பொருள் தன்னை
நெஞ்சக் கரத்தின் நிலையறி வித்துத்

தத்துவ நிலையைத் தந்தெனை ஆண்ட
வித்தக விநாயக விரைகழல் சரணே.
 


ரொம்ப சக்தி வாய்ந்த சுலோகம் இது, நான் கூட போட்டிருக்கேன் இதை இங்கு புன்னகை ஏதாவது வேண்டிக்கொண்டு, இந்த ஸ்லோகத்தை தொடர்ந்து 11 முறை சொல்லணும், அப்படி சொன்னால் வேண்டிக்கொண்டது கண்டிப்பாக பலிக்கும் புன்னகை


என்னுடைய சமையல் குறிப்புகளடங்கிய அண்ட்ராய்ட் அப்ளிகேஷன்!
http://eegarai.org/apps/Kitchen4All.apk


http://krishnaammas.blogspot.in/

http://krishnaamma.eegarai.com/

Dont work hard, work smart புன்னகை


Krishna Please Chant ஹரே கிருஷ்ணா ஹரே கிருஷ்ணா, கிருஷ்ணா கிருஷ்ணா ஹரே ஹரே ! ஹரே ராமா ஹரே ராமா, ராமா ராமா ஹரே ஹரே !! !!
avatar
krishnaamma
நிர்வாகக் குழுவினர்


நிகழ்நிலை
இணையாநிலை

பதிவுகள் : 54419
மதிப்பீடுகள் : 11458

View user profile

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Tue Aug 26, 2014 9:19 pm

ஸ்ரீவெள்ளை விநாயகருக்கு கல்யாணம்!





தஞ்சாவூர் கீழவாசல்
ஸ்ரீவல்லப விநாயகர் கோயில்

ஆனைமுகனை கல்யாணக் கோலத்தில் தரிசிக்க, தஞ்சை கீழவாசலில் அமைந்துள்ள ஸ்ரீவல்லப அம்பிகா சமேத ஸ்வேத (வெள்ளை) விநாயகர் கோயிலுக்குச் செல்ல வேண்டும்!

வெள்ளை விநாயகர் கோயில் எது என்று கேட்டால், பளிச்சென்று வழி சொல்வார்கள் பக்தர்கள். இந்தக் கோயிலில் விநாயகருக்குள் (மூலவர்) வல்லபா தேவி ஐக்கியமாகி, அரூபமாகக் காட்சி தருவதாக ஐதீகம். அதேநேரம் உற்ஸவர், மனைவி சகிதமாகக் காட்சி தருகிறார்.

வல்லபை என்பவள் சாபத்தால் அரக்கியாக மாறி, முனிவர்களையும் தேவர்களையும் அச்சுறுத்தி வந்தாள். அனைவரும் சேர்ந்து சிவனாரிடம் வந்து முறையிட்டனர். அவரோ ஸ்ரீபாலமுருகனைப் போருக்கு அனுப்பினார். அரக்கியைக் கண்டு பயப்படுவதுபோல் நடித்த பாலமுருகன், அண்ணனை அனுப்பி வைத்தார். தனக்கு எதிரே தைரியமாக நின்ற விநாயகரைக் கண்டு சிலிர்த்தாள் வல்லபை. அவளை அப்படியே துதிக்கையால் தூக்கி, தனது மடியில் அமர்த்திக்கொண்டார் கணபதி. 'மனித உடலும் மிருக முகமும் கொண்டவரால் சாபத்தில் இருந்து விமோசனம் கிடைக்கும்' என்று அறிந்திருந்த வல்லபை, அந்த நிமிடமே பழைய உருவத்தைப் பெற்றாள். ஸ்ரீவிநாயகரையே மணம் புரிந்தாள்; அதுவே இந்தத் தலம் என்கிறது ஸ்தல புராணம்.

எனவே, இந்த ஆலயத்தில் திருக்கல்யாண உற்ஸவம் விசேஷம்! ஆவணி மாதம் 10 நாள் நடைபெறும் விழாவில், விநாயக சதுர்த்திக்கு மறுநாள் திருக்கல்யாணம். திருமணமாகாத பெண்கள் இந்த நாளில் இங்கு வந்து, விநாயகரைத் தரிசித்து, மாங்கல்யச்சரடு பெற்றுக்கொண்டால், விரைவில் திருமண வரம் கிடைக்குமாம்.

ஸ்ரீபாடகச்சேரி சுவாமிகள், இந்தக் கோயிலுக்கு கும்பாபிஷேகம் நடத்தி வைத் துள்ளார். சுவாமிகள், இங்கே 1008 பைரவ பூஜை செய்ததாகவும் சொல்கின்றனர். வியாழக் கிழமைகளில் ஸ்ரீபைரவருக்கு சிறப்பு பூஜைகள் நடைபெறுகின்றன. ஸ்ரீநடராஜரின் சுதைச் சிற்பத்தையும் இங்கு தரிசிக்கலாம். கோயிலின் ஸ்தல விருட்சம் - நாகலிங்கமரம். விநாயக சதுர்த்தியன்று இந்த விநாயகருக்கு சந்தனக் காப்பு கிடையாது. அன்று காலை முதல் மாலை வரை, தொடர்ந்து அபிஷேகங்கள் நடைபெறுமாம். 3-ஆம் நாள் சந்தனக்காப்பு அலங்காரம்!

சங்கடஹர சதுர்த்தி கூட்டு வழிபாட்டில், ஏராளமானோர் கலந்து கொள்வர். தினமும் 4 கால பூஜை நடைபெறும் இந்தக் கோயிலில், மார்கழி மாதத்தில் 5 கால பூஜைகள் நடைபெறும். பிரம்ம முகூர்த்த வேளையில், அபிஷேக- ஆராதனைகள் அமர்க்களப்படும்! சோழ மன்னரின் அரண்மனையைச் சேர்ந்தவர்களும் வழிபட்டதால், இவருக்குக் கோட்டை விநாயகர் என்றும் பெயர் உண்டு!






நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Tue Aug 26, 2014 9:21 pm

கதை கதையாம்... கணபதியாம்!



நாயகர் என்றால் தலைவன் என்று பொருள். தனக்கு மேல் ஒரு தலைவன் இல்லாத முதன்மை நிலையில் இருப்பவர் ஆதலால், பிள்ளையாரை 'விநாயகர்' என்று போற்றுகிறோம். திருப் பெயர் மட்டுமா? பிள்ளையாரைக் குறித்த புராணக் கதைகளும் அற்புதமானவை!

சகல பாவங்களையும் களைந்து, கோடானுகோடி புண்ணியத்தையும் சர்வ மங்கலங்களையும் அள்ளித் தரும் ஆனைமுகத்தானின் அருள்கதைகளை நாமும் படித்துப் பலன் பெறுவோமா?!

கச்சியப்ப சிவாச்சார்யரின்
கந்த புராணம் கூறும் கதை...

திருக்கயிலையில், பல்வேறு ஓவியங்கள் நிறைந்த அழகிய மண்டபம் ஒன்று இருந்தது. ஒருநாள் பரமசிவனும் பார்வதியும் அந்த மண்டபத்தைப் பார்வையிடச் சென்றனர். அங்கு சமஷ்டிப் பிரணவம், வியஷ்டி பிரணவம் என்ற இரண்டு மந்திரங்களும் ஓவியமாக வரையப்பட்டிருந்தன. அவற்றை சிவனும், சக்தியும் தங்கள் அருட்கண்களால் நோக்கினர். அப்போது, நான்கு கரங்களுடனும் யானை முகத்துடனும் தோன்றிய குமாரன் ஒருவன் சிவ-சக்தியரை வணங்கி நின்றான். அவனை ஆசீர்வதித்து, சிவகணங்களுக்குத் தலைவராக இருக்கும்படி நியமித்தருளினார் ஈசன்.

சிவ குடும்பத்தில் எவரும் தாய் வயிற்றில் தோன்றிப் பிறப்பதில்லை. கணபதி, பிரணவத்திலிருந்து தோன்றினார்; முருகன், ஈசனின் நெற்றிக் கண்ணிலிருந்து தோன்றினார்; சிவசக்தி தம்பதியரின் சினத்திலிருந்து வீரபத்திரர் தோன்றினார் என்று விவரிக்கிறது கந்த புராணம்.

பிரும்மாண்ட புராணம் என்ன சொல்கிறது?

ஸ்ரீலலிதாம்பிகை பண்டாசுரனுடன் போர் புரியச் சென்றாள். அம்பிகையின் படைகளை வீரத்தால் வெல்வது அரிது என்று பண்டாசுரன் உணர்ந்தான். குறுக்கு வழியில் வெல்லத் தீர்மானித்தான்.

அசுரனின் தம்பியாகிய விசுக்கிரன் என்பவன், மாய மந்திரங்களில் தேர்ச்சி பெற்றவன். அவன், வெற்றிக்குத் தடை செய்யும் 'ஜயவிக்ன யந்த்ரம்' என்ற மந்திரத் தகட்டை உருவாக்கி, சக்தி சேனையின் முகாமில் தந்திரமாக ஒளித்து வைத்தான். இதனால், அம்பிகையின் படைகளுக்குப் பின்னடைவு ஏற்பட்டது; வெற்றி தடைப்பட்டது.

இந்த நிலையில் விசுக்கிரனின் சூழ்ச்சியை அறிந்த அம்பிகை, போர்ப் பாசறையில் காமேஸ்வரன் என்ற பெயருடன் எழுந்தருளியிருந்த சிவனாரை தன்னுடைய கண்களால் சற்றே நோக்கினாள். இறைவனும் தேவியை நோக்கினான். அந்த அருட்பார்வைகளின் சங்கமத்தால், 'மகா கணேசன்' தோன்றினார். யானை முகத்துடன் தோன்றிய மகா கணேசன், விசுக்கிரனின் மந்திரத் தகட்டைக் கண்டுபிடித்து, தனது துதிக்கையால் உடைத்துத் தூளாகச் செய்தார். பின்னர் அம்பிகைக்குத் தொடர்ந்து வெற்றிகள் கிட்டின.

சிவமகா புராணமோ, ஸ்ரீகணபதியை உமாதேவி படைத்தருளியதாகக் கூறுகிறது!

ஒருநாள்... ஜயை, விஜயை என்ற தன்னுடைய தோழியருடன் விளையாடிக் கொண்டிருந்தாள் பார்வதிதேவி. அப்போது விஜயை, ''தேவி! சிவனாருக்குப் பணிவிடைகள் செய்திடப் பலரும் உள்ளனர். அதுபோல், தங்களுக்குப் பணிவிடை செய்ய... குறிப்பாக, காவல் பணியை மேற்கொள்ள ஒருவர் தேவை'' என்றாள். அப்போது, அந்தக் கருத்தைப் பார்வதிதேவி ஒரு பொருட்டாக எண்ணவில்லை. பிறிதொருநாள், பார்வதியாள் நீராடிக் கொண்டிருந்த நேரத்தில், எதிர்பாராதவிதமாக ஈசன் அங்கு வந்துவிட்டார். அதனால் பரபரப்பு அடைந்த பார்வதிதேவி, விஜயை கூறியபடி, தனக்கென ஒருவர் காவல் பணியில் இருத்தல் அவசியம் என்று உணர்ந்தாள்.

உடனே, சிவனாரைத் தியானித்து, தனது திருமேனியில் இருந்த நறுமணப் பொருட்களைத் திரட்டி ஒரு குமாரனைப் படைத்தாள். யானை முகத்துடன் தோன்றிய அந்தக் குமாரனுக்கு, 'கணன்' என்று பெயரிட்டாள். தேவியின் அந்தப்புரக் காவல் பணியில் இருந்த கணனின் ஆற்றலை அறிந்த ஈசன், அவரைக் கணங்களுக்குத் தலைவராக இருக்கச் செய்தார். அது முதல் கணர், கணபதி ஆனார் என்கிறது சிவமகாபுராணம்.

லிங்க புராணம் வேறு விதமாகச் சொல்கிறது!

தேவர்களின் உயர்வைக் கண்டு பொறாமை கொண்ட அசுரர்கள், தாங்களும் அத்தகைய உயர்வைப் பெற்று, தேவர்களை அடக்கியாள விரும்பினர். அதற்குரிய வரங்களைப் பெற, ஈசனை நோக்கித் தவமிருந்தனர். ஈசனும் அசுரர்கள் வேண்டிய வரங்களைக் கொடுத்தருளினார். இதனால் ஆணவம் கொண்ட அசுரர்கள், தேவர்களைப் பலவாறு கொடுமைப்படுத்தினர். துன்பம் பொறுக்காத தேவர்கள் ஈசனைப் பணிந்து, அசுரர்கள் பெற்ற வரங்கள் பயனற்றுப் போகவும், அவர்களை அடக்கியாளவும் வல்லமை படைத்த ஒரு மகனைத் தோற்றுவிக்கும்படி வேண்டினர். அதன்படி, ஈசன் தனது ஓர் அம்சத்தை யானை முகமுடைய மகனாகப் படைத்தருளினான் என்று விவரிக்கிறது லிங்க புராணம்.

விக்னங்களைத் தடுத்தருள்பவர் விக்னேஸ்வரர் என்று சிறப்பிக்கிறது வராக புராணம்!

ஆதிகாலத்தில் முனிவர்களுக்குத் தக்க வழிகாட்டும் நூல்களோ ஆசான்களோ இல்லை. அவர்கள் நற்செயல்களை மட்டுமே செய்ய விரும்பினர். அப்போது, முனிவர்களின் செயல்களுக்கு வழிகாட்டத்தக்க ஒரு மகனைச் சிவபெருமான் தோற்றுவித்தார். ஈசனின் அருட் பார்வையிலிருந்து தோன்றிய மகன், முனிவர்கள் செய்த நற்செயல்கள் தொடரவும், தீய செயல்கள் தடைப்படவும் செய்தான். தீய செயல்களுக்குத் தடையை (விக்கினத்தை) ஏற்படுத்திய அந்தக் குமாரனே விக்னேஸ்வரன் ஆனார்.

ஈசன் தந்த காணிக்கை!


வித்யுன்மாலி, தாருகாக்ஷன், கமலாக்ஷன் ஆகிய அசுரர்களையும் அவர்களின் கோட்டைகளையும் சிவனார் அழிக்கப் புறப்பட்டபோது, தேர் அச்சு முறிந்து தடை ஏற்பட்டது.

விநாயகரை வேண்டிக் கொள்ளாமல் புறப்பட்டதால் ஏற்பட்ட இடர் இது என்பதை உணர்ந்த ஈசன், கணபதியை எண்ணினார். மறுகணம் அங்கு தோன்றிய கணபதிக்கு உகந்த காணிக்கையைத் தருவதாகச் சொன்னார் சிவனார். அப்போது, முக்கண்ணனையே தனக்குக் காணிக்கையாகத் தர வேண்டும் என்றார் கணபதி. எனவே ஈசன், தன்னைப் போல் மூன்று கண்களும், சடையும் உடைய தேங்காயை கணபதிக்குப் படைத்தருளினார். அன்று முதல், தடைகள் நீங்கிட விநாயகருக்குத் தேங்காய் உடைக்கும் வழக்கம் ஏற்பட்டது.
அருந்ததி படைத்த கொழுக்கட்டை

ஒருமுறை, வசிஷ்ட மகரிஷியின் வேண்டுகோளை ஏற்று அவரது ஆஸ்ரமத்துக்கு எழுந்தருளினார் விநாயகர். அவருக்கு ஏற்ற புதிய நிவேதனம் ஒன்றைச் செய்ய விரும்பினாள் வசிஷ்டரின் மனைவி அருந்ததி.

சர்வவியாபியான விநாயகர் அண்டத்தின் உள்ளே எங்கும் பூரணமாய் நிறைந்துள்ளார்! அருந்ததி அண்டத்தை உணர்த்த, மாவினால் 'செப்பு' என்ற மேல் பகுதியைச் செய்தாள். அண்டத்தின் உள்ளே பூரணமாய் நிறைந்திருக்கும் பிள்ளையாரைக் குறிக்கும் வகையில் இனிப்பான பூரணத்தை, மாவுக்குள் வைத்தாள். அதுவே, மோதகம் என்னும் கொழுக்கட்டை.அருந்ததி உருவாக்கிய புதிய, இனிய மோதகத்தை கணபதியும் மகிழ்ச்சியுடன் ஏற்றுக்கொண்டாராம்.



நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Tue Aug 26, 2014 9:25 pm

ஆரஞ்சு விநாயகர்




நாக்பூரில் அருளும் 'டேக்டி கணபதி'

''டேக்டி போகலாமா?'' என்று நாக்பூரில் கேட்டால், ''போகலாமே'' என்று பயபக்தியுடன் விடை வரும். 'டேக்டி' என்றால் மராத்தியில் 'குன்று' என்று அர்த்தம். ஆனாலும், நாக்பூர் மக்களுக்கு 'டேக்டி' என்றால், 'டேக்டி கணபதி' ஆலயத்தையே குறிக்கும்!

ஆரஞ்சுப் பழத்துக்குப் பிரபலமான நாக்பூர், டேக்டியின் ஆரஞ்சு (செந்தூர) விநாயகருக்கும் பிரபலமான ஊர்! சுமார் 250 வருடங்கள் பழைமை வாய்ந்த ஆலயத்தில் அருள்பாலிக்கிறார் டேக்டி கணபதி!



அரச மரத்தால் ஆன பிள்ளையாராம் இவர். அந்த மரம் இன்றைக்கும் ஓங்கி உயர்ந்து காணப்படுகிறது. அதனைச் சுற்றித்தான் ஆலயம் அமைக்கப்பட்டுள்ளது. ஆரம்பத்தில், மிகச் சிறிய ஷெட் ஒன்றுக்குள், சின்னதான நடைமேடையில்தான் இருந்தார் ஸ்ரீகணபதி. பிறகு, ராணுவத்தினரின் வசம் இந்தப் பகுதி வந்ததும், ஆலயம் விரிவுபடுத்தப்பட்டதாம்!

''இந்தப் பிள்ளையார், கொஞ்சம் கொஞ்சமாகப் பெரிதாக வளர்ந்து கொண்டே வருகிறார். இதை எங்கள் முன்னோர்கள் சொல்லியுள்ளனர்'' எனப் பரவசத்துடன் சொல்கின்றனர், நாக்பூரில் வசிக்கும் பெரியவர்கள்.

1965-ஆம் வருடம், அப்போதைய பாதுகாப்புத்துறை அமைச்சரான சவான், ஆலயம் மற்றும் அதன் அமைவிடத்தை, ஒரு டிரஸ்ட்டிடம் ஒப்படைத்தார். அதை யடுத்து நன்கொடைகள் குவிந்தன; இன்னும் இன்னும் பிரமாண்ட மானது திருக்கோயில்.

தினமும் மூன்று முறை தீபாராதனை பூஜை சிறப் புற நடைபெறுகிறது. இந்த பூஜையில் பங்கேற்று, ஸ்ரீகணபதியின் அருளைப் பெற, எண்ணற்ற பக்தர்கள் குவிகின்றனர். முக்கியமாக, இங்கே பிரசாதமாகத் தரப்படும் கொழுக்கட்டையைப் பெறுவதற்காக பக்தர்கள் அலைமோதுவர்.

விநாயக சதுர்த்தி நாளில், ஸ்ரீவிநாயகப் பெருமான் தங்கக் கிரீடம் மற்றும் வெள்ளி ஆபரணங்கள் அணிந்து காட்சி தரும் அழகே அழகு!

நாக்பூர் டேக்டி விநாயகர் சுயம்புத் திருமேனி; இவரின் திருவுருவம் கொஞ்சம் கொஞ்சமாக வளர்ந்து வருகிறது என்பவற்றைத் தவிர, இந்த ஆலயத்துக்கு இன்னொரு சிறப்பும் உண்டு.

அதென்ன?

சுதந்திரப் போராட்டம் நடைபெற்ற காலகட்டத்தில், பாலகங்காதர திலகர் போன்ற எண்ணற்ற இந்தியத் தலைவர்கள், டேக்டி விநாயகர் கோயிலுக்கு அருகில் மாபெரும் பொதுக்கூட்டத்தைக் கூட்டி, ஆங்கிலேயர்களுக்கு எதிராக வீரமுழக்கமிட்டதாகச் சொல்கின்றனர் நாக்பூர் மக்கள்!



நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Tue Aug 26, 2014 9:26 pm

கணபதி தரிசனம்!

விநாயகர் சதுர்த்தி வருகிறது. இதற்காக, தமிழ்நாடு கைத்திறத் தொழில்கள் வளர்ச்சிக்கழகம் சார்பில் 'கணபதி தரிசனம்’ என்ற பெயரில் சென்னை, அண்ணாசாலையில் உள்ள பூம்புகார் விற்பனை நிலையத்தில் விற்பனைக்காக வைக்கப்பட்டுள்ள விநாயகர் சிலைகளில் சில... உங்கள் பார்வைக்காக!

(விலை குறிப்பிடப்படாத சிங்க கணபதி, ஹேரம்ப கணபதி, ஏகரட்சக கணபதி, மும்முக கணபதி, சிருஷ்டி கணபதி உள்ளிட்ட 32 கணபதி சிலைகள் அடங்கியது ஒரு செட். இதன் விலை 5,71,725)




நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by சிவா on Tue Aug 26, 2014 10:11 pm

விநாயகர் பற்றிய தகவல் பகிர்வுக்கு நன்றி தமிழ்நேசன்!
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84484
மதிப்பீடுகள் : 10458

View user profile http://www.sivastar.net

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by M.M.SENTHIL on Tue Aug 26, 2014 10:19 pm



M.M.SENTHIL KUMAR
** நீ நினைப்பதல்ல நீ
  நீ நிரூபிப்பதே நீ **
avatar
M.M.SENTHIL
நிர்வாகக் குழுவினர்


நிகழ்நிலை
இணையாநிலை

பதிவுகள் : 6160
மதிப்பீடுகள் : 3390

View user profile

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Wed Aug 27, 2014 1:51 pm

மன்னரை வியக்க வைத்த கணக்கு சொன்ன விநாயகர்!

சரித்திரப் புகழ் பெற்ற கங்கைகொண்ட சோழபுரத்தை யும் இங்கு, கண்கண்ட தெய்வமாக அருள்பாலிக்கும் பிரகதீஸ்வரர் கோயிலையும் அறிந்திருப்பீர்கள். இந்தக் கோயிலின் அருகில் சுமார் ஒரு கி.மீ. தொலைவில் குடிகொண்டிருக்கிறார் கணக்கு பிள்ளையார்.

விசேஷமான இந்த விநாயகருக்குப் பால் மற்றும் எண்ணெய் கொண்டு அபிஷேகம் செய்யும்போது பச்சைநிற மேனியராகக் காட்சித் தருவாராம்! 'கனக விநாயகர்' என்ற பெயரில், ராஜேந்திர சோழன் வழிபட்ட இவருக்கு, 'கணக்குப் பிள்ளையார்' என்ற திருநாமம் வந்து சேர்ந்தது எப்படி?!

கங்கைகொண்ட சோழபுரத்தை நிர்மாணித்த ராஜேந்திர சோழன், அங்கு பிரகதீஸ்வரர் கோயில் கட்டுவதற்கான திருப்பணிகளைத் துவக்கியிருந்த காலகட்டம்.

அனுதினமும் வழிபட... அரண்மனைக்கு முன்னால் தான் நிர்மாணித்திருக்கும் கனக விநாயகர் கோயிலுக்கு வடகிழக்கில் பிரகதீஸ்வரர் கோயிலை அமைக்கத் திட்டமிட்டு, திருப்பணியைத் துவக்கியிருந்தான் ராஜேந்திர சோழன். ஆலயம் அமைக்கும் பணிகள் அமைச்சர் ஒருவரது மேற்பார்வையில் நடைபெற்றன.

இதற்குத் தேவையான பொன்- பொருளை, அரண்மனை யின் கணக்காளர் ஒருவர் அமைச்சரிடம் ஒப்படைப்பார். அமைச்சர் அவற்றை எடுத்துச் சென்று கனக விநாயக ரின் திருமுன் வைத்து வணங்கிய பிறகே திருப்பணியின் பொருட்டு அவற்றைச் செலவழிப்பது வழக்கம்.

சுமார் 16 ஆண்டுகள் இடைவிடாமல் திருப்பணிகள் நடைபெற்றன. ஒரு நாள், திருக்கோயில் பணிகளைப் பார்வையிட வந்தார் ராஜேந்திர சோழன். கம்பீரமாக எழும்பும் ஆலயம் அவருக்குப் பரவசம் அளித்தது. அமைச்சரை

அழைத்துப் பாராட்டினார். அத்துடன், ''திருப்பணி செலவு களுக்கு உரிய கணக்கை நாளை காலை எனக்குத் தெரிவியுங்கள்!'' என்று கட்டளையிட்டுச் சென்றார்.

அமைச்சருக்குத் தூக்கிவாரிப் போட்டது. 'திருப்பணி மும்முரத்தில்... செலவுக் கணக்கை எழுதி வைக்கத் தவறி விட்டோமே!' என்று கலங்கினார் அவர். 'இனி, நாம் செய்வதென்ன? தெய்வம்தான் நம்மைக் காக்க வேண்டும்!' என்ற முடிவுக்கு வந்தவர் கனக விநாயகர் சந்நிதிக்கு ஓடோடி வந்தார்.

'விநாயகப் பெருமானே! மன்னர் திடீரென்று கணக்கு கேட்கிறாரே... நான் என்ன செய்வேன்? தாங்கள் வழிகாட்ட வேண்டும்!' என்று கண்ணீர் மல்கப் பிரார்த்தித்து விட்டு இல்லம் சென்றார்.

அன்றிரவு அமைச்சரின் கனவில் தோன்றிய விநாயகர், ''அமைச்சரே, வருந்தாதீர்.

கோயிலுக்கு இதுவரை எத்து நூல் எட்டு லட்சம் பொன் செலவானது என்று மன்னனிடம் சொல்!' என்று அருளி மறைந்தார்.

கண் விழித்த அமைச்சர் ஆனந்தக் கூத்தாடினார். 'விநாயகா!' என்று கனக விநாயகர் சந்நிதி நோக்கிக் கைகூப்பி வணங்கினார். ஓலைச் சுவடி ஒன்றை எடுத்து அதில், 'எத்து நூல் எட்டு லட்சம் பொன்' என்று எழுதி வைத்துக் கொண்டார் (மரத்திலும் சுவரிலும் வளைவு வராமல் இருப்பதற்காகப் பயன்படுத்தும் நூலை 'எத்து நூல்' என்பர். இதைக் கொண்டு, கல், மணல், மரம் எவ்வளவு வாங்கப் பட்டிருக்கும் என்பதைக் கணக்கிட்டு விடலாம்).

விடிந்ததும் ஓலைச் சுவடியுடன் மன்னரை சந்தித்த அமைச்சர், ''கங்கை கொண்ட சோழபுரத்தில் பிரகதீஸ்வரர் ஆலயம் எழுப்ப, இதுவரை எத்து நூல் எட்டு லட்சம் பொன் செலவாகியுள்ளது மன்னா!'' என்றார். இதைக் கேட்ட ராஜேந்திரசோழன், ''ஓ! கோயில் கட்டுமானத்தை (கோணல்களை) சரிபார்க்க வாங்கிய எத்து நூலுக்கே எட்டு லட்சம் பொன் செலவாகி யிருக்கிறது என்றால், நாம் நினைத்தபடியே கோயில், மிகச் சிறந்த முறையில் உருவாகி வருகிறது!'' என்றார்.

மகிழ்ச்சியில் திளைத்த மன்னர், ''ஆமாம் அமைச்சரே! எத்து நூல், எட்டு லட்சம் பொன் என்று மிகத் துல்லியமாக எப்படிக் கணக்கிட்டீர்கள்?'' என்று கேட்டார்.

ஒரு நிமிடம் மௌனமாக நின்ற அமைச்சர், 'மன்னரி டம் உண்மையை சொல்வதே நல்லது!' என்று தீர்மானித் தார். ஆரம்பம் முதற்கொண்டு கணக்கு- வழக்கு எதையும் எழுதி வைக்காத தனது செயல்பாட்டையும், கனக விநாயகர் கனவில் தோன்றி அருளியதையும் மன்னரிடம் விவரித்தார்.

இதைக் கேட்ட மன்னருக்கு ஆச்சரியம்! பரிவாரங்கள் சூழ, கனக விநாயகரின் சந்நிதிக்குச் சென்றவர் கண்ணீர் மல்க அவரை வணங்கி நின்றார். பிறகு அமைச்சரிடம், ''விநாயகப் பெருமானே தெரிவித்த கணக்கெனில், அது சரியாகத்தான் இருக்கும். பிரகதீஸ்வரருக்கு ஆலயம் எழுப்பும் நமக்கு விநாயகரின் ஆசி கிடைத்து விட்டது. ஆம், நமது கனக பிள்ளையார் கணக்குப் பிள்ளையாராக அருள் பாலித்திருக்கிறார்!'' என்று பெருமிதம் பொங்கக் கூறியவர், விநாயகருக்கு சிறப்பு அபிஷேகங்கள் செய்து வழிபட்டார். அன்று முதல் கனக விநாயகர், கணக்கு விநாயகர் ஆனார்!

அதுமட்டுமா? ராஜேந்திர சோழன் வேறொரு காரியமும் செய்தார்!

'பிற்காலத்தில், நான்கு அடி உயரம் மற்றும் மூன்றடி அகலம் கொண்ட இந்த விநாயகரை வேறு இடத்துக்கு எவரேனும் மாற்றி விடக் கூடாது!' என்பதற்காக மிகச் சிறிய நுழைவாயில் கொண்ட கருவறையுடன் தனிக் கோயில் கட்டினாராம்.

கால ஓட்டத்தில், அந்நியர்களின் ஆதிக்கம் வந்த போது கூட, கணக்கு விநாயகர் கோயிலுக்கும் பிரகதீஸ்வரர்

ஆலயத்துக்கும் எந்த பாதிப்பும் ஏற்படவில்லை என்பது குறிப்பிடத்தக்கது.

கங்கைகொண்ட சோழபுரம்- பிரகதீஸ்வரர் ஆலய கோபுரத்தை, உலக கலாசார சின்னமாக அறிவித்துள்ளது 'யுனெஸ்கோ' அமைப்பு. இத்தனை சிறப்புக்கும் அந்தக் கணக்கு விநாயகரே காரணமாகத் திகழ்ந்தார் என்றால் அவரது கீர்த்தியின் மகிமையை என்னவென்று சொல்வது?!



நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Wed Aug 27, 2014 1:55 pm

சங்கடஹர சதுர்த்தி உருவான கதை!




'ஜெய் மகாகால்; மகாகாலருக்கு ஜே!'

- உஜ்ஜயினிவாசிகள், ஒருவருக்கொருவர் முகமன் கூற உச்சரிக்கும் இந்த வாசகத்தைக் கேட்கும்போது நம் உடலும் உள்ளமும் சிலிர்க்கும்! அவர்களது உள்ளத்தில் நீக்கமற நிறைந்திருக்கும் மகாகாலராகிய ஜோதிர்லிங்கமே உஜ்ஜயினியின் அதிபதி!

கனகச்ருங்கா, குமுதவதி, குசஸ்தலி, பத்மாவதி, ப்ரதிகல்பா, போகவதி, அவந்திகா ஆகிய பெயர்களாலும் அழைக்கப்படும் உஜ்ஜயினி, தொன்மை வாய்ந்த- சரித்திரப் புகழ் பெற்ற திருத்தலம்.

அங்காரகனான செவ்வாய் பகவானின் பிறப்பு, வளர்ப்பு மற்றும் அவர் நவக்கிரக பதவி பெற்றது ஆகிய புராண சம்பவங்களுடன் தொடர்புடைய தலம் ஆதலால் உஜ்ஜயினியை, 'அங்காரக க்ஷேத்திரம்' என்றும் போற்றுவர்! அங்காரகனது பிறப்பு பற்றி பல்வேறு விதமான தகவல்கள் வெவ்வேறு புராணங்களில் காணப்படுகின்றன.

உமாதேவி, இறைவனைப் பிரிந்திருந்த காலம். கல்லால மரத்தடியில் யோகத்தில் ஆழ்ந்திருந்தார் ஈசன். இந்த நிலையில், அவரின் நெற்றிக் கண்ணில் இருந்து வழிந்த வியர்வைத் துளி ஒன்றை, கீழே விழாதபடி அப்படியே தாங்கிக் கொண்டாள் பூமாதேவி. அந்த வியர்வைத் துளியிலிருந்து தோன்றிய குழந்தையே மங்களன். இவனே அங்காரகன் எனப்பட்டான் என்றொரு கதை உண்டு.

சூரபதுமனால் தேவர்கள் துயருற்ற காலம்! 'அவனை அழிக்க வல்ல பலவான், சிவபெருமான் மூலம் தோன்ற வேண்டும்' என்றார் மகாவிஷ்ணு. அதன்படி தேவர்கள் அனைவரும் சிவபெருமானைக் காணச் சென்றனர். அவரோ கடுந்தவத்தில் ஆழ்ந்திருந்தார். அவரது தவம் கலைந்தால்தான் தங்களது எண்ணம் ஈடேறும் என்பதை உணர்ந்த இந்திரன், மன்மதனைத் தூண்டினான். மன்மதன் தனது மலர்க் கணைகளால் சிவபெருமானின் தவத்தைக் கலைத்தான். இதனால் கோபம் கொண்ட ஈசன், மன்மதனை தனது நெற்றிக் கண்ணால் எரித்துச் சாம்பலாக்கினார்!

இதன் பிறகு சிவ- பார்வதியர் திருமணம் நடந்தேறியது. இந்த நிலையில், 'இவர்களுக்குப் பிறக்கப் போகும் அதிபராக்கிரம சாலியான குழந்தையால் தனது பதவிக்கு ஆபத்து நேருமோ!' என்று பயந்தான் இந்திரன். எனவே, சிவ- பார்வதியர் இணைவதைத் தடுக்க அக்னியை அனுப்பினான். ஆனால், சிவ பெருமானின் வீரியத்தை தாங்க முடியாத அக்னி பகவான், அவரிடம் சரணடைந்து

மன்னிப்பு வேண்டினான்.அவனிடம், கங்கையில் வீரியத்தைச் சேர்க்கும்படி கட்டளையிட்டார் சிவபெருமான். அக்னி தேவனும் அப்படியே செய்தான். அப்போது, உருவான குழந்தையே அங்காரகன் என்பது சிலரது கருத்து. ஆனால், 'அக்னி தேவனுக்கும் விகேசி என்பவளுக்கும் பிறந்தவனே அங்காரகன்' என்கிறது லிங்க புராணம்!

மச்ச புராணம் என்ன சொல்கிறது தெரியுமா?

தட்சன், தன் மகளான தாட்சா யணியை சிவபெருமானுக்கு மணம் செய்து கொடுத்தான். ஆனால், சிவனா ருக்கும் தட்சனுக்கும் இடையே பகை ஏற்பட்டது.

ஒரு முறை, பெரும் வேள்வி ஒன்றைத் துவக்கிய தட்சன், சிவனாருக்கு அழைப்பு அனுப்பாமல் அவரை அவமதித்தான். கோபம் கொண்ட சிவனார், தனது நெற்றிக் கண்ணிலிருந்து வீரபத்திரரை உருவாக்கி, தட்சனை அழித்து வர அனுப்பினார். இதையடுத்து, தட்சன் மற்றும் அவனைச் சேர்ந்தவர்களை அழித்தார் வீரபத்திரர். அப்போது, வீரபத்திரரது ஆவேசத்தைக் கண்டு அதிர்ந்த தேவர்கள் அனைவரும் ஒன்றுகூடி அவரை சாந்தப்படுத்தினர். அவரும் சாந்தமானார். இந்த உருவமே அங்காரகன் என்கிறது மச்ச புராணம்.

மற்றுமொரு கதை...

வசிஷ்டரின் பரம்பரையில் தோன்றியவர் பரத்வாஜ முனிவர். இவர், நர்மதை நதிக்கரையில் தவம் செய்து வந்தார். ஒரு நாள்... நர்மதையில் நீராடிக் கொண்டிருந்த தேவ மங்கை ஒருத்தியைக் கண்டு மோகித்த பரத்வாஜர், அவளை அவந்தி நகருக்கு அழைத்துச் சென்று, இல்லறம் நடத்தி

வந்தார். இவர்களுக்கு ஆண் குழந்தை ஒன்று பிறந்ததும் அந்தப் பெண் தேவலோகத்துக்குத் திரும்பிச் சென்றாள். பரத்வாஜ முனிவரும் குழந்தையை அங்கேயே விட்டு விட்டு, நர்மதைக் கரைக்குச் சென்று தவத்தைத் தொடர்ந்தார். இதையடுத்து, அந்தக் குழந்தையை பூமாதேவி

அரவணைத்து வளர்த்தாள். குழந்தை யின் மேனி, செந்நிறத்துடன் அக்னி போல் பிரகாசித்ததால், அவனுக்கு 'அங்காரகன்' என்று பெயர் சூட்டினாள்.

அங்காரகனுக்கு ஏழு வயதானது. ஒரு நாள், ''அம்மா, என் தந்தை யார்? அவரைக் காண ஆவலாக உள்ளது!'' என்று பூமாதேவியிடம் கேட்டான். உடனே, ''குழந்தாய்... உன் தந்தையின் பெயர் பரத்வாஜர்; மகரிஷிகளில் மகிமை பெற்றவர். அவரிடம் உன்னை அழைத்துச் செல்கிறேன்!'' என்ற பூமாதேவி, அவனுடன் பரத்வாஜரது ஆசிரமத்தை அடைந்தாள்.

அங்கு முனிவரைச் சந்தித்தவள், ''முனிவரே, இவனே தங்களின் மகன். உங்களைக் காண விரும்பியதால் இவனை இங்கு அழைத்து வந்தேன். தாங்கள் இவனை ஏற்றுக் கொள்ள வேண்டும்!'' என வேண்டினாள். மிகவும் மகிழ்ந்த பரத்வாஜர், அன்புடன் தன் மகனை அணைத்துக் கொண்டார்.

அங்காரகன் தகுந்த வயதை அடைந்ததும், முறைப்படி அவனுக்கு உபநயனம் முதலிய சடங்கு களைச் செய்து வைத்து வேத அத்யயனத்தையும் ஆரம்பித்து வைத்தார் பரத்வாஜர். சதுர்வேதங்களை மிகக் குறுகிய காலத்திலேயே கசடறக் கற்றுத் தேர்ந்த அங்காரகன், இன்னும் பல கலைகளிலும் சிறந்து விளங்கினான்.

இதன் பிறகு... தான் சர்வ வல்லமை பெற விரும்புவதாகவும், தகுந்த வழி காட்டுமாறும் தந்தையிடம் பிரார்த்தித்தான். 'தவமே சிறந்த வழி' என்ற பரத்வாஜர், விநாயகரைக் குறித்து தவம் இருக்கும்படி அங்காரகனைப் பணித்தார். உரிய மந்திரங்களையும் அவனுக்கு உபதேசித்து அனுப்பி வைத்தார்.

அவந்தி நகரை அடுத்த அடர்ந்த வனத்தில் தக்க இடத்தைத் தேர்ந்தெடுத்து, ஒரு நன்னாளில் தனது தவத்தைத் துவக்கினான். பல நூறு ஆண்டுகள் நீடித்த அங்காரகனின் தவத்துக்கு பலன் கிடைக்கும் காலம் கனிந்தது. மாசி மாதம், கிருஷ்ணபட்சம் (தேய்பிறை) சதுர்த்தியன்று இரவு சந்திரோதய காலத்தில், அங்காரனுக்கு தரிசனம் தந்தார் ஆனைமுகத்தோன். அவரது பாத கமலங்களை பணிந்த அங்கார கன், விநாயகரை பலவாறு துதித்துப் போற்றினான். பிறகு, ''விக்னேஸ்வரா, தங்களிடம் சில வரங்களை யாசிக் கிறேன். அருள் புரியுங்கள்!'' என்று வேண்டினான்.

''அங்காரகனே, உனது அன்பினால் கட்டுண்டேன். விரும்பும் வரம் எதுவாயினும் தயங்காமல் கேள்!'' என்று லம்போதரன் திருவாய் மலர்ந் தருளினார்.

''விக்ன ராஜனே... நான், அமிர்தம் அருந்தி அமரனாக ஆசைப்படுகிறேன். சர்வ மங்களமான திரு உருவோடு தங்களைத் தரிசித்த என்னை எல்லோரும், 'மங்களன்' என்று அழைக்க வேண்டும். அத்துடன், தங்களது திவ்விய தரிசனம் கிடைத்த இந்த சதுர்த்தி நன்னாளை அனைவரும் கொண்டாட வேண்டும். இந்நாளில் உம்மை வணங்கும் அடியவர்களது இன்னல்களை நீக்கி அருள வேண்டும். என்னை வணங்கும் அடியவர்களுக்கு செல்வம் அளிக்கும் கிரகமாக நான் மிளிர வேண்டும்!'' என்று பல வரங்களைக் கேட்டான் அங்காரகன்.

அவனை கனிவுடன் நோக்கிய கணபதி, ''அன்பனே! நீ கேட்ட எல்லா வரங்களையும் தருகிறேன். அத்துடன், என்னிடம் நீ அனுக்கிரகம் பெற்ற இந்த நாள், 'அங்காரக சதுர்த்தி'யாகப் போற்றப்படும். இந்த நாளில் திரிகரண சுத்தியுடன் என்னை வணங்குபவர்களது விக்கினங்களை அடியோடு விலக்குவேன்!'' என்று அருளி மறைந்தார்.

விநாயகரின் தரிசனம் கிடைத்த அந்தப் புனித இடத்தில், கணேசர் விக்கிரகத்தைப் பிரதிஷ்டை செய்து அல்லும் பகலும் அவரை வழிபட்டு வந்தான் அங்காரகன். இதனால் இந்த விநாயகருக்கு, 'மங்கள விநாயகர்' என்ற பெயர் வந்தது.

இதன் பிறகு, விநாயகப் பெருமானின் அருளால், தேவலோகம் அடைந்த அங்காரகன், அங்கு அமிர்தம் பருகியதுடன்... விரைவிலேயே, நவக்கிரகங்களில் ஒருவனாகும் பேறு பெற்றான். அவனுக்கு உகந்த தினம் செவ்வாய்.

எனவே செவ்வாய்க்கிழமையுடன் சேர்ந்து வரும் சதுர்த்தி மற்ற சதுர்த்தியைக் காட்டிலும் ஒப்பற்றது; விநாயகருக்கு மிக உகந்தது.

இந்த நாளில் விரதம் இருந்து விநாயகரை வழிபடுவோரது சங்கடங்கள் அனைத்தும் விலகும். எனவே இந்த புனித தினம், சங்கடஹர சதுர்த்தி என்று பெயர் பெற்றது.

சங்கடஹர சதுர்த்தி விரத மகிமையை பல்வேறு நூல்கள் விளக்குகின்றன.

மாசி மாதம்- தேய் பிறையில்... செவ்வாய்க் கிழமையுடன் கூடி வரும் சதுர்த்தி திதி துவங்கி ஒரு வருட காலம் விதிப்படி விரதம் அனுஷ்டிக்க வேண்டும்.

இந்த விரதத்தை துவங்கும் நாளன்று, சூரியன் உதிப்பதற்கு ஐந்து நாழிகைக்கு முன்பே உறக்கத்திலிருந்து எழுந்து விதிப்படி சங்கல்பம் செய்து புண்ணிய நதியில் நீராட வேண்டும்.

பிறகு, சிவ சின்னங்களை அணிந்து கொண்டு விநாயகரை தியானிக்க வேண்டும்.

விநாயகரின் ஓரெழுத்து, ஆறெழுத்து மந்திரங்களில் ஏதாவது ஒன்றை... இவற்றை அறியாதவர்கள், விநாயகரின் புனித நாமங்களை அன்று முழுவதும் இடைவிடாமல் ஜபிக்க வேண்டும். உபவாசம் இருப்பதே மேல். அன்று இரவு உறங்குவதும் கூடாது. விநாயக புராணத்தைப் பாராயணம் செய்வது நல்லது.

இவ்வாறு இந்த அரிய விரதத்தை மன உறுதியோடு ஓராண்டு காலம் கடைப்பிடித்தால், இன்னல்கள் அகலும். செல்வம், கல்வி மற்றும் செல்வாக்கு ஓங்கும். கூன்- குருடு போன்ற குறைபாடுகள் நீங்கி நலம் பெறலாம். கடன்தொல்லை, நோய், பகை முதலானவை அகன்று நலமுடன் வாழலாம். இதுவே சங்கடஹர சதுர்த்தியின் சாரம்.

அங்காரகனால் துவக்கப்பட்ட சங்கடஹர சதுர்த்தி விரதமும், காலம் காலமாக அனுசரிக்கப் பட்டு வருவதை பல புராணங்கள் வாயிலாக அறிகிறோம்.

விப்ரதன் என்ற வேடன் முற்கல முனிவரிடம் கணேச மந்திர உபதேசம் பெற்று ஆயிரம் ஆண்டுகள் தியானித்தான். அதன் பலனாக 'புருசுண்டி' என்ற பெயரு டன், விநாயகரை குருவாகக் கொண்டு ஞானோபதேசம் பெற்று முக்தி அடைந்தான். அவன் அனுஷ்டித்தது சங்கடஹர சதுர்த்தி விரதம்.

அரசன் கிருதவீர்யன், அத்ரி முனிவரிடம் இந்த விரதத்தை உபதேசமாகப் பெற்று புத்திரப்பேறு எய்தி மகிழ்ந்தான். சூரசேனன் எனும் அரசன், இந்திரன் வாயிலாகக் கேட்டு சங்கடஹர சதுர்த்தி விரதம் ஏற்று முக்தி அடைந்தான்.

பெற்ற அன்னையையே கொலை செய்த 'புதன்' எனும் அந்தணன், குஷ்ட நோயால் பீடிக்கப்பட்டான். இவன் மேல் இரக்கம் கொண்ட சூரசேன மகாராஜா... அந்தணனுக்கு, கணபதி மந்திரம் உபதேசித்து, சங்கடஹர சதுர்த்தி விரதம் ஏற்குமாறு பணித்தார். அதன்படியே செய்து நோய் நீங்கி பல்லாண்டு வாழ்ந்து முடிவில் முக்தி அடைந்தான் அந்தணன் புதன்.


கீர்த்திகள் பெற்ற செவ்வாய் கிரகத்துக்கு- அங்காரகனுக்கு, உஜ்ஜயினியின் (அவந்தி நகரம்)

வட எல்லையில் அவன் தோன்றிய இடத்திலேயே ஒரு திருக்கோயில் எழுப்பப்பட்டுள்ளது. இந்தக் கோயிலின் கருவறைக் கடவுள் மங்கள்நாத் என்பர். மங்களகரமான உருவம் கொண்டவர் என்று பொருள்!

'அங்காரகன், சிவந்த மேனி, மார்பில் செம்மலர் மாலை துலங்க அழகிய திருமுடி தரித்து நான்கு திருக்கரங்களுடன் திகழ்பவன். வலது திருக்கரங்களில் ஒன்று அபயம் அருள மற்றொன்றில் சக்தி ஆயுதம். இடது திருக்கரங்களில் கதாயுதமும் சூலமும் திகழ்கின்றன. மேஷ வாகனம் கொண்ட இவன், சிம்ம வாகனத்திலும் காணப் பெற்றவன். இவனுக்கு மாலினி, சுசீலினி என்று இரு மனைவியர். எட்டுக் குதிரைகள் பூட்டிய பொன் தேரில் பவனி வரும் திருக்கோலம் கொண்டவன்' என்று அங்காரகனை வர்ணிக்கிறது ஒரு நூல்.

ஆனால் உஜ்ஜயினி மங்கள்நாத் ஆலயத்தில், 'பிண்டி' எனப்படும்... சிவலிங்கம் போன்ற அருவுருவமே உள்ளது. இதையே அங்காரகனின் திருவுருவமாகப் பாவித்து வழிபடுகின்றனர்.

அங்காரகன் கடுந்தவம் இயற்றி, கணேசர் தரிசனம் பெற்ற புனித இடத்தை, உஜ்ஜயினியின் தென் மேற்கில் இன்றும் காணலாம். 'ஜவாஸியா' எனும் கிராமத்திலுள்ள இந்த புனித இடத்தில் விநாயகருக்கு ஓர் ஆலயம் உண்டு. உஜ்ஜயினியில் உள்ள ஆறு கணபதி ஆலயங்களில் இதுவே சற்றுப் பெரியது.

விஸ்தாரமான பிராகாரத்துடன் திகழும் ஆலயத்தில் சந்நிதிக்கு எதிரில் யாக சாலை உள்ளது. இங்கு பக்தர்களால் தினமும் ஹோமங்கள் நடத்தப்படுகின்றன. பிராகாரத்தில், ஆழ்கிணறு ஒன்றைக் காணலாம். இதை, 'பாணகங்கா தீர்த்தம்' என்கிறார்கள். இங்கு, புளிய மரமே ஸ்தல விருட்சம்!

இங்குள்ள கணபதி உருவம் அங்காரகனால் பிரதிஷ்டை செய்யப்பட்டது என்கின்றனர். ஆனால் சிலையின் வடிவமைப்பை ஆராய்ந்தால், சுயம்பு மூர்த்தியே என்ற முடிவுக்கு வரலாம். இந்த மூர்த்தியின் திருநாமம்- சிந்தாமணி விநாயகர். பாற்கடலில் கிடைத்த சிந்தாமணியைப் போன்று கேட்பதைத் தருபவர் என்பதால் இந்தப் பெயர்.

சங்கடஹர சதுர்த்தி துவங்கப்பட்ட புனித இடத்தில் குடிகொண்டிருக்கும் இந்த சிந்தாமணி விநாயகர் ஓர் அரிய வரப்ரசாதி என்பதில் ஐயமில்லை!

பெண்கள் மட்டுமே கடைப்பிடிக்கும் பிள்ளையார் விரதம்!

செவ்வாய் பகவானுடன் தொடர்புடைய விநாயகர் வழிபாடு மற்றொன்றும் உண்டு! தமிழக கிராமப்புறங்களில் பெண்கள் மட்டுமே அனுசரிக்கும்- 'செவ்வாய் பிள்ளையார் கும்பிடுதல்!' என்ற விரதமே அது.

தை மற்றும் ஆடி மாத செவ்வாய்க்கிழமைகளில் துவங்கி... 'இத்தனை செவ்வாய்' என்று நிச்சயம் செய்து, இந்த நோன்பை ஆரம்பிப்பார்கள். இந்த விரதத்தால் ஏற்படும் சப்தம்கூட ஆண்களுக்கு கேட்கக் கூடாது என்பது நியதி! தப்பித்தவறி இந்த விரத நைவேத்தியத்தை ஆண்கள் உட்கொண்டாலோ, நைவேத்திய பதார்த்தத்துக்காக மாவு இடிக்கும் சத்தத்தைக் கேட்டாலோ அவர்களது உடல்நலம் பாதிக்கப்படும் என்பது நம்பிக்கை! எனவே, ஆண்கள் யாவரும் உறங்கச் சென்ற பிறகு அல்லது அவர்கள் வெளியூர் சென்றிருக்கும் நேரத்தில் இந்த வழிபாட்டைக் கடைப்பிடிக்கிறார்கள்.

ஊர் பெண்கள் அனைவரும் ஆடவர் இல்லாத ஓர் இல்லத்தில் ஒன்று கூடுவர். ஒவ்வொருவரும் தங்களது பங்காகக் கொண்டுவந்த நெல்லை உரலில் இட்டு இடித்து அரிசியாக்குவர். பிறகு உமி களைந்து, அரிசியை மாவாக்கி வைத்துக் கொள்வர். இந்த மாவுடன், சிறு சிறு தேங்காய்த் துண்டுகளும் இளநீரும் கலந்து நன்றாகப் பிசைந்து 'அடை'களாகத் தட்டுவர். பிறகு வாணலியில் வைக்கோலைப் பரப்பி, அதன்மேல் அடைகளை வைத்து வேக வைப்பார்கள். மாவில் உப்பு சேர்க்க மாட்டார்கள். இதுவே நிவேதனம்!

பிறகு, கனாக்கன்றின் (பசுவின் ஆண் கன்று) சாணத்தால் பிள்ளையார் பிடித்து, புங்கை இலை, புளிய இலை மூலம் சுழல் அமைத்து, அதன் நடுவே சாணப் பிள்ளையாரை எழுந்தருளச் செய்வார்கள். தொடர்ந்து, விநாயக புராணத்தை ஒருவர் எடுத்துச் சொல்வார். கதை முடிந்ததும் தூப- தீப ஆராதனைகள் காட்டி, அடைகளை நிவேதனம் செய்து வழிபட்ட பிறகு, அந்தப் பிரசாதத்தை குழுமி இருப்போருக்கு விநியோகிப்பர். அதை அங்கேயே உண்ண வேண்டும்!

இதையடுத்து புங்கை- புளியந் தழைகள், வைக்கோல் மற்றும் பூஜை மலர்கள் ஆகியவற்றை, பொழுது விடிய நான்கு நாழிகைக்குள்ளேயே எடுத்துச் சென்று ஆற்றில் விட்டு விடுவார்கள். அத்துடன், பிள்ளையாரையும் வழியனுப்பிவிட்டு, நீராடிய பின்... வாய் பேசாமல், புனித மஞ்சள்- குங்குமம் அணிந்து, வெற்றிலை சுவைத்து அவரவர் இல்லத்துக்குச் செல்வர். அன்று முழுவதும் எவருக்கும் காசு- தானியம் தரமாட்டார்கள்.

ஆயுள் வளர்க்கும் அருகம்புல்!

'மூதணிடம்' என்றால் என்ன தெரியுமா? அருகம்புல்லின் வேறு பெயரே இது. இதன் அசல் பெயர் 'அகரம் புல்'!

ஒரு சந்தர்ப்பத்தில், மிகுந்த வெப்ப தேகம் கொண்ட அனலாசுரன் என்ற அசுரனை விழுங்கினார் விநாயகர். இதனால் அவரது திருமேனி தகித்தது! இந்த உஷ்ணத்தைப் போக்க விநாயகரை குளிர்வித்த பெருமைக்குரியது அருகம்புல். இதனால், அவருக்கே உரிய பத்ரமாக(தழை) திகழ்கிறது அருகம்புல். 'தூர்வா' என்றும் சிறப்பிக்கப்படும் அருகம்புல் கொண்டு கணபதியை பூஜிப்போர், நிலையான ஆரோக்கியத்தையும் நீண்ட ஆயுளையும் பெறுவர்!



நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Thu Aug 28, 2014 6:56 am

மங்கலம் தரும் மாணிக்க விநாயகர்!




திருச்சி என்றதும் ஓங்கி உயர்ந்து நிற்கும் மலைக்கோட்டையும், அதன் உச்சியில் அமர்ந்து அருள்பாலிக்கும் ஸ்ரீவிநாயகரும்தான் நினைவுக்கு வருவர். உச்சிப்பிள்ளையார் குடிகொண்டிருக்கும் ஆலயம், ஸ்ரீதாயுமானவ ஸ்வாமி திருக்கோயில் என்பதும் பலருக்குத் தெரியும்!

ஆனால்... இங்கே, உச்சியில் உள்ளது போலவே அடிவாரத்திலும் பிள்ளையார் இருக்கிறார். சக்தியும் சாந்நித்தியமும் நிறைந்த இவரின் திருநாமம் - ஸ்ரீமாணிக்க விநாயகர்!

உச்சிப் பிள்ளையாரை தரிசிக்க வேண்டும் எனில் சுமார் 417 படிகளைக் கடக்க வேண்டும். மாணிக்க விநாயகரை தரிசித்து விட்டுத்தான் முதல் படியில் அடியெடுத்து வைக்க வேண்டும். ஆம்... ஆலயத்துக்குள் நுழைந்ததும் மாணிக்க விநாயகரின் அருளாட்சிதான்!

திருச்சி நகரின் மிக முக்கிய வணிக நிறுவனங்கள் உள்ள இந்தப் பகுதியில், மாணிக்க விநாயகரை வணங்கி விட்டே, கடையைத் திறக்கின்றனர். இதேபோல் கடையை அடைத்துவிட்டு, வாசலில் நின்றபடி பிள்ளையாருக்கு சிதறுகாய் உடைத்த பிறகே வீட்டுக்குச் செல்கின்றனர். இவரை வணங்கினால், வியாபாரம் செழிக்கும்; சிறக்கும் என்பது நம்பிக்கை!

மாணவர்கள் தேர்வுக்குச் செல்வதற்கு முன்னதாக, மாணிக்க விநாயகரின் திருவடியில், பேனா, ஹால் டிக்கெட் ஆகியவற்றை வைத்து பிரார்த்திக்கின்றனர். கல்வியில் சிறந்து விளங்கவும், தேர்வில் வெற்றி பெறவும் மாணிக்க விநாயகர் அருள்கிறார்.

சுமார் 250 வருடங்களுக்கு முன்பு கண்டெடுக்கப்பட்ட இந்த விநாயக விக்கிரகம், அடிவாரத்தில் வைத்து வழிபடப்பட்டதாம்! பிறகு மாணிக்கம் எனும் பக்தர், விநாயகருக்கு சந்நிதி எழுப்பித் தர... மாணிக்க விநாயகர் எனும் திருநாமம் ஏற்பட்டதாம்!

தந்தை தாயுமானவ ஸ்வாமியைப் போலவே சுகப் பிரசவத்துக்கு அருள்கிறார் மாணிக்க விநாயகர். கர்ப்பிணிப் பெண்கள் பலரும் இங்கே வந்து விநாயகரை வேண்டி, அருகில் உள்ள மண்டபத்தில் அமர்ந்து தியானம் செய்கின்றனர்.

யோகம், ஞானம் முதலான தேடலுடன் வரும் அன்பர்கள் பலரும் மாணிக்க விநாயகரை மனதார வேண்டிக் கொண்டு, தியானத்தில் ஈடுபடுவதைக் காணலாம்!

'மனதுள் என்ன பிரச்னையாக இருந்தாலும் மாணிக்க விநாயகரை தரிசித்து வணங்கினால் போதும்; எண்ணி ஏழே நாளில் துயரத்தைப் போக்கி, நிம்மதியைத் தந்தருள்வார்!' என்று சிலிர்ப்பு மாறாமல் சொல்கின்றனர் பக்தர்கள்.



நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by தமிழ்நேசன்1981 on Thu Aug 28, 2014 7:10 am

ஸ்ரீநிருதி கணபதி - எடப்பாடி

'வேழமுகத்து விநாயகனை தொழ ஞானம் மிகுத்து வரும்' என்பது சான்றோர் வாக்கு. அதிலும் நிருதி நாயகராக தென்மேற்கு திசையில் அமர்ந்து அருள்பாலிக்கும் விநாயகரை வழிபடுவது விசேஷம்.

'நிருதி விநாயகரை வழிபடுவதால் காரியத் தடைகள் அகலும்; வேண்டும் வரங்கள் விரைவில் ஸித்திக்கும்; கல்வியறிவு பெருகும்' என்பது ஆன்றோர் வாக்கு.

சேலத்தில் இருந்து மேற்கே சுமார் 45 கி.மீ. தொலைவில் உள்ள எடப்பாடியில் அமைந்திருக்கிறது ஸ்ரீநஞ்சுண்டேஸ்வரர் திருக்கோயில். தேவ- அசுரர்கள் பாற்கடலைக் கடைந்தபோது உருவான ஆலகால விஷத்தைப் பருகி, அனைவரையும் காப்பாற்றிய ஈசனின் திருவருளை நினைவுபடுத்தும் விதம் ஸ்ரீநஞ்சுண்டேஸ்வரர் எனும் திருநாமத்துடன் திகழ்கிறார் இந்தத் திருக்கோயிலின் இறைவன். அம்பாள்- ஸ்ரீதேவகிரி அம்மை.

கோயிலின் மற்றொரு சிறப்பம்சம்... நிருதி மூலையில் அதாவது தென்மேற்கு திசையில் தரிசனம் தரும் பிள்ளையார். இவர் வலம்புரி விநாயகராக திகழ்வது கூடுதல் சிறப்பு. சதுர்த்தி திருநாட்களில் இவருக்கு விசேஷ வழிபாடுகள் நடைபெறுகின்றன. குறிப்பாக சங்கடஹர சதுர்த்தி அன்று, இவரை தரிசித்து வழிபட நம் சங்கடங்கள் யாவும் சிதறுண்டு போகுமாம்!

உத்தியோக உயர்வு, வேலைவாய்ப்பு, குழந்தை பாக்கியம் ஆகிய பிரார்த்தனைகளுடன் வரும் பக்தர்கள், இவருக்கு அருகம்புல் சார்த்தி மனமுருக வழிபட்டுச் செல்கின்றனர். எல்லாவற்றுக்கும் மேலாக எடப்பாடி பகுதி மாணவர்களின் கண்கண்ட தெய்வமாக திகழ்கிறார் இந்தப் பிள்ளையார்.

தேர்வில் நல்ல மதிப்பெண்களுடன் தேர்ச்சி பெற விரும்பும் மாணவ- மாணவியர் கோயிலுக்கு வந்து, பய பக்தியுடன் இவரை வழிபடுகின்றனர். மேலும், விநாயகரின் திருவடிக்கு அருகில் (தரையில்) தங்கள் தேர்வு எண்களை எழுதி வைத்து, 'பிள்ளையாரப்பா... பாஸ் மார்க் போதாது; ஃபர்ஸ்ட் மார்க் எடுக்க நீதான் அருள் புரியணும்' என நம்பிக்கையுடன் வழிபட்டுச் செல்கிறார்கள்.

இந்த வேண்டுதல்களை நிறைவேற்றி, மாணவர்களின் நம்பிக்கையைக் காப்பாற்றி அருள்புரிகிறார் இந்தத் தும்பிக்கையான்!



நீ எதை நினைக்கிறாயோ! அதுவாகவே ஆகிறாய் - விவேகானந்தர்


எனது மின்னூல் தளம்:

http://tamilnesan1981.blogspot.in
avatar
தமிழ்நேசன்1981
சிறப்புப் பதிவாளர்


நிகழ்நிலை
இணையாநிலை

பதிவுகள் : 3510
மதிப்பீடுகள் : 960

View user profile http://tamilnesan1981.blogspot.in

Back to top Go down

Re: விநாயகர் சதுர்த்தி ஸ்பெஷல்-சக்தி விகடன்

Post by Sponsored content


Sponsored content

நிகழ்நிலை
இணையாநிலை


Back to top Go down

Page 1 of 2 1, 2  Next

View previous topic View next topic Back to top


Permissions in this forum:
You cannot reply to topics in this forum