கவின் சேர்க்கும் காலம்

karaumalaithamizhazhan · karaumalaithamizhazhan Thu Sep 18, 2014 12:36 pm

[size=32]கவின் சேர்க்கும்   காலம்[/size]
                             பாவலர் கருமலைத்தமிழாழன்

காலத்தை   மதியானை    இந்த   ஞாலம்
            கண்ணெடுத்தும்   பார்க்காது ;   வாழ்க்கை   என்னும்
கோலத்தை   மாற்றுவதும்   ஏற்றத்    தாழ்வைக்
            கோடிட்டுக்   காட்டுவதும்   காலம்   ஒன்றே !
காலந்தான்   போதவில்லை   என்று   சொல்லிக்
            கடமையினைச்   செய்பவனோ    உயரு    கின்றான்
காலந்தான்   போகவில்லை   என்று    வீணே
            கழிப்பவனோ   ஏதுமின்றித்    தாழு   கின்றான் !

கழிகின்ற   நொடிப்பொழுதும்    திரும்பா   தென்று
            கணக்கிட்டு    முனைப்போடு   செயல்செய்    வோன்தான்
விழியுயர்த்தும்    சாதனைகள்    படைத்துக்    காலம்
            வீழ்த்தாத   புகழோடு    திகழ்வான்   நன்றாய் !
வழிபார்த்துக்   காத்திருந்து   வந்த போது
            வாய்ப்புதனை   விட்டிடாமல்   கொத்தும்   கொக்காய்
விழிப்புடனே     இல்லாதான்     எதுவு    மிங்கே
            விளையாத    களர்நிலம்போல்   வெறுமை   யாவான் !

நேற்றையநாள்   உடைந்துபோன   பானை ;    நாளை
            நேரில்லா   மதிலின்மேல்   பூனை ; இன்றோ
போற்றுகின்ற   கையிலுள்ள   வீணை   தேனாய்ப்
            பொழியுமிசை    மீட்டுவோனே   ஏற்றம்   காண்பான் !
ஊற்றுவர   நீரிறைக்க வேண்டும்   நல்ல
            உயர்வுவர    உழைப்பீய வேண்டும்   வீசும்
காற்றைப்போல்   இயற்கைதந்த    காலம்   தன்னைக்
            கண்ணாகப்   பேணுவோனே   வெற்றி   காண்பான் !

                                             *************

**M.Saranya** · **M.Saranya** Thu Sep 18, 2014 12:46 pm

அருமையான கவிதை!!!
காலம் பொன் போன்றது கடமை கண் போன்றது என்பதை உணர்ந்தவனே வாழ்வில் உயர்வான்.

கவின் சேர்க்கும் காலம்

கவின் சேர்க்கும் காலம்

Re: கவின் சேர்க்கும் காலம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக