அம்மா என்று

அபிராமிவேலூ · அபிராமிவேலூ Mon Nov 09, 2009 1:49 pm

அம்மா!!!

அம்மா
நீ என்ன அன்னப்பறவையா???
நான் செய்த தொந்தரவுகளை
மறந்துவிட்டு குறும்புகளை மட்டுமே
உன் மனதில் சேமித்து வைத்திருக்கிறாய்!!!

இருபது ஐட்டங்கள் இருக்கும் பஃபே
இருநூறில் சாப்பிட்டும்
கண்டுபிடிக்க முடியவில்லை
நீ செய்யும் ரசத்தின் சுவையை கூட!!!

நீ என் மீது வைத்திருக்கும்
அன்பின் அடியையும் முடியையும்
காண நான்முகன் நாராயணனோடு
ஈசனும் சேர்ந்துவிட்டானாம்...
தோல்வி உறுதி என்று தெரிந்தும்கூட!!!

நாத்திகம் பேசுபவர்கள்
கடவுளை பார்த்திருக்கிறாயா
என்று கேட்கும் போது
நான் சொல்வது
என் தாயை வந்து பார் என்று!!!

நான் சர்வாதிகாரியானால்
அன்பு என்ற வார்த்தையை
அகராதியிலிருந்து நீக்கிவிட்டு
அம்மா என்று மட்டுமே பயன்படுத்த
ஆணையிட்டிருப்பேன்...

ராமனுக்கு பதினான்கு ஆண்டுகள்
வனவாசம் எவ்வளவு கொடியது
என்று உன்னை பார்க்காத இந்த
ஒரு ஆண்டிலே புரிந்து கொண்டேன்!!!