-
காமெடியிலும், குணசித்திர நடிப்பிலும் வெளுத்து கட்டும் மயில்சாமி, தனது மகன் அன்புவை ஹீரோவாக களமிறக்க உள்ளார்.

இன்னும் பெயரிடப்படாத அப்படத்தை பட்டியல் சேகர் தயாரிக்கிறார். இவர் நடிகர் கிருஷ்ணா மற்றும் இயக்குனர் விஷ்ணுவர்தனின் தந்தையாவார். முழுக்க முழுக்க காமெடியை பின்னணியாகக் கொண்டு படம் உருவாக இருக்கிறது. ஜான்சன் என்னும் அறிமுக இயக்குனர் இதனை இயக்கவுள்ளார். நாயகியாக பாப்ரி கோஷ் நடிக்கிறார்.

மேலும் இவர்களுடன் கிரண், ஜெயஸ்ரீ, எம்.எஸ்.பாஸ்கர் உள்ளிட்ட பலர் நடிக்கவுள்ளார்கள். படம் குறித்து பட்டியல் சேகர் கூறியதாவது, வேலையில்லாமல் ஜாலியாகவும் அதிர்ஷ்டசாலியாகவும் ஊர் சுற்றும் வாலிபன் பிராமணப் பெண் மீது காதல் வயப்படுகிறான் என்பதை மையக்கருவாக வைத்து சுவாரஸ்யமாக எடுக்கவுள்ளோம் என்றார்.

இப்படத்தின் படப்பிடிப்பு பிப்ரவரி 16ம் தேதி தொடங்கவுள்ளது. சென்னையை சுற்றியே படப்பிடிப்பை நடத்த இருக்கிறார்கள். இந்தப் படத்துக்காக அன்புவின் பெயரை மாற்ற திட்டமிட்டுள்ளாராம் பட்டியல் சேகர். நல்ல பெயராக பார்த்துக் கொண்டிருக்கிறார்களாம்.

=

dinamani