ஊர்கூடித் தெருவில் விட்ட

கட்டாரி · கட்டாரி Thu Apr 09, 2015 1:14 pm

அன்றைய வாரயிறுதி
இரவும் அப்படித்தான்
கழிந்திருந்தது....

பெண்ணுரிமையென
நாற்கரச் சாலைகளில் மட்டும்
கத்திக் கொண்டிருந்த
சராசரிகளைத் தவிர்த்துவிட்டு
கண்ணாடிக் குடுவைகளில்
மதுவூற்றி நேரம் பகிரக்
கேட்டுக்கொண்டிருந்த நானும்....

ஆளுமைத்தனம் பயின்று
குதிகால் செருப்பினடியில்
சிகரெட்டுச்சாம்பல்
தட்டிகொண்டே
குடிப்பதற்கான சூழலில்லை என
மறுத்துச் சிரித்திருந்த நீயும்....

என்ன காரணமென்று
தெரியாமலேயே..
பகிர்ந்து கொள்ளாமல் வைத்திருந்தோம்
நம் காதலை....

நம்மைச் சுற்றியிருந்த
ஊர் எனப்படுவது
நம்மைத் தவிர்த்து
எல்லோரிடமும் சொல்லியிருந்தது
நமக்குள் எதுவோ இதுவாம்........!!

**ஜாஹீதாபானு** · **ஜாஹீதாபானு** Thu Apr 09, 2015 1:47 pm

பெண்ணுரிமையென
நாற்கரச் சாலைகளில் மட்டும்
கத்தியிருந்த சுத்தியிருந்த என வருமா?

கவிதை அருமை

கட்டாரி · கட்டாரி Thu Apr 09, 2015 2:53 pm

தங்களின் கருத்துக்கு நன்றி தோழமையே...
கத்தியிருந்த... கத்திக் கொண்டிருந்த.. என்று வரும்..

இங்கு நான் சொல்ல வருவது... பெண்ணுரிமை என்பது வெறும் போராட்டங்களோடு முடிந்து போய் விடுகிறது. தவிர்த்து நிகழ்பவைகள் நிகழ்ந்து கொண்டுதான் இருக்கிறது..

பிழைகள் எப்படி திருத்துவது எனத் தெரியவில்லை. கருத்துக்களுக்கு நன்றி

**ஜாஹீதாபானு** · **ஜாஹீதாபானு** Thu Apr 09, 2015 2:58 pm

கட்டாரி wrote:தங்களின் கருத்துக்கு நன்றி தோழமையே...
கத்தியிருந்த... கத்திக் கொண்டிருந்த.. என்று வரும்..

இங்கு நான் சொல்ல வருவது... பெண்ணுரிமை என்பது வெறும் போராட்டங்களோடு முடிந்து போய் விடுகிறது. தவிர்த்து நிகழ்பவைகள் நிகழ்ந்து கொண்டுதான் இருக்கிறது..

பிழைகள் எப்படி திருத்துவது எனத் தெரியவில்லை. கருத்துக்களுக்கு நன்றி

மேற்கோள் செய்த பதிவு: 1129402

கவிதை படிக்கும் போது வார்த்தை பொருந்தவில்லை என கேட்டேன்...
நான் திருத்துகிறேன் கட்டாரி