முத்தத் தீர்மானம்

**Aathira** · **Aathira** Mon Mar 23, 2015 10:00 pm

முத்தத் தீர்மானம்

முத்தத்தின் மீது வெறுப்பென்று ஒன்றும் இல்லை
முத்தம் தூய்மையானதுதான்

கண்ணீரைத் தடம் மாற்ற
காமத்தை உருமாற்ற
பெருமைப் பட
பாராட்ட
எல்லாவற்றிற்குமே
ஒரு முத்தம் போதுமானதாக இருக்கின்றது

ஆலயத்திற்கு ஒர் ஆடை
அரங்கிற்கு ஒர் ஆடையென
தரம் பிரித்து அணிவதைப் போல
முத்தங்களும் தரம் பிரித்துப்
பரிமாறப் பட வேண்டும்

அழுந்தப் பதியும் புறங்கை முத்தத்தில்
கருகி விடுகின்றன உரோமங்கள்
உச்சி முகர்வதில் மெச்சிக் கொடுப்பதில்
இதழ்வழி பீறிடும் வெப்பம்
ஓசோனின் கிழிசலாய் துளைத்து விடுகின்றன
நெற்றியை

அதிர அதிர கொடுக்கும்
முத்தத்தின் சந்தடி
மூச்சினை முட்டவே செய்கிறது
பல நேரங்களில்

மழலைகளின் முத்தங்களில் கூட
பால்மணம் வீசுவதில்லை….
பால்ய மனம் வீசுகிறது
சில நேரங்களில்

முத்தத்தின் மீது வெறுப்பென்று ஒன்றும் இல்லை
முத்தம் தூய்மையானதுதான்

என்றாலும்………

அவசரமாக ஒரு தீர்மானம்
நிறைவேற்றி விட வேண்டும்
“இனி
மலர்களின் முத்தம் தவிர
வேறு எதனையும்
ஏற்பதில்லை”

- ஆதிரா முல்லை

நன்றி புதுகைத் தென்றல்

யினியவன் · யினியவன் Mon Mar 23, 2015 10:36 pm

இதெல்லாம் நாங்க ஏத்துக்க முடியாது புன்னகை

வாழ வேண்டிய வயசில நாங்க அனுபவிக்கனும்ல புன்னகை

மலர் முத்த ஏற்பு தீர்மானம் நன்று ஆதிரா

**விமந்தனி** · **விமந்தனி** Mon Mar 23, 2015 11:24 pm

............. என்றாலும்………

அவசரமாக ஒரு தீர்மானம்
நிறைவேற்றி விட வேண்டும்
“இனி
மலர்களின் முத்தம் தவிர
வேறு எதனையும்
ஏற்பதில்லை”

அவசரமாக போட்ட தீர்மானம் கூட அழகாக தான் இருக்கிறது அக்கா. வெகு அருமை! சூப்பருங்க

யினியவன் · யினியவன் Mon Mar 23, 2015 11:35 pm

எந்த மானோ வழி தவறி வந்துட்டாப்ல இருக்கே புன்னகை

**விமந்தனி** · **விமந்தனி** Mon Mar 23, 2015 11:41 pm

யினியவன் wrote:எந்த மானோ வழி தவறி வந்துட்டாப்ல இருக்கே

நாங்க கிளம்பின அன்னைக்கே நெட் connection -னும் போயிடுச்சு... (அது எந்த தீவுக்கு போச்சோ தெரியாது... இன்னும் வந்த பாடில்லை... பொறுத்து, பொறுத்து பார்த்தேன்.... இதோ போன் மூலமா ஈகரைக்கு connect ஆகியிருக்கேன்...)

**T.N.Balasubramanian** · **T.N.Balasubramanian** Tue Mar 24, 2015 6:59 am

மொத்த முத்த ஆராய்ச்சி
மெத்தனமின்றி ஆராய்ச்சி !

"மழலைகளின் முத்தங்களில் கூட
பால்மணம் வீசுவதில்லை….
பால்ய மனம் வீசுகிறது
சில நேரங்களில்"

காலம் செய்கின்ற கோலமோ ?

"“இனி
மலர்களின் முத்தம் தவிர
வேறு எதனையும்
ஏற்பதில்லை”
இது உத்தமம் .

அருமை அன்பு மலர்