பெண் பார்க்கும் படலம்...!! -Mano Red

Mano Red · Mano Red Sun Apr 19, 2015 10:34 am

எப்போதும் போலவே
அன்றும் விடிந்தது,
அவளுக்கும்
அழுகை வந்தது,
எப்போதும் போலவே
பெண் பார்க்கும் படலம்
அன்றும் அலுத்து விடுமோ..??

ஏழு பேர் வந்து போனது போலவே
எட்டாவதாக வருபவனும்
எட்டாமல் போய் விடுவானோ..??
யாருக்கென்ன கவலை
காயப்போவது
மல்லிகைப்பூ மட்டுமல்ல
அவளும் தானே...?!

அலங்கரித்து
சிங்காரமாய் நடந்து வர
இது முதல் தடவை அல்லவே,
தனக்கு தானே கேட்டுக் கொண்டு
ஏனோதானோவென வந்தாள்..!!
வழக்கமான
வணக்க அரங்கேற்றத்தை
அன்றும் அரங்கேற்றினாள்..!!

வந்த அத்தனை பேரும்
நிலம் பார்த்தனர்
நகை பார்த்தனர்,
வீடு பார்த்தனர்,
வசதி பார்த்தனர்,
திருமணத்திற்காக பெண் பார்க்க
யாரும் வரவில்லை..!!

புண்ணைக் கொத்தும் காக்கைகளுக்கு
மாட்டின் நோவு
எப்படித் தெரியும்.??
வெத்தலையின் காம்புடன்
பெண்ணின் குறைகளையும்
கிள்ளி எறிந்து பேசினார்கள்..!!

மாடு விலை பேசும்
வியாபார (திருமண) சந்தையில்
பெண் மட்டும் என்ன பாம்பா..??
பல்லைப் பிடித்து பார்க்கையில்
கையில் கொட்டுவதற்கு..!!

நிராகரிப்பு என்பது
நிர்வாண நிலையினும் கொடிது..!!
காயா இல்லை பழமா
என்று அவர்கள் கேட்பதிலே
காய்ந்த பழமாகி விடுகிறாள்..!!

சினிமாவிற்கு வந்தது போல
சிற்றுண்டியுடன்
நேரத்தை போக்கிவிட்டு
வியாபாரிகள் வெளியே போனார்கள்,
கதவோரம் சாய்ந்து நின்று
அவள் சொன்னாள்,
அடுத்த முறையாவது
பெண் என்னைப் பார்க்க வாருங்கள்..!!

பெண் பார்க்கும் படலம்...!! -Mano Red N4R2U2gSK6XYjuRMUGhI+elayaraja_2633945_women1

பெண் பார்க்கும் படலம்...!! -Mano Red N4R2U2gSK6XYjuRMUGhI+elayaraja_2633945_women1

**T.N.Balasubramanian** · **T.N.Balasubramanian** Sun Apr 19, 2015 10:45 am

அருமையான யதார்த்த கவிதை . பெண் பார்க்கும் படலம்...!! -Mano Red 3838410834

பெண் பார்க்கும் படலம்...!! -Mano Red 103459460

வெகு நன்றாக இருக்கிறது மனோ !
ஆமாம் வீட்டில் உங்களுக்கு பெண் பார்க்க
ஆரம்பித்து விட்டார்கள் போல் உள்ளதே !

ரமணியன்

Mano Red · Mano Red Sun Apr 19, 2015 10:46 am

ஹா ஹா ..இல்லங்க சார் நான் சின்ன பையன் ...எனக்கு இல்ல இது வேற அனுபவம்

**T.N.Balasubramanian** · **T.N.Balasubramanian** Sun Apr 19, 2015 11:50 am

ஆமாம் நீங்க சின்னப் பையன்தான் . அதிர்ச்சி

ரமணியன்

**ayyasamy ram** · **ayyasamy ram** Sun Apr 19, 2015 12:13 pm

**விமந்தனி** · **விமந்தனி** Sun Apr 19, 2015 4:49 pm

நிராகரிப்பு என்பது
நிர்வாண நிலையினும் கொடிது..!!

monikaa sri · monikaa sri Sun Apr 19, 2015 5:55 pm

''புண்ணைக் கொத்தும் காக்கைகளுக்கு
மாட்டின் நோவு
எப்படித் தெரியும்.??''---இவ்வரிகள் எல்லா சூழல்களிலும் பிறரின் சந்தோசத்தை கொத்தும் அதிமேதாவி
தனமான மனிதர்களுக்கும் பொருந்தும்!கவிதை மிகவும் அருமை!நிறைய கவிதையினை தாருங்கள்!
நன்றி!

**M.M.SENTHIL** · **M.M.SENTHIL** Sun Apr 19, 2015 11:30 pm

மனோ, கவிதை மிக அருமை

தன்னை பெண் பார்க்க வருகிறார்கள்
என எண்ணி - பக்கத்துக்கு வீட்டு
பார்வதி அக்காவிடம்
ஒரு பவுன் சங்கிலியை
ஓசு வாங்கி அணிந்து கொண்டு
ரோட்டையே பார்த்துக்
கொண்டிருக்கும் - இந்த
முதிர்கன்னிக்கு தெரியவில்லை
எட்டாவது மாப்பிள்ளையும்
சொத்தைத்தான் பார்க்க வருகிறான் என

**T.N.Balasubramanian** · **T.N.Balasubramanian** Mon Apr 20, 2015 7:30 am

இன்னும் அடுத்த பத்து வருடங்களில் ,
இந்த பெண் பார்க்கும் படலங்கள் முடிவுக்கு வந்து விடும் .

ரமணியன்

**krishnaamma** · **krishnaamma** Mon Apr 20, 2015 8:18 am

//வந்த அத்தனை பேரும்
நிலம் பார்த்தனர்
நகை பார்த்தனர்,
வீடு பார்த்தனர்,
வசதி பார்த்தனர்,
திருமணத்திற்காக பெண் பார்க்க
யாரும் வரவில்லை..!!//

nijam மனோ, நிறைய வீடுகளில் இந்த கொடுமை நடக்கிறது ...........இன்னும் சோகம்