-
புதுடில்லி:
குடியுரிமை பிரச்னை தொடர்பாக காங்கிரஸ் துணைத்
தலைவர் ராகுலுக்கு, லோக்சபா உறுப்பினர்களுக்கான
நடத்தைக் கண்காணிப்பு குழு சம்மன் அனுப்பியுள்ளது.


சமீபத்தில் ராகுல் தன்னை பிரிட்டிஷ் குடிமகனாக
அறிவித்துக் கொண்டதாக தகவல்கள் வெளியாகியது.
இது குறித்து காங்கிரஸ் விளக்கம் அளிக்கையில்,
சுப்ரமணியன் சாமி பழிவாங்கும் நோக்கில் இந்த
பிரச்னையைப் பெரிதுபடுத்துவதாகவும், அதற்கு
பா.ஜ., தலைவர்களும் ஆதரவு தெரிவித்து வருவதாகவும்
கூறினர்.

தற்போது இது குறித்து அத்வானி தலைமையிலான
லோகசபா குழு ராகுலுக்கு சம்மன் அனுப்பியுள்ளது.
ராகுல் தன்னை அவ்வாறு பிரிட்டிஷ் குடிமகனாக
அறிவித்துக் கொண்டாரா என்று விளக்கம் அளிக்குமாறு
அநத சம்மனில் குறிப்பிடப்பட்டுள்ளது.

இந்த பிரச்னை குறித்து கடந்த நவம்பர் மாதம்
சுப்ரமணியன் சாமி, பிரதமருக்கு கடிதம் எழுதியிருந்தார்.
பின்னர் ஜனவரி மாதம் கிழக்கு டில்லி பா.ஜ., எம்.பி.,
மகேஷ் கிரி இது குறித்து சபாநாயகர் சுமித்ரா மகாஜனுக்கு
கடிதம் எழுதினார். அதைத் தொடர்ந்து இது குறித்து
விசாரிக்குமாறு, அத்வானி தலைமையிலான குழுவுக்கு
சபாநாயகர் உத்தரவிட்டார்.
கடந்த வாரம் ராகுலுக்கு சம்மன் அனுப்பப்பட்டுள்ளது.

( பிரிட்டிஷ் கம்பெனிகள் ஆவணப்படி, லண்டனில் உள்ள
பேக்காப்ஸ் நிறுவனத்தின் இயக்குநர்களில் ஒருவரான
ராகுலுக்கு அந்த நிறுவனத்தில் 65 சதவீத பங்கு இருப்பதாகவும்,
ராகுல் ஒரு பிரிட்டிஷ் குடிமகன் என்றும் குறிப்பிடப்பட்டுள்ளது).
-
-----------------
தினமலர்