அழுத்தமான நம்பிக்கையும், உழைப்பும் வெற்றிக்கு வழி கோலும் !!

**ayyasamy ram** · **ayyasamy ram** Mon May 16, 2016 9:58 am

-
நம்பிக்கையை பற்றி சில தத்துவங்கள்:

வெற்றிக்கு மிகச்சிறந்த வழி என்னால்
முடியும் என்ற தீவிரமான நம்பிக்கை மட்டுமே.
-
நம்பிக்கையின் மீது மட்டும் நம்பிக்கை இழக்காதீர்கள்
நம்பினோர் கெடுவதில்லை. நான்குமறை(வேதம்) தீர்ப்பு.
-
நம் எல்லோர் வாழ்க்கையினும் நம்பிக்கையால்
வெற்றி பெற்ற நிமிடங்களும் இருக்கும்,
நம்பிக்கையில்லாமல் தவறவிட்ட தோல்விகளும்
இருக்கும்.
-
ஒருவர் மீது ஒருவர் வைத்திருக்கும் நம்பிக்கையை
காப்பாற்றும் பொழுது பல பிரச்சனைகள் தீர்க்கபடுகிறது.
ஒருவர் மீது ஒருவர் வைத்திருக்கும் நம்பிக்கையை
இழக்கும் போது பிரச்சனைகள் உருவாகுகிறது.

**ayyasamy ram** · **ayyasamy ram** Mon May 16, 2016 9:59 am

நமக்கு நல்லது செய்வார்கள் என்று நம்பி ஓட்டளித்த
மக்களின் நம்பிக்கைக்கு உண்மையாக் இல்லாமல்
அரசியல்வாதிகள் அதை இழப்பதால்தான் இங்கே
ஊழல் அதிகார துஷ்பிரயோகமும் கொடிகட்டி பறக்கிறது.

ஊழியர்கள் உண்மையாக நடந்து கொள்வார்கள் என்ற
நம்பிக்கையில் நிறுவனங்கள் பெரிய பொறுப்புகளை
ஒப்படைக்கும்பொழுது சிலர் அதற்கு மாறாக நடப்பதால்
தான் திருட்டு தனமும் சுயநலமும் அதிகரிக்கிறது.

படிக்கவும் வேலைக்கும் செல்லும் தங்கள் பிள்ளைகள்
படிப்பிலும் வேலையிலும் மட்டுமே கவனம்
செலுத்துவார்கள் என்ற பெற்றோர்களின் நம்பிக்கைக்கு
மாறாக பிள்ளைகள் நடக்கும் பொழுதுதான் பலரது
வாழ்க்கை பாதை மாறிப்போய்விடுகிறது

**ayyasamy ram** · **ayyasamy ram** Mon May 16, 2016 9:59 am

நல்ல விஷயங்களுக்கு மட்டுமே பயன்படும் என்று
கணிப்பொறி வாங்கி தருபவர்களின் நம்பிக்கைக்கு
மாறாக நடக்கும் பொழுதுதான் கணிப்பொறியால்
கலாச்சாரம் சீரழிகிறது.

இப்படி எல்லா பிரச்சனைகளுக்கும் காரணம்
நம் மீது பிறர் வைத்திருக்கும் நல்ல நம்பிக்கைக்கு
மாறாக நாம் நடந்து கொள்வது தான்.

இதுவரை எப்படி இருந்தாலும் இனி நான் நன்றாக
வாழ்வேன் என்று ஒருவன் நம்ப ஆரம்பிக்கும் போது
அவனது வாழ்க்கையை அந்த நம்பிக்கையை மாற்றி
அமைத்து விடுகிறது.

உலகின் மிகப்பெரிய வெற்றியாளர்கள் முதல் உங்கள்
பக்கத்து வீட்டில் முன்னேறிக்கொண்டிருப்பவர்கள் வரை
யாரை வேண்டுமானாலும் எடுத்துக்கொள்ளுங்கள்.

அவர்கள் ஒரு காலத்தில் சாதாரணமானவர்களாகவும்
தோல்வியை சந்தித்தவர்களாகவும் தான் இருப்பார்கள்.
அவரது வெற்றிக்கு காரணம் அழுத்தமான நம்பிக்கையும்
அதனால் வந்த உழைப்புமே காரணமாகும்.

நீ எதுவாக நினைக்கிறாயோ அதுவாகவே ஆகும் தன்மை
உனக்கு உண்டு என்று எல்லா மதமும் சொல்கிறது.
நம்முடைய வாழ்க்கை எப்படி இருந்தாலும் அதை மாற்றும்
தன்மை நல்ல நம்பிக்கைக்கு உண்டு.
–
———————
படித்ததில் பிடித்தது.

**ayyasamy ram** · **ayyasamy ram** Mon May 16, 2016 10:02 am

உழைப்புக்கு ஓய்வேது..?
-
அழுத்தமான நம்பிக்கையும், உழைப்பும் வெற்றிக்கு வழி கோலும் !! M5KVy6ArQuWBHly5C1BG+376066_2066850554407_1339095537_31751486_1685912792_n

அழுத்தமான நம்பிக்கையும், உழைப்பும் வெற்றிக்கு வழி கோலும் !! M5KVy6ArQuWBHly5C1BG+376066_2066850554407_1339095537_31751486_1685912792_n

**krishnaamma** · **krishnaamma** Mon May 16, 2016 11:31 am

ஒருவர் மீது ஒருவர் வைத்திருக்கும் நம்பிக்கையை
காப்பாற்றும் பொழுது பல பிரச்சனைகள் தீர்க்கபடுகிறது.
ஒருவர் மீது ஒருவர் வைத்திருக்கும் நம்பிக்கையை
இழக்கும் போது பிரச்சனைகள் உருவாகுகிறது.

நிஜம் அண்ணா !...... ஆமோதித்தல்