வைத்த ஜெ,. -பதவியேற்பு விழாவின் முதல் அதிரடி
-
மீண்டும் முதல்வராக பொறுப்பேற்ற ஜெயலலிதா,
அண்ணாசாலையில் உள்ள எம்.ஜி.ஆர் சிலைக்கு
கடந்த 21-ம் தேதி மாலை போட வந்தார்.
-
அப்போது சாலையில் எந்த கட்அவுட்டையும் பார்க்க
முடியவில்லை. எம்.ஜி.ஆர் சிலையைச் சுற்றி தடுப்பு
வேலியை மட்டும் போலீஸார் அமைத்திருந்தார்கள்.
'முதல்வர் வரப் போகிறார்' என்பதை நினைவூட்டும்
வகையிலேயே இருந்தது.
-
இது பொதுமக்கள் மத்தியில் ஆச்சரியத்தை ஏற்படுத்தியது.
இன்று மதியம் முதலமைச்சராக பதவியேற்க இருக்கிறார்
ஜெயலலிதா. விழா நடக்கும் சென்னைப் பல்கலைக்கழக
மண்டபத்தில் இருந்து போயஸ் கார்டன் வரையிலும்
பேனர், கட்அவுட் என எதுவுமே கண்ணில் தென்படவில்லை.
அ.தி.மு.கவின் இந்த அணுகுமுறையை சென்னைவாசிகள்
அதிசயத்தோடு பார்த்துச் செல்கிறார்கள்.
-
இதுபற்றி அ.தி.மு.கவின் தலைமைக்கழக பேச்சாளர்
ஆவடி குமாரிடம் கேட்டோம். " உண்மைதான். அம்மா
பங்கேற்க வரும் நிகழ்வுகளில் கட்சிக்காரர்கள் விதி
முறைகளை மீறி கட்அவுட் வைப்பதால் தேவையற்ற
சர்ச்சைகள் எழுந்தன. அதிகப்படியான பேனர்களை
வைப்பதால் பொதுமக்களுக்கு சிரமம் ஏற்படுகிறது என்று,
எதிரிகள் இதனை ஓர் ஆயுதமாக பயன்படுத்திக் கொண்டனர்.
-
எனவே, 'வரும் காலங்களில் கட்அவுட் பேனர் வைக்க
வேண்டாம்' என அம்மா உத்தரவிட்டுள்ளார். அதைத்தான்
நிர்வாகிகள் பின்பற்றுகிறார்கள்" என்றார்.
-
சட்டமன்ற தேர்தல் பிரசாரத்தில், ' மக்களால் நான்,
மக்களுக்காக நான்' என்ற கருத்தை அடிநாதமாக முழங்கினார்
ஜெயலலிதா.
-
ஆட்சியின் தொடக்கத்திலேயே அதை நடைமுறைப்படுத்தத்
தொடங்கியிருப்பது ஒரு நல்ல முன்னேற்றம்தான்.
-
------------------------------------
ஆ.விஜயானந்த்
- படம்: ஆ.முத்துக்குமார்
விகடன்

'வரும் காலங்களில் கட்அவுட் பேனர் வைக்க
வேண்டாம்' என அம்மா உத்தரவிட்டுள்ளார். அதைத்தான்
நிர்வாகிகள் பின்பற்றுகிறார்கள்" என்றார்.

அவ்வளவு தான் இனி அடுத்த 5 வருடங்களுக்கும் , ஜால்ரா கூட்டம் தொல்லை தாங்க முடியாது...

கட்அவுட்டா என்னங்க இது>>>> பால் அபிஷேகமே நடத்துகிறார்களே >>>>>>>>.கற்சிலைக்குத்தான் பால் அபிஷேகம் செய்வார்கள். கட்அவுட்டுக்கு பால் அபிஷேகம் பண்ணும் கலாச்சாரம் வந்துவிட்டதே!!!!!!!!!!!!!!

வேதாளம் மீண்டும் முருங்கை மரம் ஏறாமல் இருக்காது..
இது மீண்டும் ஜெ... வே எதிர்பார்க்காத வெற்றியை அ.தி.மு.க பெற்றிருப்பதால்
இந்த ஆரம்ப கால மாற்றங்களை சந்தோஷத்தில் ஜெ எடுத்திருப்பார் இன்னும் கொஞ்ச நாள் போனால் பழைய குருடி கதவை திறடி.. என்று ஆகிவிடும் என்றுதான் தோன்றுகிறது. இருப்பினும் செய்திருக்கும் மாற்றங்கள் வரவேற்புக்குரியது என்பதை மறுக்க இயலாது. வரவேற்போம்.

தமிழ்நேசன்1981 wrote:வேதாளம் மீண்டும் முருங்கை மரம் ஏறாமல் இருக்காது..
இது மீண்டும் ஜெ... வே எதிர்பார்க்காத வெற்றியை அ.தி.மு.க பெற்றிருப்பதால்
இந்த ஆரம்ப கால மாற்றங்களை சந்தோஷத்தில் ஜெ எடுத்திருப்பார் இன்னும் கொஞ்ச நாள் போனால் பழைய குருடி கதவை திறடி.. என்று ஆகிவிடும் என்றுதான் தோன்றுகிறது. இருப்பினும் செய்திருக்கும் மாற்றங்கள் வரவேற்புக்குரியது என்பதை மறுக்க இயலாது. வரவேற்போம்.

மேற்கோள் செய்த பதிவு: 1208425

தெரியலை நேசன், பொறுத்திருந்து தான் பார்க்கணும்...என்றாலும் இதைப்பாருங்கள்



பதவியேற்பு விழாவில் கலந்து கொண்ட ஸ்டாலினுக்கு வாழ்த்துக்களை தெரிவித்துக்கொள்கிறேன்.

ஸ்டாலின் பங்கேற்பது தெரிந்திருந்தால், முன்வரிசையில் இடம் ஒதுக்க அறிவுறுத்தியிருப்பேன். ஸ்டாலினையோ, தி.மு.க.,வையோ அவமரியாதை செய்யும் எண்ணமில்லை. அதிகாரிகளின் பதவி வரிசைப்படியே இருக்கை ஒதுக்கப்பட்டது.

எனினும், விதிகளை தளர்த்தி முன் வரிசையில் இடம் ஒதுக்க அறிவுறுத்தியிருப்பேன். மாநில மேம்பாட்டிற்காக ஸ்டாலின், தி.மு.க., செயல்படுவதற்கு வாழ்த்துக்களை தெரிவித்து கொள்கிறேன்.

தடை உத்தரவு :  அமைச்சர்கள் தொண்டர்கள் யாரும் என் காலில் விழகூடாது- ஜெ உத்தரவு!!

நன்றி : சிவா