ஈகரை தமிழ் களஞ்சியம்



உறுப்பினராக இணையுங்கள்
உள்நுழைய இங்கு அழுத்தவும்
புதிய இடுகைகள்
இரவு முழுவதும் விழித்திருந்த மக்கள் குளச்சலில் சுனாமி பீதியால் பரபரப்பு
 ஜாஹீதாபானு

சீனாவை தூக்கி அடித்து உலக அளவில் இந்தியா முதலிடம்..! எதில் தெரியுமா?
 பழ.முத்துராமலிங்கம்

டிச.,31க்குள் இந்தியக் கடலில் நடக்கப் போகும் பேரழிவு; இத யாராலும் தடுக்க முடியாதாம்!
 பழ.முத்துராமலிங்கம்

முதலிடத்தை பிடித்த தமிழகம்...! - எதில் தெரியுமா?
 பழ.முத்துராமலிங்கம்

சென்னை கடலுக்குள் மூழ்கும் அபாயம்; கடற்கரை வள மையம் எச்சரிக்கை
 பழ.முத்துராமலிங்கம்

டூ லெட் தமிழ் திரைபடம் சிறந்த படமாக தேர்வு
 பழ.முத்துராமலிங்கம்

மகனை மனம் திருந்த வைத்த தாய்ப்பாசம்
 பழ.முத்துராமலிங்கம்

ஏசுநாதர் ஓவியம் ரூ.2,925 கோடிக்கு ஏலத்தில் விற்பனை
 பழ.முத்துராமலிங்கம்

அறம் - ஒரு கலைஞனின் அறம் !
 seltoday

தொட்டனைத்து ஊறும் அமிழ்தம் 56: தட்பவெப்பத்தைப் புரிந்துகொள்ளுதல்
 பழ.முத்துராமலிங்கம்

தொட்டனைத்து ஊறும் அமிழ்தம் 57: தமிழர்களின் பருவநிலை அறிவு
 பழ.முத்துராமலிங்கம்

தேத்தாம்பட்டியைத் தெரிந்து கொள்ளுங்கள்: பாரம்பரியத்தை தொலைக்காத கிராமம்
 பழ.முத்துராமலிங்கம்

இன்றைய பேப்பர் 18/11/17
 Meeran

முதல் பார்வை: 'தீரன் அதிகாரம் ஒன்று' - நேர்த்தியான போலீஸ் சினிமா!
 ayyasamy ram

வெளியானது 'ஒரு பக்க கதை' படத்தின் ட்ரைலர்!
 ayyasamy ram

கடலூர், சிதம்பரத்தில் ஓய்வூதியர் சங்கத்தினர் 21–ந் தேதி தர்ணா போராட்டம்
 ayyasamy ram

மகனுக்கு முடிசூட்டுகிறார் சவூதி மன்னர் சல்மான்
 ayyasamy ram

India Today ????27.11.17
 Meeran

கிட்னி திருடுபோனா நிர்வாகம் பொறுப்பல்ல...!!
 ayyasamy ram

எந்த கட்சி ஆட்சிக்கு வருதோ, அதுதான் நம்ம கட்சி...!!
 ayyasamy ram

ஆபரேசன் பண்ணிக்க பயப்படாதீங்க...!!
 ayyasamy ram

மூச்சிக்கலை
 Meeran

பயம் - கவிதை
 ayyasamy ram

மேய்ச்சல் - கவிதை
 ayyasamy ram

சொரணை இருக்கிறவளான்னு கிள்ளி பார்த்தேன்...!!
 ayyasamy ram

வீடு வரும்போதே ஏன் இறங்கலை...!!
 ayyasamy ram

வீட்டுலதான் எட்டு ஓட்டு இருக்கே...?!
 ayyasamy ram

மாமியாரை சமாளிக்க சக்களத்தி துணை வேணும்...!!
 ayyasamy ram

புதிய உச்சத்தை தொட்டது முட்டை விலை
 Dr.S.Soundarapandian

நன்றியுள்ள தென்னை - சிறுவர் பாடல்
 Dr.S.Soundarapandian

நாணயம் விகடன் 19.11.17
 Meeran

ஒரு நிமிடக் கட்டுரை: ‘மோட்டல்’ எனும் சுயாட்சிப் பகுதிகள்!
 Dr.S.Soundarapandian

நெஞ்சத்தில் தோன்றுவதும்!
 Dr.S.Soundarapandian

கட்டுகட்டாக ரூ. 2000 ஆயிரம் ரூபாய் நோட்டுகளுடன் நடிகர் விஷால் டுமீல் வீடியோ...
 Dr.S.Soundarapandian

இந்தியாவைப் பாராட்டி சீனாவை எச்சரிக்கும் அமெரிக்கா
 பழ.முத்துராமலிங்கம்

ஆலயங்கள் எப்போதும் அதிசயம்தான்!
 Dr.S.Soundarapandian

நகைக்கடையின் கூரையில் துளைபோட்டு பட்டப்பகலில் உள்ளே இறங்கி துணிகர கொள்ளை
 Dr.S.Soundarapandian

இது வாட்ஸ் அப் கலக்கல் - தொடர் பதிவு
 Dr.S.Soundarapandian

ஆஹா என்ன ஒரு அழகு..! மிஸ் பண்ணிடாதீங்க...அப்புறம் பின்னாடி பீல் பண்ணுவீங்க...!
 Dr.S.Soundarapandian

போர்ப்ஸ் இளம் கண்டுபிடிப்பாளர் பட்டியலில் சென்னை பெண்!
 Dr.S.Soundarapandian

மாலை பேப்பர் 17.11.17
 Meeran

குங்குமம் & முத்தராம் 24.11.17
 Meeran

நாவல் மழை-தமிழ்நேசன்-தொடர்பதிவு
 aeroboy2000

ராஜீவ் காந்தி கொலையாளிகளை விடுவிக்க ஜனாதிபதிக்கு கடிதம் எழுதுங்கள்
 பழ.முத்துராமலிங்கம்

நாங்க சுற்றுலா பயணிகள் அல்ல... இரயில்வே பணியாளர்கள்!
 பழ.முத்துராமலிங்கம்

போஸ்ட் ஆபீசில், 'ஆதார்' சேவை
 பழ.முத்துராமலிங்கம்

நம்புவீர்களா...நம் உடல் கொழுப்பைக்கொண்டே உடல் எடை, பருமன் குறைக்கலாம்! #BrownFat
 பழ.முத்துராமலிங்கம்

17-11-17
 பழ.முத்துராமலிங்கம்

உலகச் சிறுகதைகள் புத்தக வடிவில்
 ajaydreams

சூர்யா வெளியிட்ட நாச்சியார் டீசர்!
 ayyasamy ram

கும்ப ராசிக்காரர்களுக்கு காரத்திகை மாத பலன்
 ayyasamy ram

‘இம்சை அரசன்’ படத்தில் நடிக்க மறுப்பு நடிகர் வடிவேலுவுக்கு நோட்டீஸ்
 ayyasamy ram

தீபிகாவின் மூக்கை வெட்டுவோம்! ராஜபுத்திர அமைப்பு கடும் மிரட்டல்
 ayyasamy ram

ஆசிய பணக்கார குடும்பங்களில் முகேஷ் அம்பானிக்கு முதலிடம்
 ayyasamy ram

கல்வி வேலை வழிகாட்டி குங்குமம் டாக்டர் 16.11.17
 Meeran

அசத்தல் தொழில்கள் 64!
 Meeran

இனி உங்க வீட்டுக்கு விலாசம் இல்லை, 6 இலக்க எண் மட்டுமே.. மோடி அரசின் அடுத்த அதிரிபுதிரி..!
 பழ.முத்துராமலிங்கம்

எத்தனையோ சுவையான மருத்துவ பண்டங்கள் செய்த தமிழர்கள் இதனை மட்டும் ஏன் அமிர்தம் என்றனர்?
 பழ.முத்துராமலிங்கம்

காவிரிக்கே முடிவு தெரியல.. மைசூர் பாக் யாருக்கு சொந்தம் என்பதில் தமிழ்நாடு-கர்நாடகா சண்டை
 பழ.முத்துராமலிங்கம்

சிந்தித்தவன் முன்னேறுகிறான்
 Dr.S.Soundarapandian

மின்னூல்கள் தரவிறக்கம்

























Admins Online

சமூக விழுமியம்: தொடர் - 1 மயிர் (நற்றிணையிலிருந்து)

Page 3 of 5 Previous  1, 2, 3, 4, 5  Next

View previous topic View next topic Go down

சமூக விழுமியம்: தொடர் - 1 மயிர் (நற்றிணையிலிருந்து)

Post by முனைவர் ப.குணசுந்தரி on Sun Aug 07, 2016 10:42 pm

First topic message reminder :

சமூக விழுமியம்:  தொடர் - 1 மயிர்
(நற்றிணையிலிருந்து)

உடல் உறுப்புக்களுள் குறைத்தால்  வளரும் சிறப்புடையது மயிர். என்றாலும் அவ்வுறுப்பை  இழப்பதற்கு யாரும் விரும்புவதில்லை. ஏன் பெரியோர் முதல் சிறியோர் வரை ஆணோ? பெணணோ? யாராயினும் அவரவர் நிலைக்கு ஏற்றபடி அவ்வுறுப்பினைப் பேணி பாதுகாக்க பல்வேறு நடவடிக்கைகளை எடுக்கின்றனர். இதுகுறித்து  இன்று ஊடகங்களில் வரும் விளம்பரங்கள் எத்தனை?
            ஊரார்கண் படட்டும் படட்டும்
            உற்றார்கண் படட்டும் படட்டும்
            ஆடவர்கண் படட்டும் படட்டும்
            உண் கண்ணே பட ட்  டும்
                       
எனச் சீயக்காய்க்கு வரும் விளம்பரம் பெண்ணின் கூந்தலுக்கானது.      (மயிருக்கானது) நீண்டு வளர்ந்த கூந்தலின் (மயிரின்)  பின்னல் அசைவு அழகு. கூந்தலின் வளர்ச்சிக்கு ஆரோக்கியத்திற்கு மீரா  சீயக்காய்  நல்லது என வரும் விளம்பரம் உண்மையில் அழகுதான்.
ம்ருதுவான இயற்கையான தோற்றம் பெற்ற முடிக்காக ........................                     (ஃபாரவர் ( forever)  இருந்தால் அது வாழ்க்கைக்குப் புன்னகை சேர்க்கும் என வரும் கோத்ரேஜ் ஃபாரவர் விளம்பரம் ஆணின் இளநரைக்கு  இயற்கை வண்ணம் ஊட்டுவது தொர்பானது.
மயிர் உதிர்விற்கு, பொடுகுதொல்லைக்கு, இளநரைக்கு,  மயிருக்கு வண்ணம் ஊட்ட, மயிர் நீண்டு வளர, என மயிர் சார்ந்து வரும் விளம்பரம் எண்ணிறந்தவை.
எண்சான் உடம்பிற்குச் சிரசே பிரதானம் என்பர். அச்சிரசிற்கு அணி சேர்ப்பதால் மட்டும்  இவ்வுறுப்பு முக்கியத்துவம் பெறவில்லை. சிரசில் அதன் இருப்பும் வீழ்வும் மாற்றமும் சமூகத்தில் ஏற்படுத்திய மதிப்பீடுகள் தலையாயவை. நந்த வம்சத்து அழிவும் மகாபாரதத்தில் கௌரவர் அழிவும் இராமாயணத்தில் இராவணன் இலங்கை அழிவும் முடிந்த தலைமயிர் அவிழ்ந்து குலைந்ததால் ஏற்பட்டதாக இலக்கியமும் வரலாறும் பதிவு செய்துள்ளன. அவற்றை அறியுமுன் நம் தமிழ் இலக்கியங்களில் இவ்வுறுப்பு சமூக விழுமியம் சார்ந்து எவ்விதம் பதிவு செய்யப்பட்டுள்ளது என்பதை அறிய என்னுள் ஆர்வம் எழுந்தது.
மயிர் எனும் உறுப்பு இச்சொல்லால் மட்டுமன்றி கூந்தல், ஓதி, கதுப்பு, குரல், குழல், குஞ்சி, முடி, அளகம் போன்ற பல்வேறு பெயர்களால் அழைக்கப்படுவதை இலக்கியங்களில் காணலாம். இப்பெயர்கள் யாவும் ஆண் பெண் இருபாலாருக்கும் பொதுவாக அன்றி தனித்தனியாகக் குறிக்கவும் வருகின்றன. என்றாலும் தொடரின் இப்பகுதியில் கூந்தல் எனும் சொல்லாட்சியே  மிகுதியும் பயன்படுத்தப்படுகிறது.

கறுத்து பொலிவுபெற்ற கூந்தல் – இளமை
இரவுக்குறி வரும் தலைவன் தன் வரவு அறிந்தால் வல்வில் ஓரியின் காடுபோல மணம் வீசுவதும் கருமையாய்த் திரண்டு தழைத்ததுமாகிய கூந்தலை உடைய தலைவி மகிழ்ந்து மயங்குவாள். ஆனால் தன் வரவைத் தலைவிக்கு உரைப்பார் இல்லையே என்று தோழி கேட்ப தன் நெஞ்சிற்குச் சொல்லும் போது (நற்.6: 9- 11) இளமைத் தன்மையுடன் இருக்கும் தலைவியின் கூந்தல் நிலையைத் தலைவன் மூலம் பரணர் குறிப்பிடுகிறார். இது போன்று தலைவியின் இளமைத் தன்மையைக் குறிக்க நற்றிணையின் பல்வேறு பாடல்களில் பதிவுகள் இடம்பெற்றுள்ளன. அவை அவிழ் இணர்த், தேம்பாய் மராஅம் கமழும் கூந்தல் (நற்.20: 2- 3) வடிக்கொள் கூழை (நற்.23: 2) இருஞ்சூழ் ஓதி(நற்.26: 7- 9) பொம்மல் ஓதி (நற்.;.71:11>129:3>274:6>293:7) தண் நறுங் கதுப்பும் (நற். 84:1) தேம் கமழ் கதுப்பின் கொடிச்சி (நற்.85:9) அம்சில் ஓதி (நற். 90:8> 105:7-10>324:8>355:8)  மெல் அம்சில் ஓதி (நற்.370:7) நாறுமயிர்க் கொடிச்சி (நற். 95:8) தேம்கமழ் ஐம்பால் (நற். 100:4) வணர்ந்து ஒலி கூந்தல் மாஅயோளோடு (நற்.139:7) குவளை நாறுங் கூந்தல் (நற். 262:7) இவள்;> ஒலி மென் கூந்தல்(நற்.265: 8-9) ஒலிவரும் தாழ் இருங் கூந்தல்;> ஆயமும் (நற். 295:2>3) வான்முகை இரும்போது கமழும் கூந்தல் (நற். 298:10>11) புனை இரங் கதுப்பின் மனையோள்(நற்.336:5) மின் நேர் ஓதி (நற்.339:9) இவளொடு போன்றனவாகும்.

நரை கூந்தல் - முதுமை

தலைவியைத் தலைவனுடன் உடன்போக்கு விடுக்கும் நிலையில் தோழி தலைவனிடம்

அண்ணாந்து ஏந்திய வனமுலை தளரினும்
பொன்நேர் மேனி மணியின் தாழ்ந்த
நல் நெடுங் கூந்தல் நரையொடு முடிப்பினும்
நீத்தல் ஓம்புமதி ………………………                                                         (நற். 10: 1-4)

என்று வரும் பாடலில் இளமையில் உன்னை நம்பி இன்று உன்னுடன் வரும் தலைவி தழுவலுக்குப் பயன்படாமல்  முதிர்ந்தாள் என்று கருதி வயது முதிர்ச்சியிலும் அவளைக் கைவிடாது பாதுகாப்பாயாக என்று கூறுமிடத்து வயதின் முதிர்விற்கு உடல் தளர்தலையும் கூந்தல் நரைப்பதனையும் ஓரம்போகியார் குறிப்பிடுகிறார்.
வேறொரு பாடலில் போதனார் எனும் புலவர் உடன்போக்கில் சென்ற தலைவியை நினைத்து இளமையில் அவள் எடுத்த முடிவின் தன்மையை வியக்கும் செவிலியை

அரிநிரைக் கூந்தற் செம்முது செவிலியர் (நற். 110:6)

என மெல்லிய நரைத்த கூந்தலையுடைய முதுமை உடையவள் என்று குறிப்பிடுகிறார்.

புலவர்கள் இளமையையும் முதிர்வையும் குறிக்க மயிரின் நிலையைப் பயன்படுத்தியதைப் போன்று சூழல் மாற்றத்திற்கு ஏற்ப மனிதர்களுக்குள் தோன்றும் பல்வேறு விதமான உணர்வுகளைக் குறிப்பிடவும் பயன்படுத்தியுள்ளனர். இளமையில் நரை முடித்து முறை செய்த கரிகாலன் பற்றிய குறிப்பு பழமொழி நானூற்றில் வருகின்றது. அன்றி இளநரை குறித்த பதிவைக் காணமுடியவில்லை.


கூந்தல் மணத்தல் – மகிழ்ச்சியின் அடையாளம்

முன்பு வினைவயிற் பிரிந்த காலத்தில் என் வருகையை அறிந்த தலைவி அதுவரையில் நீராட்டாது இருந்த தன் கூந்தலைக் கழுவி தூய்மை செய்து சில மலர்களைத் தன் திரண்ட கூந்தலிலே வைக்க அச்சமயத்தில் நான் உள்ளே நுழைந்தேன். என்னைக் கண்ணுற்ற தலைவி மகிழ்ச்சியில் முடித்திருந்த கூந்தல் அவிழ என்னை நோக்கி விரைந்து வந்து அணைத்துக் கொண்டாள்.

……………………………..மெல்லென
மண்ணாக் கூந்தல் மாசுஅறக் கழீஇ
சில்போது கொண்டு பல்குரல் அழுத்திய
அந்நிலை புகுதலின் மெய் வருத்துறாஅ
அவிழ் பூ முடியினள் கவைஇய
மடமா அரிவை மகிழ்ந்து அயர்நிலையே (நற்.42;7-12)

என்று தலைவன் தேர்ப்பாகனிடம் கூறி விரைந்து செல்லுமாறு கூறுவதாகக் கீரத்தனார் குறிக்கின்றார். கூந்தல் அவிழ்ந்து குலைதல் இங்கு மகிழ்ச்சியின் வெளிப்பாடாகப் பதிவு செய்யப்பட்டுள்ளது.

பாலத்தனார் எனும் புலவர் தலைவியுடன் தலைவன் கூடியிருக்கும் காலத்தில் மகிழ்ச்சியுடன் இருந்ததைக் காட்ட அவள் கூந்தல் மணமுற்றிருப்பதாகக் கூறுகின்றார்.அப்பாடல் வருமாறு

மாக்கொடி அதிரற் பூவொடு பாதிரித்
தூத்தகட்டு எதிர் மலர் வேய்ந்த கூந்தல்
மணம் கமழ் நாற்றம் மரீஇ யாம் இவள்
சுணங்குஅணி ஆகம் அடைய முயங்கி (நற். 52 ;1– 4)

சல்லியங் குமரனார் தன் பாலைப்பாடலில் பொருள்வயிற் பிரியக் கருதிய தலைவன் தன்நெஞ்சுக்குக்  கூறுவதாக வருவதில் கிள்ளிவளவனின் அம்பர் நகரைச் சூழ்ந்தோடும் அரிசிலாற்றின் தெளிந்த கருமணல் போன்றது இவளுடைய விரிந்ததும் தழைத்து நீண்டதுமான கூந்தல் . அக்கூந்தலில் துயிலும் போது கிடைக்கும் மகிழ்ச்சியை இழக்க விரும்பவில்லை எனும்போது

அரிசில் அம் தண் அறல் அன்ன இவள்
விரி ஒலி கூந்தல் விட்டு அமைகலனே          (நற். 141 ; 11 – 12)

என்ற கருத்து இடம்பெறுகின்றது. மற்றொருபாடலில்

பொன்னும் மணியும் போலும் யாழ நின்
நன்னர் மேனியும் நாறுஇருங் கதுப்பும்
………………………………………………………………………
யாதெனின் பிரிகோ  - மடந்தை
காதல் தானும் கடலினும் பெரிதே!. (நற்.166)

மேற்குறித்த பாடல்கள்  பொருள்வயிற் பிரிந்தால்  தலைவி மட்டுமல்ல தானும் துன்புறுவேன் என்பதைக் கூறவரும் தலைவனின் கருத்தாக அமைவன.

பெருங்கௌசிகனார் தம் முல்லைப் பாடலொன்றில் வினைமுற்றி வீடு வந்த தலைவன் அவ்வமயம் மழை பொழிவதைக் கண்டு வாழ்த்தியதாகக் கூறுகிறார். அதில் தலைவன் தன் மகிழ்ச்சிக்குக் காரணமான தலைவி கடை குழன்ற தாழ்ந்த கூந்தலை உடையவள் என்று  கூறுவதாக வருகின்றது. (கடைகுழன்ற கூந்தல் என்றால் கூந்தலின் இறுதிப்பகுதி சுருண்டிருப்பதை இது குறிக்கிறது)

வணர்ந்து  ஒலி கூந்தல் மாஅயோளோடு
புணர்ந்துஇனிது நுகர்ந்த சாரல் நல் ஊர்                 (நற். 139; 7- 8)

நக்கீரர் பாடலில் தலைவியின் தாழ்ந்து நீண்டதாக இருக்கும் கூந்தல் மழை வீழ்ச்சிக்கு உவமை சொல்லப்படுகிறது.
…………………………………………………..நின்
தாழ்ந்து ஒலி கதுப்பின் வீழ்ந்த காலொடு     ( நற். 197 :5>6)

இப்பாடலில் இக்காலத்தில் பெண்கள் நீண்ட முடியினராக இருந்துள்ளதனை அறியமுடிகிறது.

கூந்தல் புதுமணம் – தலைவி தலைவனுடன் கொண்டுள்ள நட்பறிய உதவுதல்

திருமணத்திற்கு முன்பு தலைவி தலைவனுடன் நட்பு கொண்டிருக்கும் காலத்து அவள் தோற்றம் பொலிவு பெறுவதுடன் கூந்தலும் புதிதாய் மணக்கிறது. இதைத் தொடக்கத்தில் அறியும் தாய் தலைவியிடம் கேட்கிறாள். தலைவி ஏதும் அறியாதவள் போன்று அன்றைக்கு விலகியதும் பிறகு தலைவனுடன் உடன்போக்கில்  ஈடுபட்டவுடன் தாய் தன் ஐயத்தை மீண்டும் நினைத்துப் பார்ப்பதாக வரும் பாடலில்

நறிய நாறும் நின் கதுப்பு என்றோளே (நற். 143 :10)

எனும் கருத்து இடம்பெற்றுள்ளது. தலைவியின் கூந்தலில் மணம் புதிதாக இருந்ததை முன்பே அறிந்தேன் பாதுகாக்கவில்லையே என்று கவலைப்படுவதாக வருகின்றது. மற்றொரு பாடலில் தோழி தலைவனிடம் தாய் எங்களிடம் தோன்றியுள்ள மாற்றத்தினை அறிந்து பெருமூச்செறிந்தாள் நாங்கள் எப்பொழுது வேண்டுமானாலும் இற்செறிக்கப்படலாம் என்று வருகின்றது. அப்பாடல் வருமாறு

                      நெறிபடு கூழைக் கார்முதிர்பு இருந்த
வெறி கமழ் கொண்ட நாற்றமும் சிறிய
பசலை பாய்தரு நுதலும் நோக்கி
வறிது உகு நெஞ்சினள் பிறிது ஒன்று சுட்டி
வெய்ய உயிர்த்தனள் யாயே –
ஐய! – அஞ்சினம் அளியம் யாமே! (நற். 368:5-10)

தலைவியின் செறிந்த கருமையான நறுமணம் கமழும் கூந்தலில் புதுமணம் கமழ்வதைத் தாய் அறிந்துகொண்டாள் என்று கூறப்படுகிறது. தலைவியின் கூந்தல் புதிய மணம் பெறுவதனாலேயே அவள் தலைவனுடன் நட்பு கொண்டிருக்கிறாள் என்று கூறிவிட முடியுமா? ஆம் கூறிவிடலாம்  ஏனென்றால் தலைவி செல்லும் இடங்கள் வரையறைக்கு உட்பட்டவை. வாழ்க்கைக்கு இலக்கணம் வகுத்த நம் முன்னோர்கள் அதைத் தெளிவாக தமது நூல்களில் வரையறுத்துக் கூறியிருக்கிறார்கள்.
avatar
முனைவர் ப.குணசுந்தரி
பண்பாளர்


நிகழ்நிலை
இணையாநிலை

பதிவுகள் : 94
மதிப்பீடுகள் : 91

View user profile

Back to top Go down


Re: சமூக விழுமியம்: தொடர் - 1 மயிர் (நற்றிணையிலிருந்து)

Post by M.Jagadeesan on Tue Aug 16, 2016 10:14 pm

புலவி நுணுக்கம் என்ற அதிகாரத்தில் உள்ள பத்து குறட்பாக்களுக்கும் உரைவிளக்கம் தந்த முனைவர் அவர்களுக்கு மிக்க நன்றி !
avatar
M.Jagadeesan
சிறப்புப் பதிவாளர்


நிகழ்நிலை
இணையாநிலை

பதிவுகள் : 4776
மதிப்பீடுகள் : 2326

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by முனைவர் ப.குணசுந்தரி on Tue Aug 16, 2016 11:19 pm

தொடர் – 2

புறநானூற்றில் இடம்பெறும் மயிர் எனும் உறுப்பு குறித்த பதிவுகளை இத்தொடர் முன்வைக்கிறது.

மன்னர் வீரமும் பெண்கள் கூந்தல் நிலையும்

போர் நடைபெறும் காலத்தில் மன்னன் பகை மன்னனை எதிர்த்துப் போரிடாமல் மதில் அடைத்து உள்ளிருந்தால் மக்கள் அடிப்படை பொருள்களைப் பெற இயலாமல் வருந்துவர் என்பதைக் கூறவரும் இடைக்காடனார் தம் பாடலில்

அலமரல் யானை உருமென முழங்கவும்
பால் இல் குழவி அலறவும்,மகளிர்
பூஇல் வறுந்தலை முடிப்பவும், நீர்இல்
வினைபுனை நல்இல் இனைகூஉக் கேட்பவும்
இன்னது அம்ம, ஈங்கு இனிது இருத்தல் (புறம். 44: 6 – 9)

என்று குறிப்பிடுகிறார். இதில் யானைகள் உணவின்றி இடியேறு போல பிளிறவும் குழந்தைகள் பாலின்றி வருந்தவும் பெண்கள் பூவின்றி வெறுங்கூந்தல் முடிவதும் குடிநீரின்றி வீட்டினர் வருந்தவும் என்று வருகின்றது. புலவர் வருத்தம் தரும் பற்றாக்குறையுடைய உணவு, பால், நீர் ஆகியவற்றுடன் பூவையும் ஒன்றாகச் சேர்த்திருப்பதால் அதன் முக்கியத்துவம் உணர்த்தப்படுகிறது.

எந்த நாட்டில் மன்னன் பெருவீரனாகவும் இரக்க குணம் உடையவனாகவும் இருக்கின்றானோ அவனுடைய நாட்டு மக்கள் மட்டுமல்ல அவன்தாள் பணிந்த பகைநாட்டு மக்களும் வளமாக வாழ்வர். அப்படிப்பட்டவன் சோழன் இலவந்திகைப் பள்ளித் துஞ்சிய இளஞ்சேட்சென்னி என்று அவன் பெருமையைக் கோனாட்டு எறிச்சலூர் மாடலன் மதுரைக் குமரனார் எனும் புலவர் தம் பாடலில் சிறப்பித்துச் சொல்லுகிறார். அப்பாடலின் தொடக்கத்தில் மகிழ்ச்சியில் சோழநாட்டு உழத்தியர் எப்படி இருக்கின்றனர் என்பதைக் கூறும்போது

கொண்டைக் கூழைத் தண்தழைக் கடைசியர்
சிறுமான் நெய்தல் ஆம்பலொடு கட்கும்                 (புறம். 61:1,2)

என்கிறார். மருதவளம் மிகுந்த சோழன் சென்னியின் நாட்டில் வாழும் உழத்தியர் தங்கள் கொண்டைகளில் தழையை அணிந்து வயலில் பயிர்களுக்கிடையே உள்ள ஆம்பலையும் நெய்தலையும் களைந்து ஒதுக்குகின்றனர் என்று கூறுவதனால் மன்னன் சிறப்புற ஆளும் நாட்டில் பெண்கள் மகிழ்ச்சியினால் கூந்தலில் மலரல்லாத சிறுதழைகளையும் அணிவதை அறியமுடிகிறது.

வேறொரு பாடலில் சோழன் நலங்கிள்ளி,நெடுங்கிள்ளி படையெடுத்து வருவதனை அறிந்து பணிந்தால் உயிரையும் தருவேன் உள்ளத்தை இகழ்ந்தால் அவன் பிழைத்தல் அரிது. ஒருவேளை நான் அவ்வாறு செய்யாமல் போனால் என் மாலை பொதுப்பெண்டிரைத் தழுவுவதில் குழைவதாகுக என்று இப்படி

………………………………………….பொருந்திய
தீது இல் நெஞ்சத்துக் காதல் கொள்ளாப்
பல்இருங் கூந்தல் மகளிர்
ஒல்லா முயக்கிடைக் குழைக என்தாரே!          (புறம். 73:11 – 14)

என்று வஞ்சினம் கூறுகின்றான். இப்பாடலில் பொதுமகளிரைக் குறிக்கும்போதும் அவர்கள் அன்பற்றவர்களாக இருந்தாலும் பலவாகிய கரிய கூந்தலை உடையவர்களாக இருக்கின்றனர் என்று காட்டப்படுகிறது.

அதியமான் நெடுமான் அஞ்சிக்குத் திரை செலுத்தாமல் அவன்மீது போர் தொடுக்கக் கருதிய மன்னர்கள் அதியனின் பெருமையை உணரவேண்டும் என்பதற்காக ஔவை அவனுடைய பெருமைகளை எடுத்துக்கூறி இதை நீங்கள் உணர்ந்து கொள்ளவில்லை என்றால்

சொல்லவும் தேறீர் ஆயின், மெல்லியல்
கழற்கனி வகுத்த துணைச்சில் ஓதிக்
குறுந்தொடி மகளிர் தோள்விடல்
இறும்பூது அன்று அஃது அறிந்து ஆடுமினே.    (புறம். 97:22 – 25)

என்று பாடுகிறார். இதில் வரும் மெல்லிய இயல்புடையவளும் கழற்கனியால் கூறுசெய்து சுருட்டப்பெற்று இனமாகிய சிலவாக அமைந்த கூந்தலை உடையவரும் சிறிய வளையலணிந்தவருமான நும் உரிமை மகளிர் தோளினை விட்டுப் பிரிந்துறைதல் வியப்புக்குரியதன்று (புறநானூறு,தொகுதி – 1 பக். 235 என். சி. பி. எச் வெளியீடு) என்பது அதியனின் பெருமையை உணராது போருக்கு எழும் அரசர்களுக்கு ஔவை விடும் இறுதி எச்சரிக்கையாக இருக்கின்றது.

மேற்கூறப்பட்ட பாடலில்உரிமை மகளிரின் கூந்தலின் தன்மை சுட்டிக் காட்டப்பட்டுள்ளது. துணைச்சில் ஓதி என்பதற்கு ஔவை க. துரைசாமிப்பிள்ளை அவர்கள் இனமாகிய சிலவாகிய பனிச்சையையும் என்றும் பனிச்சை என்பதற்குத் தலைமயிரை முடிக்கும் ஐவகையுள் ஒன்று என்றும் விளக்கம் தருகின்றார்.(புறநானூறு,தொகுதி – 1 பக் 226 கழக வெளியீடு)

அரச மகளிர் தங்கள் கூந்தலைப் பலவகையாகப் பிரித்து அழகுபடுத்திக் கொண்டனர் என்று தெரிகின்றது. ஏனென்றால் புறநானூற்றில் மக்களைக் குறித்து வரும் இடங்களில் வெகுசாதாரணமாகவே பூஇல் வறுந்தலை முடித்தனர் என்றும் உழத்தியர் கொண்டையிட்டிருந்தனர் என்றும் பொதுமகளிர் பல்இருங் கூந்தலுடையவராக இருந்தனர் என்றும் வருகின்றது. ஆகையினால் கூந்தல் ஒப்பனையின் மூலம் அக்காலச் சமூக, பொருளாதார நிலையினைக் கண்டறிய முடியுமா? என்பதைப் பதிவுகள்வழி அறிய முயற்சி செய்வோம்


Last edited by முனைவர் ப.குணசுந்தரி on Tue Aug 16, 2016 11:24 pm; edited 1 time in total
avatar
முனைவர் ப.குணசுந்தரி
பண்பாளர்


நிகழ்நிலை
இணையாநிலை

பதிவுகள் : 94
மதிப்பீடுகள் : 91

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by முனைவர் ப.குணசுந்தரி on Tue Aug 16, 2016 11:23 pm

வணக்கம்
நன்றி  ஐயா. அவ்விளக்கங்கள் யாவும் கலைஞரின் கைவண்ணம். நான் எளிய பொருள் கருதி எடுத்துக் கொடுத்தேன். என் பணி அவ்வளவே.
நன்றி.
avatar
முனைவர் ப.குணசுந்தரி
பண்பாளர்


நிகழ்நிலை
இணையாநிலை

பதிவுகள் : 94
மதிப்பீடுகள் : 91

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by ChitraGanesan on Wed Aug 17, 2016 10:43 am

தொடரட்டும்
avatar
ChitraGanesan
இளையநிலா

இளையநிலா

நிகழ்நிலை
இணையாநிலை

பதிவுகள் : 634
மதிப்பீடுகள் : 234

View user profile http://chitrafunds@gmail.com

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by முனைவர் ப.குணசுந்தரி on Wed Aug 17, 2016 7:34 pm

தொடர் – 2 புறநானூற்றின் தொடர்ச்சி

விறலியர் கூந்தல்

வறுமையுற்ற காலத்தும் பாணனுடன் மன்னர்களைக் காணச் செல்லும் விறலியர் தங்கள் இன்முகம் மாறாது மணக்கும் கூந்தல் உடையவர்களாக இருப்பதைக் கோவூர் கிழார்
பாதிரி கமழும் ஓதி ஒள்நுதல்
இன்நகை விறலி …………………… (புறம். 70:14, 15)
என்று தம்பாடலில் சுட்டிக் காட்டுகின்றார். அதைப்போன்றே கபிலர் தம்பாடலில் விறலியர் பற்றிக் கூறும்போது

விரை ஒலி கூந்தல் நும் விறலியர் பின்வர (புறம். 109:16)

என மணம்பொருந்திய கூந்தலை உடையவர்கள் என்று குறிப்பிடுவதனைக் காணலாம். மேலும் ஆய் அண்டிரனிடம் விறலியை ஆற்றுப்படுத்தும் உறையூர் ஏணிச்சேரி முடமோசியார் எனும் புலவர் தம் பாடலில் விறலியை

………………………………… மாண்ட நின்
விரைவளர் கூந்தல் வரைவளி உளரக்
கலவ மஞ்ஞையிற் காண்வர வியலி
மாரி யன்ன வண்மைத்
தேர்வே ளாயைக் காணிய சென்மே (புறம். 133:3 – 7)

மழையைக் கண்ட மயிலானது மகிழ்வது போல ஆய் எனும் மன்னனைக் காண மகிழ்ந்து செல் என்று கூறுவதாக வருகின்றது. விரைவளர் கூந்தல் வரைவளி உளர என்ற தொடரினை விளக்க ஔவை துரைசாமிப்பிள்ளை கொண்டை மேற் காற்றடிக்க என்பதொரு வழக்கு பற்றி நின்றது என்றும் வளியுளரப்பட்ட கூந்தல் மயிற்தோகை போல் காட்சியளிப்பதால் மயில் போல் செல்க என்றார் என்றும் கொடிச்சி கூந்தல் போலத் தோகை யருஞ்சிறை விரிக்கும் (ஐங்.300) என்று சான்றோர் கூறுதல் காண்க என்றும் கூறுகின்றார். (புறநானூறு,தொகுதி – 1, பக். 281 கழக வெளியீடு)

கொண்டை மேற் காற்றடிக்க என்பதொரு வழக்கு பற்றி நின்றது எனும் தொடருக்கான விளக்கம் அல்லது வழக்கம் எவ்விடத்தது என்பது பற்றி அறிந்தோர் கூறலாம். விளக்கம் தொடராசிரியராலும் தேடப்படுகிறது.

avatar
முனைவர் ப.குணசுந்தரி
பண்பாளர்


நிகழ்நிலை
இணையாநிலை

பதிவுகள் : 94
மதிப்பீடுகள் : 91

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by முனைவர் ப.குணசுந்தரி on Wed Aug 17, 2016 10:35 pm

தொடர் – 2 புறநானூற்றின் தொடர்ச்சி

கூந்தலைத் தீண்டுதற்குரியர் யார்?

பெண்ணின் கூந்தலைத் தீண்டுதற்கு உரிமை உடையவர் அவள் கணவனே என்பதைக் கபிலர் பாடல்கள் உறுதிசெய்கின்றன. வேள்பாரி மூவேந்தர்களின் சூழ்ச்சியால் இறந்தபோது அவனுடைய இருபெண்களையும் அழைத்துக்கொண்டு பார்ப்பாரிடம் அடைக்கலமாக ஒப்புவிக்கப் பறம்பு மலையை விட்டுக் கபிலர் புறப்படுகிறார். அப்போது பறம்பு நோக்கி பின்வருமாறு பாடிச் செல்கிறார்.

………………………………பெரும்பெயரப் பறம்பே
கோறிரண் முன்கைக் குறுந்தொடி மகளிர்
நாறிருங் கூந்தற் கிழவரைப் படர்ந்தே (புறம்.113:7 – 9)

இப்பாடலில் தாம் பறம்பை விட்டுச் செல்லுதற்குரிய காரணத்தைக் குறிப்பிடுகின்றார். அதாவது, மகளிர்க்குரிய கிழவரைப்படர்ந்து என்றால் மணந்த கணவனாலன்றி மகளிர் கூந்தல் பிறரால் தீண்டப்படாததாகலின் அம்மரபு நோக்கி மணம் கமழும் கூந்தலைத் தீண்டுதற்குரிய தலைவனை நினைத்துச் செல்கின்றோம் எனும் பொருள்படும்படி இவ்விதம் கூறப்பட்டிருப்பதாக ஔவை க. துரைசாமிப்பிள்ளை குறிப்பிடுகின்றார். (புறநானூறு,தொகுதி – 1 பக். 249 கழக வெளியீடு)

இக்கருத்துடைய பாடல் குறுந்தொகையிலும் (பாடல் 225)கலித்தொகையிலும் (பாடல் 101) இடம்பெற்றுள்ளன. மேலும் பாரிமகளிர் கூந்தல் பற்றிச் சொல்லும் போது பொதுப்பட இரும்பல் கூந்தல் மடந்தையர் (புறம்.120: 17) என்றும் கூறுகின்றார்.

வேறொரு பாடலில் பாணனை நாஞ்சில் வள்ளுவனிடம் ஆற்றுப்படுத்தும் மருதநில நாகனார் நாஞ்சில் வள்ளுவனின் பல்வேறு சிறப்பு கூறி அறிமுகப்படுத்துவதோடு

ஒலியிருங் கதுப்பின் ஆயிழை கணவன் (புறம். 138:8)

என்றும் குறிப்பிடுகின்றார். அதாவது, அவனது சிறப்புக்களுள் ஒன்றாகத் தழைத்த கரிய கூந்தலையுடைய ஆயிழைக்கு இவன் தலைவன் என்பதும் எண்ணப்படுவதை இங்குக்காணலாம். கணவனைச் சுட்டி அறிதலில் பெண்ணும் பெண்ணைச் சுட்டி அறிதலில் கூந்தலும் அடையாளமாக இருப்பதை அறியமுடிகிறது.

இல்லறத்தின் மகிழ்வைப் பெண்ணின் கூந்தல் புனைவைக் கொண்டு அறிந்து கொள்ளமுடியும் என்பதை அரிசில்கிழார் பாடல் தெரிவிக்கின்றது. பேகன் தன் மனைவியைப் பிரிந்து வாழ்வதாகக் கேள்வியுறும் புலவர் மனைவியுடன் அவனைச் சேர்த்துவைப்பதற்காக காணச் செல்கிறார். தன் அவைக்கு வருகை தந்த புலவரைக் கண்டு மகிழ்ச்சியடைந்த பேகன் பரிசளிக்கின்றான். அதை மறுக்கும் புலவர் நான் இங்கு வந்த காரணம் நீதரும் இப்பரிசிலைப் பெற்றுச்செல்வதற்காக அன்று உன் பிரிவாலும காண்போரின் இரக்கத்தாலும் வருந்தி மெலிந்து கூந்தல் பொலிவழிய வாடியிருக்கும் உன் மனைவி மகிழ்ச்சியினால் மயிற்தோகை ஒத்த தன் கூந்தலை முடித்து மணமூட்டும் விதமாகப் பூச்சூட்டிக் கொள்ள வேண்டும். ஆகவே நீ அவள் வீட்டிற்குச் செல்ல உன் தேரைப் பூட்டுக அதுவே நான் விரும்பும் பரிசில் என்று கூறுவதாகப் பாடல் வருகின்றது. அப்பாடல் வருமாறு,

………………………………………………… நீ
நல்காமையின் நைவரச் சாஅய்
அருந்துயர் உழக்கும் நின்திருந்து இழை அரிவை
கலிமயில் கலாவம் கால் குவித்தன்ன
ஒளிமென் கூந்தல் கமழ்புகை கொளீஇ
தண்கமழ் கோதை புனைய
வண்பரி நெடுந்தேர் பூண்க நின் மாவே (புறம்.146:5 – 11)

மற்றொரு பாடலில் பெருங்குன்றூர் கிழார் எனும் புலவர் கணவனைப் பிரிந்திருக்கும் பெண்கள் தங்களைப் புனைந்து கொள்ளாதிருப்பதையும் அவர்களின் கூந்தல் நெய் பூசப்படாது இருத்தலையும் கணவன் வரவு அறிந்தால் மகிழ்ச்சியில் தங்களைப் புனைந்து கொள்வதில் ஈடுபாடு காட்டுதலையும் கூந்தல் கழுவப்பெற்று புதுமலர் சூட்டப்படுவதையும் எடுத்துரைக்கின்றார். அப்பாடல் வருமாறு,

கார்வான் இன்னுறை தமியள் கேளா
நெருநல் ஒருசிறைப் புலம்புகொண்டு உறையும்
அரிமதர் மழைக்கண் அம்மா அரிவை
நெய்யொடு துறந்த மையிருங் கூந்தல்
மண்ணுறு மணியின் மாசுஅற மண்ணிப்
புதுமலர் கஞல இன்று பெயரின்
அதுமன் எம் பரிசில் ஆவியர் கோவே! (புறம். 147: 3 – 10)

இப்பாடலில் கணவன் மனைவி மகிழ்ச்சியினைக் காட்டுவதில் கூந்தல் முக்கிய இடம்பிடிப்பதை அறியமுடிகிறது. கணவருடன் கூடியிருக்கும் பெண்கள் பூச்சூடுவதும் கணவரைப் பிரிந்த பெண்கள் வருத்தத்துடன் கண்களில் கண்ணீர் சொரியக் கலங்குவதுமாக இவ்வுலகம் படைக்கப்பட்டுள்ளது. அதில் நாம் இனியவற்றைத் தேர்ந்தெடுத்துக் கொள்ள வேண்டும் என்று உலக இயல்பைப் பக்குடுக்கை நன்கணியார் தம் பாடலில்

ஓரில் நெய்தல் கறங்க ஓர்இல்
ஈர்தண் முழவின் பாணிததும்பப்
புணர்ந்தோர் புவணி அணியப் பிரிந்தோர்
பைதல் உண்கண் பனிவார்பு உறைப்பப்
படைத்தோன் மன்ற அப்பண்பிலாளன்! (புறம். 194: 1 – 5)

என்று உரைக்கின்றார்.

(தொடரும்)
avatar
முனைவர் ப.குணசுந்தரி
பண்பாளர்


நிகழ்நிலை
இணையாநிலை

பதிவுகள் : 94
மதிப்பீடுகள் : 91

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by M.Jagadeesan on Thu Aug 18, 2016 9:00 am

கூந்தலைத் தீண்டும் உரிமை கணவனுக்கு மட்டுமே உண்டு என்ற கருத்து கபிலரின் பாடல்களில் காணப்படுவதாகக் குறிப்பிட்டுள்ளீர்கள் . குறுந்தொகை (225) , கலித்தொகை (101) ஆகிய பாடல்களிலும் இக்கருத்து காணப்படுவதாகக் குறிப்பிட்டுள்ளீர்கள் .

பின்வரும் பாடலைப் பாருங்கள் .


சிறியகட் பெறினே, எமக்கீயும் மன்னே;
பெரியகட் பெறினே
யாம்பாடத் தான்மகிழ்ந்து உண்ணும் மன்னே;
சிறுசோற் றானும் நனிபல கலத்தன் மன்னே;
பெருஞ்சோற்றானும் நனிபல கலத்தன் மன்னே;
என்பொடு தடிபடு வழியெல்லாம் எமக்கீயும் மன்னே;
அம்பொடு வேல்நுழை வழியெல்லாம் தான்நிற்கும் மன்னே;
நரந்தம் நாறும் தன் கையால்
புலவு நாறும் என்தலை தைவரும் மன்னே;
.............................................................( புறம்- 235 )

என்ற புறப்பாடலில் அதியமான் தன் தலையைத் தடவிக் கொடுப்பதாக அவ்வைக் குறிப்பிடுகிறார். தலையைத் தடவுதலும் , கூந்தலைத் தொடுவதும் ஒன்றுதானே ! கூந்தலைத் தீண்டும் உரிமை கணவனுக்கு மட்டுமே உண்டு என்றால் , அதியன் தீண்டியது சரியா ? தவறா ?


avatar
M.Jagadeesan
சிறப்புப் பதிவாளர்


நிகழ்நிலை
இணையாநிலை

பதிவுகள் : 4776
மதிப்பீடுகள் : 2326

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by முனைவர் ப.குணசுந்தரி on Fri Aug 19, 2016 12:05 am

தோழமைக்கு வணக்கம்.


புறப்பாடலில் அதியமான் தன் தலையைத் தடவிக் கொடுப்பதாக அவ்வைக் குறிப்பிடுகிறார். தலையைத் தடவுதலும் , கூந்தலைத் தொடுவதும் ஒன்றுதானே ! கூந்தலைத் தீண்டும் உரிமை கணவனுக்கு மட்டுமே உண்டு என்றால் , அதியன் தீண்டியது சரியா ? தவறா ?

உங்கள் கேள்வி நன்று ஐயா

தலையைத் தடவிக்கொடுக்கின்றான் என்று வருகின்றதே அன்றி அதியன் ஔவை கூந்தலின் வாசம் முகர்ந்தான் என்றோ கூந்தலில் படுத்துறங்கினான் என்றோ,  படுத்துறங்க விரும்பினான் என்றோ, ஔவையை நினைக்குந்தோறும் அவள் கூந்தலும் கூந்தல் மணமும் நினைவுக்கு வருகின்றது என்றோ பாடல் பதிவு இல்லை. தொடரில் எடுத்துக்காட்டப்பட்ட பதிவுகள் யாவும்   ஆணுக்குத் தன் பெண்ணின் மீதான உரிமை உணர்வைக் காட்டப் பயன்படுத்தப்பட்டவை.  

தோழமையுடன் தலையைத் தடவ தந்தைக்கு, உடன்பிறந்தானுக்கு, நண்பனுக்கு , ஆன்றோருக்கு உரிமை   உண்டு. அதியனுக்கு ஔவை தோழியாவாள்.

சிறியகட் பெறினே யெமக்கீயு மன்னே
பெரியகட் பெறினே
யாம்பாடத் தான்மகிழ்ந் துண்ணு மன்னே
சிறுசோற் றானு நனிபல கலத்தன் மன்னே
பெருஞ்சோற் றானு நனிபல கலத்தன் மன்னே
என்பொடு தடிபடு வழியெல்லா மெமக்கீயு மன்னே
அம்பொடு வேனுழை வழியெல்லாந் தானிற்கு மன்னே
நரந்த நாறுந் தன்கையாற்
புலவு நாறு மென்றலை தைவரு மன்னே
அருந்தலை யிரும்பாண ரகன்மண்டைத் துளையுரீஇ
இரப்போர் கையுளும் போகிப்
புரப்போர் புன்கண் பாவை சோர
அஞ்சொனுண் டேர்ச்சிப் புலவர் நாவிற்
சென்றுவீழ்ந் தன்றவன்
அருநிறத் தியங்கிய வேலே
ஆசா கெந்தை யாண்டுளன் கொல்லோ
இனிப், பாடுநரு மில்லைப் பாடுநர்க்கொன்
றீகுநரு (மில்லைப்
பனித்துறைப் பகன்றை நறைக்கொண் மாமலர்
சூடாது வைகியாங்குப் பிறர்க்கொன்
றீயாது வீயு முயிர்தவப் பலவே.         (புறம்.235)

தாங்கள் எடுத்துக்காட்டியது கையறுநிலைப்பாடல். அப்பாடலை ஊன்றிக் கவனித்தால் அவர்களுக்கு இடையே இருந்த தோழமை தெரியும்.

அதியன் இறந்தபோது அவனின் இறப்பைத் தாங்கிக் கொள்ள முடியாமல்  அவன்                                          செயல்களை யெல்லாம் பட்டியலிட்டு வரும்போது

ஆசா கெந்தை யாண்டுளன் கொல்லோ
இனிப், பாடுநரு மில்லைப் பாடுநர்க்கொன்
றீகுநரு (மில்லைப்
பனித்துறைப் பகன்றை நறைக்கொண் மாமலர்
சூடாது வைகியாங்குப் பிறர்க்கொன்
றீயாது வீயு முயிர்தவப் பலவே.  

என்று ஆசா கெந்தை யாண்டுளன் கொல்லோ எமக்குத் தந்தையாக இருந்தவன்  எங்கே உள்ளான். இனிப்பாடுவார்க்கு ஒன்று தருவாரும் இல்லையே நீர்த்துறையின்கண் உள்ள பகன்றைப் பெரும்பூ எவர்க்கும் பயன்படாது கழிவது போல,வறிதே மாய்ந்து போகும் உயிர்களே இனி பலவாகும் என்று இரவலர்களைப் புறப்பதில் அவன் தந்தையாக இருந்தான் என்கிறார் ஔவை. மேலும் பாடலின் வேறொரு இடத்தில்

நரந்த நாறுந் தன்கையாற்
புலவு நாறு மென்றலை தைவரு மன்னே

என்கிறார். இவ்வடிகளுக்கு உரைதரும் ஔவை. சு. துரைசாமிப்பிள்ளை அவர்கள் தான் காதலிப்பார்க்கு மாலை சூட்டுதலான், நரந்தப்பூ நாறும் தன்னுடைய  கையால் தான் அருளுடைமையின் புலால் நாறும் எம்முடைய தலையைத் தடவுவன் அது
கழிந்தது என்கிறார்.

இதில் அறிவது அதியன் தன் காதலியருக்கு மணமுடைய மலர்களைச் சூட்டுவதனால் அவன் கை எப்பொழுதும் மணமுடையதாகவே இருக்கின்றது. அத்தகு மணமுடைய கைகளைக் கொண்டு என் மீது கொண்டிருந்த அருளினால் புலால் நாறும்  என் தலையைத் தடவி விடுவான். இனி அது இருக்காது என்று ஔவை குறிப்பிடுவதை அறியமுடிகிறது. ஆதலின் ஔவையிடம் அதியன் கொண்டிருந்தது காதல் அல்ல. அவன் காதலியரை ஔவைச் சுட்டிக்காட்டுகிறபோது அவர்களுள் ஒருவராகத் தன்னை அடையாளம் காட்டவில்லை. அதியனை அருளுடையவனாக எந்தை (எந்தை – எம் தந்தை) என்றே குறிப்பிடுவதைக் காணலாம். ஆகவே அதியன் தோழனாக, புரவலனாக, தந்தையாக, ஔவையின் தலையைத் தொட்டது தவறில்லை ஐயா.

        என் படிப்பின் தொடர்ச்சியில் இதற்குரிய இலக்கியப் பதிவுகள் வேறு இருப்பின் பதிவுசெய்கிறேன்.  

நன்றி.
avatar
முனைவர் ப.குணசுந்தரி
பண்பாளர்


நிகழ்நிலை
இணையாநிலை

பதிவுகள் : 94
மதிப்பீடுகள் : 91

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by முனைவர் ப.குணசுந்தரி on Fri Aug 19, 2016 12:23 am

தொடர் – 2 புறநானூற்றின் தொடர்ச்சி

பூவிற்கும் பெண் வேறிடம் செல்லுதல் (புறம்.293)

நொச்சி நியமங் கிழார் எனும் புலவர் பூக்கோட்காஞ்சி எனும் துறையை விளக்கவரும் தம் பாடலில்,நாட்டில் போர் தொடங்குகிறது என்பதை அறிவிக்க மன்னன் முதலில் போர்ப்பறையும் பின்னர் பூக்கோட்பறையும் கொட்டுவான் என்று கூறுகிறார். தொடர்ந்து படை வீரர்கள் அடுத்து ஒலிக்கும் பூக்கோட்பறை கொட்டுமளவிற்கு காலந்தாழ்த்தாது முதல் பறைஒலி கேட்டவுடனேயே போருக்கு ஆயத்தமாவார்கள். அவ்வாறன்றி காலம்தாழ்த்துவாரை நாணுடை மாக்கள் என்று சொல்லுகிற வழக்கம் உண்டென்பதைப் புலவர் பதிவு செய்கிறார்.

மேலும் இப்பாடல் நாட்டில் போர்ப்பூவைச் சூடுமாறு போர்ப்பறை முழங்கிய உடனே அங்கு வாழும் மனைமகளிர் இனி தனித்திருந்து வருந்துவர் பூவைச் சூடார் என்று கருதிப் பூ விற்கும் பெண் எம் போன்ற மனைமகளிர் வாழும் பகுதியைத் தவிர்த்துப் போருக்கு ஆகார் எனத் தவிர்க்கப்பட்ட பார்ப்பார், நோயாளி, குழந்தைகளற்றார் ஆகியோர் வாழும் பகுதிக்குச் சென்று விட்டாளோ என்று அவளின் நிலைக்கு வருந்திக் கூறுவதாக வருகின்றது. இக்கருத்துணர்த்தும் பாடல்

எம்மினும் பேர்எழில் இழந்து வினை எனப்
பிறர்மனை புகுவள் கொல்லோ?
அளியள் தானே பூவிலைப் பெண்டே! (புறம். 293:4 – 7)

என்பதாகும். தன் தனிமைத் துயரினும் பூவிற்கும் பெண்ணின் விற்பனைக் குறைவால் அப்பெண்ணுக்கு ஏற்படும் பொருளாதாரக் குறைவே மிகுதி என்பது தோன்றக் காட்டுவதன் மூலம் கணவனுடன் உள்ள பெண்கள் கூந்தலில் பூச்சூடி மகிழ்ச்சியாகவும் மற்றவர் வருத்தத்துடன் இருப்பதையும் தெளிவாக ஆசிரியர் பதிவுசெய்கிறார்.
(தொடரும்)
avatar
முனைவர் ப.குணசுந்தரி
பண்பாளர்


நிகழ்நிலை
இணையாநிலை

பதிவுகள் : 94
மதிப்பீடுகள் : 91

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by M.Jagadeesan on Fri Aug 19, 2016 10:55 am

ஒளவையின் மீது அதியன் அளப்பரிய நட்பு பாராட்டினான் . அதனாலேயே ஒளவையின் தலையைத் தடவும் அளவுக்கு உரிமை பெற்றிருந்தான் என்பதை அறிந்துகொண்டேன் . விளக்கத்திற்கு மிக்க நன்றி .
avatar
M.Jagadeesan
சிறப்புப் பதிவாளர்


நிகழ்நிலை
இணையாநிலை

பதிவுகள் : 4776
மதிப்பீடுகள் : 2326

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by M.Jagadeesan on Fri Aug 19, 2016 11:35 am

மீனைக் கவர்ந்து உண்கின்ற கொக்கின் இறகைப்போல தலையானது வெளுத்துவிட்டது அவளுக்கு . அந்த முதிய மகளுக்கு ஒரு மகன் . அந்த மகனை அவள் போருக்கு அனுப்புகிறாள் . அந்த வீரமகன் போரிலே பல சாகசங்களைச் செய்கிறான் . தன்னை எதிர்த்துவந்த யானையைக் கொன்று தானும் இறக்கிறான் . இந்தச் செய்தியை அவள் கேட்டவுடன் கழிபேருவகை கொள்கிறாள் . அவனைப்  பெற்ற காலையினும் பெருமகிழ்வு அடைகிறாள் . அவள் கண்கள் நீரைச் சொரிகின்றன. அவள் சொரிந்த கண்ணீர்த் துளிகள் , மூங்கில் இலைமேலே தூங்கும் பனித் துளிகளைவிடப் பலவாகும் .

இதோ அந்தப் பாடல் :
===================
மீன்உண் கொக்கின் தூவி அன்ன
வால்நரைக் கூந்தல் முதியோள் சிறுவன்
களிறுஎறிந்து பட்டனன் என்னும் உவகை
ஈன்ற ஞான்றினும் பெரிதே கண்ணீர்
நோன்கழை துயல்வரும் வெதிரத்து
வான்பெயத் தூங்கிய சிதரினும் பலவே.

பூங்கண் உத்திரையார் - புறம் – 277

சிறப்புரை :
=========
இந்தப் பாடலால் முதிய வயதிலும் அக்காலத்தில் குழந்தை பெற்றுக்கொண்டனர் என்பது தெரிய வருகிறது .

ஈன்ற பொழுதின் பெரிதுவக்கும் தன்மகனைச்
சான்றோன் எனக்கேட்ட தாய் . ( மக்கட்பேறு - 69 )

என்ற குறள் நினைவுக்கு வருகிறது . இதனால் வள்ளுவர் சங்க இலக்கியங்களை நன்கு கற்றுத் தேர்ந்தவர் என்பதும் புலனாகிறது .

" ஈன்று புறந்தருதல் என்தலைக் கடனே " என்ற பொன்முடியார் பாடலும் ஈண்டு நினைவு கூறத்தக்கது .

இக்காலத்தில் " ஈன்றாள் " என்னும் சொல் வழக்கிலிருந்து அறவே அற்றுப் போயிற்று . " பெற்றாள் " என்றே சொல்கிறோம் .
avatar
M.Jagadeesan
சிறப்புப் பதிவாளர்


நிகழ்நிலை
இணையாநிலை

பதிவுகள் : 4776
மதிப்பீடுகள் : 2326

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by M.Jagadeesan on Fri Aug 19, 2016 3:55 pm

தலைவாரி பூச்சூடி உன்னைப் - பாட சாலைக்குப்
...போவென்று சொன்னாள் உன்அன்னை !

- பாரதிதாசன் .

காலையில் எழுந்து பெற்றமகளைக் குளிப்பாட்டி , தலைவாரிப் பூச்சூடி , பள்ளிக்கு அனுப்புவது அன்னையின் கடமைகளில் ஒன்று . ஆனால் அக்காலத்தில் தலை முடியிலே எண்ணெய் தடவி சீவி , பெற்ற மகனைப் போருக்கு அனுப்புவதில் பெருமிதம் கொண்டாள் வீரத்தாய் .

முதல்நாள் நடந்த போரில் ,இவளுடைய தந்தையானவன் யானையைக் கொன்று தானும் வீழ்ந்து பட்டான் . நேற்று உண்டான போரில் , இவளுடைய கணவன் ,பெரிய பசு மந்தைகளை பகைவர் கவர்ந்து செல்லாதவாறு தடுத்துநின்று போரிட்டான் .அந்தப் போரிலே அவன் மாண்டான் . இன்றும் போர்ப்பறையின் ஒலியைக் கேட்டு , ஒரே மகனையுடைய இவள் , அம்மகனின் கையிலே வேலைக்கொடுத்து , வெண்மையான ஆடையை இடையில் உடுத்தி , குடுமியில் எண்ணெய் தடவிச் சீவி " போர்க்களம் நோக்கிச் செல்வாயாக ! " என்று சொல்லி விடுக்கின்றாள் .

கெடுக சிந்தை; கடிது இவள் துணிவே;
மூதில் மகளிர் ஆதல் தகுமே:
மேல்நாள் உற்ற செருவிற்கு இவள் தன்னை,
யானை எறிந்து, களத்து ஒழிந்தனனே;
நெருநல் உற்ற செருவிற்கு இவள் கொழுநன்,
பெரு நிரை விலங்கி, ஆண்டுப் பட்டனனே;
இன்றும், செருப் பறை கேட்டு, விருப்புற்று, மயங்கி,
வேல் கைக் கொடுத்து, வெளிது விரித்து உடீஇ,
பாறு மயிர்க் குடுமி எண்ணெய் நீவி,
ஒரு மகன் அல்லது இல்லோள்,
'செருமுகம் நோக்கிச் செல்க' என விடுமே!

திணை வாகை; துறை மூதில் முல்லை.
ஒக்கூர் மாசாத்தியார் பாடியது.

சிறப்புரை :
=========
ஒரேமகன் உள்ளான் எனத்தெரிந்தும் , அவனைப் போருக்கு அனுப்பும் இவள் துணிவு கொடியது ! அந்தத் துணிவைத் தரும் இவளது சிந்தை கெட்டு ஒழியட்டும் என்பன போன்ற உரைகள் இகழ்வதுபோலப் புகழ்ந்து கூறப்பட்டவையாம் .

ஒரேமகன் உள்ளான் எனத் தெரிந்தும் , அவன் ஒரு பசுவின் கன்றைக் கொன்றுவிட்டான் என்பதனால் , அவனைத் தேர்க்காலில் இட்டுக் கொன்று அறத்தின் வழியே  நின்றான் ஒரு மன்னன் .

ஒருமைந்தன் தன்குலத்துக்
  குள்ளான்என் பதும்உணரான்
தருமம்தன் வழிச்செல்கை
  கடனென்று தன்மைந்தன்
மருமம்தன் தேராழி
  உறவூர்ந்தான் மனுவேந்தன்
அருமந்த அரசாட்சி
  அரிதோமற் றெளிதோதான்

-பெரியபுராணம் - சேக்கிழார்.
.
 
ஒரேமகன் உள்ளான் எனத் தெரிந்தும் அவனைப் போருக்கு அனுப்பி மறத்தின்  வழியே நின்றாள் இந்த மறவர்குலப் பெண் .

அக்காலத்தில் ஆண்களின் தலை முடிக்கு " குடுமி " என்றும் ஒரு பெயருண்டு . இக்காலத்தும் " அவன் குடுமி என் கையில் " என்ற வழக்கு இருப்பது காண்க .
avatar
M.Jagadeesan
சிறப்புப் பதிவாளர்


நிகழ்நிலை
இணையாநிலை

பதிவுகள் : 4776
மதிப்பீடுகள் : 2326

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by சசி on Fri Aug 19, 2016 6:55 pm

மிக அருமையான பதிவு. ஆழ்ந்து படிக்க வேண்டிய பதிவாக இருக்கிறது. மிக்க நன்றி முனைவர் அவர்களுக்கு. முழுவதுமாக விரைவில் படித்து விடுகிறேன்.
avatar
சசி
தளபதி

தளபதி

நிகழ்நிலை
இணையாநிலை

பதிவுகள் : 1353
மதிப்பீடுகள் : 742

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by முனைவர் ப.குணசுந்தரி on Fri Aug 19, 2016 9:43 pm

தோழமைக்கு நன்றி.

படித்துவிட்டுத் தங்களின் கருத்துக்களைப் பகிரவும். தங்களைப் போன்றோரின் கருத்துக்களே எம்போன்றோருக்கு ஊக்கமளிக்கும்.

நன்றி.
avatar
முனைவர் ப.குணசுந்தரி
பண்பாளர்


நிகழ்நிலை
இணையாநிலை

பதிவுகள் : 94
மதிப்பீடுகள் : 91

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by முனைவர் ப.குணசுந்தரி on Fri Aug 19, 2016 9:49 pm

ஜெகதீசன் ஐயா அவர்களுக்கு வணக்கம்.

தங்களின் கேள்விகள் என் தேடலை மேருகேற்றுகின்றன. மேலும் தாங்கள் தரும் தொடருக்குத் தொடர்புடைய பதிவுகளைக் காணும் போது மகிழ்ச்சியடைகிறேன்.

நன்றி.
avatar
முனைவர் ப.குணசுந்தரி
பண்பாளர்


நிகழ்நிலை
இணையாநிலை

பதிவுகள் : 94
மதிப்பீடுகள் : 91

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by முனைவர் ப.குணசுந்தரி on Fri Aug 19, 2016 11:20 pm

தொடர் – 2 புறநானூற்றின் தொடர்ச்சி

இவ்வாறு கணவனுடன் இருக்கும்போது அழகுப்படுத்திக் கொள்வதாக இருந்தாலும்சரி பிரிந்துறையும் காலத்தில் வருந்தியிருப்பதாக இருந்தாலும் சரி பெண்கள் ஒப்பனையில் அவர்களின் கூந்தல் சிறப்பிடம் பெறுவதனைப் பாடல்கள் பதிவு செய்துள்ளதைக் கண்டோம். இந்நிலையில் கணவன் இறக்கும்போது பெண்கள் இதுவரை பாதுகாத்துவந்த கூந்தலைக் களைந்து கைம்மை நோன்பு நோற்பதைப் புறநானூறு மூன்று பாடல்களில் பதிவு செய்கின்றது.

கைம்மையும் கூந்தல் களைதலும்

பாண்டியன் நெடுஞ்செழியனின் அருளுள்ளத்தைப் பாடும் கல்லாடனார் தம் பாடலில் போரில் இறந்துபடும் வீரர்களின் மனைவியர் கணவனை இழந்த துயரினைப் பொறுத்துக் கொள்ள இயலாமல் தன் மார்பகங்கள் வருந்த , அடித்துக் கொண்டும் அறிவு மயங்கியும் அழுது ஆரவாரம் செய்வதோடு ஆற்றின் கருமணலை ஒத்ததும் மென்மையானதும் கற்றையானதுமான கூந்தலினைக் கைம்மையினை ஏற்கும் போது களைகிறார்கள் என்பதனை

முலை பொலி ஆகம் உருப்ப நூறி
மெய்ம் மறந்துபட்ட வரையாப் பூசல்
ஒள்நுதல் மகளிர் கைம்மைக் கூர
அவிர் அறல் கடுக்கும் அம் மென்
குவை இருங் கூந்தல் கொய்தல் கண்டே (புறம்.25:10 – 14)

என்று குறிப்பிடுகின்றார். (கொய்தல் என்பதற்கு அகராதிகள் தரும் பொருள் பறித்தல், அறுத்தல், கத்தரித்தல், தெரிந்தெடுத்தல், சிலிர்த்தல் என்பனவாகும். (கோனார் தமிழ் அகராதி பக். 247) மேலும் மகளிரின் இத்துயர் உணர்ந்ததாலேயே மன்னன் கைப்பிடியிலிருந்த வேல் உயிர்களைக் கொல்லாமல் தன்னிச்சையாக நின்றதாகக் கூறுகிறார்.

மற்றொருபாடலில் தாயங்கண்ணியார் எனும் புலவர் கணவனை இழந்த பெண்களின் துயர்கூறும் தாபதநிலை எனும் துறையில் தலைவன் இருக்கும் காலத்தில் சிறப்புற்றிருந்த நகரமும் மனையும் இன்று வெறிச்சோடி இருப்பதைப் பார்ப்பதற்குக் கணவரை இழந்து கைம்மை நோன்பில் துயருறும் மனைவியின் பொலிவின்மையைப் போன்றிருப்பதாகக் குறிப்பிடுகிறார். அப்பாடல் வருமாறு

குய்குரல் மலிந்த கொழுந்துவை அடிசில்
இரவலர்த் தடுத்த வாயிற், புரவலர்
கண்ணீர் தடுத்த தண்ணறும் பந்தர்க்
கூந்தல் கொய்து, குறுந்தொடி நீக்கி
அல்லி உணவின் மனைவியொடு, இனியே
புல்என் றனையால் – வளங்கெழு திருநகர்
வான்சோறு கொண்டு தீம்பால் வேண்டும்
முனித்தலைப் புதல்வர் தந்தை
தனித்தலைப் பெருங்காடு முன்னிய பின்னே (புறம்.250)

இப்பாடலில் கணவனை இழக்கும் பெண்கள் கைம்மை ஏற்கும்போது தனக்கு அழகு சேர்க்கின்ற கூந்தலைக் கொய்வதோடு கைவளையல்களை நீக்குவதாகவும் சுவையற்ற அல்லியரிசியினை உணவாக்கிக் கொள்வதாகவும் கூறப்படுகிறது. மேலும் தந்தை தான் மட்டும் தனித்து புறங்காட்டிற்குச் சென்றுவிட (இறந்துவிட) அவனுக்குப் பின்னேயே அவனுடைய பால்குடி மாறாத புதல்வர்களும் வான்சோறு கொண்டு சென்றதாகக் கூறப்படுவதால் இப்பெண் கணவனை இழந்து கைம்மையை ஏற்றிருக்கும் துயரத்துடன் மக்களையும் இழந்துவிட்டாளோ என்று எண்ணத் தோன்றுகிறது. காரணம் புதல்வர்கள் இல்லாததால்தான் நகரம் மட்டுமல்ல மனையும் பொலிவிழந்து இருப்பதாகக் கூறப்படுகிறது. தாபதநிலை – காதலனை இழந்த தாபத நிலை(தொல். புறம். நூற்பா. 24:29) அதாவது , கைம்மை நோன்பு.

அடுத்து மாறோக்கத்து நப்பசலையார் எனும் புலவர் பொதுவியல் திணையில் ஆனந்தப் பையுள் எனும் துறையினை விளக்கவரும்போது கைம்மை நோன்பின் தன்மையினைச் சுட்டிக்காட்டுகிறார். அப்பாடல் வருமாறு,

துடிய பாண பாடுவல் விறலி
என்ஆகுவிர் கொல்? அளியிர் நுமக்கும்
இவண் உறை வாழ்க்கையோ அரிதே யானும்
மண்ணுறு மழித்தலைத் தெண்ணீர் வாரத்
தொன்றுதாம் உடுத்த அம்பகைத் தெரியல்
சிறுவெள் ஆம்பல் அல்லி உண்ணும்
கழிகல மகளிர் போல
வழிநினைந்து இரத்தல், அதனினும் அரிதே. (புறம். 280: 8 – 15)

இப்பாடலில் வீரனின் மனைவி ஒருத்தி போர்க்களத்தில் பெரும்புண்ணுற்று வந்திருக்கும் தன் கணவனை எவ்வகையிலாவது காக்கவேண்டும் என்பதற்காக பெருமுயற்சிகள் செய்யும் சூழலில் பிழைப்பிற்கு உண்டான நிமித்தங்கள் ஏற்படாத போது அவனை நம்பியிருக்கும் பாணர் விறலியரை நோக்கி தலைவன் இறந்துபடுவது உறுதியான சூழலில் இனி நீங்கள் இங்குத் தங்கி வாழ்வது என்பது அரிதானது என்று கூறுவதோடல்லாமல் கணவனை இழந்தவர்கள் மேற்கொண்டொழுகும் மொட்டை அடித்தல், அல்லியரிசி உண்ணுதல், அணிகலன்களைக் களைதல் ஆகிய வழக்கத்தை ஏற்று வாழ்வது என்னாலும் இயலாதது. ஆகையினால் தலைவன் இறந்தால் நானும் இறந்துபடுவேன். ஆதலால் நீங்கள் வேறு இடத்திற்குச் சென்றுவிடுங்கள் என்று கூறுவதாக வருகின்றது. கைம்மை நோன்பு நோற்பவர்களைப் புலவர் கழிகல மகளிர் என்று குறிப்பிடுகின்றார்.

புறநானூற்றில் பூதப்பாண்டியன்தேவி பெருங்கோப்பெண்டு பாடலில் இருந்தும் (246) கணவன் இறந்ததும் மனைவி தானும் கணவன் சிதையுடன் சேர்ந்து உயிர் துறந்த பெருங்கோப்பெண்டுவின் அன்பைக் கூறும் மதுரைப் பேராலவாயர் பாடலிலிருந்தும்(247) ஓக்கூர் மாசாத்தியார் பாடலிலிருந்தும் (248) கைம்மை நோன்பு மேற்கொள்வோர் யதார்த்த வாழ்வில் பின்பற்றும் நடைமுறை வழக்கம் எவ்வளவு துன்பம் நிறைந்தது என்பதை அறியமுடிகிறது. அதனால்தான் இளம்பெண்கள் அக்காலத்தில் உடன்கட்டை ஏறியுள்ளனர்.

கணவன் இறந்ததும் கைம்மையை ஏற்காது கணவன் சிதையுடன் தானும் உடன்கட்டை ஏறிய பெண்கள் முடியினைக் களையாது தீப்பாய்ந்த செயலை மதுரைப் பேராலவாயர் கூறும் பெருங்கோப்பெண்டுவின் செயலிலிருந்து அறியமுடிகிறது.

யானை தந்த முளிமர விறகின்
கானவர் பொத்திய ஞெலிதீ விளக்கத்து
மடமான் பெருநிரை வைகுதுயில் எடுப்பி
மந்தி சீக்கும் அணங்குடை முன்றிலில்
நீர்வார் கூந்தல் இரும்புறம் தாழப்
பேரஞர்க் கண்ணள் பெருங்காடு நோக்கித்
தெருமரும் அம்ம தானே …………………. (புறம்.247: 1-7)

இப்பாடலுக்கு விளக்கம் தரும் ஔவை சு. துரைசாமிப்பிள்ளை அவர்கள் பூதபாண்டியன் இறந்தபோது அவன் தேவி தீப்புகுந்தாளாக, ஆங்கிருந்த சான்றோர்களுள் மதுரைப் பேராலவாயாரென்னும் சான்றோரும்
ஒருவர். இவர் பூதபாண்டியன் தேவி பெருங்கோப்பெண்டு தீப்புகுந்ததை நேரிற் கண்டவர். அக் காட்சி அவர் நெஞ்சில் நன்கு பதிந்திருந்தது அதனை அவர் இந்த அழகிய பாட்டின்கண்

பெருங்கோப்பெண்டு தீப்பாய்ந்தவிடம், காட்டிடத்தே காடுகிழாள் கோயிலுக்கு முன்பாகும். கோயில் திருமுன் அரசமாதேவி தீப்புகுதற்குத் தீ மூட்டப் பட்டிருந்தது; தீ நன்கு எரியத் தொடங்கியதும், அவள் நீராடிக் கூந்தலைப் பிழிந்துகொண்டு புறங்காட்டை நோக்கி வந்தாள். தன் பெருமனைக்கண் கணவனாகிய பூதபாண்டியன் சிறிதுபோது பிரியினும் பிரிவாற்றாது வருந்தும் இயல்பினளாகிய அவள் “தனித்துப் புறங்காடு நோக்கி நடந்தது காண்பார்க்கு மிக்க வருத்தத்தைத் தந்தது. புறங்காட்டில் காடுகிழாள் கோயில் திரு முன்றிலில் எரிந்துகொண்டிருந்த தீயை, நீர் துளிக்கும் கூந்தல் முதுகிடத்தே கிடைந்தசையக் கண்களில் நீர் பெருகிச் சொரிய வலம் வந்தாள்; பின்பு தீயுட்குளித்து மாண்டாள்,”

என்று குறிப்பிட்டுள்ளார். மேற்குறித்த பாடல்களிலிருந்து உடன்கட்டை ஏறிய பெண்கள் முடி களையவில்லை என்பதையும் கைம்மையை ஏற்றவர்கள் முடிகளைந்தனர் என்பதையும் தெரிந்து கொள்ள முடிகின்றது.

மேல் இடம்பெற்றிருக்கும் புறநானூற்றுப் பாடல்களிலிருந்து கணவனை இழக்கும் பெண்கள் மேற்கொள்ளும் அக்கால வழக்கங்களுள் ஒன்றாக மொட்டை அடித்தல் என்பது சுட்டிக் காட்டப்படுகிறது. இவ்வழக்கம் இன்று எல்லாச் சமூகத்தினரிடையேயும் இல்லை. பிராமணச் சமூகத்துப் பெண்களிடம் மட்டும் காணமுடிகிறது.

கணவனை இழக்கும் பிராமணப் பெண்கள் மயிர்களைந்து காவி உடுத்தி கைம்மையை ஏற்கும் வழக்கம் இருந்தது. இன்று இச்சூழல் மாறிவருவதையும் காணமுடிகிறது. ஆனால் பொதுவில் எல்லா சமூகத்துப் பெண்களிடையேயும் கணவனை இழக்கும்போது மொட்டை அடிக்கும் வழக்கம் இருந்ததா என்பது ஆய்விற்குரியது? இதிலிருந்து நமக்குள் எழும் கேள்வி கணவனை இழக்கும் பெண்கள், கைம்மையை ஏற்கும்போது மொட்டை அடிக்கும் வழக்கம் பண்டைக்காலத்தில் எல்லோராலும் பின்பற்றப்பட்டதா? பின்பற்றப்பட்டது என்றால் எப்பொழுது? ஏன்? எதற்காக? நிறுத்தப்பட்டது. நிறுத்தப்பட்டதற்கான பதிவும் உரிய காரணங்களும் அறிய இலக்கியப் பதிவுகள் போதுமானவையா?


தொடர்ந்து தேடுவோம்…………….
avatar
முனைவர் ப.குணசுந்தரி
பண்பாளர்


நிகழ்நிலை
இணையாநிலை

பதிவுகள் : 94
மதிப்பீடுகள் : 91

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by M.Jagadeesan on Sat Aug 20, 2016 11:05 am

கைம்மையும் கூந்தல் களைதலும் என்ற தலைப்பில் ஒரு சிறந்த கட்டுரை தந்தமைக்கு நன்றி . பூதபாண்டியன் மனைவி பெருங்கோப்பெண்டு தன்னுடைய பாடலில் ( புறம் - 246 ) கைம்மை நோன்பின் கொடுமைகளைப் பற்றியே அதிகம் பேசுகிறாள் . தான் கணவனோடு வாழ்ந்த நாட்களின் நினைவுகளைப்பற்றி அந்தப் பாடலில் எந்தக் குறிப்பும் காணோம். மனைவியை இழந்த மன்னன் மாக்கோதை , தம்பாடலில் காட்டிய ( புறம் - 245 ) துன்பத்தைக்கூட , பெருங்கோப்பெண்டுவின் பாடலில் காண முடியவில்லை .தந்தை இழந்த சோகத்தைக் காட்டும் பாரிமகளிரின் பாட்டு நெஞ்சைப் பிழிவதாகும் .
avatar
M.Jagadeesan
சிறப்புப் பதிவாளர்


நிகழ்நிலை
இணையாநிலை

பதிவுகள் : 4776
மதிப்பீடுகள் : 2326

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by M.Jagadeesan on Sat Aug 20, 2016 4:37 pm

"உதவி செய்யவில்லை என்றாலும் பரவாயில்லை; உபத்திரவம் பண்ணாதே' என்று சொல்கிற வழக்கம் இப்போதும் உள்ளது. இந்தக் கருத்து சங்க காலத்திலேயே முளைவிட்டுவிட்டது. இந்தப் பாடலில் முன்னிலைப்படுத்தப் பட்டிருப்போர் மூத்தக் குடிமக்கள்.

மீன் முள்ளைப்போல் வெள்ளை நிற நரை முடியையும் அலை அலையாய் சுருக்கங்கள் விழுந்த கன்னங்களையும் உடைய சான்றோர்களே! அதுவும் பயனுள்ள செயல் எதுவும் செய்யாமல் மூப்பெய்தியுள்ள சான்றோர்களே! கையிலே கூர்மையான மழுவாயுதத்தைக்கொண்ட ஒருவன்(எமன்) உங்களைப் (பாசக் கயிற்றால்) பிணித்து இழுத்துச் செல்லும் போதுதான் வருந்துவீர்கள்!

உங்களால் நல்லது செய்ய முடியாமல் போனாலும் பரவாயில்லை; கெடுதல் செய்யாமல் இருக்கும் குணத்தையாவது பாதுகாத்திடுவீர்கள். அந்தச் செயல்தான் எல்லோருக்கும் மகிழ்ச்சியைத் தருவது. அதுமட்டுமல்ல, உங்களை நல்வழிப்படுத்துவதும் அதுவாகவே இருக்கும் என்று அறிவுரை கூறுகிறார்.

"பல்சான்றீரே! பல்சான்றீரே!
கயல்முள் அன்ன நரைமுதிர் திரைகவுள்
பயனில் மூப்பின் பல் சான்றீரே!
கணிச்சிக் கூர்ம்படைக் கடுந்திறல் ஒருவன்
பிணிக்கும் காலை இரங்குவீர் மாதோ
நல்லது செய்தல் ஆற்றீர் ஆயினும்
அல்லது செய்தல் ஓம்புமின்; அதுதான்
எல்லாரும் உவப்பது அன்றியும்
நல்லாற்றுப் படூஉம் நெறியுமார் அதுவே''

நரிவெரூஉத்தலையார்  (புறம்-195)


சிறப்புரை :
=========

பல்சான்றீரே ! பல்சான்றீரே ! என்று விளித்த பிறகு

நல்லது செய்தல் ஆற்றீர் ஆயினும்
அல்லது செய்தல் ஓம்புமின்

என்று கூறுவது தகுமா ? அருங்குணங்களால் நிரம்பப்பெற்ற சான்றோர்கள் தீமை பயக்கும் செயல்களைச் செய்வார்களா என்ற கேள்வி எழுகிறதல்லவா ? என்ன செய்வது ! சிலசமயங்களில் மதிக்கண் பட்ட மறு போல சான்றோர்களும் குற்றம் இழைத்துவிடுகிறார்கள் .

எல்லா விளக்கும் விளக்கல்ல சான்றோர்க்குப்
பொய்யா விளக்கே விளக்கு . ( வாய்மை - 299 )

பிறன்மனை நோக்காத பேராண்மை சான்றோர்க்கு
அறனொன்றோ ஆன்ற விளக்கு . ( பிறனில் விழையாமை - 148 )

என்ற குறட்பாக்கள் உணர்த்துவது என்ன ? பொய் பேசலும் , பிறன்மனை நயத்தலும் சான்றோர்மாட்டும் நிகழ்கின்ற குற்றங்கள் என்பது தெரிகிறதல்லவா !

அறத்தைச் சொல்லும் முறையிலே இரண்டு வகையுண்டு .

" அதைச் செய் ; இதைச் செய் " என்று ஆணையிட்டுச் சொல்வது ஒருமுறை. " அதைச் செய்ய முடியாவிட்டால் இதையாவது செய் " என்று இறங்கிவந்து கேட்டுக்கொள்வது மற்றோருமுறை .

" நல்லது செய்தல் ஆற்றுக " என்று சொல்வது  ஆணையிட்டுச் சொல்வதாகும்.

மற்றவர்களுக்கு நன்மை செய்ய முடியாவிட்டால் பேசாமல் இருங்கள் ; அதனால் தவறு ஒன்றுமில்லை ;ஆனால் தீங்கு பயக்கும்  செயல்களை மட்டும் செய்துவிடாதீர்கள் என்பதைத்தான்

நல்லது செய்தல் ஆற்றீராயினும்
அல்லது செய்தல் ஓம்புமின்

என்று சொல்கிறார் . இது இறங்கிவந்து கேட்டுக் கொள்வதாகும் .

இந்த உத்தியை வள்ளுவரும் கையாளுகிறார்.

" கற்க கசடற " என்று கற்றலின் அவசியத்தை ஆணையிட்டு வலியுறுத்தும் வள்ளுவர் , கல்லா மாந்தர்பால் இரக்கம் கொண்டு " கற்றிலனாயினும் கேட்க " என்று சொல்லுவார் .

' ஐந்தடக்கல் ஆற்றின் எழுமையும் ஏமாப்புடைத்து " என்று கூறும் வள்ளுவர் , அது முடியாதபோது நாக்கையாவது அடக்கி வைத்துக் கொள்ளுங்கள் என்ற கருத்துப்பட " யாகாவாராயினும் நா காக்க " என்று கூறுவார் .
avatar
M.Jagadeesan
சிறப்புப் பதிவாளர்


நிகழ்நிலை
இணையாநிலை

பதிவுகள் : 4776
மதிப்பீடுகள் : 2326

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by முனைவர் ப.குணசுந்தரி on Tue Aug 30, 2016 10:06 pm

தொடர்ச்சி

நரை முதுமையின் அடையாளமா?

பெரும்பான்மையான இலக்கியப் பதிவுகள் உடல் தளர்வையும் நரையையும் முதுமையின் அடையாளமாகக் காட்டுகின்றன. புறநூற்றில் பெருஞ்சித்திரனார் (புறம். 159), கழாத்தலையார் (புறம். 270) மதுரைப்பூங்கண் உத்திரையார் (புறம். 277) ஆகியோர் பாடல்களில் இப்பதிவு இடம்பெற்றிருந்தாலும் பிசிராந்தையார் நரைக்குப் புதிய விளக்கம் ஒன்றைத் தருகிறார். அப்பாடல் வருமாறு,

யாண்டு ஆகியர்? என வினவுதிர் ஆயின்
மாண்ட என் மனைவியொடு மக்களும் நிரம்பினர்
யான் கண்டனையர் என் இளையரும் வேந்தனும்
அல்லவை செய்யான் காக்கும் அதன்தலை
ஆன்று அவிந்து அடங்கிய கொள்கைச்
சான்றோர் பலர்யான் வாழும் ஊரே          (புறம்.191)

இப்பாடலில் அவர் தனக்கு வீட்டிலோ, ஊரிலோ, நாட்டிலோ எவ்விடத்திலாயினும் கவலை தருகிற நிகழ்வுகள் நடப்பதில்லை. அதனால் எனக்கு வயது முதிர்முந்துதிருந்மைதாலும் நரை தோன்றவில்லை.நரை தோன்றுவதற்கு முக்கியக் காரணம் முதுமையன்று  மனக்கவலையே என உறுதிபடக் குறிப்பிடுகின்றார். ஆண்கள் இளமையில் குடுமி வைத்திருத்தலும் பின்னர் குமரப்பருவத்தில் குடுமி களைதலும் நடக்கும் என்பது போன்ற பதிவுகளும் புறநானூற்றில் இடம்பெறுகின்றன. (புறம். 77, 273,279) இந்நிகழ்விற்குச் சமூகக் காரணங்கள் ஏதேனும் உள்ளனவா என்பதைக் கிடைக்கும் பதிவுகள் கொண்டு உறுதிசெய்ய முயற்சிக்கின்றேன்.

                                                   சமூக விழுமியம் : மயிர் தொடர் – 3
                                                                 (பதிற்றுப்பத்திலிருந்து)

முன்தொடர் சுருக்கம்

மன்னன் நல்லாட்சி நடத்தும் நாட்டிலும் அவன் ஆதரவுடைய நாட்டிலும் அவன் ஆதரவுடைய நாட்டிலும் வாழும் பெண்கள் கூந்தலில் பூச்சூட்டி கணவரோடு மகிழ்ச்சியுடன் இருக்கிறார்கள் என்றும் போர்ப்பயம் உள்ள பாதுகாப்பற்ற சூழலில் வாழும் பெண்கள் இருக்கும் வீதிகளில் பூ விற்கும் பெண்கள் கூட செல்வதில்லை என்றும் அறியமுடிந்தது. மேலும் நரையினை முதுமையின் அடையாளமாகப் பெரும்பாலான இலக்கியங்களில் பதிவு செய்யப்பட்டிருக்க, புறநானூறு அது மனத்தின் தன்மையைப் பொறுத்தது என்று சுட்டிக்காட்டுகிறது. அதோடு கணவனை இழக்கும் பெண்கள் உடன்கட்டை ஏறும்போது கூந்தலைக் களைவதல்லை என்றும் கைம்மையை ஏற்கும்போது அவர்கள் இதுவரை பாதுகாத்துவந்த கூந்தலினைக் களைகிறார்கள் என்றும் பதிவுசெய்யப்பட்டிருப்பதைக் கண்டோம். இனி………….
avatar
முனைவர் ப.குணசுந்தரி
பண்பாளர்


நிகழ்நிலை
இணையாநிலை

பதிவுகள் : 94
மதிப்பீடுகள் : 91

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by M.Jagadeesan on Tue Aug 30, 2016 10:34 pm

மனத்தது மாசாக மாண்டார்நீ ராடி
மறைந்தொழுகு மாந்தர் பலர் . ( கூடாவொழுக்கம்- 278 )

இந்தக் குறளில் வந்துள்ள " மாண்டார் "என்ற சொல்லும் ,மேலே கண்ட புறப்பாடலிலே வந்துள்ள " மாண்ட "
என்ற சொல்லும் ஒரே பொருளினதா அன்றி வேறுபாடு கொண்டதா என்பதை விளக்கவும் .
avatar
M.Jagadeesan
சிறப்புப் பதிவாளர்


நிகழ்நிலை
இணையாநிலை

பதிவுகள் : 4776
மதிப்பீடுகள் : 2326

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by முனைவர் ப.குணசுந்தரி on Tue Aug 30, 2016 10:42 pm

தோழமைக்கு வணக்கம்.
பிழைதிருத்தம்

முதிர்முந்துதிருந்மைதாலும் - முதிர்ந்திருந்தாலும்

அவன் ஆதரவுடைய நாட்டிலும் - இத்தொடர் இருமுறை வந்துள்ளது.


avatar
முனைவர் ப.குணசுந்தரி
பண்பாளர்


நிகழ்நிலை
இணையாநிலை

பதிவுகள் : 94
மதிப்பீடுகள் : 91

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by முனைவர் ப.குணசுந்தரி on Tue Aug 30, 2016 11:36 pm

தோழமைக்கு வணக்கம்.

மனத்தது மாசாக மாண்டார்நீ ராடி
மறைந்தொழுகு மாந்தர் பலர் . ( கூடாவொழுக்கம்- 278 )

இந்தக் குறளில் வந்துள்ள " மாண்டார் "என்ற சொல்லும் ,மேலே கண்ட புறப்பாடலிலே வந்துள்ள " மாண்ட " என்ற சொல்லும் ஒரே பொருளினதா அன்றி வேறுபாடு கொண்டதா ? என்று தாங்கள் எழுப்பிய கேள்விக்கு எனக்குத் தெரிந்த பதிலை அறிஞர்களின் உதவியுடன்  அளிக்கின்றேன். இதோ

மாண்டார்  என்ற சொல்லுக்கு  மாட்சிமையுள்ளவர் என்றும் இறந்தவர் என்றும் பொருள் சொல்லப்படுகிறது. இக் குறளில் வந்துள்ள  

மாண்டார் நீராடி என்பதற்கு   தவத்தால் மாட்சிமைப்பட்டவர் போற் பலகால் குளிர்ந்த நீரில் மூழ்கி என்று பாவாணரும்  

பிறர்க்குத் தவத்தான் மாட்சிமையுயராய் நீரின் மூழ்கிக் காட்டி  என்று பரிமேலழகரும்

தவத்தால் மாண்பு பெற்றவரைப் போல நீரில் மூழ்கி என்று மு. வரதராசனாரும்

மாட்சிமைப் பட்டாரது நீர்மையைப் பூண்டு என்று மணக்குடவரும்

மாண்புடையோர் எனும் பெயருக்குள் தம்மை மறைத்துக்கொண்டு என்று கலைஞரும்

பொருள் தருகின்றனர். ஆகையினால் வள்ளுவர் இக்குறளில் மாட்சிமைப்பட்ட, மாண்புடைய , பக்குவமுடைய, பெருமையுடைய என்ற பொருளிலேயே மாண்டார் எனும் சொல்லைப்   பயன்படுத்தியுள்ளார். நிற்க.

புறநானூற்றில் வரும் மாண்ட என் மனைவியொடு என்ற அடியில் உள்ள மாண்ட எனும் சொல்லுக்கு மாட்சிமையுடைய என்ற பொருளே பொருத்தமாகும். ஏனென்றால்  மாண்டார், மாண்ட எனும் சொற்களுக்கு அகராதிகள் மாட்சிமைப்பட்ட, மாட்சிமையுள்ள, இறந்த என்ற பொருளையே தருகின்றன.

குறளின் பொருள்

நீருக்குள்   மூழ்கியோர்  தம்மை    மறைத்துக்    கொள்வது  போல,மாண்புடையோர் எனும் பெயருக்குள் தம்மை மறைத்துக்கொண்டு மனத்தில் மாசுடையோர் பலர் உலவுகின்றனர். ஆகையினால் அத்தகையாரோடு சேர்ந்திருத்தல் என்பது வாழ்க்கைக்குப் பயன்தராது
.

புறநானூற்றின் பொருள்

நுமக்குச் சென்ற யாண்டுகள் பலவாயிருக்க நரையில்லை யாகுதல் எப்படி யாயினீரென கேட்பீராயின் என்னுடைய மாட்சிமைப் பட்ட குணங்களையுடைய மனைவியுடனே புதல்வரும் அறிவு நிரம்பினார் யான் கருதிய  அதனையே கருதுவர்  என்னுடைய  ஏவல் செய்வாரும் அரசனும் முறையல்லாதன செய்யானாய்க் காக்கும் அதற்கு மேலே யான் இருக்கின்ற ஊரின்கண் நற்குணங்களால் அமைந்து பணிய வேண்டுமுயர்ந்தாரிடத்துப் பணிந்து ஐம்புலனுமடங்கிய கோட்பாட்டினையுடைய சான்றோர் பலர் இருக்கின்றனர்.

எனவே புறநானூறு, குறள் ஆகிய இரண்டிடத்திலும் வரும் மாண்ட - மாண்டார் எனும் சொற்கள் மாட்சிமைப்பட்ட என்ற பொருளிலேயே வருகின்றன. ஆதலின் ஐயா இரண்டுசொற்களும் ஒரே பொருளில்தான் பயன்படுத்தப்பட்டுள்ளன என்பது தெளிவு.

                                                               நன்றி.
avatar
முனைவர் ப.குணசுந்தரி
பண்பாளர்


நிகழ்நிலை
இணையாநிலை

பதிவுகள் : 94
மதிப்பீடுகள் : 91

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by முனைவர் ப.குணசுந்தரி on Wed Aug 31, 2016 12:44 am

சமூக விழுமியம் : மயிர் தொடர் – 3
(பதிற்றுப்பத்திலிருந்து)

பதிற்றுப்பத்தில் இடம்பெறும் மயிர் எனும் உறுப்பு குறித்த பதிவுகளை இத்தொடர் முன்வைக்கின்றது.

சேரமாதேவி கூந்தல்

செவ்வியல் இலக்கியங்களில் புலவர்களின் பாடல்களில் மன்னர் தனிப்பட அடையாளப் படுத்தப்பட்டு சிறப்பிக்கப்பட்டது போன்று அரசியர் பதிவு மிகக்குறைவு என்றே சொல்லலாம். பதிற்றுப்பத்திலுள்ள இரண்டாம் பத்தில் இடம்பெறும் 14ஆம் பாடலில் அரசனின் பெருமையை எடுத்துக்கூறி வாழ்த்தும்போது புலவர்

வான்உறை மகளிர் நலன் இகல் கொள்ளும்
வயங்கு இழை கரந்த வண்டுபடு கதுப்பின்
ஒடுங்குஈர் ஓதிக் கொடுங்குழை கணவ!

(இரண்டாம் பத்து 14: 13 – 15)

என்று பாடுகிறார். இப்பாடலில் வானுலகில் உறையும் தெய்வ மகளிர் ஒவ்வொருவரும் பொறாமையில் தத்தமக்குள் முரண்பட்டுக் கொள்ளும் அளவிற்குச் சேரமாதேவி அழகுடையவள் என்று கூறும் புலவர் தலைக்குரிய அணிகலன்களை அணிந்திருப்பதால் அவளின் சுருண்ட கூந்தல் அதனுள் மறைந்து கிடக்கிறது. அத்தகு அழகுடைய வளைந்த குழை அணிந்தவளின் கணவன்தான் சேரன் என்று கணவரின் அடையாளமாக மனைவியைப் புலவர் இங்குப் பதிவு செய்கிறார்.


தொடரும்.............
avatar
முனைவர் ப.குணசுந்தரி
பண்பாளர்


நிகழ்நிலை
இணையாநிலை

பதிவுகள் : 94
மதிப்பீடுகள் : 91

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by M.Jagadeesan on Wed Aug 31, 2016 5:55 am

முனைவர் அவர்களுக்கு ,

நான் கேட்ட வினாவிற்கு விளக்கம் அளித்தமைக்கு மிக்க நன்றி !
avatar
M.Jagadeesan
சிறப்புப் பதிவாளர்


நிகழ்நிலை
இணையாநிலை

பதிவுகள் : 4776
மதிப்பீடுகள் : 2326

View user profile

Back to top Go down

Re: சமூக விழுமியம்: தொடர் - 1 மயிர் (நற்றிணையிலிருந்து)

Post by முனைவர் ப.குணசுந்தரி on Wed Aug 31, 2016 9:04 pm

பதிற்றுப்பத்தின் தொடர்ச்சி    

மற்றொரு பாடலில் சேரமன்னன் நாடுகாத்தற் சிறப்பைப் புகழ்ந்து கூறக்கருதிய பாலைக்கௌதமனார் சேரனை வாழ்த்தும்போது

மண்ணாவாயின் மணம் கமழ்கொண்டு
கார்மலர் கமழும் தாழ் இருங்கூந்தல்
ஓரீஇயின போல இரவு மலர் நின்று
                       திருமுகத்து அலமரும் பெரு மதர் மழைக்கண்,
                       அலங்கிய காந்தள் இலங்கு நீர் அழுவத்து
                       வேய் உறழ் பணைத் தோள், இவளோடு
ஆயிரம் வெள்ளம் வாழிய பலவே!
                                                                ( மூன்றாம் பத்து 21: 32 – 38)

என்று  சேரமாதேவியின் சிறப்பையும் உடன்சேர்த்துக்கூறி வாழ்த்துகிறார்.  

தலைவியைப் பிரிந்து வேறுபுலத்தில் நிற்கும் காலத்தில் சேரனுடைய பெருந்தேவி பிரிவு கருதி தன் கூந்தலில் எண்ணெய் முதலியன பூசாத போதும் அவள் கூந்தல் மணமுடையதாக இருக்கும் என்றும் மன்னன் உடனிருக்கும் காலத்தில் அவளது நீண்ட கரிய கூந்தல் நீராடப்பெற்றுக் கார்காலத்தில் பூக்கின்ற முல்லை மலரைச் சூட்டிக் கொள்ளும்போது அம்முல்லை மலரின் மணத்தைப்பெறும் என்றும் குறிப்பிடுகிறார்.

கூந்தலைப்போன்றே அவளுடைய கண்களும் தோள்களும் சிறப்புடையன ஆதலின் அச்சிறப்புடைய பெருந்தேவியோடு பல ஆயிரம் வெள்ளம் ஆண்டுகள்வரை வாழ்வாயாக என்று வாழ்த்துவதாகக் கூறப்படுகிறது.

சாதாரணக் குடிமகளாயினும் அரசியாயினும் கணவனைப் பிரிந்துரையும் காலத்தில் வெளிப்படுத்தும் உணர்வுநிலை ஒன்றே என்பதை இப்பதிவுகள் உணர்த்துகின்றன.

நான்காம் பத்தில் காப்பியாற்றுக்காப்பியனார் எனும் புலவர் சேரனைப் புகழும் காலத்தில் அவன் புகழுக்குரியனவாக இருப்பனவற்றுள் ஒன்றாக அவனுடைய அரசமாதேவியின் கற்பையும் சுட்டிக்காட்டுகிறார்.

வண்டன் அனையைமன் நீயே வண்டுபட
ஒலிந்த கூந்தல், அறம்சால் கற்பின்
குழைக்கு விளக்கு ஆகிய ஒள்நுதல் , பொன்னின்
இழைக்கு விளக்கு ஆகிய அவ்வாங்கு உந்தி
விசும்பு வழங்கு மகளிருள்ளும் சிறந்த
செம்மீன் அனையள், நின்தொல்நகர்ச் செல்வி
(பதிற். நான். பத்து 31: 23 – 28)

இப்பாடலில் செம்மீன் அனைய கற்புடைய அரசமாதேவி வண்டுகள் ஒலிக்கும்படி தழைத்த கூந்தலினை உடையவளாகக் காட்டப்படுகின்றாள்.

பதிற்றுப்பத்தின் எட்டாம் பாடலில் அரிசில்கிழார் மன்னனை வாழ்த்தும்போது நின் கால்வழியைப் (சந்ததியை) பெற்றுத்தரும் அரசி, இறைவியாகிய திருமகளினும் வேறுபட்ட அழகுடைய நுண்ணிய கருமணலைப் போன்ற தாழ்ந்த கூந்தலை உடையவள்

சாய் அறல் கடுக்கும் தாழ் இருங் கூந்தல்
வேறுபடு திருவின் நின்வழி வாழியர்

(பதிற். எட்டாம் பத்து 74:3 – 4)

என்றும் ஒடுங்கு ஈர் ஓதி (பதிற். எட்டாம் பத்து 74: 17, ஒன்பதாம் பத்து 81: 27 - 28) அதாவது சுருள் எனும் பகுப்பமைந்த கூந்தலுடையவள் என்றும் குறிப்பிடப்படுகின்றார். சேர மன்னனை அவன் தேவியுடனே சேர்த்துக் கூறும் பதிவை அதிகம் பதிற்றுப்பத்திலேயே காணமுடிகிறது.

துவராக் கூந்தல்

பதிற்றுப்பத்தின் இரண்டாம் பத்தில் இடம்பெற்ற கூந்தல் விறலியர் என்ற பெயர்தாங்கிய பாடல் பதிவைப் போன்றே ஒன்பதாம் பத்திலும் துவராக் கூந்தல் என்ற பெயர்ப்பதிவுடைய பாடலொன்றும் இடம்பெற்றுள்ளது.

துவராக் கூந்தல் என்றால் அரசகுலப் பெண்கள் தம் கூந்தல் நறுமணம்பெற தகரச் சாந்து (வாசனை எண்ணெய்) போன்ற பொருள்களைப் பூசுவதால் கூந்தல் எப்பொழுதும் ஈரம் உலராது இருக்குமாம். துவர்தல் எனும் சொல் உலர்தல், வற்றிப் போதல் என்று பொருள்படுகிறது. (செந்தமிழ் சொற்பிறப்பியல் பேரகர முதலி பக். 197)

துவரா என்றால் உலராத என்று பொருள். ஈரமுடன் இருக்கின்ற காரணத்தினால் அரசியர் கூந்தல் இப்பெயர் பெற்றது என்று உரையாசிரியர் குறிப்பிடுகின்றார். இக்கருத்துடைய பாடலடி

கனவினும் பிரியா உறையுளொடு தண்ணெனத்
தகரம் நீவிய துவராக் கூந்தல்

(பதிற். ஒன்பதாம் பத்து. 89 : 15 – 16)

என்பதாகும். இப்பாடல் அருந்ததியை ஒத்த கற்புடையவளான சேரமாதேவியுடன் நெடிது வாழ்கவென சேரனை வாழ்த்துவதாக அமைகின்றது. இதைப்போன்றே ஒன்பதாம் பத்தின் இறுதிப்பாடலில்

ஆறிய கற்பின் தேறிய நல்இசை
வண்டுஆர் கூந்தல் ஒண்தொடி கணவ!
(பதிற். ஒன்பதாம் பத்து. 90 : 49 – 50)

என்று சேரமாதேவியைச் சிறப்பித்துக் கூறி சேரனை வாழ்த்துகிறார்.

அரசியரின் கூந்தல் அமைப்பு குறித்து இதுவரை பதிற்றுப்பத்தில் வந்துள்ள பதிவுகளில் அவர்கள் கருமணலை ஒத்த தாழ்ந்த நீண்ட மற்றும் சுருண்ட  கூந்தல் உடையவர்களாகவும் ஈரம் உலராது கூந்தலை , என்றும் மணமுடையதாக வைத்திருக்க விரும்புவதையும் அறியமுடிகிறது.


தொடரும்....
avatar
முனைவர் ப.குணசுந்தரி
பண்பாளர்


நிகழ்நிலை
இணையாநிலை

பதிவுகள் : 94
மதிப்பீடுகள் : 91

View user profile

Back to top Go down

Page 3 of 5 Previous  1, 2, 3, 4, 5  Next

View previous topic View next topic Back to top


Permissions in this forum:
You cannot reply to topics in this forum