பாரத தாயே
உன்னை
வணங்குகிறேன்!

அந்நியன்
பிடியிலிருந்து
மீட்டு மீண்டும்
70 வயதில்
அந்நியன்
கைக்கு அடகு
வைக்கும்
வேலைகள் பிரமாதமாக
நடந்து கொண்டிருக்கின்றன!!

கல்வி கொள்கை
கலாச்சாரம்
தொழிற்சாலை
அனைத்தும்
முன்னேற்றத்தை
நோக்கி அல்ல!!

மீண்டும் அடகு
வைக்கும் வேலையில்
அரசு அந்நியனிடம்
அந்நோன்யமாகி விட்டது!!

இந்திய
மக்களே
விழித்துக்
கொள்ளுவோம்!

மீண்டும் ஓர்
சத்தியாக்கிரகத்தை
முன்னெடுக்க
தலைவர்களும்
இல்லை!
தொண்டர்களும்
இல்லை!!

அகிம்சையை மறந்து
குரோதங்களும் கொலை
குற்றங்களும்  நித்தம்
சத்தமில்லாமல் அரங்கேறி
கொண்டிருக்கிறது!!

சுயத்தை இழந்து
அடுத்தவனின்
அரிதாரம் பூசிக்
கொண்டிருக்கிறோம்!!

சாதியம் பேசியும்
மதத்தின் பெயரால்
மார்க்கம் பேசியும்
மக்கள் நாம் விட்டில் பூச்சிகளாய்
சாதிய"" தீ""யில்
விழுந்து சாகின்றோம்!!

மது என்னும்
பிடியில் மயங்கி
கிடக்கின்றோம்!!

இவையெல்லாவற்றையும்
கடந்து நாட்டை
முன்னேற்றபாதையில்
முன்னெடுத்து செல்ல
மதம் மார்க்கம்
வர்க்க தர்க்க
பேதங்களை மறந்து
ஆண் பெண் சமத்துவ
சகோதரத்துவத்தோடு
புதிய உலகில் பயணிக்க
நம் முன்னேற்றத்திற்கான
முதல் முயற்சியை
முன்னெடுப்போம்....

சுதந்திர தின
நல்வாழ்த்துக்களுடன்
சசி..

-

நன்றி ஐயா..

சசியின் கவிதை மிகவும் அருமை !

சித்திரமும் கைப்பழக்கம்
செந்தமிழும் நாப்பழக்கம்

என்பதுபோல , தங்களின் கவிதைகள் வரவர மெருகு கூடி வருகின்றன ! தேர்ந்தெடுக்கும் சொற்களும் சிறப்பாக உள்ளன ! கருத்தாழம் கொண்ட அழகான கவிதை !