நடராஜனுக்கு உடல் நலக்குறைவு - அப்பல்லோவில் அனுமதி
-

சசிகலாவின் கணவர் நடராஜனுக்கு நேற்று மாலை உடல்
நலக்குறைவு ஏற்பட்டது. உயர் ரத்தம் அழுத்தம் காரணமாக,
அவர் சோர்வடைந்ததாக கூறப்படுகிறது.

எனவே, அவர் சென்னை அப்பல்லோ மருத்துவமனையில்
நேற்று அனுமதிக்கப்பட்டார்.
அவர் மருத்துவமனையில் தங்கி ஓரிரு நாட்கள் சிகிச்சை
எடுத்துக் கொள்வார் என கூறப்படுகிறது.
-
வெப்துனியா

சசிகலா முதல்வராவதை தடுக்க கையெழுத்து இயக்கம் : இதுவரை 30 ஆயிரம் பேர் பதிவு
-
சசிகலா முதல்வராவதை தடுக்க வேண்டும் என ஜானாதிபதிக்கு
கோரிக்கை வைக்கும் வகையில் கையெழுத்து இயக்கம்
தொடங்கப்பட்டுள்ளது.

தமிழ் அரசன் என்பவர் சேஞ்ச் டாட் ஓர்ஜி (change. org) என்ற
பிரபல கையெழுத்து இயக்க வெப்சைட் மூலம் அவர் இந்த
கோரிக்கையை வைத்துள்ளார்.

ஏராளமான வழக்குகளில் சிக்கியுள்ள சசிகலா, மாநிலத்தின்
முதல்வராகக் கூடாது என்பதே அவரின் கோரிக்கையாகும்.
இந்த இணையதளத்தில் இதுவரை 30 ஆயிரம் பேர்
சசிகலாவிற்கு எதிராக பதிவு செய்துள்ளனர்.
-
வெப்துனியா

தமிழகத்தின் பொறுப்பு ஆளுநர் வித்யசாகர் ராவ்,
ஓ.பன்னீர் செல்வத்தின் ராஜினாமாவை ஏற்றுக்கொள்வதாக
அறிவித்துள்ளார்.


மேலும், மாற்று ஏற்பாடு செய்யும் வரை முதல்வராக
தொடர வேண்டும் என ஆளுநர் பன்னீர் செல்வத்திடம் கேட்டுக்
கொண்டுள்ளார்.

எனவே, தமிழக முதல்வராக சசிகலா பதவியேற்கும் வரை,
பன்னீர் செல்வமே முதல்வராக தொடர்வார்.
-
--------------

தமிழக மக்கள் அதிர்ஷ்டசாலிகள்: அழகிரி மகன் நக்கல்
-
முன்னாள் மத்திய அமைச்சர் அழகிரி மகன் தயாநிதி அழகிரி
டுவிட்டரில் தனது கருத்தை பதிவு செய்துள்ளார்.

அதில், அவர், தமிழக மக்கள் மிகவும் அதிர்ஷ்டசாலிகள். ஒருமுறை
மட்டுமே வாக்களித்துவிட்டு மூன்று முதல்வர்களை பார்க்கிறார்கள்
என்று கிண்டலாக பதிவு செய்துள்ளார்.
-

சொத்துகுவிப்பு வழக்கு தீர்ப்புக்கு பின் பன்னீர்செல்வம்
மீண்டும் முதல்வராவார்:

ஸ்டாலின்

செல்போன் சேவைகளைப் பெற ஆதார் எண் கட்டாயம்:
உச்சநீதிமன்றம் உத்தரவு
-
ஓர் ஆண்டுக்குள் செல்போன் எண்களுடன் ஆதார் எண்ணை
இணைக்க உச்சநீதிமன்றம் உத்தரவு அளித்துள்ளது.

இளைஞர்களே தயராகுங்க..
விரைவில் சட்டசபை தேர்தல்!:
தமிழக கிரிக்கெட் வீரரின் விமர்சன ட்வீட்!
-
தமிழகத்தில் புதிதாக 234 வேலைகள் காலியாக போகின்றன..
எனவே இளைஞர்களே தயாராக இருஙகள் என்று சட்டசபை
தேர்தல் நடைபெற உள்ள வாய்ப்பு பற்றி சூசகமாக
தமிழகத்தைச் சேர்ந்த பிரபல கிரிக்கெட் வீரர் அஸ்வின்
தனது டிவிட்டர் பக்கத்தில் தெரிவித்துள்ளார்.
-
--------------------------------

பிப்ரவரி 7
-------------------
சென்னை:

மறைந்த முதலமைச்சர் ஜெயலலிதாவிற்கு அளிக்கப்பட்ட சிகிச்சை குறித்து லண்டன் மருத்துவர் ரிச்சர்ட் பீலே உள்ளிட்ட மருத்துவர் குழுவினர் நேற்று செய்தியாளர்களை சந்தித்து விளக்கம் அளித்தனர்.

அப்போது, ஜெயலலிதா மருத்துவமனையில் இருந்த போது அவரது ஒட்டுமொத்த சிகிச்சைக்கு ரூ.5.5 கோடி செலவு ஆகியுள்ளதாகவும் அதனை அவரது உறவினர்கள் அளித்தனர் என்றும் கூறினர்.

இந்நிலையில் சென்னையில் இன்று செய்தியாளர்களை சந்தித்த ஜெயலலிதாவின் அண்ணன் மகள் தீபா, "ஜெயலலிதாவின் மருத்துவ செலவுக்கான ரூ.5.5 கோடியை நான் கொடுக்கவில்லை. சிகிச்சைக்கு செலவு செய்த அந்த உறவினர்கள் யார் என்று எனக்கு தெரியவில்லை" என்று கூறினார்.

மேலும் அவர் கூறுகையில், “ஜெயலலிதாவுக்கு அளிக்கப்பட்ட சிகிச்சை குறித்து 2 மாதங்களுக்குப் பின் விளக்கம் ஏன்? மருத்துவமனையில் ஜெயலலிதாவைப் பார்க்க எனக்கு தொடர்ந்து அனுமதி மறுக்கப்பட்டது. மருத்துவர்கள் அளித்த விளக்கங்கள் போதுமானதாக இல்லை என கருதுகிறேன்” என்று தெரிவித்தார்.
-
மாலைமலர்