பதிவாளர்களுக்கு-மிக முக்கியமான அறிவிப்பு-

by **T.N.Balasubramanian** Fri Feb 24, 2017 10:21 am

மிக முக்கியமான அறிவிப்பு
பதிவாளர்களுக்கு ஒரு வேண்டுகோள்/.( முக்கியமாக கவிஞர் இரா இரவி அவர்களுக்கு)

உங்கள் பல நாள் பதிவுகளை ,சேமித்துவைத்து ஒரே நாளில் பதிவிடவேண்டாம்.
நாம் நம் பதிவுகளை பதிவிடுவதில் எவ்வளவு ஆர்வம் செலுத்துகிறோமோ,
அதை மற்றவர்கள் படிக்கவேண்டும்.படித்து மறுமொழி இடவேண்டும்,
எம்மாதிரியான தாக்கத்தை ஏற்படுத்தி உள்ளது என்பதை அறிவதும் அவசியம்.

ஒரே நாளில் ஒரே சமயத்தில் 40 /50 பதிவுகள் இடும்போது, புதிய இடுகை பகுதி ஒருவரின்
படைப்புகளே இருக்கின்றன. பார்ப்பவர் பலர் இருக்கலாம். படித்தவர் சிலரே இருப்பர்.
மறுமொழி இடுபவர் அதிலும் குறைவாகவே இருப்பர்.

கவிஞர் அவர்களே, சென்ற முறையே உங்களிடம் தனிமடலில் இது விஷயம் எழுதி இருந்தேன் .
கடவுச்சொல் காரணமாக ஒரே நாளில் பல பதிவுகள் விடுவதாக கூறி இருந்தீர். கடவுச்சொல் பிரச்சனை
பெரிய பிரச்சனையே இல்லை. ஒரு முறை பதிவு செய்து, save பண்ணிவிட்டால்,
உள்நுழைய உங்களுக்கு பிரச்சனை இல்லை.

உங்களுக்கு பதிவிடுவதில் உள்ள ஆர்வத்தை விட , உங்கள் பதிவு பலரிடம் சென்றடையவேண்டுமென்றே
என் மனம் விரும்புகிறது.

இனிப்பு ----சுவையாகத்தான் இருக்கும். அதிகம் /தொடர்ச்சியாக உண்ணமுடியாது என்பதுதான் நிதரிசனம்.

தவறு இருப்பின் மன்னிக்கவும் .

ரமணியன்

by **M.Jagadeesan** Fri Feb 24, 2017 1:49 pm

ஒரேவகையான இனிப்பு என்றால் திகட்டிவிடும் . லட்டு , ஜாங்கிரி ,.மைசூர்பா , அதிரசம் என்று மாற்றி மாற்றி சாப்பிட்டால் திகட்டாது என்பது என் கருத்து .

சிலம்பின் ஆசிரியர் இளங்கோவடிகள் தம் காவியத்தை ஆசிரியப்பாவினால் இயற்றியுள்ளார் . முழுவதும் ஆசிரியப்பா என்றால் படிப்பவர்களுக்குத் திகட்டிவிடும் என்பதால் ஆங்காங்கே அழகான வெண்பாக்களை புகுத்துவார் . இடையிடையே உரைநடைகளும் அமைத்து செய்யுட்களுக்கு மத்தியில் ஒரு தொடர்பினை ஏற்படுத்துவார் . சிலப்பதிகாரத்திற்கு ' உரையிடையிட்ட பாட்டுடைச் செய்யுள் " என்ற ஒரு பெயரும் உண்டு .

by **ayyasamy ram** Fri Feb 24, 2017 1:52 pm

பொதுவாக மறுமொழி இடுபவர் குறைவாகவே உள்ளனர்.
-
உறுப்பினர்கள் தங்கள் கருத்துகளை விரிவாக பதிவிட
இயலவில்லை எனினும் ,ஸ்மைலி மூலம் தெரியப்படுத்தலாம்
-
அப்போதுதான் பதிவர்கள் ஆர்வமுடன் மேலும் பல புதிய
தகவல்களை பகிர வாய்ப்பு ஏற்படும்

by **M.Jagadeesan** Fri Feb 24, 2017 2:03 pm

ராம் ஐயா அவர்களுக்கு !

ஒரு பதிவுக்கு நாம் இடும் மறுமொழி , பதிவைவிட , சிறந்ததாக இருக்கவேண்டும் என்பது என் கருத்து .
வெறுமனே " அருமை " என்று ஸ்மைலி மூலம் தெரிவிப்பதில் என்ன பயன் இருக்கப் போகிறது ?

by **Dr.S.Soundarapandian** Fri Feb 24, 2017 9:00 pm

by **krishnaamma** Fri Feb 24, 2017 10:22 pm

//நாம் நம் பதிவுகளை பதிவிடுவதில் எவ்வளவு ஆர்வம் செலுத்துகிறோமோ,
அதை மற்றவர்கள் படிக்கவேண்டும்.படித்து மறுமொழி இடவேண்டும்,
எம்மாதிரியான தாக்கத்தை ஏற்படுத்தி உள்ளது என்பதை அறிவதும் அவசியம்.//

ரொம்ப சரி ஐயா ! புன்னகை

by **krishnaamma** Fri Feb 24, 2017 10:23 pm

ayyasamy ram wrote:பொதுவாக மறுமொழி இடுபவர் குறைவாகவே உள்ளனர்.
-
உறுப்பினர்கள் தங்கள் கருத்துகளை விரிவாக பதிவிட
இயலவில்லை எனினும் ,ஸ்மைலி மூலம் தெரியப்படுத்தலாம்
-
அப்போதுதான் பதிவர்கள் ஆர்வமுடன் மேலும் பல புதிய
தகவல்களை பகிர வாய்ப்பு ஏற்படும்

மேற்கோள் செய்த பதிவு: 1234608

ஆமாம் அண்ணா , எனக்கும் இந்த வருத்தம் மிக உண்டு சோகம்

by **T.N.Balasubramanian** Sat Feb 25, 2017 6:54 am

M.Jagadeesan wrote:ராம் ஐயா அவர்களுக்கு !

ஒரு பதிவுக்கு நாம் இடும் மறுமொழி , பதிவைவிட , சிறந்ததாக இருக்கவேண்டும் என்பது என் கருத்து .
வெறுமனே " அருமை " என்று ஸ்மைலி மூலம் தெரிவிப்பதில் என்ன பயன் இருக்கப் போகிறது ?

மேற்கோள் செய்த பதிவு: 1234613

அருமை

ரமணியன்

by **krishnaamma** Mon Feb 27, 2017 4:19 pm

M.Jagadeesan wrote:ராம் ஐயா அவர்களுக்கு !

ஒரு பதிவுக்கு நாம் இடும் மறுமொழி , பதிவைவிட , சிறந்ததாக இருக்கவேண்டும் என்பது என் கருத்து .
வெறுமனே " அருமை " என்று ஸ்மைலி மூலம் தெரிவிப்பதில் என்ன பயன் இருக்கப் போகிறது ?

மேற்கோள் செய்த பதிவு: 1234613

ஒன்றுமே சொல்லாமல் நம் பதிவுகளை படித்துவிட்டு போவதற்கு பதிலாக, குறைந்த பக்ஷம் ஒரு பதில் பதிவை போடலாமே, அதற்கு அந்த ஸ்மைலிகள் உதவுமே ஐயா புன்னகை

by **ayyasamy ram** Mon Feb 27, 2017 4:31 pm

ஈகரையில் பதிவு பெற்ற உறுப்பினர்கள் எண்ணிக்கை 31268
-
சிறப்பான ஒரு சில பதிவுகளை பார்வையிடுபவர்கள்
இருநூறு உறுப்பினர்கள் இருக்கலாம்
-
ஆனால் விரிவான பின்னூட்டம் இடுபவர்கள் ஒற்றைப்படை
எண்ணில்தான் உள்ளனர்
-
தமிழில் தட்டச்சு செய்ய சிரமப்படுபவர்களுக்காத்தான்
ஸ்மைலி ....

பதிவினை படித்ததற்கு அடையாளமாக ஸ்மைலியையாவது
பயன்படுத்துமாறு அன்பர்கள் கேட்டுக்கொள்ளப் படுகிறார்கள்
-
-----------------------------------