கன்சாசில் இன்னொரு இந்தியர் கொலை.

பேச்சு என்பது எழுத்தை விட வேகமானது. ஹிற்லரின் பேச்சு (propaganda) எப்படியெல்லாம் சேர்மானிய மக்களை திசை திருப்பியது,அண்ணாவின் பேச்சு அரசியலை திருப்பியது. அரசியல்வாதிகளின் ஆவேசப் பேச்சின் பாதிப்புகள் அதிகம்.
யாகாவாராயினும் நாகாக்க.........

இந்த நிலையில் தான் அமெரிக்க இந்தியர்கள் மீதான தாக்குதல்களையும் பார்க்க வேண்டி உள்ளது.



லான்கேஸ்டர் பகுதியில் சிறிய கடை ஒன்றினை நடத்தி வரும் ஹர்னிஷ் படேல் என்பவர், அவரது வீட்டு முன்பாக குண்டு காயங்களுடன் சடலமாக மீட்கப்பட்டுள்ளார். கடையை அடைத்து விட்டு வீட்டுக்கு வேனில் வந்த படேல், வீட்டு முன்பாக சுட்டுக் கொல்லப்பட்டிருக்கலாம் என்று காவல்துறை தரப்பில் கூறப்பட்டுள்ளது. இதுகுறித்து வழக்குப் பதிவு செய்து போலீசார் விசாரித்து வருகின்றனர்.



கன்சாஸ் நகரில் இந்திய பொறியாளர் ஸ்ரீனிவாஸ் சுட்டுக்கொல்லப்பட்ட சில நாட்களில் மேலும் ஒரு இந்திய வம்சாவளியைச் சேர்ந்தவர் சுட்டுக்கொல்லப்பட்ட சம்பவம் அதிர்ச்சியை ஏற்படுத்தியுள்ளது.

அதைத் தொடர்ந்து…………...
இந்தியாவை சேர்ந்த ஏக்தா தேசாய் என்பவர் நியூயார்க் நகரில் வசித்து வருகிறார். இவர் சமீபத்தில் தனது பணி முடிந்து, ரயில் மூலம் வீடு திரும்பிக் கொண்டிருந்தார். அப்போது, அதே ரயிலில் பயணித்த அமெரிக்கர் ஒருவர், ஏக்தா ஒரு இந்திய பெண் என தெரிந்து தகாத வார்த்தைகளால் திட்டி இன வெறி தாக்குதல் நடத்தியுள்ளார். 
 
அப்போது அந்த ரயிலில் ஏராளமானோர் இருந்தும், யாரும் அவரை தட்டிக் கேட்கவில்லை எனத் தெரிகிறது.எனவே,ஏக்தா அந்த இடத்தை விட்டு நகர்ந்து விட்டார்.  
 
அதன் பின், அங்கிருந்து ஒரு ஆசிய பெண் மீதும், அவர் இன வெறி தாக்குதல் நடத்தியுள்ளார். இதுகுறித்து மெட்ரோ ரயில் நிலைய போலீசாரிடம் புகார் அளித்தும் அவர்கள் எந்த நடவடிக்கையும் எடுக்கவில்லை என ஏக்தா தனது பேஸ்புக் பக்கத்தில் எழுதியுள்ளார்.