பதிவு: மே 03, 2017 18:07
-

-
கன்னியாகுமரி மாவட்டத்தில் கடல் சீற்றத்துடன்
காணப்பட்டதால் சுற்றுலாப் பயணிகள் பீதி அடைந்தனர்.
-
ராஜாக்கமங்கலம் துறையில் இன்று கடல் சீற்றம் காரணமாக
கடல் நீர் ஊருக்குள் புகுந்தது.
-
குமரி மாவட்டத்தில் பொதுவாக ஜூன், ஜூலை
மாதங்களில் கடல் சீற்றமாக காணப்படும்.

இதனால் மீனவர்கள் மீன்பிடிக்க செல்வதில் சிரமம் ஏற்படும்.
மேலும் கடல்நீர் மீனவர் கிராமங்களில் புகுந்துவிடும்
சூழ்நிலையும் உருவாகும்.

ஆனால் இந்த ஆண்டு மே மாதமே கடலில் மாற்றங்கள்
ஏற்படத் தொடங்கியது. மாவட்டத்தின் பல்வேறு பகுதிகளில்
கடல் கொந்தளிப்பும் ஏற்பட்டது. இந்த திடீர் காலநிலை
மாற்றத்தால் மீனவர்கள் கடும் பாதிப்புக்கு ஆளாகி உள்ளனர்.

குறிப்பாக ராஜாக்கமங்கலம் துறையில் கடந்த சில நாட்களாக
கடல் சீற்றமாக காணப்படுகிறது. இங்குள்ள சின்ன குருசடி
பகுதியில் கடலில் 10 அடிக்கு மேல் ராட்சத அலைகள் எழுந்து
கரையை நோக்கி சீறிப்பாய்கிறது. நேற்று பகலில் தொடங்கிய
கடல் சீற்றம் மாலை வரை நீடித்தது.
-
மாலை மலர்