அர்ச்சனை பூக்கள்

**சிவா** · **சிவா** Thu 12 Mar 2009 - 2:53

இறைவனை வழிபடும்போது பூவும், நீரும் அடிப்படையாகக் கொண்டு இறைவனை வழிபடுகின்றோம். இதைத்தான் திருமூலர், பூவோடு நீர் சுமந்தேந்தி என்கிறார். அதுபோல திருநாவுக்கரசரும், சலம், பூவோடு தூபம் மறந்தறியேன் என்கிறார். மேலும், புண்ணியம் செய்வோருக்கு பூவுண்டு, நீருண்டு என்று சான்றோர்கள் பகர்ந்தனர்.

பூசைக்குரிய பூக்களை போற்றிப் பாதுகாக்கவேண்டும். உரிய பூக்களைக் கொண்டு உரிய நேரத்தில் இறைவனை வழிபட வேண்டும். இறைவனுக்கு எட்டுவகை பூக்கள் பூசைக்கு மிக உகந்தவை என ஆகமங்களில் கூறப்பட்டுள்ளன. புன்னை, செண்பகம், வெள்ளருக்கு, நந்தியாவர்த்தம், பாதிரி, அலரி, நிலோற்பவம், செந்தா மரை ஆகிய எட்டு மலர்களும் பூசைக்குரிய முக்கியப்பூக்கள் ஆகும்.

இனி ஒவ்வொரு தெய்வங்களும் உரிய மலர்களைத் தெரிந்து கொள்வோம்.

சிவபெருமான்: வில்வம், கொன்றை,

விநாயகர்: அருகம்புல், வெள்ளருக்கு, எருக்கு, வில்வம், ஊமத்தை, நொச்சி, நாயுருவி, கத்திரி, அலரி, மருது, மாதுளை, செண்பகம், பாதிரி, சூரியகாந்தி.

முருகன்: வெட்சி மலர், கடம்பூ

உமையவள்: நீலம்பூ, மல்லிகை, தாமரை.

திருமகள்: நெய்தல், செந்தாமரை

கலைமகள்: வெண்தாமரை

- இதுபோன்று உக்கிரமான தெய்வங்களுக்கு செந்நிறப்பூக்கள் உகந்ததாகும். பொதுவாக மணமற்ற பூக்களை இறைபூசையில் பயன்படுத்தக் கூடாது.

காலங்களும், பூக்களும்:

சாமந்தி, கொன்றை, செண்பகம் முதலிய மஞ்சள் நிறப் பூக்கள் விடியற்கால பூசைக்குரியன. செந்தாமரை, செவ்வரளி, பாதிரி முதலிய சிவப்பு நிறப் பூக்கள் பகற்பொழுது பூசைக்குரியன. மல்லிகை, முல்லை, தும்பை, வெள்ளருக்கு முதலிய பூக்கள் மாலை, யாம கால பூசைக்குரியன. நீலோற்பல மலரைத் தவிர மற்ற நீல நிறப் பூக்களை பூசைக்குப் பயன்படுத்தக் கூடாது.

அர்ச்சனை பூக்கள்

அர்ச்சனை பூக்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக