ஈகரை தமிழ் களஞ்சியம்



உறுப்பினராக இணையுங்கள்
உள்நுழைய இங்கு அழுத்தவும்
புதிய இடுகைகள்
தூத்துக்குடியில் கலவரம்- ஸ்டெர்லைட் எதிர்ப்பு போராட்டக்காரர்கள் மீது போலீஸ் துப்பாக்கி சூடு
 ayyasamy ram

இறந்த பின்பும் கணவனுக்கு ஆப்பு வைத்த மனைவி அதிர்ச்சி சம்பவம்
 SK

மாட்டிறைச்சி எடுத்து வந்தவர் அடித்து கொலை
 SK

கதையின் நாயகியான ஆண்ட்ரியா!
 SK

* "தலைவர் வித்தியாசமா மறியல் போராட்டம் நடத்தப் போறாராம்''
 SK

காஜல் அகர்வால் கொந்தளிப்பு!-
 SK

3,000 மக்கள்... தீவில் பிறந்த முதல் குழந்தை... 12 ஆண்டுகளுக்குப் பிறகு குஷியான மக்கள்
 ayyasamy ram

கணக்கு வாத்தியாருக்கு கணக்கே தெரியலை….!!
 பழ.முத்துராமலிங்கம்

சுவிட்சர்லாந்தில் தமிழ் மொழித் தேர்வு!
 பழ.முத்துராமலிங்கம்

`ஊழல் நிறைந்த மாநிலங்கள் பட்டியல்’ - தமிழகத்துக்கு எந்த இடம் தெரியுமா?
 பழ.முத்துராமலிங்கம்

ஒரு அரசு பேருந்தின் மனிதநேயமிக்க செயல்..!! ஊரே பாராட்டும் ஹீரோ ஆனது எப்படி..!!!
 பழ.முத்துராமலிங்கம்

வதந்தி வீடியோவை ஷேர் செய்த 52,000 பேர்! சிக்கிக்கொண்ட கிராமத்து இளைஞர்
 பழ.முத்துராமலிங்கம்

கிரிக்கெட் போட்டிகளில் இனி டாஸ் கிடையாது: வருகிறது புதிய விதி
 பழ.முத்துராமலிங்கம்

அணைகளில் நீர் இருப்பு குறைவாக இருப்பதால் தமிழகத்திற்கு தண்ணீர் திறந்து விட சாத்தியமில்லை
 பழ.முத்துராமலிங்கம்

`நியூயார்க் காவல்துறையில் இணைந்த முதல் சீக்கியப் பெண்!’ - டர்பனுடன் பதவியேற்றார்
 பழ.முத்துராமலிங்கம்

ஐ.பி.எல் -2018 !!
 ayyasamy ram

ளிப்படையான தேர்தல் அறிவிக்கை…!
 ayyasamy ram

செல்வ செழிப்பு மிக்க நாடு; இந்தியாவுக்கு 6வது இடம்
 ayyasamy ram

அருள்நிதிக்கு ஜோடியாக பிந்து மாதவி
 SK

திண்டுக்கல்லில் உள்ள ரங்கமலையை வட்டமிடும் குட்டி விமானங்கள்: கனிமவள கொள்ளைக்கா? நியூட்ரினோ ஆய்வா?
 பழ.முத்துராமலிங்கம்

காவிரி ஆணையத்தின் இருபெரும் ஊனங்கள் - பெ.மணியரசன் விளக்கம்
 பழ.முத்துராமலிங்கம்

நலிவடைகிறது கம்பீர நடை போட்ட ஜவுளித்துறை: ரவிக்குமார், கோவை, திருப்பூர் மாவட்ட குறுந்தொழில் முனைவோர் சங்க (காட்மா) தலைவர்
 பழ.முத்துராமலிங்கம்

மரபுநடை பயணத்தில் கண்டறியப்பட்ட மலர் வடிவம் கொண்ட சேதுபதி கோட்டை..!
 பழ.முத்துராமலிங்கம்

இந்திரா சௌந்தர்ராஜன் நாவல் வரிசை 06
 தமிழ்நேசன்1981

இந்திரா சௌந்தர்ராஜன் நாவல் வரிசை 05
 தமிழ்நேசன்1981

இந்திரா சௌந்தர்ராஜன் நாவல் வரிசை 03
 ரா.ரமேஷ்குமார்

இந்திரா சௌந்தர்ராஜன் நாவல் வரிசை 04
 Raju_007

வருங்காலப் பொறியாளன்
 ayyasamy ram

கற்றுக்கொள்! – கவிதை
 ayyasamy ram

பாம்பை வைத்து சிறப்பு பூஜை செய்த புரோகிதர்-பாம்பாட்டி கைது
 ராஜா

வரும் 29-ம் தேதி கேரளாவில் தென்மேற்கு பருவமழை துவங்க வாய்ப்பு: இந்திய வானிலை மையம்
 ayyasamy ram

சினி துளிகள்!
 ayyasamy ram

கன்னட மொழி படத்தில் சிம்பு!
 ayyasamy ram

ரயில் நீர்' திடீர் நிறுத்தம்
 ayyasamy ram

மலேசிய மாஜி பிரதமர் வீட்டில் சோதனை : விலை உயர்ந்த பொருட்கள் பறிமுதல்
 ayyasamy ram

மாணவிக்கு பதிலாக பட்டம் பெற்ற ரோபோ
 ayyasamy ram

கவர்னரை சந்தித்தார் குமாரசாமி; நாளை மறுநாள் பதவியேற்பு
 ayyasamy ram

லண்டனில் நிரவ் மோடி: அமலாக்க துறை தகவல்
 ayyasamy ram

பள்ளி பாடப் புத்தகத்தில் இளையராஜா - ஏ.ஆர்.ரஹ்மான்!
 ayyasamy ram

பயணத்தை தொடங்கியது உலகின் முதல் மிதக்கும் அணுமின் நிலையம் - என்ன அம்சங்கள்?
 ayyasamy ram

இப்படி செய்து பாருங்க... "இட்லி" பஞ்சு போல் இருக்கும்.
 பழ.முத்துராமலிங்கம்

ஜீவ சமாதிகளைப் பற்றி சித்தர்கள் கூறுவது....!
 பழ.முத்துராமலிங்கம்

படமும் செய்தியும் - தொடர் பதிவு
 ayyasamy ram

​இந்தியாவில் ரிசார்ட் அரசியலின் வரலாறு!
 Dr.S.Soundarapandian

பெண்கள் கோழையாக இருக்கக் கூடாது!
 Dr.S.Soundarapandian

சுஜாதா நாவல்கள்
 தமிழ்நேயன் ஏழுமலை

பதவியை ராஜினமா செய்தார் தமிழிசை!? தொண்டர்கள் அதிர்ச்சி!
 பழ.முத்துராமலிங்கம்

முதல்வர் பதவியை ராஜினாமா செய்தார் எடியூரப்பா: 'மெகா' திருப்பம்
 பழ.முத்துராமலிங்கம்

கருவில் தொலைந்த குழந்தை: மணிமாலா மதியழகன்
 பழ.முத்துராமலிங்கம்

கருவில் தொலைந்த குழந்தை: கு.முருகேசன்
 பழ.முத்துராமலிங்கம்

கமல் தலைமையில் புது அணி உருவாகுமா..?
 பழ.முத்துராமலிங்கம்

கடவுளுக்கு நன்றி சொல்ல வேண்டும்!
 பழ.முத்துராமலிங்கம்

நானே கல்கி அவதாரம், அலுவலகம் வரமாட்டேன்: குஜராத் அரசு அதிகாரியின் விநோதப் பிடிவாதம்
 ayyasamy ram

கர்நாடக சட்டப்பேரவை - செய்திகள் - தொடர் பதிவு
 ayyasamy ram

பொண்டாட்டியோட தினம் சண்டைப்பா...!!
 பழ.முத்துராமலிங்கம்

அடிபட்டதில் நீலமாகி விட்டதா..?
 பழ.முத்துராமலிங்கம்

சர்க்கரை நோய் பற்றி தெரிந்துகொள்ளுங்கள்..
 பழ.முத்துராமலிங்கம்

ஊசுடு ஏரி...பாரடைஸ் பீச்... ஆரண்யா வனம்... புதுச்சேரி டூர்ல இதையெல்லாம் மிஸ் பண்ணாதீங்க!
 பழ.முத்துராமலிங்கம்

உங்கள் சிம்கார்டை இன்னொருவர் பயன்படுத்துகிறார்! - அதிர்ச்சி ரிப்போர்ட்
 பழ.முத்துராமலிங்கம்

எல்லாம் விதி
 Dr.S.Soundarapandian

மின்னூல்கள் தரவிறக்கம்

























Admins Online

கமல்ஹாசனின் ‘பிக் பாஸ்’ நிகழ்ச்சியில் ஏன் இத்தனை இல்லுமினாட்டி குறியீடுகள்? | அகச் சிவப்புத் தமிழ்

View previous topic View next topic Go down

கமல்ஹாசனின் ‘பிக் பாஸ்’ நிகழ்ச்சியில் ஏன் இத்தனை இல்லுமினாட்டி குறியீடுகள்? | அகச் சிவப்புத் தமிழ்

Post by இ.பு.ஞானப்பிரகாசன் on Fri Jun 23, 2017 5:01 pm



‘கமல்ஹாசன் இல்லுமினாட்டி உறுப்பினர்’ என்று முதன் முதலில் கேள்விப்பட்ட பொழுது கைக்கொட்டிச் சிரித்தவர்களில் நானும் ஒருவன்தான். ஆனால், விஜய் தொலைக்காட்சியில் அவர் தொகுத்து வழங்கவிருக்கும் ‘பிக் பாஸ்’ நிகழ்ச்சியின் விளம்பரத்தைப் பார்த்த பிறகு அப்படிச் சிரிக்க முடியவில்லை! அந்த அளவுக்கு அதில் இல்லுமினாட்டி கூறுகள் மநிறைந்து கிடக்கின்றன.

‘இல்லுமினாட்டி’ பற்றி உங்களில் பலரும் ஏற்கெனவே கேள்விப்பட்டிருப்பீர்கள். “உண்மையில் இந்த உலகை ஆள்வது அந்தந்த நாட்டு அரசுகள் அல்ல. 13 அரசக் குடும்பங்களைச் சேர்ந்தவர்கள்தாம் பின்னணியில் இருந்து மொத்த உலகையும் ஆட்டுவிக்கிறார்கள். அந்த 13 குடும்பங்களின் கமுக்கக் (இரகசிய) குழுவுக்குப் பெயர்தான் இல்லுமினாட்டி (Illuminati). அரசியல், அறிவியல், கலை, இறையியல் (ஆன்மிகம்) எனப் பல துறைகளிலும் உள்ள பெரும்புள்ளிகள் இந்த இயக்கத்தின் உறுப்பினர்களாக இருக்கிறார்கள். பிரீமேசன் (freemason) எனப்படும் இந்த உறுப்பினர்கள் மூலம்தான் உலகெங்கும் கிளை பரப்பி இல்லுமினாட்டிகள் ஆண்டு வருகிறார்கள். உலகின் முதன்மையான அரசியல் முடிவுகள் அனைத்தும் இவர்கள் சொல்படிதான் நடக்கின்றன” எனவெல்லாம் என்னென்னவோ சொல்கிறார்கள்.

இங்குள்ள சிலர், ரூபாய்த்தாள்கள் மதிப்பிழந்ததாக அறிவிக்கப்பட்டது முதல் தங்கள் வீட்டுக்குப் பால் வராதது வரை எதற்கெடுத்தாலும் இல்லுமினாட்டி மீதே பழி சொல்லித் திரிவதால் இது ஏதோ வேலையற்றவர்களின் கட்டுக்கதை என நாம் நினைத்துக் கொண்டிருக்கிறோம். உண்மையில் இல்லுமினாட்டிகள் பற்றி வெளிநாடுகளில் மிகவும் தீவிரமாக விவாதிக்கப்படுகிறது. எழுத்தாளர்கள், அறிஞர்கள் போன்ற பலர் இல்லுமினாட்டிகள் இருப்பதாக நம்புகிறார்கள். இணையத்தின் அறிவுக் களஞ்சியமான விக்கிப்பீடியாவில் இல்லுமினாட்டி பற்றிக் கட்டுரைகள் உள்ளன.

இவற்றையெல்லாம் நம்புவதும் புறக்கணிப்பதும் அவரவர் விருப்பம். ஆனால், இல்லுமினாட்டிகள் மீதான குற்றச்சாட்டுகள் அவ்வளவு எளிதில் புறக்கணிக்கக்கூடியவை அல்ல. எடுத்துக்காட்டாக, திரைப்படங்கள், தொலைக்காட்சி நிகழ்ச்சிகள் போன்றவற்றில் பார்வையாளர்கள் உணராத வகையில் சில குறியீடுகளை மறைமுகமாகக் காட்டி பொதுமக்களின் ஆழ்மனதில் சில தவறான எண்ணங்களைப் பதிய வைப்பதாகச் சொல்லும் குற்றச்சாட்டுக்கு அடுக்கடுக்கான விழிய (video), ஒளிப்படச் சான்றுகள் உள்ளன. இது மாயக்கலையில் (Magic) பரவலாகப் பயன்படுத்தப்படும் முறைதான் என்பதால் நம்பத்தகாததும் இல்லை! இப்படி ஒரு குற்றச்சாட்டில் ஏற்கெனவே சிக்கிய டிஸ்னி நிறுவனம் அதற்காக விளக்கம் தர வேண்டிய அளவுக்குப் போனது சிக்கல்.

எதற்காக இவற்றையெல்லாம் சொல்கிறேன் என்றால், இல்லுமினாட்டி தொடர்பான குற்றச்சாட்டுகளை வெறும் புரளி என அவ்வளவு எளிதில் நாம் ஒதுக்கி விட முடியாது என்கிற கருத்தை முன்வைக்கத்தான். இப்பொழுது பிக் பாஸ் (Bigg Boss) தொடர்பான விதயத்துக்குச் செல்வோம்.

கமல் காட்டும் முத்திரை



சர்ச்சில் முதலான அமெரிக்கக் குடியரசுத் தலைவர்கள் (பெரும்பாலானோர்), மைக்கேல் ஜாக்சன் போன்ற மேலை நாட்டுக் கலைஞர்கள் என வெளிநாட்டினர் மீது மட்டுமே இருந்து வந்த இல்லுமினாட்டி குற்றச்சாட்டு, அண்மைக் காலமாகத் தமிழ்நாட்டுக் கலைஞர்கள் மீதும் சுமத்தப்பட்டு வருகிறது. ரஜினி, தனுஷ், அநிருத், ஏமி ஜாக்சன் என அந்தப் பட்டியல் நீள்கிறது. எந்த அடிப்படையில் இவர்களை இவ்வாறு குற்றம் சாட்டுகிறார்கள் எனப் பார்த்தால், இவர்கள் அனைவருமே ஏதாவது ஒரு ஒளிப்படத்தில் (photo) ஏதேனும் ஒரு இல்லுமினாட்டி முத்திரையைக் காட்டியிருக்கிறார்கள் என்பதால்தான். அதே போன்ற ஒரு முத்திரையை பிக் பாஸ் நிகழ்ச்சியின் விளம்பரத்தில் வெளிப்படையாகக் காட்டியிருக்கிறார் கமல்ஹாசன் அவர்கள்.
avatar
இ.பு.ஞானப்பிரகாசன்
புதியவர்

புதியவர்

நிகழ்நிலை
இணையாநிலை

பதிவுகள் : 34
மதிப்பீடுகள் : 28

View user profile http://agasivapputhamizh.blogspot.com

Back to top Go down

Re: கமல்ஹாசனின் ‘பிக் பாஸ்’ நிகழ்ச்சியில் ஏன் இத்தனை இல்லுமினாட்டி குறியீடுகள்? | அகச் சிவப்புத் தமிழ்

Post by சரவணன் on Sat Jun 24, 2017 2:14 pm

பிக் பாஸ் - இந்த நிகழ்ச்சியே இலுமினாட்டிகளுடையது தான். இப்படித்தான் பாலிவுட்-க்கு சன்னி லியோனை அறிமுகம் செய்து இந்திய கலையுலக கலாச்சாரத்தையே மாற்றி அமைத்தனர். கமலும் தமழ் திரையுலகில் பல புரட்சிகரமான கருத்துக்களை ( புன்னகை புன்னகை  ஹெய்ராம் படம் உட்பட, பல படங்களில்) கூறியுள்ளார். மேலும் அவரது படங்களில்  நடக்க போவதை முன்கூட்டியே சொல்லிவிடுவார்(இதுவும் இலுமினாட்டிகளி வேலை). எனவே அவரும் இந்த கூட்டத்தில் உள்ளவர் என்பது உறுதி. இதை அவரே ஒரு நேர்காணலில் ஒப்புக்கொண்டுள்ளார். காணொளி முடிந்தால் பதிகிறேன்.


ஏற்பது இகழ்ச்சி X ஐயமிட்டுஉண்
--------------------------------------------------------------
சிவாய நமவென்று சிந்தித் திருப்போர்க்கு அபாயம் ஒருநாளும் இல்லை-உபாயம் இதுவே மதியாகும் அல்லாத வெல்லாம் விதியே மதியாய் விடும்
avatar
சரவணன்
நிர்வாகக் குழுவினர்


நிகழ்நிலை
இணையாநிலை

பதிவுகள் : 11138
மதிப்பீடுகள் : 520

View user profile http://fb.me/Youths.TYD

Back to top Go down

Re: கமல்ஹாசனின் ‘பிக் பாஸ்’ நிகழ்ச்சியில் ஏன் இத்தனை இல்லுமினாட்டி குறியீடுகள்? | அகச் சிவப்புத் தமிழ்

Post by இ.பு.ஞானப்பிரகாசன் on Sat Jun 24, 2017 4:17 pm

என்ன... கமல்ஹாசன் தான் இல்லுமினாட்டி என்பதை ஒப்புக் கொண்டிருக்கிறாரா!! உண்மையாகவா சொல்கிறீர்கள்!! மிகவும் வியப்பாக இருக்கிறது. முடிந்தால் கனிவு கூர்ந்து அந்த நேர்காணல் விழியத்தைப் (video) பகிர வேண்டுகிறேன்! சுவையான கருத்துக்கு நன்றி!
avatar
இ.பு.ஞானப்பிரகாசன்
புதியவர்

புதியவர்

நிகழ்நிலை
இணையாநிலை

பதிவுகள் : 34
மதிப்பீடுகள் : 28

View user profile http://agasivapputhamizh.blogspot.com

Back to top Go down

Re: கமல்ஹாசனின் ‘பிக் பாஸ்’ நிகழ்ச்சியில் ஏன் இத்தனை இல்லுமினாட்டி குறியீடுகள்? | அகச் சிவப்புத் தமிழ்

Post by மூர்த்தி on Sat Jun 24, 2017 6:18 pm

எத்தனை காலம் தான் ஏமாற்றுவார் இந்த இலுமினாட்டியை வைத்தோ தெரியவில்லை. எல்லா நாட்டிலும் கார்பொரேட் நிறுவனங்களின்,பணக்காரர்களின் தலையீடுகள் வழமையான ஒன்றுதான். இலுமினாட்டி மறைந்து பல நூறு ஆண்டுகள் ஆகி விட்டது. அமெரிக்க சின்னமான The Great Seal க்கும் இலுமினாட்டிக்கும்,பணக்க்காரர்களுக்கும் எந்தத் தொடர்பும் கிடையாது. ஜேசு வருகிறார்,கவனித்துக் கொண்டிருக்கிறார் என்று பைபிளை பரப்ப கத்தோலிக்க பல்கலைக்கழக பையரிச பேராசிரியர் Weishaupt சேர்மனி பவாரியாவில் ஆரம்பித்ததுதான் இந்த இலுமினாட்டி ஆகும்.1795 இல் முடிவுக்கு வந்தது.

கமலகாசனுக்கும் இந்த விளம்பரத்திற்கும் கூட தொடர்பு கிடையாது. மும்பாயில் இருந்து ஒளிபரப்பாகும் Viacom நிறுவனம் பிக்பாஸ்-Big Boss -தொடரின் விளம்பரத்தை சிறிது மாற்றி, விஜய் தொலைக்காட்சியினர் உருவாக்கி உள்ளனர். Big Boss என்பது பல ஆண்டுகளாக வெளி நாட்டு தொலைக்காட்சிகள் ஒளிபரப்பி வரும் Big Brother (முதலில் சனல்-4) தொடரின் இந்திய வடிவமாகும். அதை தமிழில் தருகிறது விஜய் தொலைக்காட்சி.இந்த Big Brother இன் லோகோவும் கண்ணை வைத்து உருவாக்கப்பட்டுள்ளது. அதாவது ஒரு அறையில் பங்கேற்பவர்கள் நடந்து கொள்வதை வெளியில் இருந்து பார்த்துக் கொண்டிருக்கிறார்கள்,கண்காணிக்கப்படுகிறார்கள் என்று பொருள்.

(இந்நிகழ்ச்சியில் பங்கேற்கும் பிரபலங்கள் ஒரு தனியறையில் சில நாட்கள் தங்கவைக்கப்படுவர்.அங்கு அவர்களுடைய தினசரி வாழ்க்கையை எவ்வாறு மேற்கொள்கிறார்கள் என்பதையும், சக போட்டியாளர்களுடன் எவ்வாறு பழகுகிறார்கள் என்பதையும் நேரடியாக ஒளிபரப்புகிறார்கள்.ஒவ்வொருவரின் நடவடிக்கைகளுக்கும் நேயர்கள் வாக்களிப்பார்கள்; அதன் அடிப்படையில் ஒவ்வொருவராக வெளியேற்றப்பட்டு இறுதி வரை தாக்குப்பிடிப்பவர்களுக்குப் பரிசு வழங்கப்படும்.இந்நிகழ்ச்சியில் இந்தியா சார்பாக பிரபல இந்தி நடிகை ஷில்பா ஷெட்டி முன்பு பங்கேற்றார்.)

விரைவில் சிவபெருமானின் நெற்றிக் கண்ணை வைத்து அவரையும் இலுமினாட்டிக்குள் கொண்டு வந்து விடுவார்கள். சிவனே கொஞ்சம் எச்சரிக்கையாக இரப்பா,உலகம் கெட்டுப் போய்க்கொண்டிருக்கிறது.எப்போதும் நெற்றிக் கண்ணை திறந்தே வைத்திரு.

13 என்பது 13 பணக்காரர்கள் அல்ல, 1776 சூலையில் அமெரிக்கா தன்னிச்சையாக சுதந்திர பிரகடனம் செய்த போது பிரிட்டிஷ் காலணிகளாக இருந்து அமெரிக்க கூட்டணியில் இணைந்த 13 பிரிட்டிஷ் காலணிகள் (மானிலங்களைக் குறிக்கும்.) ஆகும். The Great Seal ஐ உருவாக்க ஆறு வருடங்கள் (1776 – 1782) ஆயிற்று. 13 காலணிகள் ஒவ்வொருவரும் ஆலோசனைகளை வைக்க,அதை காங்கிரஸ் ஏற்றுக் கொள்ள மறுக்க, திருத்தம் சொல்ல என தாமதமாயிற்று.அதற்குப் பின்னரும் பல முறை திருத்தப்பட்டது.

இந்தக் கண் சின்னம் மத சார்புடன் சொல்லப்பட்டாலும், கி.பி. 5 இல் ரோம ஆட்சி வீழ்ச்சிக்குப் பின்னர் மத்திய கிழக்கு,ஐரோப்பிய நாடுகளில் கலை கலாச்சர விழிப்புணர்ச்சி ஏற்பட்டதற்கான அடையாளமாக பயன்படுத்தப்பட்டு வந்தது.

எப்படி சுவஸ்திகாவை நாசிகளின் அடையாளமாக சொல்ல முடியாதோ அப்படி கண்ணையும் இலுமினாட்டியின் அடையாளம் எனச் சொல்ல முடியாது.
சிலர் பிராங்கிளினை இரகசிய விடுதலை அமைப்பில் உள்ளவர் என சொன்னாலும் அவரைத் தவிர வேறு யாரும் விடுதலை அமைப்பில் இருந்ததற்குச் சான்றுகள் இல்லை.

இந்த இலுமினாட்டியை வைத்து பல இலட்சக் கணக்கில் சுரண்டி விட்டார்கள் சுரண்டிக் கொண்டும் இருக்கிறார்கள். பாவம் நம்பும் மக்கள்.
avatar
மூர்த்தி
சிறப்புப் பதிவாளர்


நிகழ்நிலை
இணையாநிலை

பதிவுகள் : 1047
மதிப்பீடுகள் : 506

View user profile

Back to top Go down

Re: கமல்ஹாசனின் ‘பிக் பாஸ்’ நிகழ்ச்சியில் ஏன் இத்தனை இல்லுமினாட்டி குறியீடுகள்? | அகச் சிவப்புத் தமிழ்

Post by T.N.Balasubramanian on Sat Jun 24, 2017 6:49 pm

free mason என்பது நிஜம். நானறிவேன் இதன் சேவைகளை.
இல்லுமினாட்டி ........கேள்வி படும் ஆனால் ,பார்த்திராத ஒரு அமைப்பு.
என்னை பொறுத்த வரையில் ,கற்பனை .

ரமணியன்


* கருத்துக்களை ரத்தினச்சுருக்கமாக கூற பழகிக் கொண்டால்
வாக்கில் பிரகாசம் உண்டாவதுடன், சக்தியும் வீணாகாமல் இருக்கும்*. ----"காஞ்சி மஹா பெரியவா
"

சாதிமதங்களைப் பாரோம் - உயர்சன்மம் இத் தேசத்தில் எய்தினராயின்
வேதியராயினும் ஒன்றே - அன்றி வேறுகுலத்தினராயினும் ஒன்றே -  பாரதி
avatar
T.N.Balasubramanian
நிர்வாகக் குழுவினர்


நிகழ்நிலை
இணையாநிலை

பதிவுகள் : 21931
மதிப்பீடுகள் : 8232

View user profile

Back to top Go down

Re: கமல்ஹாசனின் ‘பிக் பாஸ்’ நிகழ்ச்சியில் ஏன் இத்தனை இல்லுமினாட்டி குறியீடுகள்? | அகச் சிவப்புத் தமிழ்

Post by இ.பு.ஞானப்பிரகாசன் on Sat Jun 24, 2017 8:58 pm

திரு.மூர்த்தி அவர்களே! இல்லுமினாட்டிகளை வைத்து ஏமாற்றிப் பணம் பறிக்கும் அளவுக்கு இழிவான பிறவியில்லை நான். அப்படி ஒரு பிழைப்புப் பிழைக்கிற கேடு கெட்டவன் நான் இல்லை. வேறு எவனாவது இருந்தால் அவனிடம் போய் இதைச் சொல்லுங்கள்!

இல்லுமினாட்டி என்கிற அமைப்பு இருக்கிறதா இல்லையா என்பது பற்றி எனக்குத் தெரியாது. அது பற்றிய விவரங்கள் எல்லாமே வெறும் ஏரண (logical) வாதங்களும் தொடர்புபடுத்தல்களும் மட்டும்தானே தவிர, சரியான சான்றுகள் ஏதும் இல்லை. ஆனால், அப்படி ஓர் இயக்கம் இருப்பதாக உலகளவில் பலர் நம்புகிறார்கள். தமிழ்நாட்டில் அது தொடர்பான பல கதைகள் உலவி வருகின்றன. இப்படிப்பட்ட நிலையில் எந்த விதமான சான்றும் இல்லாத அந்தக் கதைகளுக்கு வலுச் சேர்க்கும் வகையில் பொறுப்புள்ள பெருங்கலைஞரான கமல் அவர்கள் இப்படி நடந்து கொள்ளலாமா என்பதே என் கேள்வி. மற்றபடி, அந்த இயக்கம் இருக்கிறது என்றோ இல்லை என்றோ நான் கட்டுரையில் ஏதும் சொல்லவில்லை. அந்த நிகழ்ச்சி பற்றி நீங்கள் குறிப்பிட்டுள்ள எல்லாத் தகவல்களையும் நானும் அறிவேன். எல்லாவற்றையும் தெரிந்து கொண்டுதான் எழுத வருகிறோம். பார்த்துப் பேசுங்கள்! கருத்துரைக்க எல்லாருக்கும் உரிமை இருக்கிறது. ஆனால், என்ன எழுதியிருக்கிறார்கள் என்பதைப் புரிந்து கொண்டு கருத்துரைப்பது நல்லது. உள்நோக்கம் கற்பிப்பது எனத் தொடங்கினால் எல்லாவற்றுக்கும் உள்நோக்கம் கற்பிக்க முடியும்.
avatar
இ.பு.ஞானப்பிரகாசன்
புதியவர்

புதியவர்

நிகழ்நிலை
இணையாநிலை

பதிவுகள் : 34
மதிப்பீடுகள் : 28

View user profile http://agasivapputhamizh.blogspot.com

Back to top Go down

Re: கமல்ஹாசனின் ‘பிக் பாஸ்’ நிகழ்ச்சியில் ஏன் இத்தனை இல்லுமினாட்டி குறியீடுகள்? | அகச் சிவப்புத் தமிழ்

Post by T.N.Balasubramanian on Sat Jun 24, 2017 9:38 pm

இப்பதிவை திண்ணைப்பேச்சு பகுதிக்கு மாற்றுகிறேன்.
பதிவு /மறுமொழிகள் இரண்டையும் நிதானமாக படித்துப் பாருங்கள்.
அவசரமான /அவசியமற்ற /அர்த்தமற்ற கருத்துக்களை நீக்குங்கள்.
ஒருமுறைக்கு மறுமுறை படித்தால் / in between the lines படிக்காமல் இருந்தால் ,
எல்லோருடைய கருத்தும் கிட்டத்தட்ட ஒரு மாதிரியாகவே இருக்கும்.

இல்லுமினாட்டிகள் பற்றி திரு சரவணன் ஏற்கனவே ஒரு பதிவு போட்டு இருக்கின்றார்
என்று நினைவு. அதிலும் விவரங்கள் பல உள்ளன.

ரமணியன்


* கருத்துக்களை ரத்தினச்சுருக்கமாக கூற பழகிக் கொண்டால்
வாக்கில் பிரகாசம் உண்டாவதுடன், சக்தியும் வீணாகாமல் இருக்கும்*. ----"காஞ்சி மஹா பெரியவா
"

சாதிமதங்களைப் பாரோம் - உயர்சன்மம் இத் தேசத்தில் எய்தினராயின்
வேதியராயினும் ஒன்றே - அன்றி வேறுகுலத்தினராயினும் ஒன்றே -  பாரதி
avatar
T.N.Balasubramanian
நிர்வாகக் குழுவினர்


நிகழ்நிலை
இணையாநிலை

பதிவுகள் : 21931
மதிப்பீடுகள் : 8232

View user profile

Back to top Go down

Re: கமல்ஹாசனின் ‘பிக் பாஸ்’ நிகழ்ச்சியில் ஏன் இத்தனை இல்லுமினாட்டி குறியீடுகள்? | அகச் சிவப்புத் தமிழ்

Post by மூர்த்தி on Sat Jun 24, 2017 10:26 pm

ஐயா இ.பு.ஞானப்பிரகாசன் அவர்களே,ஏன் இந்தக் கோபம்? இதுவரை நான் எந்தப் பதிவிலும் யாரையும் தரக்குறைவாக விமர்சித்தது கிடையாது. கடைசி வசனத்தை இன்னொரு தடவை படியுங்கள்.

இங்கு (அமெரிக்காவில்) மட்டுமல்ல வேறு சில நாடுகளிலும் இலுமினாட்டியை வைத்து பிழைப்பு நடத்துகிறார்கள். மக்களின் பலவீனத்தை வைத்து சினிமா ,தொலைக்காட்சி நிகழ்ச்சிகள் நடத்தப்படுவது போல்,  இலுமினாட்டி பற்றி அறியத் துடிப்பவர்களின் பலவீனத்தை சரியாகப் புரிந்து கொண்டு,அவர்களைக் கவரும் வகையில்  எத்தனை புத்தகங்கள் எந்தவித ஆதாரமும் இல்லாமல் எழுதப்பட்டன,அதை வைத்து இணையத் தளங்கள், போலி ஆட்சேர்ப்பு இப்படி பல சுரண்டல்கள் தொடர்ந்து நடந்து வருகின்றன. இதையே குறிப்பிட்டிருந்தேன்.
இதுபற்றி எங்கள் பல்கலைக்கழகத்தின் வரலாற்றுப் பிரிவு ஆய்வுகளையும் நடத்தி இருக்கின்றது. எனினும் அதை மக்கள் மனதில் இருந்து நீக்க முடியவில்லை.

உங்களைப் பற்றி எனக்கு எதுவும் தெரியாது. வேறொரு வலைப்பதிவில் இருந்து எடுத்து பதிவிட்டிருக்கிறீர்கள்.அப்படி இருக்கும் போது உங்களைப் பற்றி எப்படி விமர்சித்திருக்க முடியும்? இருப்பினும் அந்த வசனம் உங்களைப் புண்படுத்தி இருந்தால் மன்னிக்கவும்.
avatar
மூர்த்தி
சிறப்புப் பதிவாளர்


நிகழ்நிலை
இணையாநிலை

பதிவுகள் : 1047
மதிப்பீடுகள் : 506

View user profile

Back to top Go down

Re: கமல்ஹாசனின் ‘பிக் பாஸ்’ நிகழ்ச்சியில் ஏன் இத்தனை இல்லுமினாட்டி குறியீடுகள்? | அகச் சிவப்புத் தமிழ்

Post by T.N.Balasubramanian on Sat Jun 24, 2017 11:32 pm

இ.பு.ஞானப்பிரகாசன் அவர்களே
முதல் பதிவை படித்ததும் ,
"நானும் ஒருவன்தான். .....", "எதற்காக இவற்றையெல்லாம் சொல்கிறேன் என்றால்,",
போன்ற வார்த்தைகள் ,இது உங்களுடைய தனிப்பட்ட எண்ணங்கள் ,கருத்துக்கள் என
எண்ணி இருந்தேன்.  சரிதானா?
அப்பிடி இல்லை ,வேறொரு ஊடகத்திலிருந்து எடுத்த விஷயம் என்றால்,
அந்த ஊடகத்திற்கு நன்றி கூறுவது , ஈகரை விதிமுறைகளில் ஒன்று.
உங்கள் பதிவில் அதை இப்போது உங்களால் இணைக்கமுடியாது என்பதால்,
உதவி வேண்டுமெனில் கூறவும் . கூடுதல் செய்தி இணைக்கப்படும்.

இனி வரும் பதிவுகளில் இதை நினைவு கொள்ளவும்.

ரமணியன்


* கருத்துக்களை ரத்தினச்சுருக்கமாக கூற பழகிக் கொண்டால்
வாக்கில் பிரகாசம் உண்டாவதுடன், சக்தியும் வீணாகாமல் இருக்கும்*. ----"காஞ்சி மஹா பெரியவா
"

சாதிமதங்களைப் பாரோம் - உயர்சன்மம் இத் தேசத்தில் எய்தினராயின்
வேதியராயினும் ஒன்றே - அன்றி வேறுகுலத்தினராயினும் ஒன்றே -  பாரதி
avatar
T.N.Balasubramanian
நிர்வாகக் குழுவினர்


நிகழ்நிலை
இணையாநிலை

பதிவுகள் : 21931
மதிப்பீடுகள் : 8232

View user profile

Back to top Go down

Re: கமல்ஹாசனின் ‘பிக் பாஸ்’ நிகழ்ச்சியில் ஏன் இத்தனை இல்லுமினாட்டி குறியீடுகள்? | அகச் சிவப்புத் தமிழ்

Post by கோபால்ஜி on Fri Jul 14, 2017 7:52 pm

@T.N.Balasubramanian wrote:free mason என்பது நிஜம். நானறிவேன் இதன் சேவைகளை.
இல்லுமினாட்டி ........கேள்வி படும் ஆனால் ,பார்த்திராத ஒரு அமைப்பு.
என்னை பொறுத்த வரையில் ,கற்பனை .

ரமணியன்
மேற்கோள் செய்த பதிவு: 1244774
ஐயா நலமாக உள்ளீர்களா?
avatar
கோபால்ஜி
பண்பாளர்


நிகழ்நிலை
இணையாநிலை

பதிவுகள் : 120
மதிப்பீடுகள் : 29

View user profile

Back to top Go down

Re: கமல்ஹாசனின் ‘பிக் பாஸ்’ நிகழ்ச்சியில் ஏன் இத்தனை இல்லுமினாட்டி குறியீடுகள்? | அகச் சிவப்புத் தமிழ்

Post by இ.பு.ஞானப்பிரகாசன் on Fri Jul 14, 2017 10:00 pm

@மூர்த்தி wrote:ஐயா இ.பு.ஞானப்பிரகாசன் அவர்களே,ஏன் இந்தக் கோபம்? இதுவரை நான் எந்தப் பதிவிலும் யாரையும் தரக்குறைவாக விமர்சித்தது கிடையாது. கடைசி வசனத்தை இன்னொரு தடவை படியுங்கள்.

இங்கு (அமெரிக்காவில்) மட்டுமல்ல வேறு சில நாடுகளிலும் இலுமினாட்டியை வைத்து பிழைப்பு நடத்துகிறார்கள். மக்களின் பலவீனத்தை வைத்து சினிமா ,தொலைக்காட்சி நிகழ்ச்சிகள் நடத்தப்படுவது போல்,  இலுமினாட்டி பற்றி அறியத் துடிப்பவர்களின் பலவீனத்தை சரியாகப் புரிந்து கொண்டு,அவர்களைக் கவரும் வகையில்  எத்தனை புத்தகங்கள் எந்தவித ஆதாரமும் இல்லாமல் எழுதப்பட்டன,அதை வைத்து இணையத் தளங்கள், போலி ஆட்சேர்ப்பு இப்படி பல சுரண்டல்கள் தொடர்ந்து நடந்து வருகின்றன. இதையே குறிப்பிட்டிருந்தேன்.
இதுபற்றி எங்கள் பல்கலைக்கழகத்தின் வரலாற்றுப் பிரிவு ஆய்வுகளையும் நடத்தி இருக்கின்றது. எனினும் அதை மக்கள் மனதில் இருந்து நீக்க முடியவில்லை.

உங்களைப் பற்றி எனக்கு எதுவும் தெரியாது. வேறொரு வலைப்பதிவில் இருந்து எடுத்து பதிவிட்டிருக்கிறீர்கள்.அப்படி இருக்கும் போது உங்களைப் பற்றி எப்படி விமர்சித்திருக்க முடியும்? இருப்பினும் அந்த வசனம் உங்களைப் புண்படுத்தி இருந்தால் மன்னிக்கவும்.
மேற்கோள் செய்த பதிவு: 1244786

ஐயா! மன்னிப்பு போன்ற பெரிய சொற்கள் தேவையில்லை. அன்பான புரிதலே போதும்! நீங்கள் என்னைச் சொல்லவில்லை என்றால் மகிழ்ச்சி! ஆனால், நான் வெளியிட்ட பதிவில் நீங்கள் இப்படி ஒரு கருத்தை இட்டால் என்னைப் பற்றிச் சொன்னதாகத்தானே நான் எண்ண முடியும்? அதனால்தான் சீற்றமாகப் பேசி விட்டேன். நானும் என் வருத்தத்தைத் தெரிவித்துக் கொள்கிறேன்.

அதே நேரம், அந்தக் கட்டுரை முழுக்க முழுக்க நான் எழுதியது. பகிர்வு இல்லை. ஆனால், கட்டுரையில் எந்த இடத்திலும் இல்லுமினாட்டிகள் இருக்கிறார்கள் என்று நான் கூறவில்லை என்பதை நீங்கள் கவனிக்க வேண்டுகிறேன். இல்லுமினாட்டிகள் பற்றி ஏற்கெனவே நிறைய புரளிகள் உலா வரும் நிலையில் அதன் இருப்பை உறுதிப்படுத்தும் விதமாகவோ அல்லது ஒருவேளை அப்படியோர் இயக்கம் இருப்பது உண்மையானால் அதற்கு மக்களிடம் வலிமை சேர்க்கும் விதமாகவோ கமல் போன்ற பெருங்கலைஞர் இப்படி நடந்து கொள்ளலாமா என்பதே கட்டுரையின் கேள்வி - பேசுபொருள் - நோக்கம் எல்லாம். ஊடக அறத்தை வலியுறுத்துவதுதான் இந்தப் பதிவின் நோக்கமே தவிர இல்லுமினாட்டிகள் இருப்பைப் பற்றி உறுதி செய்வதோ மறுப்பதோ கமல் அவர்களைக் குற்றம் சாட்டுவதோ இல்லை என்பதை மீண்டும் உறுதிபடத் தெரிவித்துக் கொள்கிறேன். சுருக்கமாகச் சொன்னால், இல்லாத ஓர் இயக்கம் பற்றி மூடநம்பிக்கை பரப்ப வேண்டா எனும் உங்கள் நோக்கமே என் நோக்கமும்.

உங்கள் புரிதலுக்கு மிக்க நன்றி!
avatar
இ.பு.ஞானப்பிரகாசன்
புதியவர்

புதியவர்

நிகழ்நிலை
இணையாநிலை

பதிவுகள் : 34
மதிப்பீடுகள் : 28

View user profile http://agasivapputhamizh.blogspot.com

Back to top Go down

Re: கமல்ஹாசனின் ‘பிக் பாஸ்’ நிகழ்ச்சியில் ஏன் இத்தனை இல்லுமினாட்டி குறியீடுகள்? | அகச் சிவப்புத் தமிழ்

Post by இ.பு.ஞானப்பிரகாசன் on Fri Jul 14, 2017 10:01 pm

@T.N.Balasubramanian wrote:இ.பு.ஞானப்பிரகாசன் அவர்களே
முதல் பதிவை படித்ததும் ,
"நானும் ஒருவன்தான். .....", "எதற்காக இவற்றையெல்லாம் சொல்கிறேன் என்றால்,",
போன்ற வார்த்தைகள் ,இது உங்களுடைய தனிப்பட்ட எண்ணங்கள் ,கருத்துக்கள் என
எண்ணி இருந்தேன்.  சரிதானா?
அப்பிடி இல்லை ,வேறொரு ஊடகத்திலிருந்து எடுத்த விஷயம் என்றால்,
அந்த ஊடகத்திற்கு நன்றி கூறுவது , ஈகரை விதிமுறைகளில் ஒன்று.
உங்கள் பதிவில் அதை இப்போது உங்களால் இணைக்கமுடியாது என்பதால்,
உதவி வேண்டுமெனில் கூறவும் . கூடுதல் செய்தி இணைக்கப்படும்.

இனி வரும் பதிவுகளில் இதை நினைவு கொள்ளவும்.

ரமணியன்
மேற்கோள் செய்த பதிவு: 1244787

ஐயா! பிக் பாஸ் நிகழ்ச்சி பற்றிய மேற்படி பதிவு முழுக்க முழுக்க என் சொந்த ஆக்கமே! வேறு தளங்களிலிருந்து பகிர்ந்தால் கட்டாயம் தாங்கள் கூறியபடி மேற்கோள் இடுவேன். நன்றி! வணக்கம்!
avatar
இ.பு.ஞானப்பிரகாசன்
புதியவர்

புதியவர்

நிகழ்நிலை
இணையாநிலை

பதிவுகள் : 34
மதிப்பீடுகள் : 28

View user profile http://agasivapputhamizh.blogspot.com

Back to top Go down

Re: கமல்ஹாசனின் ‘பிக் பாஸ்’ நிகழ்ச்சியில் ஏன் இத்தனை இல்லுமினாட்டி குறியீடுகள்? | அகச் சிவப்புத் தமிழ்

Post by Dr.S.Soundarapandian on Sun Aug 27, 2017 4:30 pm

புலவர்கள் சாந்தமாக உரையாடவேண்டும்!

ஆறுதல்
avatar
Dr.S.Soundarapandian
கல்வியாளர்


நிகழ்நிலை
இணையாநிலை

பதிவுகள் : 4545
மதிப்பீடுகள் : 2410

View user profile http://ssoundarapandian.blogspot.in

Back to top Go down

Re: கமல்ஹாசனின் ‘பிக் பாஸ்’ நிகழ்ச்சியில் ஏன் இத்தனை இல்லுமினாட்டி குறியீடுகள்? | அகச் சிவப்புத் தமிழ்

Post by Sponsored content


Sponsored content

நிகழ்நிலை
இணையாநிலை


Back to top Go down

View previous topic View next topic Back to top


Permissions in this forum:
You cannot reply to topics in this forum