மறுபக்க மழை – கவிதை

**ayyasamy ram** · **ayyasamy ram** Tue Jul 04, 2017 9:03 pm

-
வாழ்தலை எனக்கு எளிமையாக்கியவள் அவள்
சொட்ட நனைந்தபடி வந்தவள்
மழையை சபிக்கிறாள்
பொய்க்காத பருவ மழை திட்டாதே என்றேன்
பொய்க்காமல் பொழிஞ்சிருந்தா
நான் ஏன் பத்து தேய்க்கிறேன்
ஓடிப்போன கணவன்
நோய்மையில் வாடிப்போன பிள்ளை
எனத் துவண்டுபோய்விட்டாள் பாவம்
கொடுத்த நீரையும் மறுக்கிறாள்
குழந்தை சாப்பிட்டு ரெண்டு நாள் ஆச்சு என்றாள்
எதற்கடி வந்தாய் என்றால்
உன்னாலே முடியாதே என்கிறாள்
இவள் போல் நல்லோர் இருப்பதால்
ஊரெல்லாம் மழை
–
————————–
– அனுராதா சாயிநாதன்
குங்குமம்