அவள் பதில் கூறும் நேரம்

Shivasakthi Danadjeane · Shivasakthi Danadjeane Tue Jul 25, 2017 12:15 am

துள்ளி விடும் மீன்கள் அவள் கண்ணானதோ
மலர்ந்த ரோஜா அவள் இதழ்ஆனதோ
மேல் இருக்கும் நெற்றி கடல் ஆனதோ
தள்ளி விடும் கூந்தல் அலையானதோ..

அவள் மனம் நான் பதித்த தடமானதோ
அவள் கால் பாதம் கண்ணகி சிலம்பானதோ
அவள் பேசும் வார்த்தை தேன் அமுதானதோ
அவளோடு என் வாழ்வு சுகமானதோ

நிலவில் துயில் கொள்ளும் அவள் மனம் அழகானதோ
நான் சூரியனாய் அவளை தொடும்
வெட்கம் சிறப்பானதோ!
கௌரி மானாய் அவள் துள்ளல்
விளையாடுதோ

சந்திரமதியாய் அவள் வாழ்வு
உருவானதோ
தங்கமீனாய் அவள் கண்கள் எனை தேடுதோ
என் மனம் தூண்டில் போட
தடுமாறுதோ
என் இதயம் எனை கேட்காமல்
இடம் தேடுதோ
அவள் பதில் கூறும் நேரம்
என் வாழ்வு வரமானதோ..

− சிவசக்தி புதுவை

**T.N.Balasubramanian** · **T.N.Balasubramanian** Tue Jul 25, 2017 12:25 am

அருமை சிவசக்தி . நன்றாக உள்ளது .
இம்முறை சொந்த கவிதை பகுதியில் பதிவிட்டு உள்ளீர். நன்றி.
முதல் கவிதையில் ஓரிரு எழுத்துப் பிழைகள் உள்ளன. சரி செய்துள்ளேன்.

தொடர்ந்து கவிதை மாரி பொழியுங்கள்.

ரமணியன்

இந்த பதிவைத் துவங்கியவர் நன்றி கூறியுள்ளார் T.N.Balasubramanian