மேலதிகாரிகளும் கீழதிகாரிகளும்! (சிற்றாராய்ச்சி)

**Dr.S.Soundarapandian** · **Dr.S.Soundarapandian** Tue Aug 15, 2017 8:58 pm

மேலதிகாரிகளும் கீழதிகாரிகளும்! (சிற்றாராய்ச்சி)

எல்லா இடத்திலும் நாம் பார்க்கும் ஓர் உண்மை என்னவென்றால், தலைமை அதிகாரி புண்ணாக்காக இருக்கிறார்; அவருக்குக் கீழே உள்ள அதிகாரி அறிவாளியாக இருக்கிறார் ! நீங்களும் பார்த்திருப்பீர்கள்! நானும் பல இடங்களில் பார்க்கிறேன் , நனைந்த புண்ணாக்குகளுக்குத்தான் பதவி உயர்வும் கிடைக்கிறது ; அறிவாளியால் எதுவும் செய்ய இயல்வதில்லை! ’அறிவாளி’ என்றாலே அவனை வளரவிடாமல் தடுக்கவேண்டும் என்பது எழுதப்படாத ஒரு சட்டமாக நம் சமுதாயத்திலுள்ளது ! ஐரோப்பிய நாடுகளைவிட நாம் பின் தங்கியிருப்பதற்கு இந்தக் கருத்தோட்டமும் ஒரு காரணம் !

ஒரு தலைமை அதிகாரியிடம் ஒரு கோப்பு சென்றது! கோப்பை எழுதியவர், கீழதிகாரி! கோப்பின் தலைப்பு – ‘நீர் நிலைகள் ஒரு பருந்துப் பார்வை’ என்பது. இதைப் படித்த மேலதிகாரி , “என்னது? கழுகுப் பார்வை என்றுதானே சொல்வது? நீர் பருந்துப்பார்வை என்று எழுதியுள்ளீரே?” என்று சத்தம் போட்டார் !

இரு பார்வைகளுக்கும் உள்ள வேறுபாடு அவருக்குத் தெரியவில்லை! (தெரியாததைக் கேட்டுத் தெரிந்துகொள்வோம் என்ற பழக்கம்தான் நம்மிடம் இல்லையே?)

‘கழுகுப் பார்வை’ என்பது மேலே பறந்தபடி கீழே ஏதாவது கோழிக்குஞ்சு ஏதாவதுஇருக்கிறதா என்று பார்த்து , சடக்கெனக் கீழே வந்து கொத்திக்கொண்டு போகப் பார்க்கும் பார்வை! ஆகவே , ஆளைச் சாய்க்கும் நோக்கோடு ஒருவன் ஒன்றைப்பார்த்தால் அதனைக் கழுகுப் பார்வை என்பர்! (கழுகு – Eagle)
’பருந்துப் பார்வை’ என்பது , அங்குமிங்குமாகப் பார்ப்பது ! ஒன்றை வரிசையாகவும் முழுமையாகவும் பார்க்காது, ஆங்காங்கே விட்டுவிட்டுப் பார்ப்பது ! ‘Birds’ eye view’ என்பதன் நேரடித் தமிழ் மொழிபெயர்ப்பே ‘பருந்துப்பார்வை’ ! (பருந்து-Kite)

கீழதிகாரி எழுதியது சரிதான் !
***

**T.N.Balasubramanian** · **T.N.Balasubramanian** Tue Aug 15, 2017 10:07 pm

Birds Eye View பறவையின் பார்வை என்று எழுதி இருக்கலாம், .

மேலும் ஆங்கில பழமொழிகளை பின்பற்ற வேண்டிய அவசியம் இருக்கிறதா என்று புரிந்துகொள்ள முடியவில்லை.

"நீர் நிலைகள்" ஓர்( சிறு) தொகுப்பு --ஒரு கண்ணோட்டம் --என்றும் எழுதி இருக்கலாம்.
இவை யாவும் எந்தன் மனதில் பட்ட கருத்துக்கள்.

ரமணியன்

**ayyasamy ram** · **ayyasamy ram** Wed Aug 16, 2017 8:34 am

மேலதிகாரிகளும் கீழதிகாரிகளும்! (சிற்றாராய்ச்சி) 103459460

மேலதிகாரிகளும் கீழதிகாரிகளும்! (சிற்றாராய்ச்சி) 3838410834

-
வழக்கறிஞரை விட அவரிடம் வேலை ்பார்க்கும்
வக்கீல் ்குமாஸ்தாவுக்குத்தான் அதிகம் தெரியும்
-
சில வழக்கறிஞர்கள் அப்படிப்பட்ட குமாஸ்தாவுக்கு
உரிய மரியாஇதை கொடுத்து அவர் சொல்படி
நடப்பதும் உண்டு....
---

**T.N.Balasubramanian** · **T.N.Balasubramanian** Wed Aug 16, 2017 8:24 pm

ayyasamy ram wrote:
-
வழக்கறிஞரை விட அவரிடம் வேலை ்பார்க்கும்
வக்கீல் ்குமாஸ்தாவுக்குத்தான் அதிகம் தெரியும்
-
சில வழக்கறிஞர்கள் அப்படிப்பட்ட குமாஸ்தாவுக்கு
உரிய மரியாஇதை கொடுத்து அவர் சொல்படி
நடப்பதும் உண்டு....
---

மேற்கோள் செய்த பதிவு: 1246747

அதிகம் தெரியும் என்பது உண்மைதான். ஆமோதித்தல்