சாத்தனார் சொல்லும் உலகாயதம்

சீத்தலைச்சாத்தனார் தம் மணிமேகலை காப்பியத்தில் உலகாயதம் பற்றியும் உலகாயதர் பற்றியும் பல செய்திகளைக் கூறியுள்ளார்.

வஞ்சி மாநகரில் சமயவாதிகள் பலருடன் மணிமேகலை அவர்தம் சமயக்கருத்துக் களைக் குறித்து வாதம் புரிந்தாள். அப்போது அவள் உலகாயதனாகிய பூதவாதியை அழைத்து அவனது கருத்துக்களைக் கூறுமாறு கேட்டாள். பூத வாதிகள் என்போர் நிலம், நீர், தீ காற்று என்னும் நான்கு பூதத்தால் உடல் உருப்பெறுகிறது என்ற கருத்துடையவர்கள் .
பூத வாதியம் தன் கருத்துக்களைக் கூறினான். பூதவாதியின் கூற்று இது:

பூதவாதியைப் புகல் நீ என்ன
தாதகிப்பூவும் கட்டியும் இட்டு
மற்றும் கூட்ட மதுக்களி பிறந்தாங்கு
உற்றிடும் பூதத்து உணர்வு தோன்றிடும்
அவ்வுணர்வு அவ்வப்பூதத்து அழிவுகளின்
வௌ;வேறு பிரியும் பறையோசையிற் கெடும்
உயிரோடு கூடிய உணர்வின் பூதமும்
உயிரில்லாத உணர்வு இல் பூதமும்
அவ்வப்பூதவழி யவை யவை பிறக்கும்
மெய்வகை இதுவே, வேறு வேறு விகற்பமும்
உண்மைப் பொருளும் உலகாயதன் உணர்வே,
கண்கூடல்லது கருத்தளவழியும்
இம்மையும் இம்மைப்பயனும் இப்பிறப்பே,
பொய்மை மறுமையுண்டாய் வினைதுய்த்தல்”

இவ்வாறு பூதவாதி தன் கருத்துக்களை மணிமேகலைக்கு எடுத்துக்கூறியதாகச் சாத்தனார்; கூறுகிறார்.அப்போதைய சமயம் அத்தனைக் கருத்து சுகந்திரம் கொண்ட பிரிவுகளைக் கொண்டதாக இருந்தது .



ஆத்திப்பூவையும் கருப்புக் கட்டியையும் இட்டு வேறு பொருள்களையும் கலந்து காய்ச்சுவதால் கள் உண்டாகி அக்கள்ளில் போதை தோன்றுகிறது.
(சங்க காலத்து மதுவின்தயாரிப்பு முறை இது )

அதே போல் பூதங்கள் பொருந்திக்கூடுவதால் உடலில் உணர்வு பிறக்கும். அப்பூதங்களின் கூட்டம் கலைந்து நீங்கும் போது, எவ்வாறு பறையோசை தூரத்தே செல்லச் செல்லத் குறைந்து மறைவதைப்போல உணர்வும் வேறு வேறாகப் பிரிந்து தத்தம் முதலோடுஅதாவது தோன்றிய இடத்தில் ஒன்றி விடும். உண்மைநெறியிதுவேயாகும். என்று உடம்பு, உயிர் ஆகியவற்றின் தோற்றம் அழிவு ஆகியவற்றுக்குக் கள்ளைக் காய்ச்சும் தொழில் நுட்பம் காட்டி பூதவாதியால் உவமையாகக் கூறப்படுகிறது.
இதன் மூலம் நாம் தெரிந்து கொள்ளும் செய்திகள் சங்ககால சமய சுதந்திரம் , அந்தக்காலத்திய மது தயாரிக்கும் முறை , பறை எனும் தோல் கருவி அப்போது பயன்பாட்டில் இருந்தது ஆகியவை ஆகும் .
அண்ணாமலை சுகுமாரன்
28/12/17