சுமார் 25 அடிக்கும் மேல் மண் மூடி கிடக்கிறது 200 கோடி மதிப்பீட்டில் வைகை அணை சீரமைப்பு: நிதி வழங்க உலக வங்கி ஒப்புதல்

மதுரை: சுமார் 25 அடிக்கு மேல் மண் மூடி கிடக்கும் வைகை அணையை தூர்வாருவதற்காக, உலக வங்கி நிதி வழங்க ஒப்புதல் அளித்துள்ளது. 200 கோடி மதிப்பீட்டில் அணை தூர்வாரப்பட உள்ளது. தமிழகத்தில் எந்த அணையிலும் இல்லாத அளவில் வைகை அணையில் இயற்கையாகவே மண்படிவு அதிகமாக உள்ளது. மேற்கு தொடர்ச்சி மலை அடிவாரத்தில் அமைந்துள்ள, இந்த அணையின் 870 சதுர மைல் நீர்ப்பிடிப்பு பகுதியில் உள்ள பாறைகள், படிவு மற்றும் உப்பு பாறைகளாக இருப்பதால், வெள்ள நேரங்களில் எளிதில் உடைந்து காட்டாற்று ஓடைகள் வழியாக அணையில் குவிகின்றன.
மூலவைகை நீருடன் பெரியாறு அணை உபரி நீரையும் தேக்கி, மதுரை, தேனி, திண்டுக்கல், சிவகங்கை, ராமநாதபுரம் மாவட்ட பாசனம், குடிநீர் தேவைக்காக 1958ல் இந்த அணை கட்டப்பட்டது. 71 அடி உயரமுள்ள இந்த அணையில் 6,091 மில்லியன் கன அடி நீர் தேக்க முடியும். நேற்றைய நிலவரப்படி அணையின் நீர்மட்டம் 46.52 அடியாக உள்ளது. ஆனால் நீர் கொள்ளளவு கணக்கின்படி 1,568 மி.க.அடி நீர்தான் இருக்கிறது. இதே நிலை நீடித்தால் 10 ஆண்டுகளில் அணையில் பாதியை மண் மூடும் அபாயம் ஏற்படும் என மூத்த பொறியாளர்கள் எச்சரித்துள்ளனர். எனவே, படிந்துள்ள மண்ணை அகற்ற விவசாயிகள், தென்மாவட்ட மக்கள் கோரிக்கை விடுத்துள்ளனர்.
தற்போது தமிழகத்தில் நீர்ப்பாசன திட்ட மேம்பாட்டுக்காக உலக வங்கி 2,036 கோடி கடன் அளிக்க கடந்த வாரம் டெல்லியில் கையெழுத்திட்டு ஒப்புதல் அளித்துள்ளது. இதில் வைகை அணையை தூர்வாரி மண் குவியலை அகற்றும் திட்டம் சேர்க்கப்பட்டு ஒப்புதல் அளிக்கப்பட்டுள்ளது. வைகை அணையின் தற்போதைய நிலை குறித்து ஆய்வு செய்யப்பட்ட முழு விவர அறிக்கை தயாராகி உள்ளது. தூர்வாரும் திட்ட உத்தேச மதிப்பீடு 200 கோடி.
பொதுப்பணித்துறை பொறியாளர் ஒருவர் கூறும்போது, “உலக வங்கி குழு விரைவில் தமிழகம் வந்து பார்வையிட உள்ளது. அப்போது வைகை அணையை பார்வையிட்டு அனுமதி அளிக்க வாய்ப்பு ஏற்பட்டுள்ளது” என்றார்.
வைகை அணை கட்டி 60 ஆண்டுகளுக்கு பிறகு முதன் முறையாக தூர்வாரும் திட்டத்திற்கு விமோசனம் பிறக்கும் என எதிர்பார்க்கப்படுகிறது.
2.90 கோடி செலவில் கட்டிய அணை
வைகை அணை 1954ல் கட்ட ஆரம்பித்து 1958ல் கட்டி முடிக்கப்பட்டுள்ளது. அப்போது அனுமதிக்கப்பட்ட தொகை ₹3 கோடியே 30 லட்சம். கட்டுமான பணி முடிக்கப்பட்ட பிறகு 40 லட்சம் மீதம் இருந்தது. அந்த தொகை மூலம் அணை அருகே பூங்கா அமைக்கப்பட்டது. ஆனால் 60 ஆண்டுகளில் அந்த அணையை தூர்வாருவதற்கே 200 கோடி தேவைப்படுகிறது.
நன்றி
தினகரன்

by SK Wed 3 Jan 2018 - 18:14

அதில் தெர்மக்கோல் போடவே 10 லட்சம் ஆச்சே

by aeroboy2000 Wed 3 Jan 2018 - 19:27

போட்ட தெர்மாக்கோல எடுக்க ஒரு பத்து லட்சம் கணக்கு சொன்னா

தமிழ் மக்கள் என்ன கோவிச்சுக்கவா போறாங்க.....

ரொம்ப நல்லவங்களா இருக்காங்களே அப்பூ...

நன்றி

aeroboy2000 wrote:போட்ட தெர்மாக்கோல எடுக்க ஒரு பத்து லட்சம் கணக்கு சொன்னா

தமிழ் மக்கள் என்ன கோவிச்சுக்கவா போறாங்க.....

ரொம்ப நல்லவங்களா இருக்காங்களே அப்பூ...

மேற்கோள் செய்த பதிவு: 1255767
தெர்மாக்குல் அடியில் சென்றிருக்காது
நன்றி
நண்பா

by Sponsored content