கோயில் பிரசாதம் சாப்பிட்ட 150 பேருக்கு வாந்தி, மயக்கம்

**ayyasamy ram** · **ayyasamy ram** Sat Jul 28, 2018 11:38 pm

திருவாரூர் அருகே கோயில் பிரசாதம் சாப்பிட்ட
150-க்கும் மேற்பட்டவர்களுக்கு வாந்தி, மயக்கம் ஏற்பட்டதால்
அப்பகுதியில் பரபரப்பு நிலவியது.

திருவாரூர் மாவட்டம், நன்னிலம் வட்டம், குவளைக்கால்
கிராமத்தில் உள்ள அருள்மிகு மாரியம்மன் கோயிலில்
ஆடி மாத வெள்ளிக்கிழமையன்று சிறப்பு வழிபாடு நடை
பெற்றது.

அப்போது சுண்டல், புளிசாதம், பொங்கல் உள்ளிட்டவை
பிரசாதமாக பக்தர்களுக்கு விநியோகம் செய்யப்பட்டன.
இதை, கோயிலுக்கு வந்திருந்த குழந்தைகள், பெண்கள்,
பெரியவர்கள் என 200-க்கும் மேற்பட்டோர் வாங்கி
சாப்பிட்டுள்ளனர்.

இந்நிலையில், சனிக்கிழமை காலை அப்பகுதியில்
குழந்தைகள் உள்பட 150- க்கும் மேற்பட்டோருக்கு வாந்தி,
மயக்கம், பேதி ஏற்பட்டுள்ளது. அவர்கள், நன்னிலம்
மருத்துவமனைக்குச் சென்று சிகிச்சை பெற்றுள்ளனர்.

இதுகுறித்து, மாவட்ட நிர்வாகத்துக்கு தெரியவந்ததையடுத்து,
5 மருத்துவக் குழுக்கள் குவளைக்கால் கிராமத்துக்கு அனுப்பி
வைக்கப்பட்டு, பாதிக்கப்பட்டவர்களுக்கு சிகிச்சை
அளிக்கப்பட்டு வருகிறது.

மேலும், 30 பேர் நன்னிலம் மருத்துவமனைக்கு அனுப்பி
வைக்கப்பட்டுள்ளனர்.
வாந்தி, மயக்கத்துக்கு காரணம் கோயில் பிரசாதம்
சாப்பிட்டதா அல்லது வேறு ஏதும் காரணமா என விசாரணை
மேற்கொள்ளப்பட்டுள்ளது.
-
--------------------------------
தினமணி

**M.Jagadeesan** · **M.Jagadeesan** Sun Jul 29, 2018 8:53 am

எண்ணெய் கெட்டுப்போயிருந்தால் இப்படி நடக்கும் . சில கோவில்களில் புளியோதரை அமிர்தமாக இருக்கும் .தரமான எண்ணையில் சமைக்கவேண்டும் . ECR சாலையில் உள்ள திருவிடந்தை கோவிலில் புளியோதரை நன்றாக இருக்கும் .

**T.N.Balasubramanian** · **T.N.Balasubramanian** Sun Jul 29, 2018 10:33 am

M.Jagadeesan wrote:எண்ணெய் கெட்டுப்போயிருந்தால் இப்படி நடக்கும் . சில கோவில்களில் புளியோதரை அமிர்தமாக இருக்கும் .தரமான எண்ணையில் சமைக்கவேண்டும் . ECR சாலையில் உள்ள திருவிடந்தை கோவிலில் புளியோதரை நன்றாக இருக்கும் .

இருமுறை திருவிடந்தை கோயில் சென்றுள்ளேன்.
புளியோதரை சமாச்சாரம் தெரியாது! சோகம்

ரமணியன்

SK · SK Mon Jul 30, 2018 12:47 pm

M.Jagadeesan wrote:எண்ணெய் கெட்டுப்போயிருந்தால் இப்படி நடக்கும் . சில கோவில்களில் புளியோதரை அமிர்தமாக இருக்கும் .தரமான எண்ணையில் சமைக்கவேண்டும் . ECR சாலையில் உள்ள திருவிடந்தை கோவிலில் புளியோதரை நன்றாக இருக்கும் .

அங்கு மத்திய ஆனதானமும் நல்லா இருக்கும் சியர்ஸ்