தயக்கத்தை உடைத்தால் வெற்றித்தடம் பதிக்கலாம்!

-
லஞ்ச் பாக்ஸ்' என்ற, நிறுவனத்தின் உரிமையாளர், சென்னையைச்
சேர்ந்த கிருபா: இன்ஜினியரிங் படித்த நான், கார்ப்பரேட்
நிறுவனத்தில் வேலை பார்த்தேன். குழந்தை பிறந்த பின், அவளை
பார்த்து கொள்வதற்காக, வேலையை விட்டேன்.

குழந்தைக்கு சாப்பாடு ஊட்ட ஆரம்பித்த காலத்தில் தான்
, 'என் குழந்தை ஒழுங்கா சாப்பிட மாட்டேங்குது' என்பது தான்,
அம்மாக்கள் உலகின் மிகப்பெரிய சவாலாக இருப்பது புரிந்தது.

குழந்தைக்கு வயிறு நிறைந்தால் போதும் என, சிப்ஸ், பீட்சா,
பர்கர்னு எதையோ ஒன்றை வாங்கிக் கொடுக்கும் அம்மாக்களையும்
கவனித்தேன்.'குழந்தைகளுக்கு, 'ஜங்க் புட்ஸ்' தான் பிடிக்கிறது எனில்,
அதில் ஆரோக்கியத்தை சேர்க்கலாம்' என முடிவு செய்து, சிறுதானிய
பீட்சா செய்தேன்.

நண்பர், உறவினர் எல்லாரும், 'எங்களுக்கும் செய்து கொடுங்க'ன்னு
கேட்க, அது பிசினசாக உருமாறியது; செம வரவேற்பு.என் கணவர்,
'ஆன்லைன் பிசினசாக மாற்றலாம்'னு ஐடியா கொடுத்தார்.

ஆரம்பத்தில் தயக்கம் இருந்தாலும், துணிந்து களத்தில் இறங்கி,
'லஞ்ச் பாக்ஸ்' என்ற, 'ஆன்லைன்' நிறுவனத்தை, 'ஸ்டார்ட் அப்'
செய்தேன். காலை, மதிய, இரவு உணவுகளை, 'ஆர்டர்'களின்
அடிப்படையில் செய்து கொடுத்தோம்.

சிறுதானிய உணவுகள் தான், எங்களின் ஸ்பெஷல். ஆரம்பத்தில்,
20 ஆர்டர் என்பதே, பெரிய விஷயமாக இருந்தது. இப்போது,
ஐந்து ஆண்டுகளான நிலையில், தினமும், 2,000 ஆர்டர் வருகிறது.

வட, தென் மாநிலம் மற்றும் சர்வதேசம் என, எல்லா வகை
உணவுகளையும் தயார் செய்து கொடுக்கிறோம்.பள்ளிகளுக்கு
சிறுதானிய ஸ்நாக்ஸ் செய்து கொடுக்கிறோம். ஆர்டர் வந்த பின்,
உணவுகளை தயாரிப்பதால், நஷ்டம் வந்ததில்லை.

ஐ.டி., கம்பெனிகளில், உணவகம் நடத்துகிறோம். எங்கள்
நிறுவனத்தில் இன்று, 30 பேர் வேலை செய்கின்றனர். லாபம்
குறைவாக இருந்தாலும், உணவு தரமாக இருக்க வேண்டும்
என்பதில் உறுதியாக இருந்தேன்.

ஆரம்பத்தில் நல்ல சமையல்காரர் கிடைக்கவில்லை. அப்படியே
கிடைத்தாலும், அவர்களுக்கான சம்பளம், வருவாயை விட
அதிகமாக இருக்கும். நேரத்துக்கு வினியோகம் செய்யவில்லை
எனில், ஆர்டர் கேன்சல் ஆகிவிடும்.

அதிக தொலைவில் இருந்து ஆர்டர் வரும் போது, போக்குவரத்துச்
செலவு அதிகரித்து, லாபம் இல்லாமலும் போகும்.

இப்போது எனக்கு, மாதம் இரண்டு லட்சம் ரூபாய்க்கு மேல்
வருமானம் கிடைக்கிறது. சமையல் தானே என, பலரும் என்னை
சாதாரணமாக பார்த்தனர். இன்று அந்த சமையல் தான்,
என் சாதனைக்குக் காரணமாகி இருக்கிறது.

யோசித்து பார்த்தால், தாய்மையில் என்னை தொலைக்கவில்லை...
செதுக்கி கொண்டேன். ஆர்வமும், தன்னம்பிக்கையும் இருந்தால்,
எந்தச் சூழலிலும் சாதிக்க முடியும். சின்னத் தயக்கம் தான்,
வாழ்க்கையின் மிகப்பெரிய இழப்புக்கு காரணமாக இருக்கும்.

அந்த தயக்கத்தை உடைத்து யோசித்தால், அதுவே நம் வாழ்வின்
வெற்றித்தடமாக மாறும்.
-

------------------------------
தினமலர்

-