மாடல் அழகியுடன் சுற்றிய செய்தி வெளியானதால் பதவியை இழந்த நார்வே மந்திரி

**ayyasamy ram** · **ayyasamy ram** Fri Aug 17, 2018 7:32 pm

ஓஸ்லோ:

நார்வே நாட்டின் மீன்வளத்துறை மந்திரியும்,
அந்நாட்டின் ஆளும் கட்சியின் மூத்த தலைவர்களில்
ஒருவருமான பெர் சாண்ட்பெர்க் சமீபத்தில் மிகப்
பெரிய சர்ச்சையில் சிக்கினார்.

ஈரான் நாட்டின் முன்னாள் மாடல் அழகியாக இருந்தவரும்,
தற்போது மீன் ஏற்றுமதி நிறுவனம் நடத்தி வரும்
பஹாரே லெட்னெஸ் என்பவருடன், பெர் சாண்ட்பெர்க்
ரகசியமாக சுற்றுலா சென்றுள்ளார்.

இதனால், மந்திரியின் பாதுகாப்புக்கு பங்கம் ஏற்படும்
என்றும், பிரதமரிடம் கூட அறிவிக்காமல் மந்திரி சென்ற
இந்த ரகசிய சுற்றுலா குறித்தும் பல்வேறு சர்ச்சைகளும்,
கண்டனங்களும் எழுந்தன.

இந்நிலையில், இந்த சர்ச்சைகள் மற்றும்
குற்றச்சாட்டுகளுக்கு முற்றுப்புள்ளி வைக்கும் வகையில்,
தனது மந்திரி பதவியை பெர் சாண்ட்பெர்க் ராஜினாமா
செய்துள்ளார்.

பெர் சாண்ட்பெர்க், கட்சியின் தலைவர் பதவியில்
இருந்தும் ராஜினாமா செய்துள்ளதாகவும், இது நல்ல
முடிவுதான் என்றும் நார்வே பிரதமர்
எம்மா சோல்பெர்க் கருத்து தெரிவித்துள்ளார்.
-
---------------------------------
மாலைமலர்

சிவனாசான் · சிவனாசான் Fri Aug 17, 2018 9:09 pm

மாலை மலரின் காப்பி செய்தமைக்கு நன்றி.

SK · SK Sat Aug 18, 2018 1:18 pm

SK · SK Sat Aug 18, 2018 1:19 pm

சிவனாசான் wrote:மாலை மலரின் காப்பி செய்தமைக்கு நன்றி.

அவராவது மலை மலரை காப்பி செய்தார் நீங்கள் ஒரே பின்னுட்டத்தை காப்பி செய்து பதிவிட்டுளீர்கள் சிப்பு வருது

சிவனாசான் · சிவனாசான் Sat Aug 18, 2018 7:26 pm

அவர்தான் நாணயஸ்த்தன். ஆனால் நம் நாட்டில்
இவ்வாறு செயல்படுவார் என கனவுகானக்கூட
காண முடியாது.

Mr.theni · Mr.theni Sat Aug 18, 2018 8:42 pm

மாலை மலர் தலைப்பை மாற்றிப் போட்டிருக்கலாம் என்று தோன்றுகிறது .மாடல் அழகியுடன் சென்றதால் அவர் பதவியை ராஜினாமா செய்யவில்லை. அவருடைய பெண் நண்பி இரான் நாட்டை சேர்ந்தவர்.வெளிநாட்டவர் ஒருவர் ஈரானுக்கு செல்வதால் அங்கு பாதுகாப்பு பிரச்சனை ஏற்படலாம்.உரிய பாதுகாப்பு பெற்று செல்லவேண்டிய நிலையில் அவர் அதை செய்யாமல் விட்டதும்,அலுவலக பாவனைக்கான தொலைபேசியை எடுத்துச் சென்றதுமே அவரை பதவி விலக வைத்தது.

மாடல் அழகியை போட்டு அவரை கொச்சைப் படுத்தாமல் விட்டிருக்கலாம். எல்லாரும் அறிந்த பெண் நண்பருடன் செல்வது தவறா?