‘அன்பின் வழியது’ - (கவிதை) தொடர் பதிவு

**ayyasamy ram** · **ayyasamy ram** Sat Sep 22, 2018 4:16 pm

அன்பின் வழியது - என்ற தலைப்பிற்கு
தினமணி (கவிதைமணி)
வாசகர்கள் எழுநிய கவிதைகள்
-
----------------------
ஆயிரம் ஆண்டுகள் ஆனாலும்;
ஆதவன் ஆத்திரம் ஆறாதே

அமராவதியில் ஆழிப்பேரலை;
அவள் ஆடிப்பாடி அலைகிறாள்

ஆதவன் அவளை அடைய;
ஆட்களை அனுப்பினான்

அன்பை அகத்தால் அடையாமல்;
அறிவைக்கொண்டு ஆளுகிறான்

ஆஸ்திரேலிய அலையில் ஆடிப்பாட;
அலைக்கா

ஆசிய அனலில் அலைபாய;
அனன்யா

அயிரோப்பிய அமுதில்
அங்கம்சேர;
அட்லாண்டா

ஆப்ரிக்க அழகில் அள்ளிக்கொள்ள;
ஆடோமோரா

அமெரிக்க ஆய்வில் அமேசானாய்;
அமோரா

அன்டார்டிகாவில் அணைத்துக்கொள்ள;
அமேதா

அகிலம் ஆளும் ஆதவனுக்கு,
அகவை அதிகமானாலும்;
ஆத்திரம்
ஆறாதே

அமராவதியை அடைய அழைக்கிறான்;
அதனால் அம்பிகாபதியை,
அழித்தான்

அதிலும் ஆத்திரம் அடங்காதவன்!

ஆங்கிலேயனாய் அவதரித்தான்;
அகிலத்தையே அடக்கி ஆண்டான்

அமெரிக்கனாய் அவனாகி;
அணுக்கதிர் அறிவியலை அறிந்தான்

அதனால் அகிலம் அடைந்தது அழிவு;
அதுதான் ஆதவன் அறிவு

அன்பினால் ஆகாதது;
அறிவினால் ஆகுமோ?

ஆண்டவன் அளித்த அருவி;
அன்பு
அதை அனுதினம் அருந்து;
அது அருமருந்து

அருமருந்தால்,
ஆணவம்,அதிகாரம் அகலும்;
அன்பும்,அமைதியும்,
அகிலம் ஆளும்.
--
-------------------------------------------
ம.சபரிநாத்,சேலம்

**ayyasamy ram** · **ayyasamy ram** Sat Sep 22, 2018 4:25 pm

‘அன்பின் வழியது’
- ஆகாசம்பட்டு A.K.சேகர்
-

அன்பின்மைதானது வாழ்வோ
அன்பில்லாத உடலது நடைபிணமோ
உள்ளகமென்பது உயிரல்லவோ
உயிரின் மூச்சது அன்பல்லவோ

இயற்கையின் அன்பது பொதுவல்லவோ
இயல்பான உறவது நிஜமல்லவோ
உடலும் உயிரும் ஒன்றல்லவோ
உயர்ந்த அன்பே சிவமல்லவோ

உறவில் பாசம் அன்பின் உணர்வல்லவோ
அன்பதில் வசமாவது காதலல்லவோ
அதில் உருவாவது உயிர்களல்லவோ
அன்பின் வழியில் நட்பும் உறவதுமே

அன்பே யாவர்க்கும் வழியதுவே
அன்பற்றது வாழ்வில் அழகற்றதே
எவ்வுயிர்களிலும் கண்டேன் அன்பை கருணையை
எங்கும், எதிலும் காண்பது உயிர்நிலையே

அன்பின் வழியது உயர்வைக் கொடுக்கும்
தனக்கென வாழ்தலும் அன்பின் வழியதுவே
அந்த அன்பே வெற்றியின் மனநிலையே
உலகில் அன்பின் வழியது தாய்மைதானே!
-
---------------------------

**ayyasamy ram** · **ayyasamy ram** Sat Sep 22, 2018 4:26 pm

அன்பின் வழியது’
- பார்.விஜயேந்திரன், கருங்குழி

அன்பின் வழியது
அருமையான வழியது
இரும்பு மனம் கொண்டாரை
இமையிலே மாற்றிடுமே
கரும்பு மனம் கொண்டாரை
காந்தம் போல் கவர்ந்திடுமே

அகிம்சை வழியாலே
அன்று சுதந்திரம் அடைந்தோமே
அன்பின் வழியாலே
இன்று அகிலத்தை வெல்வோமே

அனைத்து மதங்களுமே
அன்பை மதிக்கிறது
அதனை உணர்ந்தினியே
அழகாக வாழ்ந்திடுவோம்
-
------------------------------
- பார்.விஜயேந்திரன், கருங்குழி

**ayyasamy ram** · **ayyasamy ram** Sat Sep 22, 2018 4:28 pm

அன்பின் வழியது’
- கவிஞர் டாக்டர்.எஸ். பார்த்தசாரதி

***

இரண்டே வரிகளில்
உயிர்நிலைக்கு உவமையாய்ச் சொன்னான்
உண்மைக்கவிஞன் –
கன்னடக்கண்களில் ஒரு
தமிழ்ப்பார்வை ,
தெலுங்கு சுவாசத்தில் ஒரு
மலையாள வாசம் – எப்படி வரும்
அன்பு மொழியில் பேசிப்பார் !!

பொறாமைப்பாறையை உடையுங்கள் ,
கருணை மரங்களை நடுங்கள், அவற்றில்
சுவையுடன் பழச்சொல் கனியட்டும் !
பழிச்சொல் வேண்டாமே !!

தியாகத்தை தாராக்கி
சாலையிடுங்கள் –
நீர் வேண்டாம் !! அந்தப்பாதையில்
நேர்மையான நேச வியர்வை சிந்தட்டும் –

ஆம் , அந்தப்பாதை
அழைத்துச்செல்லும் நம்மை
அமைதிச்சிகரத்தை நோக்கி
எப்படிச்சாத்தியம் ?
அன்பின் வழியது
-
----------------------

- கவிஞர் டாக்டர்.எஸ். பார்த்தசாரதி

**ayyasamy ram** · **ayyasamy ram** Sat Sep 22, 2018 4:29 pm

அன்பின் வழியது -

- இனிய தமிழ் செல்வா, ஓமன்

**
அன்பின் வழியது யாது எனில்?
அமைதியாய் ஆரவாரமற்றது,
இனியதாய் இதமானது,
இயலாதவருக்கு ஈவது,
வாழும் வாழ்க்கையில் மனிதன் முயலும்,
ஓர் குணமாக இதுஒவ்வொரு நாளும் அமைய வேண்டும்!

காந்தி தன் வாழ்வில் காண்பித்தது,
அன்னை தெரசா வாழ்வாக வாழ்ந்தது,
இன்னும் பலரின் வழியது அன்பு!

அன்னையின் கருணை,
தந்தையின் உழைப்பு,
சகோதரியின் பாசம்,
உற்றாரின் அக்கறை,
நண்பனின் நேசம்,
முகம்தெரியாதவரின் நேயம்,
இதன்வழி அன்பு பாய்கிறது!

அகந்தையைவிட்டால் கண்ணில் தெரியும்!
தற்பெருமை குறைந்தால் காதில் ஒலிக்கும்!
அடுத்தவர் இடத்தில் அமர்ந்தால் மனம் உணரும்!
இப்புவியின் உயர்ந்த அறம்தனை பயில்வோம்!
நிறைவாய் வாழ்ந்து மகிழ்வாய் இருப்போம்!

- இனிய தமிழ் செல்வா, ஓமன்

சிவனாசான் · சிவனாசான் Sat Sep 22, 2018 9:23 pm

நல்ல சேதி நல்ல தகவலும் கூட.

Sponsored content · Sponsored content

‘அன்பின் வழியது’ - (கவிதை) தொடர் பதிவு

‘அன்பின் வழியது’ - (கவிதை) தொடர் பதிவு

Re: ‘அன்பின் வழியது’ - (கவிதை) தொடர் பதிவு

Re: ‘அன்பின் வழியது’ - (கவிதை) தொடர் பதிவு

Re: ‘அன்பின் வழியது’ - (கவிதை) தொடர் பதிவு

Re: ‘அன்பின் வழியது’ - (கவிதை) தொடர் பதிவு

Re: ‘அன்பின் வழியது’ - (கவிதை) தொடர் பதிவு

Re: ‘அன்பின் வழியது’ - (கவிதை) தொடர் பதிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக