Copyrighted files removing Reg

by Mahamsk Wed Sep 26, 2018 4:05 pm

தோழமைகளுக்கு வணக்கம்,
நேற்று என்னுடைய கதையின் pdf பொதுவில் பகிர்ந்து இருப்பதை அறிந்து உங்களுடன் என்னுடைய மன வருத்தத்தையும்,உளைச்சலையும் பகிர்ந்து கொண்ட பிறகு,சம்பந்தப்பட்ட தளத்திடம் அவைகளை நீக்கும்படி கோரிக்கை வைத்தேன்.

ஆனால் அந்த லிங்க் இன்னமும் நீக்கப்படாததால் சைபர்கிரைம் பிரிவில் கம்ப்ளைன்ட் கொடுத்து விட்டேன்.அந்த தளத்தை பற்றியும்,அதை பதிவேற்றம் செய்த Ram என்ற பெண்ணைக் குறித்தும் அதில் குறிப்பிட்டுள்ளேன்.அவர்கள்சட்ட ரீதியாக இனி எதிர் கொள்ளட்டும்.

என்னுடைய உழைப்பை காக்க வேண்டும் என்ற எண்ணம் எனக்கு இருந்ததால் வேறு வழியின்றி இதை செய்தேன்.நான் இந்தக் கதையை எத்தனை பிரச்சினைகளுக்கு இடையில் எழுதி முடித்தேன் என்பது என்னுடைய நட்பு வட்டத்தில் இருப்பவர்கள் அறிந்த ஒன்று.

நான் மட்டுமா அப்படி கஷ்டப்பட்டு எழுதினேன்.நீங்களும் தானே...இருந்தும் உங்களின் பலரின் மௌனம் ஏன் என்று எனக்கு புரியவில்லை.உங்களுடைய கதைகள் உங்களின் அனுமதியின்றி பகிர்ந்தால் அப்பொழுதும் நீங்கள் இப்படித்தான் மௌனமாக இருப்பீர்களா என்று எனக்குத் தெரியவில்லை.

ஒரே ஒரு விஷயம்...ஆன்லைனில் எழுதுவது நிறைய பேர் படிக்க வசதியாக இருக்கும் என்ற காரணத்திற்காக மட்டும் தான்.புத்தகமாக வாங்கி படிக்க முடியாதவர்கள் படிக்க வசதியாக இருக்குமே என்று எண்ணித் தான்.

அதைப் போலவே பணம் சம்பாதிப்பது ஒன்று மட்டுமே என்னுடைய குறிக்கோளாக இருந்து இருந்தால் kindleலில் பதிவேற்றம் செய்த என்னுடைய முதல் கதையை அதே நேரத்தில் என்னுடைய தளத்திலும் பகிர்ந்து கொள்ள ஆரம்பித்து இருக்க மாட்டேன்.இன்னும் புத்தகம் வெளிவர தாமதம் ஆனால் வாசகர்கள் வருந்துவார்களே என்று அச்சில் ஏறாத கதையையும் வாசகர்கள் படிப்பதற்கு ஏதுவாக என்னுடைய தளத்தில் பதிவிட்டு இருக்க மாட்டேன்.

யாரும் என்னுடைய கதையை படிக்கக் கூடாது என்று நான் நினைத்து இருந்தால் அதை நான் என்னுடைய கம்ப்யூட்டரில் மட்டும் டைப் செய்து அப்படியே வைத்து இருப்பேன்.
நான் இங்கே எதிர்பார்ப்பது ஒன்றே ஒன்று தான்...என்னுடைய கதை பொதுவில் பகிரப்பட்டால் அதை நான் தான் செய்ய வேண்டும்.வேறு யாரோ ஒரு நபர் தன்னுடைய சொந்த விருப்பு வெறுப்புகளை காரணம் காட்டி அதை செய்வதை என்னால் அனுமதிக்க முடியாது.

நட்பில் உள்ள எழுத்தாள தோழமைகளுக்கு நீங்களும் உங்களது படைப்பை காக்க விரும்பினால் இது போல சைபர்கிரைம் பிரிவில் முறையிடலாம்.மேலும் விவரங்கள் தேவைபட்டால் என்னை இன்பாக்ஸில் தொடர்பு கொள்ளலாம்.

இக்கட்டான நேரத்தில் உறுதுணையாக இருந்த தோழமைகளுக்கு என்னுடைய நன்றிகள்...

எழுத்தாளர் மதுமதி பரத் - சிறகில்லா தேவதை (இந்த கதை இன்னும் புத்தகமாக கூட வெளிவரவில்லை.

உங்கள் தளத்தில் எந்த திரியில் கொடுக்கப்பட்டு உள்ளதோ அதையும் பகிர்ந்து உள்ளேன்.
https://eegarai.darkbb.com/t146857p30-pdf-link-free-downlaod

Copyrighted files removing Reg Photo.php?fbid=474119183097278&set=a

by **சிவா** Wed Sep 26, 2018 4:35 pm

 காப்புரிமை மீறல் குறித்து அறியத் தந்தமைக்கு நன்றி நண்பரே!

 தாங்கள் குறிப்பிட்டிருந்த திரி நீக்கப்பட்டது!

Copyrighted files removing Reg

Copyrighted files removing Reg

Re: Copyrighted files removing Reg