ஒலிம்பிக் பதக்க திட்டத்தின் (டாப்ஸ்) இந்திய மகளிர் ஹாக்கி அணி சேர்க்கப்பட்டுள்ளது.

**ayyasamy ram** · **ayyasamy ram** Mon Oct 01, 2018 6:58 am

2020 டோக்கியோ ஒலிம்பிக் போட்டியில் பதக்கம் வெல்ல
வேண்டும் என்ற நோக்கில் மத்திய விளையாட்டுத் துறை
அமைச்சகம், பதக்கம் வெல்ல வாய்ப்புள்ள வீரர்களுக்கு
நிதியுதவியுடன் சிறப்பு பயிற்சி அளித்து வருகிறது.

ஏற்கெனவே இந்திய ஆடவர் ஹாக்கி அணியைச் சேர்ந்த
18 பேரும், டாப்ஸ் திட்டத்தின் கீழ் சேர்க்கப்பட்டுள்ளனர்.

இந்நிலையில் ஆசிய போட்டியில் இந்திய மகளிர் அணி
வெள்ளிப்பதக்கம் வென்றது. அவர்களை ஊக்கப்படுத்தும்
வகையிலும், தடையின்றி பயிற்சி பெறவும் ஏதுவாக
டாப்ஸ் திட்டத்தில் சேர்க்கப்பட உள்ளனர்.

ஹாக்கி இந்தியா அமைப்பு தொடர்ந்து இந்த
கோரிக்கையை முன்வைத்து வந்துள்ளது.

அடுத்த டாப்ஸ் பட்டியில் ஹாக்கி மகளிர் அணி
சேர்க்கப்பட்டு விடும். வீரர்களின் சாதனைகள்,
புள்ளிவிவரங்கள் குறித்து ஆராயப்பட்டு வருகிறது.

தேசிய சம்மேளனங்களிடமும் தேவையான ஆலோசனைகளை
கேட்டுள்ளோம். வரும் அக்டோபர் 30ஆம் தேதி இப்பணியை
நிறைவு செய்வோம்.

காலாண்டுக்கு ஒருமுறை டாப்ஸ் அதிகாரிகள் கலந்து
ஆய்வு செய்வர். தகுதியின் அடிப்படையிலேயே டாப்ஸ்
திட்டத்தில் சேர்க்கை இருக்கும் என விளையாட்டு
அமைச்சக வட்டாரங்கள் தெரிவித்தன.

தேசிய பயிற்சி முகாம்: பல்வேறு சிறப்பான வெற்றிகள் மூலம்
ஹாக்கி மகளிர் அணியில் உலக தரவரிசையில் 8-ஆவது
இடத்தில் இந்திய அணி உள்ளது.

இந்நிலையில் எதிர்வரும் சர்வதேச போட்டிகளை
எதிர்கொள்ளும் வகையில் 48 பேர் கொண்ட பட்டியல் தேசிய
பயிற்சி முகாமில் பங்கேற்கும் என அறிவிக்கப்பட்டுள்ளது.

சவிதா, ரஜனி எட்டிமர்பு, ஸ்வாதி, சஞ்சல், சோனால் மின்ச்,
ஜஸ்ப்ரீத் கௌர், உள்பட 48 பேர் பட்டியலில் உள்ளனர்.

அனைவரும் தலைமை பயிற்சியாளர் மார்ஜினிடம் ஆஜராக
அறிவுறுத்தப்பட்டுள்ளது.
-
-------------------------
தினமணி

ஒலிம்பிக் பதக்க திட்டத்தின் (டாப்ஸ்) இந்திய மகளிர் ஹாக்கி அணி சேர்க்கப்பட்டுள்ளது.

ஒலிம்பிக் பதக்க திட்டத்தின் (டாப்ஸ்) இந்திய மகளிர் ஹாக்கி அணி சேர்க்கப்பட்டுள்ளது.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக