இடைத்தேர்தல்: 4 தொகுதிகளுக்கான திமுக பொறுப்பாளர்கள் நியமனம்

திருப்பரங்குன்றம் உள்ளிட்ட 4 சட்டப்பேரவைத் தொகுதிகளுக்கு
நடைபெறும் இடைத்தேர்தலுக்கான கட்சியின் பொறுப்பாளர்களை
திமுக பொதுச் செயலாளர் க.அன்பழகன் அறிவித்துள்ளார்.

திருப்பரங்குன்றம், ஒட்டப்பிடாரம் (தனி), அரவக்குறிச்சி, சூலூர்
ஆகிய 4 சட்டப்பேரவைத் தொகுதிகளுக்கும் மே 19-ஆம் தேதி
இடைத்தேர்தல் நடைபெற உள்ளது.

இந்த 4 தொகுதிகளுக்கான திமுக பொறுப்பாளர்களை க.அன்பழகன்
வெள்ளிக்கிழமை அறிவித்தார். அதன் விவரம்:

திருப்பரங்குன்றம் தொகுதியின் பொறுப்பாளர்களாக திமுகவின்
துணைப் பொதுச்செயலாளர் ஐ.பெரியசாமி தலைமையில்
மாவட்டச் செயலாளர்கள் மு.மணிமாறன், பி.மூர்த்தி, சு.கல்யாணசுந்தரம்,
தங்கம் தென்னரசு, கோ.தளபதி, கே.ஆர்.பெரியகருப்பன்,
பி.கே.சேகர்பாபு, இ.பெ.செந்தில்குமார் உள்பட பலர் நியமிக்கப்பட்டுள்ளனர்.

ஒட்டப்பிடாரம் தொகுதியின் பொறுப்பாளர்களாக
முன்னாள் அமைச்சர் கே.என்.நேரு தலைமையில் மாநிலங்களவைத்
திமுக குழுத் தலைவர் கனிமொழி, மாவட்டச் செயலாளர்கள்
அனிதா ராதாகிருஷ்ணன், கீதாஜீவன், மா.சுப்பிரமணியன், சுரேஷ்ராஜன்,
கே.கே.எஸ்.எஸ்.ஆர்.ராமச்சந்திரன் உள்பட பலர் நியமிக்கப்பட்டுள்ளனர்.

அரவக்குறிச்சி தொகுதியின் பொறுப்பாளர்களாக முன்னாள் அமைச்சர்
க.பொன்முடி தலைமையில் மாவட்டச் செயலாளர்கள் சு.முத்துசாமி,
அர.சக்கரபாணி, தேர்தல் பணிக் குழுச் செயலாளர் டி.எம்.செல்வகணபதி
உள்பட பலர் நியமிக்கப்பட்டுள்ளனர்.

சூலூர் தொகுதியின் பொறுப்பாளர்களாக
முன்னாள் அமைச்சர் எ.வ.வேலு தலைமையில் மாவட்டச் செயலாளர்கள்
தா.மோ.அன்பரசன், ஏ.பி.நந்தகுமார், கொள்கைப் பரப்புச் செயலாளர்
ஆ.ராசா உள்பட பலர் நியமிக்கப்பட்டுள்ளனர்.
-
-------------------------------
தினமணி