மாணவிகளிடம் ஆபாச பேச்சு மரத்தில் கட்டி வைத்து ஆசிரியருக்கு அடி, உதை..!

**Tamilzhan** · **Tamilzhan** Fri Dec 25, 2009 12:07 pm

சேத்துப்பட்டுஈ பள்ளியில் மாணவிகளிடம் ஆபாசமாக பேசிய ஆசிரியரை பெற்றோரும், பொதுமக்களும் மரத்தில் கட்டி வைத்து தர்மஅடி கொடுத்தனர். சஸ்பெண்ட் செய்யப்பட்ட அவரை போலீசார் கைது செய்து சிறையில் அடைத்தனர்.

திருவண்ணாமலை மாவட்டம் பெரணமல்லூர் அரசு மேல்நிலைப் பள்ளியில் முதுநிலை பட்டதாரி ஆசிரியராக பணிபுரிபவர் ஜானகிராமன் (41). பிளஸ் 1, பிளஸ் 2 வகுப்பில் கணித பாடம் நடத்தி வந்தார். வகுப்பில் பாடம் எடுக்கும்போது மாணவிகளிடம் இரட்டை அர்த்த வார்த்தைகளால் ஆபாசமாக பேசியதாக கூறப்படுகிறது. இதுபற்றி பெற்றோரிடம் மாணவிகள் முறையிட்டனர்.

கடந்த வாரம் மாணவிகளிடம் மீண்டும் ஆபாசமாக பேசியதாக ஜானகிராமன் பற்றி தலைமை ஆசிரியருக்கு புகார் சென்றது. அவரை அழைத்து தலைமை ஆசிரியர் கண்டித்தார். இதையடுத்து அவர் விடுப்பில் சென்றார்.
இந்நிலையில், ஜானகிராமன் நேற்று மீண்டும் பள்ளிக்கு வந்தார். அவரைப் பார்த்ததும் மாணவிகளின் பெற்றோரும், பொதுமக்களும் ஆத்திரம் அடைந்தனர். ஆசிரியரைப் பிடித்து அடித்து மரத்தில் கட்டி வைத்தனர். சிலர் செருப்பு மாலை அணிவித்தனர். இதனால் அங்கு பரபரப்பு ஏற்பட்டது. பின்னர் அவரை போலீசில் ஒப்படைத்தனர்.

இதற்கிடையே, ஜானகிராமனை சஸ்பெண்ட் செய்து மாவட்ட முதன்மை கல்வி அலுவலர் பாலமுருகன் உத்தரவிட்டார். ஜானகிராமனை போலீசார் கைது செய்து வேலூர் சிறையில் அடைத்தனர்.

**Manik** · **Manik** Fri Dec 25, 2009 2:49 pm

இது அவருடைய மனநிலை கோளாறாக இருக்கலாம் அவரை மனநல மருத்துவரிடம் ஒப்படைத்தால் பிரச்சினை தீர்ந்து விடும் இதற்காக அவரை கட்டி வைத்து அடிப்பது அவரை துன்புறுத்துவது பெற்றோர்கள் செய்யும் மோசமான செயல்

மாணவிகளிடம் ஆபாச பேச்சு மரத்தில் கட்டி வைத்து ஆசிரியருக்கு அடி, உதை..!

மாணவிகளிடம் ஆபாச பேச்சு மரத்தில் கட்டி வைத்து ஆசிரியருக்கு அடி, உதை..!

Re: மாணவிகளிடம் ஆபாச பேச்சு மரத்தில் கட்டி வைத்து ஆசிரியருக்கு அடி, உதை..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக