தெண்டுல்கர், ஷேவாக்கை பின்னுக்கு தள்ளி டெஸ்டில் அதிக இரட்டை சதம் அடித்த கோலி

**ayyasamy ram** · **ayyasamy ram** Sat Oct 12, 2019 6:55 am

புனே,

தென்ஆப்பிரிக்காவுக்கு எதிராக புனேயில் நடந்து
வரும் 2-வது டெஸ்டில் இந்திய கேப்டன் விராட் கோலி
33 பவுண்டரி, 2 சிக்சருடன் 254 ரன்கள் குவித்து
வியப்பூட்டியதுடன், பல்வேறு சாதனைகளுக்கும்
சொந்தக்காரர் ஆனார்.

இது அவரது 7-வது இரட்டை சதமாகும். இதன் மூலம்
டெஸ்டில் அதிக இரட்டை சதங்கள் ருசித்த இந்திய
வீரர் என்ற மகிமையை பெற்றார்.

இதற்கு முன்பு ஜாம்பவான் சச்சின் தெண்டுல்கர்,
ஷேவாக் ஆகியோருடன் தலா 6 இரட்டை சதத்துடன்
சமனில் இருந்தார். அவர்களை கோலி இப்போது
பின்னுக்கு தள்ளியுள்ளார்.

* ‘ரன் குவிக்கும் எந்திரம்’ என்று வர்ணிக்கப்படும்
30 வயதான விராட் கோலி தனது முதலாவது இரட்டை
சதத்தை 2016-ம் ஆண்டு ஜூலை மாதம் வெஸ்ட்
இண்டீசுக்கு எதிராக அடித்திருந்தார்.

அதன் பிறகு 3 ஆண்டுகளில் அவரது இரட்டை சத
எண்ணிக்கை 7 ஆக உயர்ந்து விட்டது. இந்த காலக்
கட்டத்தில் மற்ற வீரர்களில் யாரும் 2 இரட்டை
சதங்களுக்கு மேல் அடித்ததில்லை என்பது
குறிப்பிடத்தக்க அம்சமாகும்.

* வெஸ்ட் இண்டீஸ் (200 ரன்), நியூசிலாந்து (211),
இங்கிலாந்து (235), வங்காளதேசம் (204), இலங்கை
(213 மற்றும் 243), தென்ஆப்பிரிக்கா (254*) ஆகிய
அணிகளுக்கு எதிராக கோலி இரட்டை சதத்தை
பதிவு செய்துள்ளார்.

இதே போல் 6 அணிகளுக்கு எதிராக இரட்டை சதம்
அடித்தவர்கள் என்று பார்த்தால், இலங்கையின்
சங்கக்கரா, பாகிஸ்தானின் யூனிஸ்கான் ஆகியோரும்
இச்சாதனையை செய்துள்ளனர். டெஸ்ட் விளையாடிய
அணிகளில் ஆஸ்திரேலியாவுக்கு எதிராக மட்டுமே
கோலிக்கு இரட்டை சதம் இன்னும் எட்டாக்கனியாக
இருக்கிறது.

தினத்தந்தி

**Dr.S.Soundarapandian** · **Dr.S.Soundarapandian** Sat Oct 12, 2019 9:06 pm

இந்த பதிவைத் துவங்கியவர் நன்றி கூறியுள்ளார் Dr.S.Soundarapandian

தெண்டுல்கர், ஷேவாக்கை பின்னுக்கு தள்ளி டெஸ்டில் அதிக இரட்டை சதம் அடித்த கோலி

தெண்டுல்கர், ஷேவாக்கை பின்னுக்கு தள்ளி டெஸ்டில் அதிக இரட்டை சதம் அடித்த கோலி

Re: தெண்டுல்கர், ஷேவாக்கை பின்னுக்கு தள்ளி டெஸ்டில் அதிக இரட்டை சதம் அடித்த கோலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக