அஜ்மானில் கொரோனா லேசர் மையம் பட்டத்து இளவரசர் துவக்கி வைத்தார்

**ayyasamy ram** · **ayyasamy ram** Sun Aug 23, 2020 11:07 am

ஆகஸ்டு- 20
-----------------------
அஜ்மானில் கொரோனா லேசர் மையம் பட்டத்து இளவரசர் துவக்கி வைத்தார் Corona-laser-center-in-ajman_2020_06_20

-
இளவரசர் ஷேக் அம்மார் பின் ஹுமைத் அல் நுயைமி நேற்று
தொடங்கி வைத்து பரிசோதனை செய்து கொண்டார்.

அமீரகத்தில் கொரோனா பரவுவதை தடுக்க அரசு பல்வேறு
நடவடிக்கைகளை எடுத்து வருகிறது. இதன் ஒரு பகுதியாக
அஜ்மானில் விரைவாக கொரோனா பரிசோதனை செய்யும்
வகையில் கொரோனா லேசர் பரிசோதனை மையம்
அமைக்கப்பட்டு உள்ளது.

அமீரகத்தின் வடக்கு பகுதிகளில் இத்தகைய நவீன
பரிசோதனை மையம் முதலாவதாக ஏற்படுத்தப்பட்டு உள்ளது.
இந்த மையம் 24 மணி நேரமும் செயல்படும் வகையில்
அமைக்கப்பட்டுள்ளது. 50 திர்ஹாம் செலவில் 3 நிமிடத்தில்
இந்த பரிசோதனைகள் செய்யப்படும்.

இந்த மையத்தில் 20 கவுண்ட்டர்கள் ஏற்படுத்தப்பட்டு உள்ளது.
தினமும் 6 ஆயிரம் முதல் முதல் 8 ஆயிரம் பேர் வரை
பரிசோதனை செய்யும் வகையில் வசதி உள்ளது.

இந்த கொரோனா பரிசோதனை மையத்தை அஜ்மான்
பட்டத்து இளவரசர் ஷேக் அம்மார் பின் ஹுமைத் அல் நுயைமி
தொடங்கி வைத்தார்.

அப்போது அவர் பேசும் போது, அஜ்மான் பகுதியில் கொரோனா பரிசோதனையை விரைவுப்படுத்தும் வகையில் நவீன லேசர்
உதவியுடன் மேற்கொள்ளப்படும் பரிசோதனை மையம்
ஏற்படுத்தப்பட்டுள்ளது.

இதன் மூலம் கொரோனா பரவுவது முற்றிலுமாக தடுக்கப்படும்
என்று தெரிவித்தார்.

இந்த மையத்தை தொடங்கி வைத்த பின்னர் அஜ்மான் ப
ட்டத்து இளவரசர் ஷேக் அம்மார் பின் ஹுமைத் அல் நுயைமி
முதல் ஆளாக தனக்கு கொரோனா பரிசோதனையை செய்து
கொண்டார்.

மேலும் அவருடன் வந்தவர்களும் இந்த பரிசோதனையை
செய்து கொண்டனர்.

தினபூமி

அஜ்மானில் கொரோனா லேசர் மையம் பட்டத்து இளவரசர் துவக்கி வைத்தார்

அஜ்மானில் கொரோனா லேசர் மையம் பட்டத்து இளவரசர் துவக்கி வைத்தார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக