நான்கு மூடர்கள் கதை

**ayyasamy ram** · **ayyasamy ram** Mon Oct 12, 2020 7:35 pm

நான்கு மூடர்கள் ஊர் ஊராக சுற்றிச் சுற்றி வந்தனர்.
ஒரு நாள் மாலை நேரம் நன்கு இருட்டியும் விட்டது.

நால்வரும் அப்படியே பாதையில் கொஞ்சம் ஒரமாய்ப்
படுத்து உறங்க ஆரம்பித்தனர்.

திருடர்கள் இருவர் அப்போது அந்த வழியே வந்தனர்.
ஒரே கும்மிருட்டு.

ஒரு திருடன் சொன்னான்,
‘வழியில கருப்பா கட்டைக சிலது கிடக்கும் போல
பாத்துவா’என்றான் மற்றொருவனிடம்.

நான்கு மூடர்களில் ஒருவனிடம் மட்டும் ஒரு கால்
ரூபாய் திட்டு இருந்தது. அதை அவன் கோவணத்தில்
முடித்து வைத்திருந்தான்

எல்லா மூடர்களும் உறங்குவது போல் பாசாங்கு செய்தனர்

எல்லாரையும் தாண்டித்தாண்டி இரு திருடர்களும்
சென்றனர்.

‘பாத்து வா இங்க பெரியகட்ட ஒண்ணும் கிடக்கு’ முதலில்
சென்ற திருடன் மீண்டும் எச்சரிக்கை செய்தான்..

கோவணத்தில் காசு முடிந்து வைத்திருந்த அந்தத் மூடனுக்கு
சும்மா இருக்க முடியவில்லை.

‘இந்த பெரிய கட்டயும் ஒண்ணும் சும்மா கெடக்கவில்லை.
ஒரு நாலணா பணத்தை கோமணத்துல முடிஞ்சிகினுதான்
படுத்து இருக்கு’
என்று தன் பெருமை பேசினான்.

‘ ஆகா கட்டை இல்ல இதுவ. எல்லாம் ஆளுவதான் . ’ சொல்லிய
திருடர்கள், நால்வருக்கும் தலா ரெண்டு உதை சரி வாட்டமாய்க்
கொடுத்தனர். அந்தக் கால் ரூபாய் பணத்தையும் பிடுங்கிக்
கொண்டு திருடர்கள் அங்கிருந்து புறப்பட்டார்கள்.

நன்றி- பழைய திண்ணை

**krishnaamma** · **krishnaamma** Tue Oct 13, 2020 10:06 pm

நான்கு மூடர்கள் கதை

நான்கு மூடர்கள் கதை

Re: நான்கு மூடர்கள் கதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக