அமெரிக்க அதிபர் தேர்தல்-

**ayyasamy ram** · **ayyasamy ram** Wed 4 Nov 2020 - 11:18

-
ஜோ பைடன்
------------------------------------------------
வாஷிங்டன்:

கொரோனா பரவல் சூழ்நிலைக்கு மத்தியில் அமெரிக்காவின்
அடுத்த அதிபரை தேர்வு செய்வதற்கான ஓட்டுப்பதிவு நடைபெற்று
முடிந்துள்ளது.

இந்த தேர்தலில் குடியரசு கட்சி சார்பில் டொனால்டு டிரம்பும்,
ஜனநாயகக் கட்சி சார்பில் ஜோ பைடனும் போட்டியிடுகின்றனர்.
துணை அதிபர் பதவிக்கு குடியரசு கட்சி சார்பில் மைக் பென்ஸ்
மற்றும் ஜனநாயகக் கட்சி சார்பில், இந்தியாவை பூர்வீகமாக
கொண்ட, கமலா ஹாரிஸ் ஆகியோர் போட்டியிடுகின்றனர்.

வாக்குப்பதிவு முடிந்துள்ள நிலையில், வாக்குகளை எண்ணும்
பணிகள் தொடங்கி நடைபெற்று வருகின்றன.

இந்நிலையில், ஜனநாயக கட்சி வேட்பாளர் ஜோ பைடன் 120க்கும்
அதிகமான வாக்குகளுடன் முன்னிலை பெற்றுள்ளார்.
குடியரசு கட்சி வேட்பாளர் டொனால்டு டிரம்ப் 90க்கும் அதிகமான
வாக்குகளுடன் பின்தங்கி உள்ளார்.

அமெரிக்காவின் நியூயார்க், வெர்மான்ட், மசாசூட்ஸ், நியூஜெர்சி,
கனக்டிகட், டெலவர் மாநிலங்களில் ஜோ பைடன் வெற்றி
பெற்றுள்ளார்.

இதேபோல் டொனால்டு டிரம்ப் ஓக்லஹாமா, கென்டக்கி, இண்டியானா,
டென்னிஸி, மேற்கு வெர்ஜினியா மாநிலங்களில் வெற்றி பெற்றுள்ளார்
-
மாலைமலர்

**ayyasamy ram** · **ayyasamy ram** Wed 4 Nov 2020 - 13:02

வாஷிங்டன்:
அமெரிக்க அதிபர் தேர்தல் முடிவுகள்: டிரம்ப், ஜோ பைடன் வென்ற மாநிலங்கள்
சர்வதேச அளவில் பெரும் எதிர்பார்ப்பை ஏற்படுத்திய அமெரிக்க அதிபர் தேர்தல் நடந்து முடிந்துள்ள நிலையில் வாக்கு எண்ணிக்கை விறுவிறுப்பாக நடைபெற்று வருகிறது. அதிபர் வேட்பாளர்களில் நேரடி போட்டியில் இருந்த டிரம்ப், ஜோ பைடன் ஆகியோர் பெற்ற வாக்குகள் மற்றும் பிரதிநிதிகளின் ஆதரவு குறித்த தகவல்கள் வெளியானவண்ணம் உள்ளன.

அமெரிக்க பாராளுமன்றத்தில் மொத்தம் உள்ள 538 பிரதிநிதிகளில் அதிபரை தேர்ந்தெடுக்க 270 பிரதிநிதிகளின் ஆதரவு தேவை. இந்திய நேரப்படி இன்று காலை நிலவரப்படி ஜோ பைடன் 129 வாக்குகளுடன் முன்னிலை பெற்றார். டிரம்ப் 108 வாக்குகளுடன் சற்று பின்தங்கியிருந்தார்.

அதன்பிறகும் பெரும்பாலான மாநிலங்களில் ஜோ பைடன் கை ஓங்கியது. 10.30 மணி நிலவரப்படி ஜோ பைடன் 223 வாக்குகளும், டிரம்ப் 166 வாக்குகளும் பெற்றிருந்தனர். ஆனால் பிரதிநிதிகள் அதிகம் உள்ள முக்கியமான மாநிலங்களில் டிரம்ப் முன்னிலை பெற்றிருந்தார்.

காலை நிலவரப்படி டிரம்ப் வெற்றி பெற்ற மாநிலங்கள்:

அலாஸ்கா, அர்கன்சாஸ், கான்சாஸ், கென்டக்கி, லூயிசியானா, மிசிசிப்பி, நெப்ராஸ்கா, வடக்கு டகோட்டா, ஓக்லஹாமா, தெற்கு டகோட்டா, டென்னிசி, மேற்கு விர்ஜினியா, வியோமிங், இண்டியானா, தெற்கு கரோலினா, உட்டா.

ஜோ பைடன் வென்ற மாநிலங்கள்:

கொலராடோ, கொலம்பியா, கனெக்டிகட், டெலாவர், இல்லினாய்ஸ், மேரிலேண்ட், மாசாசூசெட்ஸ், நியூ ஹாம்ஷயர், நியூ ஜெர்சி, நியூ மெக்சிகோ, நியூ யார்க், ரோட் தீவு, வெர்மான்ட், விர்ஜினியா, வாஷிங்டன், ஓரேகான், கலிபோர்னியா,

டெக்சாஸ் மாநிலத்தில் இரு வேட்பாளர்களுக்கும் இடையே சிறிய அளவிலேயே வித்தியாசம் இருந்தது. இரு கட்சிகளுக்கும் மாற்றி மாற்றி வாக்களிக்கும் மக்கள் அதிகம் கொண்ட மாநிலங்களில் இரு வேட்பாளர்களுக்கும் இடையே கடும் போட்டி நிலவுகிறது. இந்த மாநிலங்கள் தேர்தல் முடிவின் போக்கை மாற்றும் என கருதப்படுகிறது.

குறிப்பாக புளோரிடா, வட கரோலினா, ஜார்ஜியா, டெக்சாஸ் மற்றும் அரிசோனா ஆகிய மாநிலங்களின் தேர்தல் முடிவு இரு போட்டியாளர்களுக்கும் முக்கியமானது என்பது குறிப்பிடத்தக்கது.

மாலைமலர்

Guest · Guest Wed 4 Nov 2020 - 16:44

ஐயையோ ரோங்கா போகுதே!
தில்லுமுல்லுகள் நடக்குது.தேர்தலை நிறுத்தி விடுவேன்.......ட்ரம்ப் சாமியார்.

சாமியார் என நான் சொல்லல,நீங்கள்தான் கோயில் கட்டி இருக்கிறீர்களே!

Sponsored content · Sponsored content

அமெரிக்க அதிபர் தேர்தல்-

அமெரிக்க அதிபர் தேர்தல்-

Re: அமெரிக்க அதிபர் தேர்தல்-

Re: அமெரிக்க அதிபர் தேர்தல்-

Re: அமெரிக்க அதிபர் தேர்தல்-

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக