ஒத்த வார்த்தை".. பொசுக்குன்னு இப்படி சொல்லிட்டாரே "அய்யா"

. அல்லோகல்லப்படும் டிவிட்டர்!
சென்னை: பாமக நிறுவனர் ராமதாஸின் ட்விட்டருக்குள் நுழைபவர்கள் எல்லாரும் தலையை பிய்த்து கொண்டு, வெளியே வந்துவிடுகிறார்கள்.. அப்படி ஒரு ட்விட் போட்டு வைத்துள்ளார் டாக்டர் ஐயா! சில சமயங்களில் சீரியஸ் ட்வீட்களை பதிவிட்டு, மத்திய மாநில அரசுகளுக்கு கலக்கத்தையே உண்டு பண்ணுவார் ராமதாஸ்.. சில சமயங்களில் கதை சொல்வார்.. சில சமயங்களில் விடுகதை போடுவார். ஆனால், அந்த ட்வீட்களில் டாக்டர் யாரை சொல்லுகிறார்? எதற்காக சொல்கிறார்? ஏன் சொல்கிறார்? என்று தெரியாமல் பல சமயங்களில் ட்விட்டர்வாசிகள் குழம்பி விடுவதும் உண்டு.
இப்போது தேர்தல் நெருங்கும் சமயத்தில் ஒரு ட்விட் போட்டுள்ளார்.. எப்போதாவது ஒத்த வரி ட்வீட் போடும் டாக்டர் ராமதாஸ், இன்று ஒரே ஒரு வார்த்தையில் ட்வீட் போட்டுள்ளார். "யார் அந்த கிறுக்கன்" என்று மட்டும் பதிவிட்டுள்ளார். இதுதான் ட்விட்டர்வாசிகளுக்கு மண்டை காய்ந்து வருகிறது.. டாக்டர் யாரை சொல்கிறார்? என்று அவரவர்களே வசதிக்கேற்றபடி யூகித்து கொண்டு, ஒவ்வொரு கமெண்ட்களை பதிவிட்டு வருகின்றனர்.. யாரைச் சொல்கிறார் என்று தெரியாமல், அவரவர் விருப்பமானவர்களின் போட்டோ, வீடியோக்களை ட்விட்டர்வாசிகள் பதிவிட்டு வருகின்றனர். இளம் மனைவியை ரயிலில் தனியாக அனுப்பிய கணவன்.. வாழைப்பழம் தந்த தாத்தா.. அடுத்து நடந்த செம ட்விஸ்ட்! இதற்கு விடையே கிடைக்காமல், ட்விட்டர்வாசிகள் அல்லாடி கொண்டிருக்கிறார்கள் நெட்டிசன்கள்... மேலும் சிலர் ட்விட்டருக்குள் நுழைந்ததுமே, இந்த ட்வீட்டை பார்த்ததும், உள்ளே போன வேகத்திலயே வெளியே வந்து கொண்டிருக்கிறார்கள். டாக்டர் ஐயாவே அது யார் என்று சொன்னால்தான் உண்டு!

நன்றி தட்ஸ்தமிழ்.

நண்பரொருவரின் கிண்டல் பதில்.

எல்லோருக்கும் தெரியுமே.ஏனிந்த சுய அறிமுகம் இப்போது என்கிறார் நண்பரொருவர்.

காலை 6:45 க்கு போட்ட டுவிட்டர் பதிவுக்காக இந்த கேள்வியா? உன் குற்றமா, அட்மின் குற்றமா,தூக்க கலக்கமா? யாரை நான் குற்றம் சொல்ல!

திமுக அணியில் இருக்கும் போது அதிமுகவை ஊழல் கட்சி என்பார்
அதிமுக அணியில் இருக்கும் போது திமுகவை ஊழல் கட்சி என்பார்
மரங்களை வெட்டுவார். மரக்கன்னுகளை நடுவார்.
தன் குடும்பத்தில் இருந்து யாரும் அரசியலுக்கு வரமாட்டார்கள் என்பார்.
வந்தால் நாற்சந்தியில் சவுக்கால் அடியுங்கள் என்பார்.
அவர் கூறுவதை அவரே சீரியஸாக எடுக்கமாட்டார் என நினைக்கிறேன்.
அந்த ஒத்த வார்த்தை .....யாருமே சீரியஸாக எடுக்கவேண்டாம்