இந்தியாவின் ‛டூம்ஸ்டே' ஆக மாறுகிறார் ராகுல்: நிர்மலா கடும் தாக்கு

-
புதுடில்லி: இந்தியாவின் ‛டூம்ஸ்டே' ஆக ராகுல் மாறி வருகிறார் என மத்திய நிதி அமைச்சர் நிர்மலா சீதாராமன் தெரிவித்துள்ளார்.

லோக்சபாவில், மத்திய பட்ஜெட் மீதான விவாதத்திற்கு பதிலளித்து நிர்மலா சீதாராமன் பேசியதாவது: ராகுல் தொடர்ந்து விளிம்பு நிலை அரசியலில் ஈடுபடுவதுடன், அரசியலமைப்புபடி தேர்வு செய்யப்பட்டவர்களை அவமதிக்கிறார். அவர், இந்தியாவின் ‛டூம்ஸ்டே' ஆக மாறி வருகிறார். இந்த ‛டூம்ஸ்டே' நபர் பிடியில் இருக்கும் கட்சி குறித்து எனக்கு அச்சம் உள்ளது.

சுதந்திர இந்தியா வரலாற்றில், ஒவ்வொரு ஆண்டும், பட்ஜெட் குறித்து விவாதம் இடம்பெற்றுள்ளது. ஆனால், இந்த ஆண்டு பட்ஜெட் குறித்து பேசாமல், எதிர்க்கட்சி தலைவர் என்ன கூற விரும்புகிறார்.


நிர்மலா கேள்வி


* காங்கிரஸ் தேர்தல் அறிக்கையில், விவசாய துறையில் சீர்திருத்தம் கொண்டு வருவோம் என கூறிய காங்கிரஸ், தற்போது பல்டி அடித்திருப்பது ஏன் என ராகுல் விளக்குவார் என எதிர்பார்க்கிறேன்.
* காங்கிரஸ் ஆட்சியில் இருந்த ம.பி., மற்றும் தற்போது ஆட்சியில் இருக்கும் ராஜஸ்தான், சத்தீஷ்கரில் விவசாய கடன் தள்ளுபடி ஏன் செய்யப்படவில்லை என்பது பற்றி ராகுல் கூறுவாரா? விவசாயிகள் மீது அனுதாபம் கொண்டிருக்கும் காங்கிரஸ், விவசாய கடன் ரத்து என்ற வாக்குறுதியை அளித்து ஆட்சியை பிடித்ததும் ஏன் அதனை நிறைவேற்றவில்லை


latest tamil news


* பஞ்சாப் கொண்டு வந்துள்ள விவசாயிகளை சிறைக்கு அனுப்பும் வகையில், கொண்டு வந்துள்ள ‛காலா கனூன்' சட்டம் குறித்து ராகுல் ஏதாவது கூறுவாரா? அந்த சட்டத்தை திரும்ப பெற பஞ்சாப் முதல்வரிடம் வலியுறுத்துவேன் என ராகுல் கூறுவார் என நான் எதிர்பார்க்கிறேன்.
* விவசாய கழிவுகளை எரிப்பது பற்றி ஏதாவது கூறுவார் என எதிர்பார்த்தேன். ஆனால், அவர் எதையும் கூறவில்லை
* வேளாண் சட்டத்தில், விவசாயிகளுக்கு எதிராக உள்ள அம்சம் என ஏதாவது ஒன்றை, ராகுல் கூறுவார் என எதிர்பார்க்கிறேன்
* வேளாண் சீர்திருத்தம் குறித்து முன்னாள் பிரதமர் மன்மோகன் சிங் குறித்து பிரதமர் மோடி மேற்கோள் காட்டினார். இதனால், மன்மோகனை காங்கிரஸ் அவமரியாதை செய்யாது என ராகுல் கூறுவார் என எதிர்பார்த்தேன். மன்மோன் கொள்கையை காங்கிரஸ் ஏன்மறந்தது என கூறுவார் என பார்த்தேன்
*நாட்டில் எங்காவது விவசாய பொருட்கள் விற்பனை சந்தை மூடப்பட்டுள்ளது என்பதற்குஒரு ஆதாரத்தை காட்ட முடியுமா? இதற்காக ஒரு ஆதாரத்தை கொண்டு வருவார் என நான் எதிர்பார்த்தேன்.

* பிரதமர் மோடி, சிறு விவசாயிகள் குறித்து பேசும் போது, ராகுல், தனது உறவினர், விவசாயிகளிடம் மலிவு விலைக்கு வாங்கிய நிலத்தை திரும்பி கொடுக்க சொல்வார் என எதிர்பார்த்தேன். ஆனால், அது நடக்கவில்லை.
இது எனது எதிர்பார்ப்பு அல்ல. ராகுலுக்கான எனதுகேள்விகள்.
ஆனால், அரசியல் அமைப்புபடி தேர்வு செய்யப்பட்டவர்களை அவர் ஏன் அவமதிப்பது ஏன்? காங்கிரஸ் ஆட்சியில் பிரதமராக மன்மோகன் சிங் இருந்த போது, அவசர சட்டநகலை கிழித்து எறிந்த மனிதர்தானே ராகுல். அனைவரையும் அவமதிக்கிறார். ஜனாதிபதி, பிரதமர், சபாநாயகர் என அனைவரையும் அவமதிப்பதுடன், தொடர்ந்து பொய் கூறி நாட்டை இழிவுபடுத்தி வருகிறார். நாட்டை பிளவுபடுத்தும் குழுக்களுடன் காங்கிரஸ் சேர்ந்து கொண்டு பொய்யான கருத்துகளையும், போலியான கட்டுகதைகளையும் அவர் உருவாக்கி வருகிறார்.

கொரோனா காலத்தில் அவர் என்ன கூறினார் என்பது எனக்கு நினைவு இருக்கிறது. அதனை திரும்ப கூறி, இந்த அவையின் நேரத்தை வீணடிக்க விரும்பவில்லை. ஆனால், அது இந்தியாவை தொடர்ந்து இழிவுபடுத்துவேன் என்பது போல் இருந்தது. இவ்வாறு அவர் பேசினார்.

டூம்ஸ்டே என்பது என்ன
-

-

‛டூம்ஸ்டே ' என்பது படக்கதைகளில் வரும் ஒரு கற்பனை
பாத்திரம். மிகவும் சக்திவாய்ந்த கொடூரமான தன்னைத்
தானே மீண்டும் மீண்டும் உயிர்பித்து கொள்ளக்கூடியது.

சூப்பர் மேன் என்ற இன்னொரு, பலம் வாய்ந்த மனித
சமுதாயத்திற்கு நல்லது செய்யும், சக்திவாய்ந்த
கதாபாத்திரத்தை இந்த டூம்ஸ்டே தான் கொன்றுவிட்டதாக
கதைகளில் கற்பனையாக ஏற்கனவே எழுதப்பட்டுள்ளது.

டூம்ஸ்டே கெட்ட எண்ணம் உடைய கதா பாத்திரமாகவும்
கருதப்படுகிறது.

இந்த கார்ட்டூனை அமெரிக்காவை சேர்ந்த டான் ஜர்ஜென்ஸ்,
பிரெட் பிரிடீங், ஜெரி ஓர்ட்வே, லூசி சைமன்சன்,
ரோஜர் ஸ்டெர்ன் ஆகியோர் உருவாக்கினர். இந்த
கதா பாத்திரம் முதலில், அமெரிக்க காமிக் புத்தகங்களில்
இடம்பெற்றது.

தொடர்ந்து, 1992ம் ஆண்டு ‛சூப்பர் மேன்- தி மேன் ஆப் ஸ்டீல் - 17'
என்ற காமிக் புத்தகத்தில் சிறப்பு தோற்றத்தில் வந்த இந்த கதா
பாத்திரம், அதே ஆண்டில் ‛ ‛சூப்பர் மேன்- தி மேன் ஆப் ஸ்டீல் - 18' ல்
என்ற முழு கதாபாத்திரமாக தோன்றியது.

தினமலர்