கைக்கிளை

aanmeegam · aanmeegam Wed Jun 09, 2021 9:43 pm

கடவுள் பெயர் கொண்டவளே
எனைக் கனவுகளில் கொன்றவளே..

உந்தன் புன்னகையில் புதைந்தெந்தன்
சிந்தைகளும் சிதைந்ததடி..

கடைக்கண்ணால் நீ தாக்க
கைக்கிளையால் நான் தவிக்க..

காதலெனும் கானல்நீரில்
காகிதக் கப்பலானேனடி..

நண்பரிடத்தில் நான்பெற்ற
நற்பெயரெல்லாம் நலிந்துபோக..

என் கவனமெல்லாம் உன்னைக்
கவர்தலிலே காணாமல் போனதடி..

நாளடைவில் என் நெஞ்சில்
உன் நஞ்சும் குடிகொள்ள..

பிழையறியாப் பேதை உன்மேல்
பழி சொல்லத் தோனுதடி..

என் காதல் மறுத்தவுடன் மரித்துவிட
நீயொன்றும் முதற்காதலல்ல..

இருந்துமென் கடந்த காலம் இன்றுன்னால்
இறந்த காலமானதடி..

(4-5 வருடங்களுக்கு முன்னால் எழுதியது.)