எம்ஜிஆர் பிறந்த நாளில் தமிழர் உரிமை காக்க சபதம் ஏற்போம்: ஜெயலலிதா

rikniz · rikniz Sun Jan 17, 2010 5:39 pm

தமிழக முன்னாள் முதல்வர் எம்.ஜி.ஆர் அவர்களின் 93 வது பிறந்தநாளான இன்று தமிழர் உரிமை காக்க சபதம் ஏற்போம் என்று ஜெயலலிதா தெரிவித்துள்ளார்.
அதிமுக பொதுச் செயலாளர் ஜெயலலிதா நேற்று வெளியிட்ட அறிக்கை:

எம்ஜிஆரின் 93வது பிறந்த நாள், நமக்கெல்லாம் மகிழ்ச்சியூட்டும் நாள். அரசியலில், திரைத் துறையில், தனி மனித வாழ்வில், எவராலும் வெல்ல முடியாத அளவுக்கு சரித்திர நாயகனாக வாழ்ந்து காட்டினார். இலவச சத்துணவு திட்டம், இலவச வேட்டி, சேலை திட்டம், பிற்படுத்தப்பட்ட மக்களுக்கான இடஒதுக்கீட்டை 30 சதவீதத்தில் இருந்து 50 சதவீதமாக உயர்த்தியது என பல சாதனைகளை செய்தார்.

ஆட்சி கட்டிலில் அமர்வதற்கு முன்பே, தமிழ்நாட்டின் தண்ணீர் பிரச்னையை அவர் தீர்த்து வைத்தார். 1977ம் ஆண்டு பொது தேர்தலுக்கு முன்பு, தமிழகம் முழுவதும் சுற்றுப்பயணம் செய்த போது, வற்றிய ஏரி, குளங்களையும், வாடிய பயிர்களையும் பார்வையிட்டார். இதையடுத்து, கர்நாடக பொதுப்பணித் துறை அமைச்சர் வீட்டுக்கு சென்று காவிரியில் தண்ணீர் விட கோரிக்கை வைத்தார். எம்ஜிஆர் திரும்பி வருவதற்கு முன்பாகவே, காவிரி தண்ணீர் தமிழகம் வந்தது.

ஆனால், இன்று உச்சநீதிமன்றத் தீர்ப்பையும் மீறி, முல்லை பெரியாறு அணைக்கு அருகில் புதிய அணை கட்டுவதற்கான ஆய்வு பணிகளை மேற்கொள்ள கேரள அரசுக்கு மத்திய அரசு அனுமதியளித்துள்ளது.

2007ம் ஆண்டு வழங்கப்பட்ட காவிரி நடுவர் மன்றத்தின் இறுதி தீர்ப்பை கூட மத்திய அரசிதழில் இன்று வரை வெளியிட முடியாத நிலை உள்ளது. தமிழகத்துக்கு எதிராக இத்தகைய துரோகங்களை மத்திய அரசு செய்துள்ளது. எனவே, தமிழகத்தை காக்க, உலக தமிழர்களின் உரிமைகளை காக்க இந்த நாளில் சபதம் ஏற்போம். எம்ஜிஆர் பிறந்த நாளை அதிமுகவினர் சிறப்பாக கொண்டாட வேண்டும்.

kirupairajah · kirupairajah Sun Jan 17, 2010 7:56 pm

rikniz wrote:எம்ஜிஆரின் 93வது பிறந்த நாள், நமக்கெல்லாம் மகிழ்ச்சியூட்டும் நாள். அரசியலில், திரைத் துறையில், தனி மனித வாழ்வில், எவராலும் வெல்ல முடியாத அளவுக்கு சரித்திர நாயகனாக வாழ்ந்து காட்டினார்.

பதிவிற்கு நன்றி ரிக்னிஸ்!